Yǝcu mɔŋgwɔ ǝnḏi ŋithiinyǝ-ŋi Urshaliim.
(Mɔrgus 11:1-11Luuga 19:28-40Yuhanna 12:12-19)1 Mǝ Yǝcu-ŋǝ ṯalaamiiz-thi ṯuuŋwun accasi Urshaliim-ŋwɔlɔ keṯṯok, nǝr ɔppatha Beiṯ-faaji kaayin wǝni Zeiṯuun. Ṯaŋw nɔŋw ɔɔsi ṯalaamiiza ṯiɽǝn keereny, 2 nɔŋwsǝccǝŋw, “Nḏir ki-lilli-na linanyja-ŋǝsi keereny, mǝ ǝnḏǝnni tɔc tǝ, a kaṯṯasi tǝɽiŋgǝŋi tikǝkkinǝr tiɽiŋǝyin-ndi ki-tuɽumǝ. Kǝdithǝrsi ǝrnyji mɔlca. 3 Mǝŋǝsi kwizi kweere uṯicǝlɔ ŋiɽaŋal-ŋi ŋeere tǝ, ǝccǝŋw, ‘Kweeleny kwir kwɔnaŋnasi’; e-ta ŋwɔsi duŋgwǝcǝ ǝnyi iilanna tɔc.” 4 Ŋǝrrinǝ ŋɔ mindaŋ ethi-mǝ rattathi ŋa ŋandisasi kwiɽii ŋaari-ŋiŋw,
5 “Andicar mǝḏiinǝ kwǝthi Sihyɔɔn-ŋwɔ,
ǝccǝŋw, iisa nǝ mǝlik kwɔɔŋa ŋgwa kwinḏi naani-ŋa-gwɔ!
Kwǝjlinnǝ ki-rogɽo, kwǝllithi ki-tǝɽiŋgǝ-lǝ,
tinḏir tiɽiŋǝyin-ndi tir kwooŋwor.”
6 Ṯaŋw nǝ ṯalaamiiz ele nǝrsi ǝrrǝ ŋir-ga ŋandicasi Yǝcu ethisǝrri 7 Nǝr mɔltha tǝɽiŋgǝŋi tiɽiŋǝyin-ndi, nǝr kwurbuci yirethi-la, mindaŋ nǝgwɔ-mǝ Yǝcu allɔla, 8 nǝ dɔŋw lɔppa lǝthi lizi ṯigrǝthǝ yirethi-lɔ ki-thaay-la, nǝ lithaathɔ nǝr akra rill rǝthi yaaɽi nǝrsi kwurbicǝlɔ ki-thaay-la, 9 nǝ ŋwɔdɔŋw ŋwa ŋwiŋnaca Yǝcu-ŋw keereny, nǝ ŋwɔrɔɔmɔ kuṯṯunǝ, nǝr kette kwɔɔla ŋwɔkǝɽi-ŋǝnǝ, nǝraarɔŋw, “Ethi Tɔr tǝthi Ḏaawḏ-ŋǝ ɔrtanni! Ethi Allah ɔrtatha ŋgwa kwinḏi yiriny-yi yǝthi Kweeleny! Ethi Allah ɔrtanni!” 10 Mǝ Yǝcu ǝnḏi Urshaliim, nǝ mǝḏiinǝ lakkathina, nǝ lizi orllena wǝyyǝŋ nǝraarɔŋw, “Ǝyǝ kwɔrɔ manɔ ŋgwa-na?” 11 Nǝsi ŋwɔdɔŋw ǝŋnici nǝrsǝccǝŋw, “Kwiɽii kwir-pa kwǝni Yǝcu kwǝthi Naasira-ŋw kwǝthi Jǝliil-ŋwɔ.”
Yǝcu mɔŋgweele ki Heikal-na.
(Mɔrgus 11:15-19Luuga 19:45-48Yuhanna 2:13-22)12 Mǝ Yǝcu ǝnḏi ki Heikal-na wǝthi Allah, nɔŋw rutti lizi kila lǝṯi liṯṯatha lizi kwomne nǝ lǝṯi illilla tok kinaŋw. Nɔŋwsi ṯanyacci rerbeeza-la rǝthi kila lǝṯi uppupi gwuruushǝ-nǝ, nǝ libǝmbǝr lǝthi kila Iǝṯi illilla yɔɔthɔri tok, 13 mindaŋ nɔŋwsǝccǝŋw, “Ŋɔlɔɔthɔna-pa ŋaari-ŋi Allah-ŋw, ‘Heikal wiinyi wir dɔɔnɔ kwǝthi ṯaara kiyiiriny’. Ŋaaŋa tǝ nǝ ruusi kaka kibaŋ kǝthi lɔɔɽam!”
14 Nǝ lunduŋw-ŋǝ yiborkon-yi iila ki Heikal-na nɔŋwsi sǝwi. 15 Nǝ rɔ-asa rǝthi kahana-ŋǝ mɔ@allimiin-gi kwǝthi Sherii@a, nǝr urǝzi rɔgwori, kaka mǝrgweese kwomne kwir ŋilim kwǝrrǝŋwɔ, nǝ kwelle kwɔgitta ŋwɔkǝɽiŋi kwaarɔŋw, “Ethi Tɔr ṯǝthi Ḏaawḏ ɔrtanni!” 16 Nǝr uṯici Yǝcu-ŋwlɔ nǝrǝccǝŋw, “Kinya nyiniŋnaca-ŋǝsi nyaari tha?” Nǝsi Yǝcu ǝŋnici nɔŋwsǝccǝŋw, “Aw rerrem nyii-ŋgwɔ kwǝniŋna rac, ŋiti ŋimǝsi ɔrti Kiṯaab-na mac ŋǝniŋw, ‘A limǝ ǝccǝ nyelle-ŋwɔsi ŋwurgwudu-ŋi @allima ethaami ɔrtɔtatha-ŋwa?’ ” 17 Nǝsi Yǝcu ɔrlacci ŋwɔḏoŋw nɔŋw ruu kithaay ki-mǝḏiinǝ-nǝ nɔŋweele Beiṯ-@aniya nɔŋgwɔ nḏira kinanaŋw.
Yǝcu mɔŋgwɔ ollo kwɔɔtha.
(Mɔrgus 11:12-14, Mɔrgus 20-24)18 Mǝ ŋɔrpana oro nɔŋweele ethi ǝnḏi ki-mǝḏiinǝ-nǝ, mindaŋ nǝ yaaŋwɔ yee 19 nɔŋweese kwɔɔtha kwɔnaanɔ ṯaay kǝni nɔŋgwɔ iilatha, laakin nɔŋweere inḏacǝ kwomne kweere mac illi yǝni ṯɔɽɔk. Nɔŋwɔccǝ kwɔɔthaŋw, “Aṯi kwiriɽi kwokwony ḏuṯ!” Ŋwɔṯaŋw nǝ kwɔɔtha ɔnḏanni tɔc. 20 Mǝ ṯalaamiiz ese nǝr liŋɽi, nǝraarɔŋw, “Kwɔɔtha kwotho kwɔmǝ ɔnḏi fita-fittak-ŋwɔ?” 21 Nǝsi Yǝcu ǝŋnici nɔŋwsǝccǝŋw, “Nyii kwɔŋǝsi andaci rerrem, mǝmmini rerrem kwiti kwir rɔgwor-na riɽǝn mac, e-ta ǝthi ŋɔma ethisǝrri nir kaka ŋǝrricǝ-nyji kwɔɔtha ŋgwɔ. Nǝreere oro ṯǝ ŋa dak mac, laakin a kǝniny ǝthi ŋɔma ethi ǝccǝ lundǝri kɔlɔ-ŋwɔ, ‘Diiɽu, a iidǝthǝ ki-bahar-na’, e-ta ǝri-tǝ errini ṯǝŋw. 22 Nǝ kweere nyithak kwǝgi ɔṯalɔ ki-ṯaara-na kiyiiriny, ǝtǝ aavi mǝ ǝthi ṯǝmminǝ.”
Yǝcu mǝr-gwɔ uṯicǝlɔ sɔlṯa-gi kwuuŋwun.
(Mɔrgus 11:27-33Luuga 20:1-8)23 Nǝ Yǝcu aaɽitha ki Heikal-na; mindaŋ mɔŋwaari @allima, nǝ rɔ-asa rǝthi kahana-ŋǝ lishiyuukh-li iila naanɔ-ŋgwɔ nǝr uṯicǝlɔ nǝrǝccǝŋw, “A kwaava sɔlṯa ṯaka kwǝṯi-gi ǝrri ŋothɽor ŋɔ, ǝyǝ kwɔrɔ kwinḏǝthǝ-ŋǝ sɔlṯa ŋgwɔ?” 24 Nǝsi Yǝcu ǝŋnjci nɔŋwsǝccǝŋw, “Nyii kwɔŋǝsi uṯicǝlɔ taamin tɔtɔpɔt dak, mǝrnyii ǝŋnici-tǝ, ŋǝsi mǝ andaci sɔlṯa ŋgwa kwǝṯiny-gi ǝrri ŋothɽor ŋɔ. 25 Yuhanna kwaava sɔlṯa taka kwǝṯɔŋw-ŋgi ǝari @ammiḏa, kwinḏi naanɔ-gwɔ Allah-yi alla naanɔ-gwɔ kwizigwunǝŋ?” Nǝr ɔŋwnɔthisi-na wɔɽe-wɔɽeny, nǝraarɔŋw, “A kwɔraari tha? Mǝri ǝccǝŋw, ‘Kwinḏi naanɔ-gwɔ Allah’ ŋwɔccǝ nyuŋwsiŋw, ‘Nǝ arpa ŋaaŋa lende lǝmminicǝ Yuhanna-ŋw?’ 26 Laakin mǝrǝccǝŋw kwǝthi ŋizigwunǝŋ kwiri, nǝr ṯinyanni tok lizi kaka a-ruusǝr-gwɔ tatap Yuhanna-ŋw kwiɽii.” 27 Ṯaŋww nǝr ǝŋnici Yǝcu-ŋwɔ nǝrǝccǝŋw, “Kwiti kwilŋica-nyii ǝzir mac.” Nɔŋwsǝccǝŋw, “Nyii tok ŋiseere andaci tok mac, sɔlṯa kwaava-nyii ṯaka kwǝṯiny-gi ǝrri ŋothɽor ŋɔ.
Mǝthǝl kwǝthi nyɔr nyiɽǝn.
28 “Nǝ fikir kwaalɔ kwǝni ǝyǝ? Kwɔr kwɔnaanɔ kwette kwǝthi nyɔɔrɔ nyiɽǝn nyir nyoŋwor. Nɔŋweele naanɔ-gwɔ kira tɔppa nɔŋwɔccǝŋw, ‘Tɔr ṯiinyi nyii kwɔnaŋna-ŋa etheele ethaaga ŋothɽor ki-thɔrɔny-na aŋwɔnɔ’. 29 Nɔŋw ǝŋnici nɔŋwɔccǝŋw, ‘Nyiiṯi kwǝmminǝ mac’. Laakin kwaathan kwokwo tǝ, nɔŋw urlǝ ṯɔgwor-lɔ nɔŋweele. 30 Naaɽi nǝ ṯǝrnyin ele kwokwony naanɔ-gwɔ tithaathɔ nɔŋwsi-ṯǝ andaci ŋa ŋette-ŋette. Nɔŋw-ǝccǝŋw, ‘Nyii kweele ṯǝrnyǝri’. Laakin nɔŋweere ele mac. 31 Tindǝr tǝndu ṯǝthi kinyɔ nyir nyiɽen timǝrri kwomne kwɔnaŋna ṯǝrnyin?” Nǝr ǝŋnici nǝrǝccǝŋw, “Tɔppa.” Ṯaŋw nǝsi Yǝcu ǝŋnici nɔŋwsǝccǝŋw, “Nyii kwɔŋǝsi andaci; kila lǝṯi allilla ṯɔlba nǝ liijin mindaŋ lǝŋǝsi iŋnaci keereny-gi ǝrǝnḏi ki Ŋeeleny-na ŋǝthi Allah. 32 Kaka mǝgwɔ Yuhanna kwǝni Ma@maḏaan iila nɔŋw ilŋithini ŋaaŋwɔsi ṯaay ṯirllalɔ ethi-gwɔ elɔla, ṯǝakin neere ǝmminici mac; laakin nǝ kila lǝṯṯallilla ṯɔlba liijin-li ǝmminici ŋunduŋw. Nǝsi ese yǝy-yi yaalɔ rac, laakin neere naŋni ethi urlǝ rɔgwor-lɔ ethi ǝmminci ŋunduŋw mac.”
Mǝthǝl kwǝthi @ɔmmaal ki-jineene-na kwǝthi @ineb.
(Mɔrgus 12:1-12Luuga 20:9-19)33 Nǝsi Yǝcu ǝccǝŋw, “Niŋnarsi-ṯi ŋɔ ŋǝthi mǝthǝl kwɔthaathɔ. Kwɔr kwɔnaanɔ kwette kwǝthi jineeneya nɔŋw kiithi yaap yǝthi @ineb, mindaŋ nɔŋw aalaci karṯinya, nɔŋw kwuuru kɔrlɔŋa ethi-gwɔ tundǝthǝ @ineba-na, mindaŋ nɔŋw ǝccici ǝzir wɔɔlala tot-toc wǝthi-gwɔ kwaŋɽa naani-la. Ṯaŋw nɔŋw inḏǝthǝ @ɔmmaala wmuŋwun ethi aŋraci mindaŋ nɔŋw aari saafira. 34 Mǝ lɔɔmɔr iila lǝthi ṯɔɔna, nɔŋw ɔɔsi yaḏaama naanɔ-gwɔ @ɔmmaal ethinḏǝthǝ kwomne kwokwo kwǝthi jineene. 35 Nǝ @ɔmmaal mithǝ yaḏaama yuuŋwun, nǝr ippi kette, nǝr ɽeenye kithaathɔ, nǝ kithaathɔ nǝr accathalɔ yall-yi, 36 nǝ kwɔr ɔɔsi yaḏaama yithaathɔ kwokwony yuuru ethi kiya-la yǝthi kerreny-ŋwɔ, mindaŋ nǝsi @ɔmmaal ǝrrici-ṯǝ ŋa ŋette-ŋette. 37 Kwaathan tǝ nɔŋwsi usici tɔɔrɔ ṯuuŋwun. Nɔŋwaarɔŋw, ‘Lǝtǝ iiɽi tɔɔrɔ-na ṯiinyi rac rerrem. 38 Laakin mǝ @ɔmmaal ese tɔɔrɔ, nǝr ɔŋwnǝthisi-na nǝraarɔŋw, ‘Tɔr ṯǝthi kwɔr kwǝthi jineeneya tir-ṯa kɔrɔ. Ilar-pa ǝri ɽeenye mindaŋ mǝ kwomne kwuuŋwun ŋgwɔ oro kwǝri!’ 39 Nǝr mithǝ ṯǝp, nǝr kaṯṯɔ ṯiɽeegera kǝni, nǝr-gwɔ ɽeenye.” 40 Nǝsi Yǝcu uṯicǝlɔ nɔŋwsǝccǝŋw, “Mǝ kwɔr kwǝthi jineene aaɽa tǝ, aatha kwɔŋwɔ ǝrrici @ɔmmaala wa?” 41 Nǝrǝccǝŋw, “Rerrem kwɔɽeenye lizi kila ligii kithaay, mindaŋ ŋwinḏǝthǝ @ɔmmaala wɔthaathɔ jineeneya winḏi ethi inḏǝthǝ ŋunduŋw kwomne kwǝthi jineene kwuuŋwun ki-lɔɔmɔr-la lɔvthanna lǝthi ṯɔɔna.” 42 Nǝsi Yǝcu ǝccǝŋw, “Ŋiṯi ŋimǝsi ɔrti mac-a ŋǝthi Yiṯaab Yirllinǝlɔ ter ŋaari tha? ‘Kall ŋga kidirnathi lorṯo-lɔ kaarir-giŋw kiti kǝthi faayitha-na mac, kimoro mɔhim beṯṯen ethi kiya-la taṯap. Nǝ Kweeleny oro kwǝrrǝsi ŋɔ ŋir ŋilim kiyǝnǝ yǝri!’ ” 43 Nǝsi Yǝcu kiɽǝcci ŋiɽaŋali nɔŋwsǝccǝŋw, “Ŋeeleny ŋǝthi Allah ŋǝ dimmini kithaay daŋgal-na, mindaŋ ǝrsi inḏǝthǝ lizi linḏi ethi aava ŋwɔɔla ŋwuuru. [ 44 Kweere mɔŋw iidǝthǝ kall-la ŋgɔ, ŋwɔ undǝnninǝ kweere-kweere, nǝ kweere kwǝgwɔ kall ŋgɔ iidǝthǝ-lǝ ŋwɔ rɔgwona rɔgwo-rɔgwo.”] 45 Na mǝ rɔ-asa rǝthi kahana-ŋǝ Lifirriisiiyyiin-li neŋne amthaala wǝthi Yǝcu, mindaŋ mǝrsi elŋe ethaarɔŋw kwandisasa-nyji naana. 46 Nǝr ṯǝcci ethi mithǝ. Laakin nǝr ṯeenye ŋwɔdɔŋw ŋwɔruusǝ Yǝcu-ŋw kwiɽii kiyǝnǝ yeeŋen.
Yǝcu mɔŋgwɔ ǝnḏi ŋithiinyǝ-ŋi Urshaliim.
(Mɔrgus 11:1-11Luuga 19:28-40Yuhanna 12:12-19)1 Mǝ Yǝcu-ŋǝ ṯalaamiiz-thi ṯuuŋwun accasi Urshaliim-ŋwɔlɔ keṯṯok, nǝr ɔppatha Beiṯ-faaji kaayin wǝni Zeiṯuun. Ṯaŋw nɔŋw ɔɔsi ṯalaamiiza ṯiɽǝn keereny, 2 nɔŋwsǝccǝŋw, “Nḏir ki-lilli-na linanyja-ŋǝsi keereny, mǝ ǝnḏǝnni tɔc tǝ, a kaṯṯasi tǝɽiŋgǝŋi tikǝkkinǝr tiɽiŋǝyin-ndi ki-tuɽumǝ. Kǝdithǝrsi ǝrnyji mɔlca. 3 Mǝŋǝsi kwizi kweere uṯicǝlɔ ŋiɽaŋal-ŋi ŋeere tǝ, ǝccǝŋw, ‘Kweeleny kwir kwɔnaŋnasi’; e-ta ŋwɔsi duŋgwǝcǝ ǝnyi iilanna tɔc.” 4 Ŋǝrrinǝ ŋɔ mindaŋ ethi-mǝ rattathi ŋa ŋandisasi kwiɽii ŋaari-ŋiŋw,
5 “Andicar mǝḏiinǝ kwǝthi Sihyɔɔn-ŋwɔ,
ǝccǝŋw, iisa nǝ mǝlik kwɔɔŋa ŋgwa kwinḏi naani-ŋa-gwɔ!
Kwǝjlinnǝ ki-rogɽo, kwǝllithi ki-tǝɽiŋgǝ-lǝ,
tinḏir tiɽiŋǝyin-ndi tir kwooŋwor.”
6 Ṯaŋw nǝ ṯalaamiiz ele nǝrsi ǝrrǝ ŋir-ga ŋandicasi Yǝcu ethisǝrri 7 Nǝr mɔltha tǝɽiŋgǝŋi tiɽiŋǝyin-ndi, nǝr kwurbuci yirethi-la, mindaŋ nǝgwɔ-mǝ Yǝcu allɔla, 8 nǝ dɔŋw lɔppa lǝthi lizi ṯigrǝthǝ yirethi-lɔ ki-thaay-la, nǝ lithaathɔ nǝr akra rill rǝthi yaaɽi nǝrsi kwurbicǝlɔ ki-thaay-la, 9 nǝ ŋwɔdɔŋw ŋwa ŋwiŋnaca Yǝcu-ŋw keereny, nǝ ŋwɔrɔɔmɔ kuṯṯunǝ, nǝr kette kwɔɔla ŋwɔkǝɽi-ŋǝnǝ, nǝraarɔŋw, “Ethi Tɔr tǝthi Ḏaawḏ-ŋǝ ɔrtanni! Ethi Allah ɔrtatha ŋgwa kwinḏi yiriny-yi yǝthi Kweeleny! Ethi Allah ɔrtanni!” 10 Mǝ Yǝcu ǝnḏi Urshaliim, nǝ mǝḏiinǝ lakkathina, nǝ lizi orllena wǝyyǝŋ nǝraarɔŋw, “Ǝyǝ kwɔrɔ manɔ ŋgwa-na?” 11 Nǝsi ŋwɔdɔŋw ǝŋnici nǝrsǝccǝŋw, “Kwiɽii kwir-pa kwǝni Yǝcu kwǝthi Naasira-ŋw kwǝthi Jǝliil-ŋwɔ.”
Yǝcu mɔŋgweele ki Heikal-na.
(Mɔrgus 11:15-19Luuga 19:45-48Yuhanna 2:13-22)12 Mǝ Yǝcu ǝnḏi ki Heikal-na wǝthi Allah, nɔŋw rutti lizi kila lǝṯi liṯṯatha lizi kwomne nǝ lǝṯi illilla tok kinaŋw. Nɔŋwsi ṯanyacci rerbeeza-la rǝthi kila lǝṯi uppupi gwuruushǝ-nǝ, nǝ libǝmbǝr lǝthi kila Iǝṯi illilla yɔɔthɔri tok, 13 mindaŋ nɔŋwsǝccǝŋw, “Ŋɔlɔɔthɔna-pa ŋaari-ŋi Allah-ŋw, ‘Heikal wiinyi wir dɔɔnɔ kwǝthi ṯaara kiyiiriny’. Ŋaaŋa tǝ nǝ ruusi kaka kibaŋ kǝthi lɔɔɽam!”
14 Nǝ lunduŋw-ŋǝ yiborkon-yi iila ki Heikal-na nɔŋwsi sǝwi. 15 Nǝ rɔ-asa rǝthi kahana-ŋǝ mɔ@allimiin-gi kwǝthi Sherii@a, nǝr urǝzi rɔgwori, kaka mǝrgweese kwomne kwir ŋilim kwǝrrǝŋwɔ, nǝ kwelle kwɔgitta ŋwɔkǝɽiŋi kwaarɔŋw, “Ethi Tɔr ṯǝthi Ḏaawḏ ɔrtanni!” 16 Nǝr uṯici Yǝcu-ŋwlɔ nǝrǝccǝŋw, “Kinya nyiniŋnaca-ŋǝsi nyaari tha?” Nǝsi Yǝcu ǝŋnici nɔŋwsǝccǝŋw, “Aw rerrem nyii-ŋgwɔ kwǝniŋna rac, ŋiti ŋimǝsi ɔrti Kiṯaab-na mac ŋǝniŋw, ‘A limǝ ǝccǝ nyelle-ŋwɔsi ŋwurgwudu-ŋi @allima ethaami ɔrtɔtatha-ŋwa?’ ” 17 Nǝsi Yǝcu ɔrlacci ŋwɔḏoŋw nɔŋw ruu kithaay ki-mǝḏiinǝ-nǝ nɔŋweele Beiṯ-@aniya nɔŋgwɔ nḏira kinanaŋw.
Yǝcu mɔŋgwɔ ollo kwɔɔtha.
(Mɔrgus 11:12-14, Mɔrgus 20-24)18 Mǝ ŋɔrpana oro nɔŋweele ethi ǝnḏi ki-mǝḏiinǝ-nǝ, mindaŋ nǝ yaaŋwɔ yee 19 nɔŋweese kwɔɔtha kwɔnaanɔ ṯaay kǝni nɔŋgwɔ iilatha, laakin nɔŋweere inḏacǝ kwomne kweere mac illi yǝni ṯɔɽɔk. Nɔŋwɔccǝ kwɔɔthaŋw, “Aṯi kwiriɽi kwokwony ḏuṯ!” Ŋwɔṯaŋw nǝ kwɔɔtha ɔnḏanni tɔc. 20 Mǝ ṯalaamiiz ese nǝr liŋɽi, nǝraarɔŋw, “Kwɔɔtha kwotho kwɔmǝ ɔnḏi fita-fittak-ŋwɔ?” 21 Nǝsi Yǝcu ǝŋnici nɔŋwsǝccǝŋw, “Nyii kwɔŋǝsi andaci rerrem, mǝmmini rerrem kwiti kwir rɔgwor-na riɽǝn mac, e-ta ǝthi ŋɔma ethisǝrri nir kaka ŋǝrricǝ-nyji kwɔɔtha ŋgwɔ. Nǝreere oro ṯǝ ŋa dak mac, laakin a kǝniny ǝthi ŋɔma ethi ǝccǝ lundǝri kɔlɔ-ŋwɔ, ‘Diiɽu, a iidǝthǝ ki-bahar-na’, e-ta ǝri-tǝ errini ṯǝŋw. 22 Nǝ kweere nyithak kwǝgi ɔṯalɔ ki-ṯaara-na kiyiiriny, ǝtǝ aavi mǝ ǝthi ṯǝmminǝ.”
Yǝcu mǝr-gwɔ uṯicǝlɔ sɔlṯa-gi kwuuŋwun.
(Mɔrgus 11:27-33Luuga 20:1-8)23 Nǝ Yǝcu aaɽitha ki Heikal-na; mindaŋ mɔŋwaari @allima, nǝ rɔ-asa rǝthi kahana-ŋǝ lishiyuukh-li iila naanɔ-ŋgwɔ nǝr uṯicǝlɔ nǝrǝccǝŋw, “A kwaava sɔlṯa ṯaka kwǝṯi-gi ǝrri ŋothɽor ŋɔ, ǝyǝ kwɔrɔ kwinḏǝthǝ-ŋǝ sɔlṯa ŋgwɔ?” 24 Nǝsi Yǝcu ǝŋnjci nɔŋwsǝccǝŋw, “Nyii kwɔŋǝsi uṯicǝlɔ taamin tɔtɔpɔt dak, mǝrnyii ǝŋnici-tǝ, ŋǝsi mǝ andaci sɔlṯa ŋgwa kwǝṯiny-gi ǝrri ŋothɽor ŋɔ. 25 Yuhanna kwaava sɔlṯa taka kwǝṯɔŋw-ŋgi ǝari @ammiḏa, kwinḏi naanɔ-gwɔ Allah-yi alla naanɔ-gwɔ kwizigwunǝŋ?” Nǝr ɔŋwnɔthisi-na wɔɽe-wɔɽeny, nǝraarɔŋw, “A kwɔraari tha? Mǝri ǝccǝŋw, ‘Kwinḏi naanɔ-gwɔ Allah’ ŋwɔccǝ nyuŋwsiŋw, ‘Nǝ arpa ŋaaŋa lende lǝmminicǝ Yuhanna-ŋw?’ 26 Laakin mǝrǝccǝŋw kwǝthi ŋizigwunǝŋ kwiri, nǝr ṯinyanni tok lizi kaka a-ruusǝr-gwɔ tatap Yuhanna-ŋw kwiɽii.” 27 Ṯaŋww nǝr ǝŋnici Yǝcu-ŋwɔ nǝrǝccǝŋw, “Kwiti kwilŋica-nyii ǝzir mac.” Nɔŋwsǝccǝŋw, “Nyii tok ŋiseere andaci tok mac, sɔlṯa kwaava-nyii ṯaka kwǝṯiny-gi ǝrri ŋothɽor ŋɔ.
Mǝthǝl kwǝthi nyɔr nyiɽǝn.
28 “Nǝ fikir kwaalɔ kwǝni ǝyǝ? Kwɔr kwɔnaanɔ kwette kwǝthi nyɔɔrɔ nyiɽǝn nyir nyoŋwor. Nɔŋweele naanɔ-gwɔ kira tɔppa nɔŋwɔccǝŋw, ‘Tɔr ṯiinyi nyii kwɔnaŋna-ŋa etheele ethaaga ŋothɽor ki-thɔrɔny-na aŋwɔnɔ’. 29 Nɔŋw ǝŋnici nɔŋwɔccǝŋw, ‘Nyiiṯi kwǝmminǝ mac’. Laakin kwaathan kwokwo tǝ, nɔŋw urlǝ ṯɔgwor-lɔ nɔŋweele. 30 Naaɽi nǝ ṯǝrnyin ele kwokwony naanɔ-gwɔ tithaathɔ nɔŋwsi-ṯǝ andaci ŋa ŋette-ŋette. Nɔŋw-ǝccǝŋw, ‘Nyii kweele ṯǝrnyǝri’. Laakin nɔŋweere ele mac. 31 Tindǝr tǝndu ṯǝthi kinyɔ nyir nyiɽen timǝrri kwomne kwɔnaŋna ṯǝrnyin?” Nǝr ǝŋnici nǝrǝccǝŋw, “Tɔppa.” Ṯaŋw nǝsi Yǝcu ǝŋnici nɔŋwsǝccǝŋw, “Nyii kwɔŋǝsi andaci; kila lǝṯi allilla ṯɔlba nǝ liijin mindaŋ lǝŋǝsi iŋnaci keereny-gi ǝrǝnḏi ki Ŋeeleny-na ŋǝthi Allah. 32 Kaka mǝgwɔ Yuhanna kwǝni Ma@maḏaan iila nɔŋw ilŋithini ŋaaŋwɔsi ṯaay ṯirllalɔ ethi-gwɔ elɔla, ṯǝakin neere ǝmminici mac; laakin nǝ kila lǝṯṯallilla ṯɔlba liijin-li ǝmminici ŋunduŋw. Nǝsi ese yǝy-yi yaalɔ rac, laakin neere naŋni ethi urlǝ rɔgwor-lɔ ethi ǝmminci ŋunduŋw mac.”
Mǝthǝl kwǝthi @ɔmmaal ki-jineene-na kwǝthi @ineb.
(Mɔrgus 12:1-12Luuga 20:9-19)33 Nǝsi Yǝcu ǝccǝŋw, “Niŋnarsi-ṯi ŋɔ ŋǝthi mǝthǝl kwɔthaathɔ. Kwɔr kwɔnaanɔ kwette kwǝthi jineeneya nɔŋw kiithi yaap yǝthi @ineb, mindaŋ nɔŋw aalaci karṯinya, nɔŋw kwuuru kɔrlɔŋa ethi-gwɔ tundǝthǝ @ineba-na, mindaŋ nɔŋw ǝccici ǝzir wɔɔlala tot-toc wǝthi-gwɔ kwaŋɽa naani-la. Ṯaŋw nɔŋw inḏǝthǝ @ɔmmaala wmuŋwun ethi aŋraci mindaŋ nɔŋw aari saafira. 34 Mǝ lɔɔmɔr iila lǝthi ṯɔɔna, nɔŋw ɔɔsi yaḏaama naanɔ-gwɔ @ɔmmaal ethinḏǝthǝ kwomne kwokwo kwǝthi jineene. 35 Nǝ @ɔmmaal mithǝ yaḏaama yuuŋwun, nǝr ippi kette, nǝr ɽeenye kithaathɔ, nǝ kithaathɔ nǝr accathalɔ yall-yi, 36 nǝ kwɔr ɔɔsi yaḏaama yithaathɔ kwokwony yuuru ethi kiya-la yǝthi kerreny-ŋwɔ, mindaŋ nǝsi @ɔmmaal ǝrrici-ṯǝ ŋa ŋette-ŋette. 37 Kwaathan tǝ nɔŋwsi usici tɔɔrɔ ṯuuŋwun. Nɔŋwaarɔŋw, ‘Lǝtǝ iiɽi tɔɔrɔ-na ṯiinyi rac rerrem. 38 Laakin mǝ @ɔmmaal ese tɔɔrɔ, nǝr ɔŋwnǝthisi-na nǝraarɔŋw, ‘Tɔr ṯǝthi kwɔr kwǝthi jineeneya tir-ṯa kɔrɔ. Ilar-pa ǝri ɽeenye mindaŋ mǝ kwomne kwuuŋwun ŋgwɔ oro kwǝri!’ 39 Nǝr mithǝ ṯǝp, nǝr kaṯṯɔ ṯiɽeegera kǝni, nǝr-gwɔ ɽeenye.” 40 Nǝsi Yǝcu uṯicǝlɔ nɔŋwsǝccǝŋw, “Mǝ kwɔr kwǝthi jineene aaɽa tǝ, aatha kwɔŋwɔ ǝrrici @ɔmmaala wa?” 41 Nǝrǝccǝŋw, “Rerrem kwɔɽeenye lizi kila ligii kithaay, mindaŋ ŋwinḏǝthǝ @ɔmmaala wɔthaathɔ jineeneya winḏi ethi inḏǝthǝ ŋunduŋw kwomne kwǝthi jineene kwuuŋwun ki-lɔɔmɔr-la lɔvthanna lǝthi ṯɔɔna.” 42 Nǝsi Yǝcu ǝccǝŋw, “Ŋiṯi ŋimǝsi ɔrti mac-a ŋǝthi Yiṯaab Yirllinǝlɔ ter ŋaari tha? ‘Kall ŋga kidirnathi lorṯo-lɔ kaarir-giŋw kiti kǝthi faayitha-na mac, kimoro mɔhim beṯṯen ethi kiya-la taṯap. Nǝ Kweeleny oro kwǝrrǝsi ŋɔ ŋir ŋilim kiyǝnǝ yǝri!’ ” 43 Nǝsi Yǝcu kiɽǝcci ŋiɽaŋali nɔŋwsǝccǝŋw, “Ŋeeleny ŋǝthi Allah ŋǝ dimmini kithaay daŋgal-na, mindaŋ ǝrsi inḏǝthǝ lizi linḏi ethi aava ŋwɔɔla ŋwuuru. [ 44 Kweere mɔŋw iidǝthǝ kall-la ŋgɔ, ŋwɔ undǝnninǝ kweere-kweere, nǝ kweere kwǝgwɔ kall ŋgɔ iidǝthǝ-lǝ ŋwɔ rɔgwona rɔgwo-rɔgwo.”] 45 Na mǝ rɔ-asa rǝthi kahana-ŋǝ Lifirriisiiyyiin-li neŋne amthaala wǝthi Yǝcu, mindaŋ mǝrsi elŋe ethaarɔŋw kwandisasa-nyji naana. 46 Nǝr ṯǝcci ethi mithǝ. Laakin nǝr ṯeenye ŋwɔdɔŋw ŋwɔruusǝ Yǝcu-ŋw kwiɽii kiyǝnǝ yeeŋen.