Ṯiinyicǝ hakwɔɔma naana.
1 Ethi lizi tatap iinyici lizi naana kila lǝthi sɔlṯa kwǝthi hakwɔɔma. Kaka nǝṯi-gwɔ sɔlṯa iila tatap naanɔ-gwɔ Allah, nǝ kila limthi kire-kirem-ŋgwɔ nǝ Allah oro winḏǝthǝsi. 2 Ŋwɔṯaŋw mɔŋw dirnacci kweere kila limthi sɔlṯa tǝ, nɔŋwɔni kwɔdirnathalɔ ŋgwa kwǝlli Allah-na, nɔŋwɔni kwɔvthannica hɔkwɔma. 3 Kaka niti nǝṯi-gwɔ kila lisaaw ere ṯeenye lisɔlṯaana mac, laakin nǝroro kila ligii lǝṯi ṯeenye. A kwɔnaŋna etheere ṯeenye ŋgwa kwumthi sɔlṯa mac-a? Nǝ ǝrrǝsi-mǝ ŋa ŋisaaw, mindaŋ mɔŋw aamina ŋaaŋgi, 4 kaka nɔrɔ-ŋgwɔ khaḏaam kǝthi ŋothɽor ŋǝthi Allah ŋisaaw ŋǝni ŋɔɔŋa. Laakin mǝsi ǝrri ŋigii tǝ, a ṯeenye, kaka niti nǝṯɔ-ŋgwɔ appi kaalala-lɔ domony mac; kaka nɔrɔ-ŋgwɔ khaḏaam kǝthi Allah, ǝṯɔŋwsi ǝccǝ kila haakima ŋirŋasa-ŋi ŋǝthi Allah kila lǝṯisi ǝrri ŋigii. 5 Ŋwɔṯaŋw nǝr ɔvthanni ethi iinyici sɔlṯa naana, nǝreere ǝniŋw ethi kilatha ŋirŋasa ŋǝthi Allah ṯɔɽɔk mac, laakin nǝroro ŋǝthi ṯɔgwor tok. 6 Nǝ nǝrṯoro ŋǝthi sǝbǝbǝ ŋgwɔ ethi kwette kette ṯɔlba tok, kaka nɔrɔ-gwɔ lisɔlṯaan yaḏaam yǝthi Allah, kaka nǝṯir-gwɔ ṯǝ ǝrri ŋothɽor ŋɔ. 7 Ǝṯisi inḏǝthǝ tatap ŋgwa kweeŋen kwɔnaŋnar, ɔrɔ-gwɔ ṯɔlba, ǝsi inḏǝthǝ kila lǝthi ṯɔlba ŋa, nǝ tok ṯǝthi kwomne kwaalɔ wɔɽe-wɔɽeny, ǝṯi iiɽinǝ ŋgwa kwɔvthannica ṯiiɽǝ-nǝ, nǝ ǝṯi nii-naǝ ŋgwa kwɔvthannica ṯiniyǝnǝ.
Ṯimǝccithisǝ-nǝ wɔɽe-wɔɽeny.
8 Ǝṯi-gi ǝthi kweere kǝmzu mac, illi ethi amɽathisina wɔɽe-wɔɽeny, mɔŋw amɽi kweere jaara kwuuŋwun nɔŋwɔni kwiinyicǝ Sherii@a naana. 9 Nǝ waamir wǝṯaarɔŋw, “Ǝṯeere oro kwiijin mac, eṯeere kette ḏimmi mac, ǝṯeere nyiimi mac, ǝṯi-ŋa ŋɔwaay ere yatha mac.”
Wɔ tatap nǝ wir ter tok, nɔŋw ɔɽɔmaṯṯi tatap ethi wɔ-la wǝni-ŋwɔ, “Ǝṯamɽi jaara kwɔɔŋa kaka nǝṯi-gwɔ amɽi rogɽo rɔɔŋwa.” 10 Ṯamɽa ṯiti ṯǝti ǝrrici jaara kwuuŋwun ŋiɽaŋali ŋigii mac, ŋwɔṯaŋw ǝṯi ṯamɽa ǝni ṯǝṯi ṯimmasi waamira kworo.
11 Nǝ ŋɔ tatap nǝsi elŋe ŋǝthi lɔɔmɔr kala, kaka mǝgwɔ lɔɔmɔr laalɔ ṯimmayini ethi kiɽiṯa ki-ŋwaarɔ-na. Kaka mǝnyji-gwɔ ŋiglǝthǝ naanasi keṯṯok kirem ethi kerreny-ŋwɔla kinaŋw nǝmminǝr-gwɔ. 12 Kulu kimaadithi ethi ṯamthɔ, nǝ aaŋwɔn aadithi ethi allitha. Ǝri urṯunǝlɔ ŋothɽor-ŋi ŋa wur ŋǝthi kirim, mindaŋ mǝr kenne kwomne kwǝthi fɔɔri. 13 Ǝri aami eleŋw kaka lizi lǝṯi iirǝrǝlɔ ki-fɔɔri-na kwǝthi aaŋwɔn, etheere athvayini wala ethi urlǝli mac, wala ŋeere ŋir ŋǝrṯǝmbǝl, wala ŋudur, wala ŋurrǝthǝ, wala ethi kee ŋiɽany. 14 Laakin a kenne Kweelenyi kwǝni Yǝcu Kwɔrɔstɔ-ŋw, mindaŋ ǝsi-ṯǝ rilliŋw ŋa ŋǝṯisi aŋna naŋni ethi ṯimmaci sɔɔrɔma kwuuŋwun kworo.
Ṯiinyicǝ hakwɔɔma naana.
1 Ethi lizi tatap iinyici lizi naana kila lǝthi sɔlṯa kwǝthi hakwɔɔma. Kaka nǝṯi-gwɔ sɔlṯa iila tatap naanɔ-gwɔ Allah, nǝ kila limthi kire-kirem-ŋgwɔ nǝ Allah oro winḏǝthǝsi. 2 Ŋwɔṯaŋw mɔŋw dirnacci kweere kila limthi sɔlṯa tǝ, nɔŋwɔni kwɔdirnathalɔ ŋgwa kwǝlli Allah-na, nɔŋwɔni kwɔvthannica hɔkwɔma. 3 Kaka niti nǝṯi-gwɔ kila lisaaw ere ṯeenye lisɔlṯaana mac, laakin nǝroro kila ligii lǝṯi ṯeenye. A kwɔnaŋna etheere ṯeenye ŋgwa kwumthi sɔlṯa mac-a? Nǝ ǝrrǝsi-mǝ ŋa ŋisaaw, mindaŋ mɔŋw aamina ŋaaŋgi, 4 kaka nɔrɔ-ŋgwɔ khaḏaam kǝthi ŋothɽor ŋǝthi Allah ŋisaaw ŋǝni ŋɔɔŋa. Laakin mǝsi ǝrri ŋigii tǝ, a ṯeenye, kaka niti nǝṯɔ-ŋgwɔ appi kaalala-lɔ domony mac; kaka nɔrɔ-ŋgwɔ khaḏaam kǝthi Allah, ǝṯɔŋwsi ǝccǝ kila haakima ŋirŋasa-ŋi ŋǝthi Allah kila lǝṯisi ǝrri ŋigii. 5 Ŋwɔṯaŋw nǝr ɔvthanni ethi iinyici sɔlṯa naana, nǝreere ǝniŋw ethi kilatha ŋirŋasa ŋǝthi Allah ṯɔɽɔk mac, laakin nǝroro ŋǝthi ṯɔgwor tok. 6 Nǝ nǝrṯoro ŋǝthi sǝbǝbǝ ŋgwɔ ethi kwette kette ṯɔlba tok, kaka nɔrɔ-gwɔ lisɔlṯaan yaḏaam yǝthi Allah, kaka nǝṯir-gwɔ ṯǝ ǝrri ŋothɽor ŋɔ. 7 Ǝṯisi inḏǝthǝ tatap ŋgwa kweeŋen kwɔnaŋnar, ɔrɔ-gwɔ ṯɔlba, ǝsi inḏǝthǝ kila lǝthi ṯɔlba ŋa, nǝ tok ṯǝthi kwomne kwaalɔ wɔɽe-wɔɽeny, ǝṯi iiɽinǝ ŋgwa kwɔvthannica ṯiiɽǝ-nǝ, nǝ ǝṯi nii-naǝ ŋgwa kwɔvthannica ṯiniyǝnǝ.
Ṯimǝccithisǝ-nǝ wɔɽe-wɔɽeny.
8 Ǝṯi-gi ǝthi kweere kǝmzu mac, illi ethi amɽathisina wɔɽe-wɔɽeny, mɔŋw amɽi kweere jaara kwuuŋwun nɔŋwɔni kwiinyicǝ Sherii@a naana. 9 Nǝ waamir wǝṯaarɔŋw, “Ǝṯeere oro kwiijin mac, eṯeere kette ḏimmi mac, ǝṯeere nyiimi mac, ǝṯi-ŋa ŋɔwaay ere yatha mac.”
Wɔ tatap nǝ wir ter tok, nɔŋw ɔɽɔmaṯṯi tatap ethi wɔ-la wǝni-ŋwɔ, “Ǝṯamɽi jaara kwɔɔŋa kaka nǝṯi-gwɔ amɽi rogɽo rɔɔŋwa.” 10 Ṯamɽa ṯiti ṯǝti ǝrrici jaara kwuuŋwun ŋiɽaŋali ŋigii mac, ŋwɔṯaŋw ǝṯi ṯamɽa ǝni ṯǝṯi ṯimmasi waamira kworo.
11 Nǝ ŋɔ tatap nǝsi elŋe ŋǝthi lɔɔmɔr kala, kaka mǝgwɔ lɔɔmɔr laalɔ ṯimmayini ethi kiɽiṯa ki-ŋwaarɔ-na. Kaka mǝnyji-gwɔ ŋiglǝthǝ naanasi keṯṯok kirem ethi kerreny-ŋwɔla kinaŋw nǝmminǝr-gwɔ. 12 Kulu kimaadithi ethi ṯamthɔ, nǝ aaŋwɔn aadithi ethi allitha. Ǝri urṯunǝlɔ ŋothɽor-ŋi ŋa wur ŋǝthi kirim, mindaŋ mǝr kenne kwomne kwǝthi fɔɔri. 13 Ǝri aami eleŋw kaka lizi lǝṯi iirǝrǝlɔ ki-fɔɔri-na kwǝthi aaŋwɔn, etheere athvayini wala ethi urlǝli mac, wala ŋeere ŋir ŋǝrṯǝmbǝl, wala ŋudur, wala ŋurrǝthǝ, wala ethi kee ŋiɽany. 14 Laakin a kenne Kweelenyi kwǝni Yǝcu Kwɔrɔstɔ-ŋw, mindaŋ ǝsi-ṯǝ rilliŋw ŋa ŋǝṯisi aŋna naŋni ethi ṯimmaci sɔɔrɔma kwuuŋwun kworo.