Yǝcu mɔŋgwɔ rilli kiyǝnǝ yǝthi Biilaaṯɔs.
(Maṯṯa 27:1-2, Maṯṯa 11-14Luuga 23:1-5Yuhanna 18:28-38)1 Mǝ ŋɔrpana oro tuttuk, nǝ mɔ@allimiin kwǝthi Sherii@a nǝ lijǝwuṯ lǝthi mahkama tatap, mɔmri ŋiɽaŋali-la nǝr kǝkki Yǝcu-ŋw, nǝr mɔloce Biillaaṯɔs-ŋwɔ nǝr inḏǝthǝ. 2 Nǝ Biiiaaṯɔs uṯicǝlɔ nɔŋwɔeeǝŋw, “A kwir mǝlik kwǝthi Yahuuḏǝ?” Nɔŋw ǝŋnici nɔŋwɔccǝŋw, “Ŋindǝr-ṯǝ ŋa ŋandisa-ŋǝsi.” 3 Nǝ rɔ-asa rǝthi kahana allasi ŋiɽaŋali naana ŋittǝzir domony. 4 Nǝ Biilaaṯɔs uṯicǝlɔ kwokwony nɔŋwɔccǝŋw, “Ŋiti ŋǝthiŋǝsi ŋeere mac ŋǝthi-ŋi aŋni-a? Iisas-ṯi ŋɔ ŋittǝzir ŋallisar-ŋǝsi naana.” 5 Laakin nǝ Yǝcu ere ɔvi kworo ḏuṯ, mindaŋ nǝ Biilaaṯɔs liŋɽalɔ buruc.
Yǝcu mǝr-gwɔ ǝccǝ haakima ŋiɽany-ŋi.
(Maṯṯa 27:15-26Luuga 23:13-25Yuhanna 18:39—19:16)6 Nǝ kaka nǝthi-gwɔ Biilaaṯɔs ǝthiyǝ wǝṯɔŋw-yi kǝdici ŋunduŋwsi musjuunǝ kwette kwǝṯir naŋni ŋundu-ŋǝ ethisi kǝdici. 7 Nǝ ki-lɔɔmɔr-la ṯǝ kila, nǝ kwɔr naani kwette kwǝni Baaraabaas kwir musjuun ŋiɽaŋal-ŋi ŋǝthi ḏimmi ṯigittaŋw ki-lɔdɔŋw-na lǝthi ŋǝryǝ. 8 Nǝ dɔŋw ele naanɔ-gwɔ Biiiaaṯɔs, nǝr uṯicǝlɔ ethisi ǝrrici ŋirga ŋǝṯɔŋwsi ǝrrici. 9 Nɔŋwsi ǝŋnici nɔŋwsǝccǝŋw, “Ŋaaŋa linaŋna-nyii ethi kǝdici ŋaaŋwɔsi mǝlik-gǝ kwǝthi Yahuuḏǝ?” 10 Kaka nilŋica-ŋgwɔ rac ethaarɔŋw kwinḏǝthǝ rɔ-asa rǝthi kahana Yǝcu-ŋwɔ ŋǝsuuḏ-ŋi domony. 11 Laakin nǝ rɔ-asa rǝthi kahana ɔkkwasi dɔŋw ethi uṯici Biilaaṯɔs-ŋwɔlɔ ethisi kǝdici Baaraabaas-ŋwɔ ki-lɔɔbi lǝthi Yǝcu. 12 Nǝsi Biilaaṯɔs uṯicǝlɔ kwokwony nɔŋwsǝccǝŋw, “E-ta nyǝccǝ-tha ŋgwa kwǝccǝ-ŋǝ mǝlik kwǝthi Yahuuḏ?” 13 Nǝr ǝŋnici limthithǝ kwɔɔla nduum ŋɔmmaŋi nǝrǝccǝŋw, “Ṯigrǝthi ki-ŋwuuɽi-lǝ ŋwɔɽɔmɔthalɔ” 14 Nǝsi Biilaaṯɔs ǝccǝŋw, “Arpa, aathaɔ kwɔmǝŋwɔ ǝrri kwigii-na ṯiga-ṯiga?” Laakin nǝrmǝ kǝniny mithithi kwɔɔla rerrec, nǝraarɔŋw, “Ṯigrǝthi ki-ŋwuuɽi-lǝ ŋwɔɽɔmɔthalɔ” 15 Nǝ Biilaaṯɔs kaka naŋna--ŋgwɔ ethǝmi dɔŋw-na, nɔŋwsi kǝdici Baaraabaas-ŋwɔ, ŋwɔṯaŋw mɔŋw ippi Yǝcu-ŋw, nɔŋwsi inḏǝthǝ eṯhi ṯiŋrǝthǝ ki-ŋwuuɽi-lǝ.
Jǝsh mǝr-gwɔ ǝwɽi Yǝcu-ŋwɔ yǝy-lɔ.
(Maṯṯa 27:27-31Yuhanna 19:2-3)16 Nǝ jǝsh mɔlo Yǝcu-ŋwɔ nǝr-gi ǝnḏi ki-lɔz-na lǝthi siraaya kwǝthi haakim. Nǝr ɔrnɔṯa jesha dɔŋw tatap. 17 Nǝr ɔɽaci iibaaya wɔɔri wǝthi ŋeeleny, nǝr ɔɽacci taŋgiŋi tok tǝthi yuugwi kinda. 18 Nǝr aari ibṯǝdi ethi aaganni nǝrǝccǝŋw, “Aŋgwa-fǝtǝ kwir mǝlik kwǝthi Yuhuuḏǝ?” 19 Nǝr ippi ŋunduŋw kindala lɔvɔɔrɔ-li, nǝr ɔnyatha naana, nǝr iidǝccǝlɔ ŋwɔrgwɔ-ŋi kwɔgwɔccar-lɔ ŋidiny. 20 Mǝr ǝrrǝlɔ-ŋw-tǝ, nǝr allatha iibaaya naana nǝr ɔɽacci yirethi yuuŋwun, mindaŋ nǝr mɔlo ethi-gi ele ethi ṯigrǝthǝ ki-ŋwuuɽi-lǝ.
Yǝcu mǝr-gwɔ ṯigrǝthǝ ki-ŋwuuɽi-lǝ ŋwɔɽɔmɔthalɔ.
(Maṯṯa 27:32-44Luuga 23:26-43Yuhanna 19:17-27)21 Nǝ kwette kwǝni Sim@aan kwǝthi Gayrwaan-ŋwɔ kwir ṯǝrnyin ṯǝthi Iskǝnḏǝr-ŋǝ Rɔɔfɔs-gi ṯaaŋa wuthǝri, nǝr iili ŋɔmaŋi-na ethi dimmi ŋwuuɽi ŋwɔthi Yǝcu. 22 Nǝr mɔltha nǝr-gi iila kǝzir wǝni Juljɔtha (wǝni ǝzir wǝthi kɔrkɔny). 23 Nǝr ṯǝcci ethi inḏǝthǝ kiɽicaŋi kilagthina mɔrr-gi, nɔŋw derne. 24 Nǝr ṯigrǝthǝ ŋunduŋw ki-ŋwuuɽi-lǝ, nǝr kanni yirethi yuuŋwun gwɔrǝ@-gi etheese kindǝr kǝndu kinḏi kwizi ethaavi. 25 Mǝ saa@ oro kwunǝṯurri kwǝthi ŋɔrpanaŋw, nǝr ṯigrǝthǝ ki-ŋwuuɽi-la ŋwɔɽɔmɔthalɔ 26 Nǝ yafṯa naani yɔlɔɔthɔna ŋiɽaŋali ŋǝccǝr-ŋi haakima, ŋǝniŋw, “Mǝlik kwǝthi Yahuuḏ.” 27 Nǝr ṯigrǝthǝ lɔr-li ndǝn lir lurṯǝthǝ ŋundu-ŋǝli ki-ŋwuuɽi-lǝ, kwette ki-thii ṯǝthi mɔni, nǝ kwɔthaathɔ ki-thii ṯǝthi ŋǝgwur. [ 28 Mindaŋ nǝr ṯimmǝyini ŋɔlɔɔthɔna Kiṯaab-na Kirllinǝlɔ ter ŋaarɔŋw, “Kwɔɽɔmasar dɔŋw lizi-li kila ligii.”] 29 Nǝ lizi kila lǝṯi ṯamthɔṯa-lɔ irdidǝcci ŋwɔɽa-na kathri ǝtir ollo tok, nǝrǝccǝŋw, “Kwaac! A kwaari-paŋw nyii kwigii Heikala mindaŋ nyacci ki-ŋwaamin-la ṯoɽol; nyii rattasi, 30 kilǝthǝ-mbǝ rogɽo rɔɔŋwa a dappitha-lɔ ki-ŋwuuɽi-lǝ!” 31 Nǝ rɔ-asa rǝthi kahana tok ǝrrǝlɔŋw, ŋundu-ŋǝ mɔ@alllmiin-gi kwǝthi Sherii@a, nǝraarɔŋw, “Kwǝṯi-pǝ kilǝthi lizi lithaathɔ, laakin-tǝ ŋweere ǝthi ŋɔma ethi kilǝthi rogɽo ruuŋwun mac-a! 32 Ethi-mbe Kwɔrɔstɔ kwir Mǝlik kwǝthi Israa-iil dappitha-lɔ ki-ŋwuuɽi-lǝ kire-kirem-ŋgwɔ, mindaŋ minyeese tǝ nyimǝ ǝmmini.”
Ŋiɽany ŋǝthi Yǝcu.
(Maṯṯa 27:45-56Luuga 23:44-49Yuhanna 19:28-30)33 Mǝ saa@ oro wrii-kwuɽǝn kwǝthi kaaŋwɔn-naŋw, nǝ kirim aaɽathi ǝzir naana tatap mindaŋ nǝ saa@ oro ṯoɽol kwǝthi kirakalɔŋw. 34 Nǝ mǝ saa@ oro ṯoɽol kwǝthi kirakalɔ-ŋw-tǝ, nǝ Yǝcu ɔvɔna ŋɔmmaŋi nɔŋwaarɔŋw, “Illahi, Illahi, lamaa shabagṯani?” ŋǝmŋw, “Allah wiinyi, Allah wiinyi, a kwotho kwɔmǝ-nyii ṯayyalɔ?” 35 Nǝ kila lokwo lirlɔ kinaŋw mǝr neŋne nǝraarɔŋw, “Iisar-ṯi nɔrnɔṯɔ-ŋgwɔ Iliiyyǝ-ŋw.” 36 Nɔŋw avri kwette nɔŋw ɔɽasa isfinyja ŋaaw-na ŋir khall, nɔŋw ǝnyŋi ki-lɔvɔɔrɔ lir nda nɔŋwsi ṯiŋacci Yǝcu-ŋwɔ ethisii, nɔŋwaarɔŋw, “Ǝriṯi akkɔ kisǝn, etheese Iliiyyǝ kwaani iila ethi dappisalɔ-a?” 37 Nǝ Yǝcu ɔvɔna ŋɔmmaŋi mindaŋ nɔŋw fuuri ṯigɽimǝ. 38 Nǝ siṯaar kwǝthi Heikal diraŋni-na kwuɽǝn, kindala tuk mindaŋ nɔŋw ɔppathi kuṯṯǝlɔ cuk-cuk. 39 Nǝ gaa-iḏ kǝthi haras naani kinaŋw kirlaca ŋwuuɽi-lu, mɔŋweese Yǝcu-ŋwɔ kwɔmǝ fuuri ṯigɽimǝ, nɔŋwaarɔŋw, “Kwɔr-ŋgwɔ kwiri-mi Tɔr tǝthi Allah rerrem!”
40 Nǝ laaw naani lokwo kinaŋw lirlɔ kinǝŋgwu tuk liccaca, nǝ Mǝryǝm kwǝthi Mǝjḏaliiyya-ŋw naani deŋgen-na, nǝ Mǝryǝm kwir lǝnyin kwǝthi Ya@guub-ŋǝ kwokwɔɽony, nǝ Yuusi-ŋǝ saalɔɔma-gi, 41 likwaathathɔ ŋunduŋw kinaŋw a-naanɔ-ŋgwɔ Jǝliil, ǝṯir-gwɔ mǝccici; nǝ laaw tok luuru lithaathɔ lithaaŋir-li tuk Urshaliim.
Ṯaanithisa ṯǝthi Yǝcu.
(Maṯṯa 27:57-61Luuga 23:50-56Yuhanna 19:38-42)42 Mǝ kirakalɔ oro, nǝ kaka nɔrɔ-gwɔ laamin lǝthi ogwom-lɔ liŋnaca Sǝbithǝ keereny, 43 nǝ Yuusuf kwǝthi Raama-ŋwɔ kwir kwujǝwuṯ kwǝthi mǝjlǝs kwǝṯir iiɽi-nǝ, nɔŋworo tok kwǝṯi ǝkkici Ŋeelenyi ŋǝthi Allah kizǝn, nɔŋw ferlle ṯɔgwori; nɔŋweele naanɔ-gwɔ Biilaaṯɔs, nɔŋw uṯicǝlɔ aŋna-yi wǝthi Yǝcu. 44 Nǝ Biilaaṯɔs liŋɽi mɔŋgwɔ neŋne ethaarɔŋw Yǝcu kwɔmǝ ai. Nɔŋw ɔrnɔṯi gaa-iḏa kǝthi haras, nɔŋw uṯcǝlɔ ethelŋe kwǝni kwayɔ lǝlu-ttuk-gǝ? 45 Mɔŋw neŋne naanɔ-gwɔ gaa-iḏ kǝthi haras ethaarɔŋw Yǝcu kwɔmǝ ai, nɔŋw ǝmminici Yuusuf-ŋwɔ ethi dimmǝ aŋna. 46 Nɔŋw liṯṯa kǝfǝnǝ, mindaŋ nɔŋw dapisa aŋna-lɔ, nɔŋw ippǝsi kǝfǝnǝ naana, mindaŋ nɔŋw aanitha ki-thimaamɔ-na ṯippithir ki-liiɽi-na. Nɔŋw ṯǝrṯiɽǝ kiɽibinǝ nɔŋw aaɽasi ṯimaamɔwa kworo. 47 Nǝ Mǝryǝm kwǝthi Mǝjḏaliiyyǝ-ŋw ŋundu-ŋǝ Mǝryǝm-gi kwir lǝnyin kwǝthi Yuusi-ŋǝ ese ǝzir waanathir-gwɔ Yǝcu-ŋwɔ.
Yǝcu mɔŋgwɔ rilli kiyǝnǝ yǝthi Biilaaṯɔs.
(Maṯṯa 27:1-2, Maṯṯa 11-14Luuga 23:1-5Yuhanna 18:28-38)1 Mǝ ŋɔrpana oro tuttuk, nǝ mɔ@allimiin kwǝthi Sherii@a nǝ lijǝwuṯ lǝthi mahkama tatap, mɔmri ŋiɽaŋali-la nǝr kǝkki Yǝcu-ŋw, nǝr mɔloce Biillaaṯɔs-ŋwɔ nǝr inḏǝthǝ. 2 Nǝ Biiiaaṯɔs uṯicǝlɔ nɔŋwɔeeǝŋw, “A kwir mǝlik kwǝthi Yahuuḏǝ?” Nɔŋw ǝŋnici nɔŋwɔccǝŋw, “Ŋindǝr-ṯǝ ŋa ŋandisa-ŋǝsi.” 3 Nǝ rɔ-asa rǝthi kahana allasi ŋiɽaŋali naana ŋittǝzir domony. 4 Nǝ Biilaaṯɔs uṯicǝlɔ kwokwony nɔŋwɔccǝŋw, “Ŋiti ŋǝthiŋǝsi ŋeere mac ŋǝthi-ŋi aŋni-a? Iisas-ṯi ŋɔ ŋittǝzir ŋallisar-ŋǝsi naana.” 5 Laakin nǝ Yǝcu ere ɔvi kworo ḏuṯ, mindaŋ nǝ Biilaaṯɔs liŋɽalɔ buruc.
Yǝcu mǝr-gwɔ ǝccǝ haakima ŋiɽany-ŋi.
(Maṯṯa 27:15-26Luuga 23:13-25Yuhanna 18:39—19:16)6 Nǝ kaka nǝthi-gwɔ Biilaaṯɔs ǝthiyǝ wǝṯɔŋw-yi kǝdici ŋunduŋwsi musjuunǝ kwette kwǝṯir naŋni ŋundu-ŋǝ ethisi kǝdici. 7 Nǝ ki-lɔɔmɔr-la ṯǝ kila, nǝ kwɔr naani kwette kwǝni Baaraabaas kwir musjuun ŋiɽaŋal-ŋi ŋǝthi ḏimmi ṯigittaŋw ki-lɔdɔŋw-na lǝthi ŋǝryǝ. 8 Nǝ dɔŋw ele naanɔ-gwɔ Biiiaaṯɔs, nǝr uṯicǝlɔ ethisi ǝrrici ŋirga ŋǝṯɔŋwsi ǝrrici. 9 Nɔŋwsi ǝŋnici nɔŋwsǝccǝŋw, “Ŋaaŋa linaŋna-nyii ethi kǝdici ŋaaŋwɔsi mǝlik-gǝ kwǝthi Yahuuḏǝ?” 10 Kaka nilŋica-ŋgwɔ rac ethaarɔŋw kwinḏǝthǝ rɔ-asa rǝthi kahana Yǝcu-ŋwɔ ŋǝsuuḏ-ŋi domony. 11 Laakin nǝ rɔ-asa rǝthi kahana ɔkkwasi dɔŋw ethi uṯici Biilaaṯɔs-ŋwɔlɔ ethisi kǝdici Baaraabaas-ŋwɔ ki-lɔɔbi lǝthi Yǝcu. 12 Nǝsi Biilaaṯɔs uṯicǝlɔ kwokwony nɔŋwsǝccǝŋw, “E-ta nyǝccǝ-tha ŋgwa kwǝccǝ-ŋǝ mǝlik kwǝthi Yahuuḏ?” 13 Nǝr ǝŋnici limthithǝ kwɔɔla nduum ŋɔmmaŋi nǝrǝccǝŋw, “Ṯigrǝthi ki-ŋwuuɽi-lǝ ŋwɔɽɔmɔthalɔ” 14 Nǝsi Biilaaṯɔs ǝccǝŋw, “Arpa, aathaɔ kwɔmǝŋwɔ ǝrri kwigii-na ṯiga-ṯiga?” Laakin nǝrmǝ kǝniny mithithi kwɔɔla rerrec, nǝraarɔŋw, “Ṯigrǝthi ki-ŋwuuɽi-lǝ ŋwɔɽɔmɔthalɔ” 15 Nǝ Biilaaṯɔs kaka naŋna--ŋgwɔ ethǝmi dɔŋw-na, nɔŋwsi kǝdici Baaraabaas-ŋwɔ, ŋwɔṯaŋw mɔŋw ippi Yǝcu-ŋw, nɔŋwsi inḏǝthǝ eṯhi ṯiŋrǝthǝ ki-ŋwuuɽi-lǝ.
Jǝsh mǝr-gwɔ ǝwɽi Yǝcu-ŋwɔ yǝy-lɔ.
(Maṯṯa 27:27-31Yuhanna 19:2-3)16 Nǝ jǝsh mɔlo Yǝcu-ŋwɔ nǝr-gi ǝnḏi ki-lɔz-na lǝthi siraaya kwǝthi haakim. Nǝr ɔrnɔṯa jesha dɔŋw tatap. 17 Nǝr ɔɽaci iibaaya wɔɔri wǝthi ŋeeleny, nǝr ɔɽacci taŋgiŋi tok tǝthi yuugwi kinda. 18 Nǝr aari ibṯǝdi ethi aaganni nǝrǝccǝŋw, “Aŋgwa-fǝtǝ kwir mǝlik kwǝthi Yuhuuḏǝ?” 19 Nǝr ippi ŋunduŋw kindala lɔvɔɔrɔ-li, nǝr ɔnyatha naana, nǝr iidǝccǝlɔ ŋwɔrgwɔ-ŋi kwɔgwɔccar-lɔ ŋidiny. 20 Mǝr ǝrrǝlɔ-ŋw-tǝ, nǝr allatha iibaaya naana nǝr ɔɽacci yirethi yuuŋwun, mindaŋ nǝr mɔlo ethi-gi ele ethi ṯigrǝthǝ ki-ŋwuuɽi-lǝ.
Yǝcu mǝr-gwɔ ṯigrǝthǝ ki-ŋwuuɽi-lǝ ŋwɔɽɔmɔthalɔ.
(Maṯṯa 27:32-44Luuga 23:26-43Yuhanna 19:17-27)21 Nǝ kwette kwǝni Sim@aan kwǝthi Gayrwaan-ŋwɔ kwir ṯǝrnyin ṯǝthi Iskǝnḏǝr-ŋǝ Rɔɔfɔs-gi ṯaaŋa wuthǝri, nǝr iili ŋɔmaŋi-na ethi dimmi ŋwuuɽi ŋwɔthi Yǝcu. 22 Nǝr mɔltha nǝr-gi iila kǝzir wǝni Juljɔtha (wǝni ǝzir wǝthi kɔrkɔny). 23 Nǝr ṯǝcci ethi inḏǝthǝ kiɽicaŋi kilagthina mɔrr-gi, nɔŋw derne. 24 Nǝr ṯigrǝthǝ ŋunduŋw ki-ŋwuuɽi-lǝ, nǝr kanni yirethi yuuŋwun gwɔrǝ@-gi etheese kindǝr kǝndu kinḏi kwizi ethaavi. 25 Mǝ saa@ oro kwunǝṯurri kwǝthi ŋɔrpanaŋw, nǝr ṯigrǝthǝ ki-ŋwuuɽi-la ŋwɔɽɔmɔthalɔ 26 Nǝ yafṯa naani yɔlɔɔthɔna ŋiɽaŋali ŋǝccǝr-ŋi haakima, ŋǝniŋw, “Mǝlik kwǝthi Yahuuḏ.” 27 Nǝr ṯigrǝthǝ lɔr-li ndǝn lir lurṯǝthǝ ŋundu-ŋǝli ki-ŋwuuɽi-lǝ, kwette ki-thii ṯǝthi mɔni, nǝ kwɔthaathɔ ki-thii ṯǝthi ŋǝgwur. [ 28 Mindaŋ nǝr ṯimmǝyini ŋɔlɔɔthɔna Kiṯaab-na Kirllinǝlɔ ter ŋaarɔŋw, “Kwɔɽɔmasar dɔŋw lizi-li kila ligii.”] 29 Nǝ lizi kila lǝṯi ṯamthɔṯa-lɔ irdidǝcci ŋwɔɽa-na kathri ǝtir ollo tok, nǝrǝccǝŋw, “Kwaac! A kwaari-paŋw nyii kwigii Heikala mindaŋ nyacci ki-ŋwaamin-la ṯoɽol; nyii rattasi, 30 kilǝthǝ-mbǝ rogɽo rɔɔŋwa a dappitha-lɔ ki-ŋwuuɽi-lǝ!” 31 Nǝ rɔ-asa rǝthi kahana tok ǝrrǝlɔŋw, ŋundu-ŋǝ mɔ@alllmiin-gi kwǝthi Sherii@a, nǝraarɔŋw, “Kwǝṯi-pǝ kilǝthi lizi lithaathɔ, laakin-tǝ ŋweere ǝthi ŋɔma ethi kilǝthi rogɽo ruuŋwun mac-a! 32 Ethi-mbe Kwɔrɔstɔ kwir Mǝlik kwǝthi Israa-iil dappitha-lɔ ki-ŋwuuɽi-lǝ kire-kirem-ŋgwɔ, mindaŋ minyeese tǝ nyimǝ ǝmmini.”
Ŋiɽany ŋǝthi Yǝcu.
(Maṯṯa 27:45-56Luuga 23:44-49Yuhanna 19:28-30)33 Mǝ saa@ oro wrii-kwuɽǝn kwǝthi kaaŋwɔn-naŋw, nǝ kirim aaɽathi ǝzir naana tatap mindaŋ nǝ saa@ oro ṯoɽol kwǝthi kirakalɔŋw. 34 Nǝ mǝ saa@ oro ṯoɽol kwǝthi kirakalɔ-ŋw-tǝ, nǝ Yǝcu ɔvɔna ŋɔmmaŋi nɔŋwaarɔŋw, “Illahi, Illahi, lamaa shabagṯani?” ŋǝmŋw, “Allah wiinyi, Allah wiinyi, a kwotho kwɔmǝ-nyii ṯayyalɔ?” 35 Nǝ kila lokwo lirlɔ kinaŋw mǝr neŋne nǝraarɔŋw, “Iisar-ṯi nɔrnɔṯɔ-ŋgwɔ Iliiyyǝ-ŋw.” 36 Nɔŋw avri kwette nɔŋw ɔɽasa isfinyja ŋaaw-na ŋir khall, nɔŋw ǝnyŋi ki-lɔvɔɔrɔ lir nda nɔŋwsi ṯiŋacci Yǝcu-ŋwɔ ethisii, nɔŋwaarɔŋw, “Ǝriṯi akkɔ kisǝn, etheese Iliiyyǝ kwaani iila ethi dappisalɔ-a?” 37 Nǝ Yǝcu ɔvɔna ŋɔmmaŋi mindaŋ nɔŋw fuuri ṯigɽimǝ. 38 Nǝ siṯaar kwǝthi Heikal diraŋni-na kwuɽǝn, kindala tuk mindaŋ nɔŋw ɔppathi kuṯṯǝlɔ cuk-cuk. 39 Nǝ gaa-iḏ kǝthi haras naani kinaŋw kirlaca ŋwuuɽi-lu, mɔŋweese Yǝcu-ŋwɔ kwɔmǝ fuuri ṯigɽimǝ, nɔŋwaarɔŋw, “Kwɔr-ŋgwɔ kwiri-mi Tɔr tǝthi Allah rerrem!”
40 Nǝ laaw naani lokwo kinaŋw lirlɔ kinǝŋgwu tuk liccaca, nǝ Mǝryǝm kwǝthi Mǝjḏaliiyya-ŋw naani deŋgen-na, nǝ Mǝryǝm kwir lǝnyin kwǝthi Ya@guub-ŋǝ kwokwɔɽony, nǝ Yuusi-ŋǝ saalɔɔma-gi, 41 likwaathathɔ ŋunduŋw kinaŋw a-naanɔ-ŋgwɔ Jǝliil, ǝṯir-gwɔ mǝccici; nǝ laaw tok luuru lithaathɔ lithaaŋir-li tuk Urshaliim.
Ṯaanithisa ṯǝthi Yǝcu.
(Maṯṯa 27:57-61Luuga 23:50-56Yuhanna 19:38-42)42 Mǝ kirakalɔ oro, nǝ kaka nɔrɔ-gwɔ laamin lǝthi ogwom-lɔ liŋnaca Sǝbithǝ keereny, 43 nǝ Yuusuf kwǝthi Raama-ŋwɔ kwir kwujǝwuṯ kwǝthi mǝjlǝs kwǝṯir iiɽi-nǝ, nɔŋworo tok kwǝṯi ǝkkici Ŋeelenyi ŋǝthi Allah kizǝn, nɔŋw ferlle ṯɔgwori; nɔŋweele naanɔ-gwɔ Biilaaṯɔs, nɔŋw uṯicǝlɔ aŋna-yi wǝthi Yǝcu. 44 Nǝ Biilaaṯɔs liŋɽi mɔŋgwɔ neŋne ethaarɔŋw Yǝcu kwɔmǝ ai. Nɔŋw ɔrnɔṯi gaa-iḏa kǝthi haras, nɔŋw uṯcǝlɔ ethelŋe kwǝni kwayɔ lǝlu-ttuk-gǝ? 45 Mɔŋw neŋne naanɔ-gwɔ gaa-iḏ kǝthi haras ethaarɔŋw Yǝcu kwɔmǝ ai, nɔŋw ǝmminici Yuusuf-ŋwɔ ethi dimmǝ aŋna. 46 Nɔŋw liṯṯa kǝfǝnǝ, mindaŋ nɔŋw dapisa aŋna-lɔ, nɔŋw ippǝsi kǝfǝnǝ naana, mindaŋ nɔŋw aanitha ki-thimaamɔ-na ṯippithir ki-liiɽi-na. Nɔŋw ṯǝrṯiɽǝ kiɽibinǝ nɔŋw aaɽasi ṯimaamɔwa kworo. 47 Nǝ Mǝryǝm kwǝthi Mǝjḏaliiyyǝ-ŋw ŋundu-ŋǝ Mǝryǝm-gi kwir lǝnyin kwǝthi Yuusi-ŋǝ ese ǝzir waanathir-gwɔ Yǝcu-ŋwɔ.