Lifirriisiiyyiin-ŋǝ Lisaḏɔɔgiiyyiin-ŋǝli naŋnar-gwɔ ŋilima ŋeere.
(Mɔrgus 8:11-13Luuga 12:54-56)1 Nǝ Lifirriisiiyyiin-ŋǝ Lisadɔɔgiiyyiin-ŋǝli iila naanɔ-gwɔ Yǝcu ethi mɔmmi, mindaŋ nǝr uṯicǝlɔ ethisi ǝrrici ŋilima ŋeere, mindaŋ ethi elŋe ethaarɔŋw kwǝthi Allah kwiri. 2 Laakin nǝsi Yǝcu ǝŋnici nɔŋwsǝccǝŋw, “Mǝ aaŋwɔn ɔɔri ǝṯi aarɔŋw, ‘Ǝzir windi ethi aami naana, kaka nɔɔri-gwɔ leere-la cel-cel’. 3 Nǝ ŋɔrpana tuttuk ǝṯaarɔŋw, ‘Kaaw kindi ethi dɔnni; kaka nuumǝ-gwɔ leere-la’. Nǝ ilŋithiŋǝsi-mǝ ethisi andasi ŋǝthi leere, e-ta nǝseere elŋe mac ŋǝthisi andasi ŋǝthi ŋwɔɔmɔr ŋwɔ-a? 4 Lizi lǝthi kirem-ŋwɔ lir-mba ligii mindaŋ liti lilŋithi Allah too! Ŋaaŋa luṯucǝny-lɔ ŋilim ŋi-a? Bǝri-mǝ! Ŋilim ŋɔtɔpɔt ŋǝrŋǝsi ilŋithini nǝrṯoro ŋǝthi Yuunaan dak.” Ŋwɔṯaŋw nɔŋwsi ɔrlacci ŋwɔḏoŋw nɔŋweele.
Khamiira kǝthi Lifirriisiiyyiin-ŋǝ Lisaḏɔɔgiiyyiin-li.
(Mɔrgus 8:14-21)5 Mǝ Yǝcu-ŋǝ ṯalaamiiz-thi ṯuuŋwun ṯamthitha bahara ṯɔɔlɔthala, nǝr ṯɔɔthana ethi appa ethneya. 6 Nǝsi Yǝcu ǝccǝŋw, “Aŋrathir a kette yǝy ŋǝmmǝŋ ŋiɽaŋal-ŋi ŋǝthi khamiira kǝthi Lifirriisiiyyiin-ŋǝ Lisadɔɔgiiyyiin-ŋǝli.” 7 Nǝrsi mɔmri-la deŋgen-na nǝraarɔŋw, “Ŋandisa-ŋwsi ŋɔ kaka mǝrgweere appa ethneya mac.” 8 Nǝsi Yǝcu elŋece ŋɔmɔmrirsi-la, e-ta nɔŋwsǝccǝŋw, “Ŋotho ŋɔmɔmri-ŋǝsi-la ŋǝthi ethne witi wǝthiŋǝ mac? A lirṯaŋ kɔlɔ limǝthi ṯǝmminǝ ṯokwɔɽoc-ŋwɔ! 9 Ŋiti ŋimǝsi elŋe kinnǝ mac-a? Ŋaaŋa liti likithaayina rǝghiivǝ mac-a rir ṯɔthni rǝthi lizi lir khamsa alf-a? Luvǝ lir tha limǝsi urǝzi? 10 Nǝ ŋǝthi rǝghiiv dɔvokwɔɽony rundǝcǝ-nyji lɔɔrɔ-na lir arba@ alf? Luvǝ lir tha limǝsi urǝzi? 11 Ŋende ŋilŋithi-ŋǝsi ethaarɔŋw kwiti kwandisa ŋiɽaŋali ŋǝthi ethne wiira mac? Aŋricar rogɽo raalɔ ŋiɽaŋal-ŋi ŋǝthi khamiira kǝthi Lifirriisiiyyiin-ŋǝ Lisadɔɔgiiyyiin-ŋǝli!” 12 E-ta nǝrsi mǝ elŋe ethaarɔŋw kwiṯi kwandica-nyji ethi aŋraci khamiira kǝthi rǝghiiv mac, laakiri ethi aŋraci ṯa@liima ṯǝthi Lifirriisiiyyiin-ŋǝ Lisadɔɔgiiyyiin-ŋǝli.
Bɔṯrɔs aarɔŋgwɔŋw Yǝcu kwir Kwɔrɔstɔ.
(Mɔrgus 8:27-30Luuga 9:18-21)13 Mǝ Yǝcu ɔppathi kǝzir wǝthi mǝḏiinǝ kwǝthi Gaysariiyya Fiilibbus-ŋwɔ, nɔŋw utici ṯalaamiiza-lɔ ṯuuŋwun nɔŋwsǝccǝŋw, “Lizi lǝtaarɔŋw Tɔr tǝṯhi Kwizigwunǝŋ tir ṯaŋ?” 14 Nǝrǝccǝŋw, “Lǝṯaari lokwoŋw, a kwǝni Yuhanna kwǝni Ma@maḏaan, lokwo ǝtiraarɔŋw, a kwǝni Iliiyyǝ, nǝ lithaathɔ ǝṯiraarɔŋw a kwǝni Irmiiyǝ, ya kwiɽii kweere nyithak.” 15 Nɔŋwsǝccǝŋw, “Laakin nǝ ŋaaŋa tǝ nimaarɔŋw nyii-ŋgi kwir ṯaŋ?” 16 Nǝ Sim@aan Bɔṯrɔs ǝŋnici nɔŋwɔccǝŋw, “A kwir kwǝni Kwɔrɔstɔ, kwir Tɔr ṯǝthi Allah wɔmiithɔ.” 17 Nǝ Yǝcu ǝŋnici nɔŋwɔccǝŋw, “A kwɔrtanni Sim@aan tɔr ṯǝthi Yɔɔna, ŋiɽaŋal ŋɔ ŋir rerrem ŋiti ŋinḏi naanɔ-gwɔ kwizigwunǝŋ kweere mac, laakin ŋitǝllicǝr-gǝsi-lǝ tallac, naanɔ-gwɔ Papa kwiinyi kwǝṯi naani ki-leere-na. 18 Ŋwɔṯaŋw nyii kwɔŋa andaci Bɔtrɔs. A kwir ṯida, nǝ ki-ṯɔgwagiza-la ṯǝthi ṯida kɔthɔ, nyacci kǝniisǝ kiinyi, mindaŋ a ŋiɽany ere ŋeere mac ŋǝthi ŋɔma ethi ǝccǝlɔ ṯirgic. 19 Ŋa inḏǝthǝ lɔmɔfṯa lǝthi Ŋeeleny ŋǝthi ki-leere-naŋw, ŋeere ŋǝsi kǝkki dɔŋw kɔnɔŋw kwurǝyu-lu, ǝri kǝkkini ki-leere-na tok. Ŋeere ŋǝsi kǝdu kɔnɔŋw kwurǝyu-lu, ǝri kǝdinni ki-leere-na tok.” 20 E-ta nɔŋw ǝllici ṯalaamiiza ṯuuŋwun waamira etheere andaci kweere mac ethǝccǝŋw kwundǝr-ṯǝ kwir Kwɔrɔstɔ.
Yǝcu nandisa-ŋwsi gwɔ ŋǝthi ṯurvǝ ṯuuŋwun nǝ ŋiɽany tok.
(Mɔrgus 8:31—9:1Luuga 9:22-27)21 Ki-lɔɔmɔr-la ṯǝ kila nǝ lindi ethiila tok, nǝ Yǝcu aari ibṯǝḏi ethi andaci ṯalaamiiza-lɔ ṯuuŋwun por-por nɔŋwsǝccǝŋw, “Laazim nyeele Urshaliim mindaŋ nyii rǝrinni beṯṯen ki-rii-na rǝthi lishiyuukh nǝ rǝthi rɔ-asa rǝthi kahana, nǝ mɔ@allimiin tok kwǝthi Sherii@a. Ǝrnyii ɽeenye laakin mǝ ŋwaamin ṯoɽol ere nyii diiɽǝ kwɔmiithɔ kwokwony.” 22 Nǝ Bɔṯrɔs ruwǝzǝlɔ kǝni-gi, nɔŋw ǝrmici nɔŋwɔccǝŋw, “Athri-pa Kweeleny; ǝṯisi-ṯǝ Allah duŋgwǝcǝ ethoroŋw mac.” 23 Mindaŋ mǝ Yǝcu ɔrllalǝ nɔŋwɔccǝ Bɔṯrɔs-ŋwɔ, “Tuccǝny-pǝ-nǝ kithaay yaa Shiiṯaan! A kwirrǝcǝny keereny ki-thaay-la ṯiinyi, kaka niti nɔrɔ-gwɔ ǝfkǝr wɔɔŋa wɔ wǝthi Allah mac, wǝthi ŋizigwunǝŋ wirta domony.”
24 E-ta nǝ Yǝcu andaci ṯalaamiiza ṯuuŋwun, nɔŋwsǝccǝŋw, “Mɔŋw naŋni kweere ethi rɔɔma nyuŋwɔ, laazim ŋwɔ ṯɔǝthina rogɽo-ri ruuŋwun, mindaŋ ŋwɔ dimmi ŋwrnup ŋwuuŋwun kwǝnyii-ŋi rɔɔma. 25 Kweere nyithak kwǝṯi aŋraci ŋimiitha ŋuuŋun ŋwɔsi kiirasalɔ, nǝ kweere kwɔgiirasi ŋimiitha-lɔ ŋuuŋun ŋiɽaŋal-ŋi ŋǝni ŋiinyi ŋwɔsi kaṯṯasi. 26 Aatha kwɔ kwizi ǝgini mɔŋw aavi ṯurmunǝ tatap ethǝthi mindaŋ mɔŋw kiirasi ŋimiitha-lɔ ŋuuŋun? Bǝri-mǝ! kwomne kwiṯi kweere mac kwɔŋgi uppi ŋimiitha-na ŋuuŋun. 27 Kaka ninḏi-gwɔ Tɔr ṯǝthi Kwizigwunǝŋ ethiila ŋinith-ŋi ŋǝthi Ṯǝrnyin, nǝ limeleka-li luuŋwun, mindaŋ ŋwɔsi kannac kila ɔjra wir kaka wǝthi ŋothɽor ŋeeŋen. 28 Nyii kwǝccǝ-ŋǝsi-mǝ ŋwɔ rerrem, kɔlɔ lokwo lirlɔ kɔnɔŋw liṯi linyeŋle ŋiɽany kinnǝ mac, mindaŋ mǝreese Tɔɔrɔ ṯǝthi Kwizigwunǝŋ, tinḏi ethiila kaka mǝlik.”
Lifirriisiiyyiin-ŋǝ Lisaḏɔɔgiiyyiin-ŋǝli naŋnar-gwɔ ŋilima ŋeere.
(Mɔrgus 8:11-13Luuga 12:54-56)1 Nǝ Lifirriisiiyyiin-ŋǝ Lisadɔɔgiiyyiin-ŋǝli iila naanɔ-gwɔ Yǝcu ethi mɔmmi, mindaŋ nǝr uṯicǝlɔ ethisi ǝrrici ŋilima ŋeere, mindaŋ ethi elŋe ethaarɔŋw kwǝthi Allah kwiri. 2 Laakin nǝsi Yǝcu ǝŋnici nɔŋwsǝccǝŋw, “Mǝ aaŋwɔn ɔɔri ǝṯi aarɔŋw, ‘Ǝzir windi ethi aami naana, kaka nɔɔri-gwɔ leere-la cel-cel’. 3 Nǝ ŋɔrpana tuttuk ǝṯaarɔŋw, ‘Kaaw kindi ethi dɔnni; kaka nuumǝ-gwɔ leere-la’. Nǝ ilŋithiŋǝsi-mǝ ethisi andasi ŋǝthi leere, e-ta nǝseere elŋe mac ŋǝthisi andasi ŋǝthi ŋwɔɔmɔr ŋwɔ-a? 4 Lizi lǝthi kirem-ŋwɔ lir-mba ligii mindaŋ liti lilŋithi Allah too! Ŋaaŋa luṯucǝny-lɔ ŋilim ŋi-a? Bǝri-mǝ! Ŋilim ŋɔtɔpɔt ŋǝrŋǝsi ilŋithini nǝrṯoro ŋǝthi Yuunaan dak.” Ŋwɔṯaŋw nɔŋwsi ɔrlacci ŋwɔḏoŋw nɔŋweele.
Khamiira kǝthi Lifirriisiiyyiin-ŋǝ Lisaḏɔɔgiiyyiin-li.
(Mɔrgus 8:14-21)5 Mǝ Yǝcu-ŋǝ ṯalaamiiz-thi ṯuuŋwun ṯamthitha bahara ṯɔɔlɔthala, nǝr ṯɔɔthana ethi appa ethneya. 6 Nǝsi Yǝcu ǝccǝŋw, “Aŋrathir a kette yǝy ŋǝmmǝŋ ŋiɽaŋal-ŋi ŋǝthi khamiira kǝthi Lifirriisiiyyiin-ŋǝ Lisadɔɔgiiyyiin-ŋǝli.” 7 Nǝrsi mɔmri-la deŋgen-na nǝraarɔŋw, “Ŋandisa-ŋwsi ŋɔ kaka mǝrgweere appa ethneya mac.” 8 Nǝsi Yǝcu elŋece ŋɔmɔmrirsi-la, e-ta nɔŋwsǝccǝŋw, “Ŋotho ŋɔmɔmri-ŋǝsi-la ŋǝthi ethne witi wǝthiŋǝ mac? A lirṯaŋ kɔlɔ limǝthi ṯǝmminǝ ṯokwɔɽoc-ŋwɔ! 9 Ŋiti ŋimǝsi elŋe kinnǝ mac-a? Ŋaaŋa liti likithaayina rǝghiivǝ mac-a rir ṯɔthni rǝthi lizi lir khamsa alf-a? Luvǝ lir tha limǝsi urǝzi? 10 Nǝ ŋǝthi rǝghiiv dɔvokwɔɽony rundǝcǝ-nyji lɔɔrɔ-na lir arba@ alf? Luvǝ lir tha limǝsi urǝzi? 11 Ŋende ŋilŋithi-ŋǝsi ethaarɔŋw kwiti kwandisa ŋiɽaŋali ŋǝthi ethne wiira mac? Aŋricar rogɽo raalɔ ŋiɽaŋal-ŋi ŋǝthi khamiira kǝthi Lifirriisiiyyiin-ŋǝ Lisadɔɔgiiyyiin-ŋǝli!” 12 E-ta nǝrsi mǝ elŋe ethaarɔŋw kwiṯi kwandica-nyji ethi aŋraci khamiira kǝthi rǝghiiv mac, laakiri ethi aŋraci ṯa@liima ṯǝthi Lifirriisiiyyiin-ŋǝ Lisadɔɔgiiyyiin-ŋǝli.
Bɔṯrɔs aarɔŋgwɔŋw Yǝcu kwir Kwɔrɔstɔ.
(Mɔrgus 8:27-30Luuga 9:18-21)13 Mǝ Yǝcu ɔppathi kǝzir wǝthi mǝḏiinǝ kwǝthi Gaysariiyya Fiilibbus-ŋwɔ, nɔŋw utici ṯalaamiiza-lɔ ṯuuŋwun nɔŋwsǝccǝŋw, “Lizi lǝtaarɔŋw Tɔr tǝṯhi Kwizigwunǝŋ tir ṯaŋ?” 14 Nǝrǝccǝŋw, “Lǝṯaari lokwoŋw, a kwǝni Yuhanna kwǝni Ma@maḏaan, lokwo ǝtiraarɔŋw, a kwǝni Iliiyyǝ, nǝ lithaathɔ ǝṯiraarɔŋw a kwǝni Irmiiyǝ, ya kwiɽii kweere nyithak.” 15 Nɔŋwsǝccǝŋw, “Laakin nǝ ŋaaŋa tǝ nimaarɔŋw nyii-ŋgi kwir ṯaŋ?” 16 Nǝ Sim@aan Bɔṯrɔs ǝŋnici nɔŋwɔccǝŋw, “A kwir kwǝni Kwɔrɔstɔ, kwir Tɔr ṯǝthi Allah wɔmiithɔ.” 17 Nǝ Yǝcu ǝŋnici nɔŋwɔccǝŋw, “A kwɔrtanni Sim@aan tɔr ṯǝthi Yɔɔna, ŋiɽaŋal ŋɔ ŋir rerrem ŋiti ŋinḏi naanɔ-gwɔ kwizigwunǝŋ kweere mac, laakin ŋitǝllicǝr-gǝsi-lǝ tallac, naanɔ-gwɔ Papa kwiinyi kwǝṯi naani ki-leere-na. 18 Ŋwɔṯaŋw nyii kwɔŋa andaci Bɔtrɔs. A kwir ṯida, nǝ ki-ṯɔgwagiza-la ṯǝthi ṯida kɔthɔ, nyacci kǝniisǝ kiinyi, mindaŋ a ŋiɽany ere ŋeere mac ŋǝthi ŋɔma ethi ǝccǝlɔ ṯirgic. 19 Ŋa inḏǝthǝ lɔmɔfṯa lǝthi Ŋeeleny ŋǝthi ki-leere-naŋw, ŋeere ŋǝsi kǝkki dɔŋw kɔnɔŋw kwurǝyu-lu, ǝri kǝkkini ki-leere-na tok. Ŋeere ŋǝsi kǝdu kɔnɔŋw kwurǝyu-lu, ǝri kǝdinni ki-leere-na tok.” 20 E-ta nɔŋw ǝllici ṯalaamiiza ṯuuŋwun waamira etheere andaci kweere mac ethǝccǝŋw kwundǝr-ṯǝ kwir Kwɔrɔstɔ.
Yǝcu nandisa-ŋwsi gwɔ ŋǝthi ṯurvǝ ṯuuŋwun nǝ ŋiɽany tok.
(Mɔrgus 8:31—9:1Luuga 9:22-27)21 Ki-lɔɔmɔr-la ṯǝ kila nǝ lindi ethiila tok, nǝ Yǝcu aari ibṯǝḏi ethi andaci ṯalaamiiza-lɔ ṯuuŋwun por-por nɔŋwsǝccǝŋw, “Laazim nyeele Urshaliim mindaŋ nyii rǝrinni beṯṯen ki-rii-na rǝthi lishiyuukh nǝ rǝthi rɔ-asa rǝthi kahana, nǝ mɔ@allimiin tok kwǝthi Sherii@a. Ǝrnyii ɽeenye laakin mǝ ŋwaamin ṯoɽol ere nyii diiɽǝ kwɔmiithɔ kwokwony.” 22 Nǝ Bɔṯrɔs ruwǝzǝlɔ kǝni-gi, nɔŋw ǝrmici nɔŋwɔccǝŋw, “Athri-pa Kweeleny; ǝṯisi-ṯǝ Allah duŋgwǝcǝ ethoroŋw mac.” 23 Mindaŋ mǝ Yǝcu ɔrllalǝ nɔŋwɔccǝ Bɔṯrɔs-ŋwɔ, “Tuccǝny-pǝ-nǝ kithaay yaa Shiiṯaan! A kwirrǝcǝny keereny ki-thaay-la ṯiinyi, kaka niti nɔrɔ-gwɔ ǝfkǝr wɔɔŋa wɔ wǝthi Allah mac, wǝthi ŋizigwunǝŋ wirta domony.”
24 E-ta nǝ Yǝcu andaci ṯalaamiiza ṯuuŋwun, nɔŋwsǝccǝŋw, “Mɔŋw naŋni kweere ethi rɔɔma nyuŋwɔ, laazim ŋwɔ ṯɔǝthina rogɽo-ri ruuŋwun, mindaŋ ŋwɔ dimmi ŋwrnup ŋwuuŋwun kwǝnyii-ŋi rɔɔma. 25 Kweere nyithak kwǝṯi aŋraci ŋimiitha ŋuuŋun ŋwɔsi kiirasalɔ, nǝ kweere kwɔgiirasi ŋimiitha-lɔ ŋuuŋun ŋiɽaŋal-ŋi ŋǝni ŋiinyi ŋwɔsi kaṯṯasi. 26 Aatha kwɔ kwizi ǝgini mɔŋw aavi ṯurmunǝ tatap ethǝthi mindaŋ mɔŋw kiirasi ŋimiitha-lɔ ŋuuŋun? Bǝri-mǝ! kwomne kwiṯi kweere mac kwɔŋgi uppi ŋimiitha-na ŋuuŋun. 27 Kaka ninḏi-gwɔ Tɔr ṯǝthi Kwizigwunǝŋ ethiila ŋinith-ŋi ŋǝthi Ṯǝrnyin, nǝ limeleka-li luuŋwun, mindaŋ ŋwɔsi kannac kila ɔjra wir kaka wǝthi ŋothɽor ŋeeŋen. 28 Nyii kwǝccǝ-ŋǝsi-mǝ ŋwɔ rerrem, kɔlɔ lokwo lirlɔ kɔnɔŋw liṯi linyeŋle ŋiɽany kinnǝ mac, mindaŋ mǝreese Tɔɔrɔ ṯǝthi Kwizigwunǝŋ, tinḏi ethiila kaka mǝlik.”