Kwiijin kwɔppa ŋiɽaŋali.
1 E-ta nǝ kwette kwǝthi limeleka lir dɔvokwɔɽony kwǝthi looro dɔvokwɔɽony, iila nɔŋwɔccǝ nyuŋwɔ-ŋw, “Ila, mindaŋ ŋǝ baaŋaci hɔkwɔma wǝthi kwiijin kwɔppa ŋiɽaŋali, ŋgwa kwir mǝḏiinǝ kwɔppa kwǝccinǝ ŋaaw kǝni ŋittǝzir ŋǝthi libahar lokwɔɽony. 2 Kwǝṯi-gi limǝlik lǝthi ṯurmun ǝrri-ri ŋiijinǝ ŋundu-gi, mindaŋ nǝ lizi lǝthi ṯurmun tatap urlǝli kiɽica-gi kiithir kǝthi ŋiijin ŋuuŋun.” 3 Nɔŋw dimmi nyuŋwɔ Ṯigɽim-thi nɔŋwiili nyuŋw ki-sahraa-na. E-ta ninyeese kwayɔ kwɔnaanalɔ ki-haywaan-la wɔɔri, wuurǝnnǝ yiriny naana deddep yǝthi-yi ollo Allah, nǝ nɔŋwɔthi ŋwɔɽa dɔvokwɔɽony, nǝ rill wrii. 4 Nǝ kwaaw kenne yirethi yǝthi ŋeele ŋiɽǝn ŋɔɔri, mindaŋ nɔŋw kenne ŋaamali naana ŋir ḏahab, yall yir ghaali-ghaali, nǝ lu-u-lu-a tok. Nɔŋwappi tiṯraŋi tǝthi ḏahab ki-thii-na ṯuuŋwun, tuurǝnnǝ ŋiɽaŋali-na ŋir ŋudur-ŋudur ŋǝthi ŋiijin ŋuuŋun. 5 E-ta nɔŋw lothone kuthul-lǝ kuuŋun yiriny yǝthi ma@na kwuluccunǝ kwǝniŋw, “Baabil kwɔppa ŋɔɔrɔ, kwir lǝnyin kwǝthi liijin-ŋǝ, nǝ ŋudur ŋǝthi ṯurmun.” 6 E-ta ninyeese kwayɔ kwurllǝlɔ ŋin-ŋi ŋǝthi lizi lǝthi Allah, nǝ ŋin-ŋi ŋǝthi kila liɽinyithirsi kaka niinyicǝr-gwɔ Yǝcu-ŋw naana.
Mindaŋ mǝnyii dimmi yǝy minyeese tǝ, nenyii liŋɽalɔ beṯṯen.
7 Ṯaŋw nenyii meleka uṯicǝlɔ nɔŋwɔccǝ nyuŋwɔŋw, “A kwotho kwiliŋɽɔ? Nyii kwɔŋǝ andaci ma@na kwuluccunǝ kwǝthi kwaaw, nǝ haywaan tok wǝthi ŋwɔɽa dɔvokwɔɽony nǝ rill wrii, wa wǝllithi-ŋgwu-lǝ. 8 Nǝ haywaan wa ǝni wɔnannɔ kerreny wɔmiithɔ, laakin tǝ ŋweere miithi kwokwony mac; wɔmaadithi ethi allitha kinaŋw kuṯṯǝlɔ lac-lac, mindaŋ ŋweele ethi kiirannalɔ. E-ta a lizi kila linaanɔ ki-ṯurmun-nǝ liti lilɔɔthɔna yiriny yeeŋen kiṯaab-na mac kǝthi ŋimiitha, kinaŋw niti nigittina-gwɔ ṯurmun kinnǝni mac, ǝri liŋɽi tatap mǝreese haywaana. Nɔŋwɔni wɔnaanɔ kerreny wɔmiithɔ, nǝ kirem tǝ ŋweere miithi mac, laakin ŋwɔ-tǝ ruwǝnnǝlɔ kwokwony rac. 9 Ŋiɽaŋal ŋɔ ŋinaŋna ṯǝthinǝ yǝnǝ nǝ ṯilŋitṯana tok. Ŋwɔɽa ŋwir dɔvokwɔɽony ŋwir ŋwundǝr ŋwir dɔvokwɔɽony ŋwɔnaanɔ-gwɔ kwaaw-la. 10 Na nǝ limǝlik dɔvokwɔɽony naani tok, ṯɔthni deŋgen-na nǝrǝni limǝ ai, kwette nɔŋw-tǝ kǝnnǝ mithǝ ŋeelenyi, nǝ kwɔthaathɔ tǝ nɔŋweere iila kinnǝni mac; nǝ mɔŋwiila tǝ, laazim ŋwaari haakima rɔɔmɔri tokwɔɽoc domony. 11 Nǝ haywaan wa wɔmiithɔ kerreny witi wɔmiithɔ kwokwony kirem mac, nɔŋworo mǝlik kwir nimrǝ dɔvokwɔppa kwir ṯaba ṯǝthi kila lir dɔvokwɔɽony, kwinḏi ethi ruu etheele ethi kiirathalɔ. 12 Nǝ rill rir wrii riisa-ŋǝsi nǝroro limǝlik lir wrii, kila liti limaavi ŋeelenyi kinnǝni mac, laakin lǝrsi inḏǝthǝ sɔlṯa rac ethi mithǝ ŋeelenyi kaka limǝlik-gǝ, saa@ kwɔtɔpɔt ŋundu-ŋǝ haywaan-ŋǝli. 13 Nǝ kɔlɔ tatap lir wrii, nǝrǝthi fikirǝ kwɔtɔpɔt, mindaŋ nǝr inḏǝthǝ haywaana ŋɔma ŋeeŋen nǝ sɔlṯa tok. 14 Mindaŋ ǝri ṯɔgthi Tirany-ri laakin ǝsi Tirany-ŋa lizi-li luuŋwun kila lɔrnɔṯɔrsi lǝllirsi-nǝ lirllalɔ mindaŋ ǝrsi ṯiinyi, kaka nɔrɔ-ŋgwɔ Kweeleny kwǝthi leeleny-ŋa, nǝ Mǝlik kwǝthi limǝlik-ŋa.”
15 E-ta ninyaaɽi nenyii meleka ǝccǝŋw kwokwony, “Ŋaaw-ŋa ŋittǝzir ŋiisa-ŋǝsi ŋinaanɔ-gwɔ kwiijin-la, ŋir ŋeeleny ŋirna ter-ter, ŋwɔdɔŋw, nǝ lizi mindaŋ, nǝ riŋla rirna ter-ter. 16 Nǝ rill kira iii wrii riisa-ŋǝsi, nǝ haywaan tok, ǝri wǝzi kwiijinǝ; mindaŋ ǝri aagatha kwomne tatap kwǝthi-ŋwɔ, mindaŋ ǝri duŋgwǝcǝlɔ lɔvdɔṯṯɔ; nǝ ǝri yee aŋna wuuŋwun mindaŋ ǝri uɽǝzi iigǝ-yi wǝr. 17 Kaka nigitticasi-gwɔ Allah karatha kɔtɔpɔt ki-rɔgwor-na reeŋen, mindaŋ ethisi ǝrrici ṯɔgwor-thi ṯuuŋwun, mindaŋ ethi inḏǝthǝ haywaana ŋɔma ŋeeŋen, ethi-ŋi mithǝ ŋeelenyi, mindaŋ mǝ ŋiɽaŋal ŋǝthi Allah rattathi kworo kimaara. 18 Nǝ kwaaw ŋgwa kwiisa-ŋa, nɔŋworo mǝḏiinǝ kwɔppa ŋiɽaŋali, ŋgwa kwimthi limǝlik-gǝ tatap lǝthi ṯurmun.”
Kwiijin kwɔppa ŋiɽaŋali.
1 E-ta nǝ kwette kwǝthi limeleka lir dɔvokwɔɽony kwǝthi looro dɔvokwɔɽony, iila nɔŋwɔccǝ nyuŋwɔ-ŋw, “Ila, mindaŋ ŋǝ baaŋaci hɔkwɔma wǝthi kwiijin kwɔppa ŋiɽaŋali, ŋgwa kwir mǝḏiinǝ kwɔppa kwǝccinǝ ŋaaw kǝni ŋittǝzir ŋǝthi libahar lokwɔɽony. 2 Kwǝṯi-gi limǝlik lǝthi ṯurmun ǝrri-ri ŋiijinǝ ŋundu-gi, mindaŋ nǝ lizi lǝthi ṯurmun tatap urlǝli kiɽica-gi kiithir kǝthi ŋiijin ŋuuŋun.” 3 Nɔŋw dimmi nyuŋwɔ Ṯigɽim-thi nɔŋwiili nyuŋw ki-sahraa-na. E-ta ninyeese kwayɔ kwɔnaanalɔ ki-haywaan-la wɔɔri, wuurǝnnǝ yiriny naana deddep yǝthi-yi ollo Allah, nǝ nɔŋwɔthi ŋwɔɽa dɔvokwɔɽony, nǝ rill wrii. 4 Nǝ kwaaw kenne yirethi yǝthi ŋeele ŋiɽǝn ŋɔɔri, mindaŋ nɔŋw kenne ŋaamali naana ŋir ḏahab, yall yir ghaali-ghaali, nǝ lu-u-lu-a tok. Nɔŋwappi tiṯraŋi tǝthi ḏahab ki-thii-na ṯuuŋwun, tuurǝnnǝ ŋiɽaŋali-na ŋir ŋudur-ŋudur ŋǝthi ŋiijin ŋuuŋun. 5 E-ta nɔŋw lothone kuthul-lǝ kuuŋun yiriny yǝthi ma@na kwuluccunǝ kwǝniŋw, “Baabil kwɔppa ŋɔɔrɔ, kwir lǝnyin kwǝthi liijin-ŋǝ, nǝ ŋudur ŋǝthi ṯurmun.” 6 E-ta ninyeese kwayɔ kwurllǝlɔ ŋin-ŋi ŋǝthi lizi lǝthi Allah, nǝ ŋin-ŋi ŋǝthi kila liɽinyithirsi kaka niinyicǝr-gwɔ Yǝcu-ŋw naana.
Mindaŋ mǝnyii dimmi yǝy minyeese tǝ, nenyii liŋɽalɔ beṯṯen.
7 Ṯaŋw nenyii meleka uṯicǝlɔ nɔŋwɔccǝ nyuŋwɔŋw, “A kwotho kwiliŋɽɔ? Nyii kwɔŋǝ andaci ma@na kwuluccunǝ kwǝthi kwaaw, nǝ haywaan tok wǝthi ŋwɔɽa dɔvokwɔɽony nǝ rill wrii, wa wǝllithi-ŋgwu-lǝ. 8 Nǝ haywaan wa ǝni wɔnannɔ kerreny wɔmiithɔ, laakin tǝ ŋweere miithi kwokwony mac; wɔmaadithi ethi allitha kinaŋw kuṯṯǝlɔ lac-lac, mindaŋ ŋweele ethi kiirannalɔ. E-ta a lizi kila linaanɔ ki-ṯurmun-nǝ liti lilɔɔthɔna yiriny yeeŋen kiṯaab-na mac kǝthi ŋimiitha, kinaŋw niti nigittina-gwɔ ṯurmun kinnǝni mac, ǝri liŋɽi tatap mǝreese haywaana. Nɔŋwɔni wɔnaanɔ kerreny wɔmiithɔ, nǝ kirem tǝ ŋweere miithi mac, laakin ŋwɔ-tǝ ruwǝnnǝlɔ kwokwony rac. 9 Ŋiɽaŋal ŋɔ ŋinaŋna ṯǝthinǝ yǝnǝ nǝ ṯilŋitṯana tok. Ŋwɔɽa ŋwir dɔvokwɔɽony ŋwir ŋwundǝr ŋwir dɔvokwɔɽony ŋwɔnaanɔ-gwɔ kwaaw-la. 10 Na nǝ limǝlik dɔvokwɔɽony naani tok, ṯɔthni deŋgen-na nǝrǝni limǝ ai, kwette nɔŋw-tǝ kǝnnǝ mithǝ ŋeelenyi, nǝ kwɔthaathɔ tǝ nɔŋweere iila kinnǝni mac; nǝ mɔŋwiila tǝ, laazim ŋwaari haakima rɔɔmɔri tokwɔɽoc domony. 11 Nǝ haywaan wa wɔmiithɔ kerreny witi wɔmiithɔ kwokwony kirem mac, nɔŋworo mǝlik kwir nimrǝ dɔvokwɔppa kwir ṯaba ṯǝthi kila lir dɔvokwɔɽony, kwinḏi ethi ruu etheele ethi kiirathalɔ. 12 Nǝ rill rir wrii riisa-ŋǝsi nǝroro limǝlik lir wrii, kila liti limaavi ŋeelenyi kinnǝni mac, laakin lǝrsi inḏǝthǝ sɔlṯa rac ethi mithǝ ŋeelenyi kaka limǝlik-gǝ, saa@ kwɔtɔpɔt ŋundu-ŋǝ haywaan-ŋǝli. 13 Nǝ kɔlɔ tatap lir wrii, nǝrǝthi fikirǝ kwɔtɔpɔt, mindaŋ nǝr inḏǝthǝ haywaana ŋɔma ŋeeŋen nǝ sɔlṯa tok. 14 Mindaŋ ǝri ṯɔgthi Tirany-ri laakin ǝsi Tirany-ŋa lizi-li luuŋwun kila lɔrnɔṯɔrsi lǝllirsi-nǝ lirllalɔ mindaŋ ǝrsi ṯiinyi, kaka nɔrɔ-ŋgwɔ Kweeleny kwǝthi leeleny-ŋa, nǝ Mǝlik kwǝthi limǝlik-ŋa.”
15 E-ta ninyaaɽi nenyii meleka ǝccǝŋw kwokwony, “Ŋaaw-ŋa ŋittǝzir ŋiisa-ŋǝsi ŋinaanɔ-gwɔ kwiijin-la, ŋir ŋeeleny ŋirna ter-ter, ŋwɔdɔŋw, nǝ lizi mindaŋ, nǝ riŋla rirna ter-ter. 16 Nǝ rill kira iii wrii riisa-ŋǝsi, nǝ haywaan tok, ǝri wǝzi kwiijinǝ; mindaŋ ǝri aagatha kwomne tatap kwǝthi-ŋwɔ, mindaŋ ǝri duŋgwǝcǝlɔ lɔvdɔṯṯɔ; nǝ ǝri yee aŋna wuuŋwun mindaŋ ǝri uɽǝzi iigǝ-yi wǝr. 17 Kaka nigitticasi-gwɔ Allah karatha kɔtɔpɔt ki-rɔgwor-na reeŋen, mindaŋ ethisi ǝrrici ṯɔgwor-thi ṯuuŋwun, mindaŋ ethi inḏǝthǝ haywaana ŋɔma ŋeeŋen, ethi-ŋi mithǝ ŋeelenyi, mindaŋ mǝ ŋiɽaŋal ŋǝthi Allah rattathi kworo kimaara. 18 Nǝ kwaaw ŋgwa kwiisa-ŋa, nɔŋworo mǝḏiinǝ kwɔppa ŋiɽaŋali, ŋgwa kwimthi limǝlik-gǝ tatap lǝthi ṯurmun.”