Lizi lǝthi Israa-iil lir 144,000.
1 Kwaathan tǝ ninyeese limeleka kwaɽiŋan lirlɔ ki-rɔkɔn kwaɽiŋan rǝthi ṯurmun, limthi kɔrɔni kir kwaɽiŋan, mindaŋ ethi kɔrɔn ere ɔppalɔ ki-ṯurmun-nǝ mac, wala ki-bahar-la, wala ethi ɔppɔpatha kwaaɽi naana kweere. 2 E-ta ninyeese meleka kwɔthaathɔ kwɔthaaŋwɔ aaŋwɔn-yi, kwɔppa khaaṯima kǝthi Allah wumiithɔ, mindaŋ nɔŋw ɔrnɔṯi limeleka kwaɽiŋan ṯogɽo-thi ṯɔppa, kila linḏǝthǝrsi ŋɔma ŋǝthi-ŋi kiirasi ṯurmunǝ-lɔ nǝ bahar tok, 3 mindaŋ nɔŋwaarɔŋw, “Ǝṯi kiirasa ṯurmunǝ-lɔ mac, wala bahara wala yaaɽi, mindaŋ mǝnyii uɽuci yaḏaama rac yǝthi Allah wǝri nimrǝ ki-yithul-lǝ yeeŋen.” 4 Nǝ nenyii neŋne ŋwɔɔɽɔŋi ŋwɔthi kila luuɽunnǝ, lir miiyyǝ arba@ wa arba@iin alf luuɽunnǝ, lǝthi yǝbiilǝ tatap yǝthi nyɔr nyǝthi Israa-iil yir wrii-kwuɽǝn:
5 lǝthi gǝbiilǝ kǝthi Yahuuthǝ nǝrsi uɽu 12,000,
lǝthi gǝbiilǝ kǝthi Ra-ɔbiin nǝrsi uɽu 12,000,
lǝthi gǝbiilǝ kǝthi Jaaḏ nǝrsi uɽu 12,000,
6 lǝthi gǝbiilǝ kǝthi Ashiir nǝrsi uɽu 12,000,
lǝthi gǝbiilǝ kǝthi Nafṯaali nǝrsi uɽu 12,000,
lǝthi gǝbiilǝ kǝthi Manassa nǝrsi uɽu 12,000,
7 lǝthi gǝbiilǝ kǝthi Sham@uun nǝrsi uɽu 12,000,
lǝthi gǝbiilǝ kǝthi Laawi nǝrsi uɽu 12,000,
lǝthi gǝbiilǝ kǝthi Yassaakir nǝrsi uɽu 12,000,
8 lǝthi gǝbiilǝ kǝthi Zabuuluun nǝrsi uɽu 12,000,
lǝthi gǝbiilǝ kǝthi Yuusuf nǝrsi uɽu 12,000,
lǝthi gǝbiilǝ kǝthi Ban-yaamiin nǝrsi uɽu 12,000.
Lɔdɔŋw lɔppa lǝthi lizi ki-leere-na.
9 Kwaathan tǝ nenyii dimmǝ yǝy, ninyeese lɔdɔŋw lɔppa. Mindaŋ nǝ kwizi ere kweere mac kwǝthi ŋɔma ethi iiɽǝthǝ lizi tatap, kila linḏi jinisǝ-nǝ ter-ter, yǝbiilǝ mindaŋ, ŋeeleny mindaŋ, nǝ lir riŋla-na ter-ter, nǝr rilli kiyǝnǝ yǝthi kwɔrsi kwǝthi ŋeeleny, nǝ kiyǝnǝ yǝthi Tirany tok, liginna lɔɔvana lifiithɔ per-per, lappa rill rǝthi kwaaɽi kwǝthi ḏǝmur ki-rii-na reeŋen. 10 Nǝr urnuni rogɽo-ri rɔppa laarɔŋw, “Ŋiglǝthǝ ŋǝṯi iila naanɔ-gwɔ Allah wǝri, wǝṯi naanalɔ kwɔrsi-la kwǝthi ŋeeleny, nǝ naanɔ-gwɔ Tirany tok!” 11 Nǝ limeleka tatap rilli lirikkathǝ kwɔrsiya-lǝ kwǝthi ŋeeleny, nǝ lishiyuukh tok, nǝ haywaanaaṯ tok wɔmiithɔ wir kwaɽiŋan. E-ta nǝr iidǝcci kwɔrsiya-lɔ kwǝthi ŋeeleny lɔgwɔcca Allah-lɔ, 12 laarɔŋw, “Amiin! Ethi ṯibɽǝthǝ yiriny, nǝ ŋinith mindaŋ, ṯǝthinǝ yǝnǝ mindaŋ nǝ shukran mindaŋ, ṯiiɽǝnǝ mindaŋ, ŋɔma mindaŋ, na sɔlṯa tatap tok, ethiŋworo kwǝthi Allah wǝri wǝṯi nannatha dok-dok! Amiin.”
13 Nǝ kwette kwǝthi lishiyuukh uṯici nyuŋw-lɔ nɔŋwaarɔŋw, “Lizi lindǝr lǝndu kɔlɔ liginna lɔɔvana lifiithɔ per-per, linḏi ṯaka-ŋgi?” 14 Nǝnyii ǝŋnici nenyii ǝccǝŋw, “Yaa sǝyyiḏ lende lilŋica-nyji ǝzir mac, ŋa kwɔrɔ kwilŋicasi ǝzir.” E-ta nɔŋwɔccǝ nyuŋwɔŋw, “Lizi kɔlɔ lindǝr limǝ aaɽa liglathɔ ki-ṯurvǝ-na ṯɔppa ṯǝthi ṯǝwɽǝ yǝy-lɔ. Lindǝr-ṯǝ limǝ iyi lɔɔvana leeŋen, mindaŋ nǝrsi fiithi per-per ŋin-ŋi ŋǝthi Tirany. 15 Ŋindǝr-ṯǝ ŋɔ mindaŋ ǝṯir-mǝ rilli kiyǝnǝ yǝthi kwɔrsi kwǝthi ŋeeleny ŋǝthi Allah, na ǝṯir ǝkkici ŋothɽor yaaŋwɔn nǝ yulŋǝ tok ki heikal-na wuuŋwun. Nǝ ŋgwa kwǝṯi naanalɔ kwɔrsi-la kwǝthi ŋeeleny, kwinḏi ethi nanni deŋgen-na ethisi aŋraci. 16 Ǝsi yaaŋwɔ ere yee kwokwony mac, wala ethisi ǝwthǝ yee kwokwony; wala ethisi aaŋwɔn dɔnni, wala ethisi kiijaŋ dɔnni. 17 Kaka nɔrɔ-gwɔ Tirany taaɽa teeŋen kira tinaanɔ kelgeny-na kǝthi kwɔrsi kwǝthi ŋeeleny. Mindaŋ ŋwɔsi mɔltatha rɔwǝ naana rǝthi ŋaaw ŋimiithɔ. E-ta ǝsi-mǝ Allah firṯatha ŋwal ki-yǝy-nǝ yeeŋen.”
Lizi lǝthi Israa-iil lir 144,000.
1 Kwaathan tǝ ninyeese limeleka kwaɽiŋan lirlɔ ki-rɔkɔn kwaɽiŋan rǝthi ṯurmun, limthi kɔrɔni kir kwaɽiŋan, mindaŋ ethi kɔrɔn ere ɔppalɔ ki-ṯurmun-nǝ mac, wala ki-bahar-la, wala ethi ɔppɔpatha kwaaɽi naana kweere. 2 E-ta ninyeese meleka kwɔthaathɔ kwɔthaaŋwɔ aaŋwɔn-yi, kwɔppa khaaṯima kǝthi Allah wumiithɔ, mindaŋ nɔŋw ɔrnɔṯi limeleka kwaɽiŋan ṯogɽo-thi ṯɔppa, kila linḏǝthǝrsi ŋɔma ŋǝthi-ŋi kiirasi ṯurmunǝ-lɔ nǝ bahar tok, 3 mindaŋ nɔŋwaarɔŋw, “Ǝṯi kiirasa ṯurmunǝ-lɔ mac, wala bahara wala yaaɽi, mindaŋ mǝnyii uɽuci yaḏaama rac yǝthi Allah wǝri nimrǝ ki-yithul-lǝ yeeŋen.” 4 Nǝ nenyii neŋne ŋwɔɔɽɔŋi ŋwɔthi kila luuɽunnǝ, lir miiyyǝ arba@ wa arba@iin alf luuɽunnǝ, lǝthi yǝbiilǝ tatap yǝthi nyɔr nyǝthi Israa-iil yir wrii-kwuɽǝn:
5 lǝthi gǝbiilǝ kǝthi Yahuuthǝ nǝrsi uɽu 12,000,
lǝthi gǝbiilǝ kǝthi Ra-ɔbiin nǝrsi uɽu 12,000,
lǝthi gǝbiilǝ kǝthi Jaaḏ nǝrsi uɽu 12,000,
6 lǝthi gǝbiilǝ kǝthi Ashiir nǝrsi uɽu 12,000,
lǝthi gǝbiilǝ kǝthi Nafṯaali nǝrsi uɽu 12,000,
lǝthi gǝbiilǝ kǝthi Manassa nǝrsi uɽu 12,000,
7 lǝthi gǝbiilǝ kǝthi Sham@uun nǝrsi uɽu 12,000,
lǝthi gǝbiilǝ kǝthi Laawi nǝrsi uɽu 12,000,
lǝthi gǝbiilǝ kǝthi Yassaakir nǝrsi uɽu 12,000,
8 lǝthi gǝbiilǝ kǝthi Zabuuluun nǝrsi uɽu 12,000,
lǝthi gǝbiilǝ kǝthi Yuusuf nǝrsi uɽu 12,000,
lǝthi gǝbiilǝ kǝthi Ban-yaamiin nǝrsi uɽu 12,000.
Lɔdɔŋw lɔppa lǝthi lizi ki-leere-na.
9 Kwaathan tǝ nenyii dimmǝ yǝy, ninyeese lɔdɔŋw lɔppa. Mindaŋ nǝ kwizi ere kweere mac kwǝthi ŋɔma ethi iiɽǝthǝ lizi tatap, kila linḏi jinisǝ-nǝ ter-ter, yǝbiilǝ mindaŋ, ŋeeleny mindaŋ, nǝ lir riŋla-na ter-ter, nǝr rilli kiyǝnǝ yǝthi kwɔrsi kwǝthi ŋeeleny, nǝ kiyǝnǝ yǝthi Tirany tok, liginna lɔɔvana lifiithɔ per-per, lappa rill rǝthi kwaaɽi kwǝthi ḏǝmur ki-rii-na reeŋen. 10 Nǝr urnuni rogɽo-ri rɔppa laarɔŋw, “Ŋiglǝthǝ ŋǝṯi iila naanɔ-gwɔ Allah wǝri, wǝṯi naanalɔ kwɔrsi-la kwǝthi ŋeeleny, nǝ naanɔ-gwɔ Tirany tok!” 11 Nǝ limeleka tatap rilli lirikkathǝ kwɔrsiya-lǝ kwǝthi ŋeeleny, nǝ lishiyuukh tok, nǝ haywaanaaṯ tok wɔmiithɔ wir kwaɽiŋan. E-ta nǝr iidǝcci kwɔrsiya-lɔ kwǝthi ŋeeleny lɔgwɔcca Allah-lɔ, 12 laarɔŋw, “Amiin! Ethi ṯibɽǝthǝ yiriny, nǝ ŋinith mindaŋ, ṯǝthinǝ yǝnǝ mindaŋ nǝ shukran mindaŋ, ṯiiɽǝnǝ mindaŋ, ŋɔma mindaŋ, na sɔlṯa tatap tok, ethiŋworo kwǝthi Allah wǝri wǝṯi nannatha dok-dok! Amiin.”
13 Nǝ kwette kwǝthi lishiyuukh uṯici nyuŋw-lɔ nɔŋwaarɔŋw, “Lizi lindǝr lǝndu kɔlɔ liginna lɔɔvana lifiithɔ per-per, linḏi ṯaka-ŋgi?” 14 Nǝnyii ǝŋnici nenyii ǝccǝŋw, “Yaa sǝyyiḏ lende lilŋica-nyji ǝzir mac, ŋa kwɔrɔ kwilŋicasi ǝzir.” E-ta nɔŋwɔccǝ nyuŋwɔŋw, “Lizi kɔlɔ lindǝr limǝ aaɽa liglathɔ ki-ṯurvǝ-na ṯɔppa ṯǝthi ṯǝwɽǝ yǝy-lɔ. Lindǝr-ṯǝ limǝ iyi lɔɔvana leeŋen, mindaŋ nǝrsi fiithi per-per ŋin-ŋi ŋǝthi Tirany. 15 Ŋindǝr-ṯǝ ŋɔ mindaŋ ǝṯir-mǝ rilli kiyǝnǝ yǝthi kwɔrsi kwǝthi ŋeeleny ŋǝthi Allah, na ǝṯir ǝkkici ŋothɽor yaaŋwɔn nǝ yulŋǝ tok ki heikal-na wuuŋwun. Nǝ ŋgwa kwǝṯi naanalɔ kwɔrsi-la kwǝthi ŋeeleny, kwinḏi ethi nanni deŋgen-na ethisi aŋraci. 16 Ǝsi yaaŋwɔ ere yee kwokwony mac, wala ethisi ǝwthǝ yee kwokwony; wala ethisi aaŋwɔn dɔnni, wala ethisi kiijaŋ dɔnni. 17 Kaka nɔrɔ-gwɔ Tirany taaɽa teeŋen kira tinaanɔ kelgeny-na kǝthi kwɔrsi kwǝthi ŋeeleny. Mindaŋ ŋwɔsi mɔltatha rɔwǝ naana rǝthi ŋaaw ŋimiithɔ. E-ta ǝsi-mǝ Allah firṯatha ŋwal ki-yǝy-nǝ yeeŋen.”