Mǝthǝl kwǝthi @ɔmmaal wigii ki-jineene-na kwǝthi @ineb.
(Maṯṯa 21:33-46Luuga 20:9-19)1 Nɔwwaari ibṯǝdi ethisi andaci ŋir amthaal nɔŋwsǝccǝŋw, “Kwɔr kwette kwǝthi jineeneya kwǝthi @ineb, nɔŋw ippǝci karṯinya, nɔŋw kwuuruci kɔrlɔŋa ethi-gwɔ tundǝthǝ ŋaaw-na ŋǝthi @ineb, nɔŋw ǝccici ǝzir wɔɔlala tottoc wǝthi-gwɔ kwaŋɽa naani-la, ethi aŋraci. E-tǝ noŋwɔccici @ɔmmaala ajjira mindaŋ nɔŋwaari saafira ki-bǝlǝḏ kwir ter. 2 Mindaŋ mǝ lɔɔmɔr iila kila dap lǝthi ṯɔɔna, nɔŋw ɔɔsi khaḏaama naanɔ-gwɔ @ɔmmaal wǝthi jineene ethi inḏǝthǝ kwomne kwokwo kwǝthi jineene. 3 Nǝr mithǝ nǝr ippi nǝrǝɽi kithaay domony. 4 Nɔŋwsaaɽi noŋwsi usici khaḏaama kette kwokwony, nǝr ippi yǝmmǝŋi kinda, nǝr ǝwɽi yǝy-lɔ, nǝr ǝɽicci rii-ri-na domony. 5 Nɔŋwsi usici kithaathɔ nǝr ɽeenye; nǝ lithaathɔ tok nǝrsi ippi lokwo, nǝ lithaathɔ nǝrsi ɽeenye. 6 Laakin nɔŋw ǝɽinnici kwette kwɔtɔpɔt, kwir tɔr tuuŋwun tamɽaŋw, kwaathan tǝ nɔŋwsi usici wunduŋwsi, kwigittathɔ elhaarɔŋw, ‘Lǝtǝ iiɽi ŋundu tɔɔrɔ-na tiinyi’. 7 Laakin nǝ @ɔmmaal wǝthi jineene ɔŋwnɔthisi-na nǝraarɔŋw, ‘Kwindǝr-ṯǝ ŋgwɔ kwinḏi ethi mɔrthathi ŋɔr-la; ilar-pa, ǝri ɽeenye, mindaŋ mǝ ŋɔr ŋɔ oro ŋǝri’. 8 Nǝr mithǝ nǝr ɽeenye mindaŋ nǝr kaṯṯɔ jineeneya kǝni. 9 Aatha kwinḏi kwɔr kwǝthi jiŋeene ethǝrri? Mɔŋwiila ŋwɔ kiirasi @ɔmmaala-lɔ wǝthi jineene ŋgwa, mindaŋ ŋwɔsi inḏǝthǝ lir ter jineeneya. 10 A liti limǝ ɔrti ŋiɽaŋali ŋa ŋɔlɔɔthɔŋa Kiṯaab-na Kirllinǝlɔ ter ŋaarɔŋw,
‘Kall ŋga tittir kidirnathi lorṯo-lɔ,
kinder-ṯǝ kimoro ṯɔgwagiza ṯǝthi rɔkwɔn;
11 ŋindǝr-ṯǝ ŋɔ ŋǝrrǝsi Kweeleny;
ŋwɔṯaŋw nǝrmǝ oro ŋilim kiyǝnǝ yǝri!’ ”
12 Nǝr ṯǝcci ethi mithǝ, laakin nǝr ṯeenye dɔŋw kaka mǝr-gwɔ elŋe ethaarɔŋw kwandisasa-nyji mǝthǝlǝ-ŋgwɔ naana; ŋwɔṯaŋw nǝr ɔrlacci ŋwɔdɔŋw nǝreele.
Ṯɔlba ṯǝthi inḏǝthǝ Imbraaṯɔɔra alla bǝri.
(Maṯṯa 22:15-22Luuga 20:20-26)13 Nǝr usici Lifirriisiiyyiin-na lokwo nǝ lizi lǝthi Hiiruuḏus-ŋǝ tok, ethi mithǝthǝ ŋiɽaŋali ŋeere ŋǝŋgi-ŋwsi ṯǝmsǝ-lɔ mirec. 14 Mindaŋ mǝr iila nǝrǝccǝŋw, “Yaa Mɔ@allim, nyiiŋǝ lilŋica-ŋa kwirllalɔ, ati kwǝṯi ṯeenye yǝy yǝthi kweere mac; ǝṯeere ṯǝmsi-lǝ kweere tok mac, laakin ǝṯiŋi aari @allima ŋa ŋir rerrem ŋǝthi ṯaay ṯǝthi Allah. Ŋɔvthanna ethi inḏǝthǝ Imbraaṯɔɔra ṯolbay alla bǝri? Ŋovthanna ethi inḏǝthǝ alla nyeere inḏǝthǝ mac?” 15 Laakin kaka nilŋiṯhi-ŋgwɔ araaya weeŋen, nɔŋwsǝccǝŋw, “A lotho lithǝccǝ-nyii? Ǝvicǝr-nyii-ṯi girishǝ kette nyeese.” 16 Mǝr ǝvicǝ, nɔŋwsǝccǝŋw, “Suurǝ-ŋgwɔ kwǝthi ǝyǝ kwɔrɔ yiriny-yi?” Nǝrǝccǝŋw, “Kwǝthi Imbraaṯɔɔr kwir-pa.” 17 Nǝsi Yǝcu ǝccǝŋw, “Ǝṯinḏǝthǝ Imbraaṯɔɔra kwomne kwǝni Imbraaṯɔɔr, nǝ kwǝthi Allah, ǝṯi-tǝ inḏǝthǝ Allah kwuuŋwun.” Ṯaŋw nǝr liŋɽalɔ buruc ŋiɽǝŋal-ŋi ŋandica-ŋwsi.
Ṯɔṯalɔ ṯǝthi ṯidiiɽǝ ki-ŋiɽany-na.
(Maṯṯa 22:23-33Luuga 20:27-40)18 E-ta nǝ Lisaḏɔɔŋiiyyiin lokwo iila naanɔ-gwɔ Yǝcu, kila lǝṯaarɔŋw ṯidiiɽǝ ki-ŋiɽany-na ṯiti ṯǝṯi naani mac, nǝr uṯicǝlɔ nǝrǝccǝŋw, 19 “Yaa Mɔ@allim, Muusǝ kwɔlɔcca-nyji waamira nɔŋwaarɔŋw, ‘Mǝ kwɔr kweere ai mindaŋ mɔŋw ṯayyi kwayi-lɔ kwiira nyɔɔrɔ-na, laazim ethi eŋgen kwir kwǝr mɔrthathi kwaaw-la mindaŋ mǝri ilŋanyŋi kwɔɔrɔ kwaayɔ nyɔɔrɔ yiriny-yi yuuŋwun’. 20 Nǝ lɔr naani ŋiyaŋga dɔvokwɔɽony, nɔŋw aagithi kwir nda mindaŋ nɔŋw ai, ŋɔŋweere ṯayyi nyɔɔrɔ-lɔ nyeere mac; 21 nǝgwɔ eŋgeŋ kwɔgaathathi mɔrthathi-la, mindaŋ nɔŋw ai ŋundu tok kwiira nyɔɔrɔ-na, nǝ kwir nimrǝ ṯoɽol tok, nɔŋgwɔ mɔrthathi-la, laakin nǝrṯoro rette-ŋetṯe. 22 Ṯaŋw nǝ kwir nimrǝ dɔvokwɔɽony tok, ŋɔŋweere ṯayyi nyɔɔrɔ-lɔ nyeere mac. Kwaathan tǝ nǝ kwaaw ai tok nɔŋwsi biɽi kuṯṯu. 23 Mǝ laamin iila lǝthi ṯidiiɽǝ-tǝ ŋwɔmoro kwǝthi ǝyǝ rerrec? Kaka naagir-gwɔ tatap dɔvokwɔɽony.” 24 Nǝsi Yǝcu ǝccǝŋw, “A liti limǝ akkɔ ṯaay pir-pǝ, kaka mǝsi-gwɔ ere elŋe ŋa mac ŋɔlɔɔthɔna ki Yiṯaab-na Yirllinǝlɔ ter, nɔ ŋǝma ŋǝthi Allah tok-a? 25 Laakin mǝr diiɽǝ ki-ŋiɽany-na, ǝreere aagathathisi-na kwokwony mac, ǝroro kaka limeleka lǝthi ki-leere-naŋw. 26 Nǝ ŋǝthi ṯidiiɽǝ ṯǝthi kila limǝ ai; ŋiti ŋɔrtɔ-ŋǝsi ŋa ŋuluuthisi Muusǝ ŋǝthi kwaaɽi kwuɽǝthu mac-a, Allah wǝccǝ Muusǝ-ŋwɔ aŋgwɔrɔ, ‘Nyii kwir Allah wǝthi Ibraahiim, nǝ wǝthi Is-haag, nǝ wǝthi Ya@guuba’? 27 Wir Allah wǝthi kila laayɔ mac, laakin nɔŋworo Allah wǝthi kila limiithɔ. A lǝni limǝ akkɔ ṯaay pir beṯten!”
Waamir wuthǝmthisi-lǝ tatap.
(Maṯṯa 22:34-40Luuga 10:25-28)28 Nɔŋw iila kwette kwǝthi mɔ@allimiin kwǝthi Sherii@a-ŋǝ, nɔŋwsi niŋnaci lɔppathalɔ mindaŋ nɔŋweese kwaamisi ǝŋniciŋw, mindaŋ nɔŋwɔccǝŋw, “Waamir wɔndǝr wǝndu wuthǝmthisi-lɔ tatap?” 29 Nǝ Yǝcu ǝŋnici nɔŋwɔccǝŋw, “Wa wiŋna wɔndǝr wǝni-ŋwɔ, ‘Niŋna-ṯi yaa Israa-iil! Kweeleny kwir Allah wǝri, wir Kweeleny kwɔtɔpɔt. 30 Ǝṯamɽi Kweelenyi kwir Allah wɔɔŋa ṯɔgwor-thi min-min, nǝ rogɽo-ri rɔɔŋwa min-min, nǝ ŋaɽiny-ŋi ŋɔɔŋa min-min, nǝ ŋɔma-ŋi ŋɔɔŋa min-min tok’. 31 Nǝ wɔthaathɔ nɔŋwɔniŋw, ‘Ǝṯamɽi jaara kwɔɔŋa kaka nǝṯi-gwɔ amɽi rogɽo rɔɔŋwa’. Ŋwɔṯaŋw nǝ waamir ere naani weere kwokwony mac wuthǝmthi-lǝ wɔ.” 32 Nǝ mɔ@allim kwǝthi Sherii@a ǝccǝŋw, “Yaa Mɔ@allim a kwɔmaami andasiŋw dap-dap; a kwaami andasiŋw rerrem naariŋaŋw, wiri Allah wɔtɔpɔt. Kaka nɔrɔŋ-ṯǝ wɔtɔpɔt; 33 ethamɽi wunduŋw ṯɔgwor-thi min-min, nǝ ŋaɽiny-ŋi min-min, nǝ ŋɔma-ŋi min-min, nǝ ethamɽi jaara kwɔɔŋa kaka nǝṯi-gwɔ amŋi rogɽo rɔɔŋwa, ŋɔ nǝroro ŋithǝmthi kwomne-la tatap kwǝṯir dunnici Allah, nǝ karaamǝ tok” 34 Mǝ Yǝcu ese kwaami ǝŋnici ŋunduŋw, nɔŋwɔccǝŋw, “A kwiti kwuruccǝ Ŋeeleny-na ŋǝthi Allah tuk mac.” Mǝ ŋiɽaŋal ŋɔ ere tǝ, nǝ kwizi ere kweere mac kwɔmǝ bonye ethi uṯicǝlɔ.
Ṯɔṯalɔ ṯǝni Kwɔrɔsṯɔ.
(Maṯṯa 22:41-46Luuga 20:41-44)35 Kinaŋw nǝccǝ Yǝcu lizi @allima ki Heikal-na nɔŋwsǝccǝŋw, “Mɔ@allimiin kwǝthi Sherii@a kwaarɔŋw Kwɔrɔsṯɔ kwir tɔr tǝthi Ḏaawḏ aŋgwɔrɔ? 36 Nandisa-ma Ḏaawḏ ŋundu wɔɽe-wɔɽeny Ṯigɽɽim-thi Ṯirllinǝlɔ ter, naarɔ-ŋgwɔŋw,
‘Kweeleny kwǝccǝ Kweelenyi kwiinyi-ŋw,
naanisany-lɔ ki-thii ṯiinyi ṯǝthi mɔni,
mindaŋ mǝŋǝ kettice ṯuwǝnǝ-lɔ ṯɔɔŋwa,
ki-ŋwaara-na ŋwɔɔŋa’.
37 Nɔruusǝ-mǝ Ḏaawḏ ŋundu wɔɽe-wɔɽeny Kweeleny kwuuŋwun; e-ta nɔŋwmoro tɔr tuuŋwun kwokwony aŋgwɔrɔ?” Nǝ dɔŋw lɔppa limni kettice ŋunduŋw yǝni ciɽiŋil laamina.
Yǝcu mɔŋgwɔ iirǝci lizi ethi aŋraci mɔ@allimiina kwǝthi Sherii@a.
(Maṯṯa 23:1-36Luuga 20:45-47)38 Nǝ ki-ṯa@liim-na ṯuuŋwun nɔŋwsǝccǝŋw, “Aŋricar mɔ@allimiina kwǝthi Sherii@a, kwǝṯamɽi ethi iirǝrǝlɔ surṯǝnnǝ lijǝllǝbiyǝ-li lɔɔla tɔttoc, lǝṯi naŋninni lizi ethisi agikkanni ki-lisuug-nǝ, 39 lǝṯi kwurbunni ki-lɔrsi-la lisaaw-lisaaw ki-limajma@-na, nǝ ki-yǝzuumǝ-nǝ tok, 40 nǝ ǝṯir ɔrnatha leethela yiŋna yeeŋen, ǝṯir aari kiyiiriny ŋidiny lǝlu-ttuk. Lindǝr-ṯǝ linḏi athaavi hɔkwɔma wɔppa wimni ethi lithaathɔ-la.”
Haḏiiyyǝ wǝṯhi kwaaw kwir kweethel.
(Luuga 21:1-4)41 Mɔŋw naanalɔ khaziina kworo kǝthi Heikal, nɔŋw iccaci lizi lǝni ligǝkṯu gwuruushǝ khazna-na ǝŋgwɔrɔ. Nǝ lɔrṯɔ luuru kegitte kwuuru-kwuuru, 42 nǝ kwaaw kwir kweethel kwir kwɔwaay ceg-cegi iila nɔŋw kaṯṯɔ milliina kwuɽǝn. 43 Nɔŋw ɔrnɔṯi ṯalaamiiza ṯuuŋwun nɔŋwsǝccǝŋw, “Nyii kwǝccǝ-ŋǝsi-mǝ ŋwɔ rerrem, kweethel-ŋgwɔ kwɔmǝŋw kette kwuuru kwuthǝmthisi-lǝ kila lithaathɔ ligǝṯṯi khazna-na. 44 Kaka kila tatap ligǝṯṯu, nǝr kette kwokwo kwǝthi ŋɔrṯɔ ŋeeŋen; laakin ŋundu-tǝ, nɔŋw kette tatap kwǝthi ŋɔwaay ŋuuŋun kwǝthiŋw.”
Mǝthǝl kwǝthi @ɔmmaal wigii ki-jineene-na kwǝthi @ineb.
(Maṯṯa 21:33-46Luuga 20:9-19)1 Nɔwwaari ibṯǝdi ethisi andaci ŋir amthaal nɔŋwsǝccǝŋw, “Kwɔr kwette kwǝthi jineeneya kwǝthi @ineb, nɔŋw ippǝci karṯinya, nɔŋw kwuuruci kɔrlɔŋa ethi-gwɔ tundǝthǝ ŋaaw-na ŋǝthi @ineb, nɔŋw ǝccici ǝzir wɔɔlala tottoc wǝthi-gwɔ kwaŋɽa naani-la, ethi aŋraci. E-tǝ noŋwɔccici @ɔmmaala ajjira mindaŋ nɔŋwaari saafira ki-bǝlǝḏ kwir ter. 2 Mindaŋ mǝ lɔɔmɔr iila kila dap lǝthi ṯɔɔna, nɔŋw ɔɔsi khaḏaama naanɔ-gwɔ @ɔmmaal wǝthi jineene ethi inḏǝthǝ kwomne kwokwo kwǝthi jineene. 3 Nǝr mithǝ nǝr ippi nǝrǝɽi kithaay domony. 4 Nɔŋwsaaɽi noŋwsi usici khaḏaama kette kwokwony, nǝr ippi yǝmmǝŋi kinda, nǝr ǝwɽi yǝy-lɔ, nǝr ǝɽicci rii-ri-na domony. 5 Nɔŋwsi usici kithaathɔ nǝr ɽeenye; nǝ lithaathɔ tok nǝrsi ippi lokwo, nǝ lithaathɔ nǝrsi ɽeenye. 6 Laakin nɔŋw ǝɽinnici kwette kwɔtɔpɔt, kwir tɔr tuuŋwun tamɽaŋw, kwaathan tǝ nɔŋwsi usici wunduŋwsi, kwigittathɔ elhaarɔŋw, ‘Lǝtǝ iiɽi ŋundu tɔɔrɔ-na tiinyi’. 7 Laakin nǝ @ɔmmaal wǝthi jineene ɔŋwnɔthisi-na nǝraarɔŋw, ‘Kwindǝr-ṯǝ ŋgwɔ kwinḏi ethi mɔrthathi ŋɔr-la; ilar-pa, ǝri ɽeenye, mindaŋ mǝ ŋɔr ŋɔ oro ŋǝri’. 8 Nǝr mithǝ nǝr ɽeenye mindaŋ nǝr kaṯṯɔ jineeneya kǝni. 9 Aatha kwinḏi kwɔr kwǝthi jiŋeene ethǝrri? Mɔŋwiila ŋwɔ kiirasi @ɔmmaala-lɔ wǝthi jineene ŋgwa, mindaŋ ŋwɔsi inḏǝthǝ lir ter jineeneya. 10 A liti limǝ ɔrti ŋiɽaŋali ŋa ŋɔlɔɔthɔŋa Kiṯaab-na Kirllinǝlɔ ter ŋaarɔŋw,
‘Kall ŋga tittir kidirnathi lorṯo-lɔ,
kinder-ṯǝ kimoro ṯɔgwagiza ṯǝthi rɔkwɔn;
11 ŋindǝr-ṯǝ ŋɔ ŋǝrrǝsi Kweeleny;
ŋwɔṯaŋw nǝrmǝ oro ŋilim kiyǝnǝ yǝri!’ ”
12 Nǝr ṯǝcci ethi mithǝ, laakin nǝr ṯeenye dɔŋw kaka mǝr-gwɔ elŋe ethaarɔŋw kwandisasa-nyji mǝthǝlǝ-ŋgwɔ naana; ŋwɔṯaŋw nǝr ɔrlacci ŋwɔdɔŋw nǝreele.
Ṯɔlba ṯǝthi inḏǝthǝ Imbraaṯɔɔra alla bǝri.
(Maṯṯa 22:15-22Luuga 20:20-26)13 Nǝr usici Lifirriisiiyyiin-na lokwo nǝ lizi lǝthi Hiiruuḏus-ŋǝ tok, ethi mithǝthǝ ŋiɽaŋali ŋeere ŋǝŋgi-ŋwsi ṯǝmsǝ-lɔ mirec. 14 Mindaŋ mǝr iila nǝrǝccǝŋw, “Yaa Mɔ@allim, nyiiŋǝ lilŋica-ŋa kwirllalɔ, ati kwǝṯi ṯeenye yǝy yǝthi kweere mac; ǝṯeere ṯǝmsi-lǝ kweere tok mac, laakin ǝṯiŋi aari @allima ŋa ŋir rerrem ŋǝthi ṯaay ṯǝthi Allah. Ŋɔvthanna ethi inḏǝthǝ Imbraaṯɔɔra ṯolbay alla bǝri? Ŋovthanna ethi inḏǝthǝ alla nyeere inḏǝthǝ mac?” 15 Laakin kaka nilŋiṯhi-ŋgwɔ araaya weeŋen, nɔŋwsǝccǝŋw, “A lotho lithǝccǝ-nyii? Ǝvicǝr-nyii-ṯi girishǝ kette nyeese.” 16 Mǝr ǝvicǝ, nɔŋwsǝccǝŋw, “Suurǝ-ŋgwɔ kwǝthi ǝyǝ kwɔrɔ yiriny-yi?” Nǝrǝccǝŋw, “Kwǝthi Imbraaṯɔɔr kwir-pa.” 17 Nǝsi Yǝcu ǝccǝŋw, “Ǝṯinḏǝthǝ Imbraaṯɔɔra kwomne kwǝni Imbraaṯɔɔr, nǝ kwǝthi Allah, ǝṯi-tǝ inḏǝthǝ Allah kwuuŋwun.” Ṯaŋw nǝr liŋɽalɔ buruc ŋiɽǝŋal-ŋi ŋandica-ŋwsi.
Ṯɔṯalɔ ṯǝthi ṯidiiɽǝ ki-ŋiɽany-na.
(Maṯṯa 22:23-33Luuga 20:27-40)18 E-ta nǝ Lisaḏɔɔŋiiyyiin lokwo iila naanɔ-gwɔ Yǝcu, kila lǝṯaarɔŋw ṯidiiɽǝ ki-ŋiɽany-na ṯiti ṯǝṯi naani mac, nǝr uṯicǝlɔ nǝrǝccǝŋw, 19 “Yaa Mɔ@allim, Muusǝ kwɔlɔcca-nyji waamira nɔŋwaarɔŋw, ‘Mǝ kwɔr kweere ai mindaŋ mɔŋw ṯayyi kwayi-lɔ kwiira nyɔɔrɔ-na, laazim ethi eŋgen kwir kwǝr mɔrthathi kwaaw-la mindaŋ mǝri ilŋanyŋi kwɔɔrɔ kwaayɔ nyɔɔrɔ yiriny-yi yuuŋwun’. 20 Nǝ lɔr naani ŋiyaŋga dɔvokwɔɽony, nɔŋw aagithi kwir nda mindaŋ nɔŋw ai, ŋɔŋweere ṯayyi nyɔɔrɔ-lɔ nyeere mac; 21 nǝgwɔ eŋgeŋ kwɔgaathathi mɔrthathi-la, mindaŋ nɔŋw ai ŋundu tok kwiira nyɔɔrɔ-na, nǝ kwir nimrǝ ṯoɽol tok, nɔŋgwɔ mɔrthathi-la, laakin nǝrṯoro rette-ŋetṯe. 22 Ṯaŋw nǝ kwir nimrǝ dɔvokwɔɽony tok, ŋɔŋweere ṯayyi nyɔɔrɔ-lɔ nyeere mac. Kwaathan tǝ nǝ kwaaw ai tok nɔŋwsi biɽi kuṯṯu. 23 Mǝ laamin iila lǝthi ṯidiiɽǝ-tǝ ŋwɔmoro kwǝthi ǝyǝ rerrec? Kaka naagir-gwɔ tatap dɔvokwɔɽony.” 24 Nǝsi Yǝcu ǝccǝŋw, “A liti limǝ akkɔ ṯaay pir-pǝ, kaka mǝsi-gwɔ ere elŋe ŋa mac ŋɔlɔɔthɔna ki Yiṯaab-na Yirllinǝlɔ ter, nɔ ŋǝma ŋǝthi Allah tok-a? 25 Laakin mǝr diiɽǝ ki-ŋiɽany-na, ǝreere aagathathisi-na kwokwony mac, ǝroro kaka limeleka lǝthi ki-leere-naŋw. 26 Nǝ ŋǝthi ṯidiiɽǝ ṯǝthi kila limǝ ai; ŋiti ŋɔrtɔ-ŋǝsi ŋa ŋuluuthisi Muusǝ ŋǝthi kwaaɽi kwuɽǝthu mac-a, Allah wǝccǝ Muusǝ-ŋwɔ aŋgwɔrɔ, ‘Nyii kwir Allah wǝthi Ibraahiim, nǝ wǝthi Is-haag, nǝ wǝthi Ya@guuba’? 27 Wir Allah wǝthi kila laayɔ mac, laakin nɔŋworo Allah wǝthi kila limiithɔ. A lǝni limǝ akkɔ ṯaay pir beṯten!”
Waamir wuthǝmthisi-lǝ tatap.
(Maṯṯa 22:34-40Luuga 10:25-28)28 Nɔŋw iila kwette kwǝthi mɔ@allimiin kwǝthi Sherii@a-ŋǝ, nɔŋwsi niŋnaci lɔppathalɔ mindaŋ nɔŋweese kwaamisi ǝŋniciŋw, mindaŋ nɔŋwɔccǝŋw, “Waamir wɔndǝr wǝndu wuthǝmthisi-lɔ tatap?” 29 Nǝ Yǝcu ǝŋnici nɔŋwɔccǝŋw, “Wa wiŋna wɔndǝr wǝni-ŋwɔ, ‘Niŋna-ṯi yaa Israa-iil! Kweeleny kwir Allah wǝri, wir Kweeleny kwɔtɔpɔt. 30 Ǝṯamɽi Kweelenyi kwir Allah wɔɔŋa ṯɔgwor-thi min-min, nǝ rogɽo-ri rɔɔŋwa min-min, nǝ ŋaɽiny-ŋi ŋɔɔŋa min-min, nǝ ŋɔma-ŋi ŋɔɔŋa min-min tok’. 31 Nǝ wɔthaathɔ nɔŋwɔniŋw, ‘Ǝṯamɽi jaara kwɔɔŋa kaka nǝṯi-gwɔ amɽi rogɽo rɔɔŋwa’. Ŋwɔṯaŋw nǝ waamir ere naani weere kwokwony mac wuthǝmthi-lǝ wɔ.” 32 Nǝ mɔ@allim kwǝthi Sherii@a ǝccǝŋw, “Yaa Mɔ@allim a kwɔmaami andasiŋw dap-dap; a kwaami andasiŋw rerrem naariŋaŋw, wiri Allah wɔtɔpɔt. Kaka nɔrɔŋ-ṯǝ wɔtɔpɔt; 33 ethamɽi wunduŋw ṯɔgwor-thi min-min, nǝ ŋaɽiny-ŋi min-min, nǝ ŋɔma-ŋi min-min, nǝ ethamɽi jaara kwɔɔŋa kaka nǝṯi-gwɔ amŋi rogɽo rɔɔŋwa, ŋɔ nǝroro ŋithǝmthi kwomne-la tatap kwǝṯir dunnici Allah, nǝ karaamǝ tok” 34 Mǝ Yǝcu ese kwaami ǝŋnici ŋunduŋw, nɔŋwɔccǝŋw, “A kwiti kwuruccǝ Ŋeeleny-na ŋǝthi Allah tuk mac.” Mǝ ŋiɽaŋal ŋɔ ere tǝ, nǝ kwizi ere kweere mac kwɔmǝ bonye ethi uṯicǝlɔ.
Ṯɔṯalɔ ṯǝni Kwɔrɔsṯɔ.
(Maṯṯa 22:41-46Luuga 20:41-44)35 Kinaŋw nǝccǝ Yǝcu lizi @allima ki Heikal-na nɔŋwsǝccǝŋw, “Mɔ@allimiin kwǝthi Sherii@a kwaarɔŋw Kwɔrɔsṯɔ kwir tɔr tǝthi Ḏaawḏ aŋgwɔrɔ? 36 Nandisa-ma Ḏaawḏ ŋundu wɔɽe-wɔɽeny Ṯigɽɽim-thi Ṯirllinǝlɔ ter, naarɔ-ŋgwɔŋw,
‘Kweeleny kwǝccǝ Kweelenyi kwiinyi-ŋw,
naanisany-lɔ ki-thii ṯiinyi ṯǝthi mɔni,
mindaŋ mǝŋǝ kettice ṯuwǝnǝ-lɔ ṯɔɔŋwa,
ki-ŋwaara-na ŋwɔɔŋa’.
37 Nɔruusǝ-mǝ Ḏaawḏ ŋundu wɔɽe-wɔɽeny Kweeleny kwuuŋwun; e-ta nɔŋwmoro tɔr tuuŋwun kwokwony aŋgwɔrɔ?” Nǝ dɔŋw lɔppa limni kettice ŋunduŋw yǝni ciɽiŋil laamina.
Yǝcu mɔŋgwɔ iirǝci lizi ethi aŋraci mɔ@allimiina kwǝthi Sherii@a.
(Maṯṯa 23:1-36Luuga 20:45-47)38 Nǝ ki-ṯa@liim-na ṯuuŋwun nɔŋwsǝccǝŋw, “Aŋricar mɔ@allimiina kwǝthi Sherii@a, kwǝṯamɽi ethi iirǝrǝlɔ surṯǝnnǝ lijǝllǝbiyǝ-li lɔɔla tɔttoc, lǝṯi naŋninni lizi ethisi agikkanni ki-lisuug-nǝ, 39 lǝṯi kwurbunni ki-lɔrsi-la lisaaw-lisaaw ki-limajma@-na, nǝ ki-yǝzuumǝ-nǝ tok, 40 nǝ ǝṯir ɔrnatha leethela yiŋna yeeŋen, ǝṯir aari kiyiiriny ŋidiny lǝlu-ttuk. Lindǝr-ṯǝ linḏi athaavi hɔkwɔma wɔppa wimni ethi lithaathɔ-la.”
Haḏiiyyǝ wǝṯhi kwaaw kwir kweethel.
(Luuga 21:1-4)41 Mɔŋw naanalɔ khaziina kworo kǝthi Heikal, nɔŋw iccaci lizi lǝni ligǝkṯu gwuruushǝ khazna-na ǝŋgwɔrɔ. Nǝ lɔrṯɔ luuru kegitte kwuuru-kwuuru, 42 nǝ kwaaw kwir kweethel kwir kwɔwaay ceg-cegi iila nɔŋw kaṯṯɔ milliina kwuɽǝn. 43 Nɔŋw ɔrnɔṯi ṯalaamiiza ṯuuŋwun nɔŋwsǝccǝŋw, “Nyii kwǝccǝ-ŋǝsi-mǝ ŋwɔ rerrem, kweethel-ŋgwɔ kwɔmǝŋw kette kwuuru kwuthǝmthisi-lǝ kila lithaathɔ ligǝṯṯi khazna-na. 44 Kaka kila tatap ligǝṯṯu, nǝr kette kwokwo kwǝthi ŋɔrṯɔ ŋeeŋen; laakin ŋundu-tǝ, nɔŋw kette tatap kwǝthi ŋɔwaay ŋuuŋun kwǝthiŋw.”