Shaawul mɔŋgwɔ ǝwɽi kǝniisǝ yǝy-lɔ.
1 Nǝ Shaawul ǝni kwǝmminǝ ŋiɽany ŋǝthi Isṯifaanuus. Nǝ ki-laamin-la ṯǝ kila, nǝ ṯurvǝ ṯɔppa ṯǝthi ṯǝwɽǝ yǝy-lɔ ǝndiṯhǝ kǝniisǝ Urshaliim, nǝ kila lǝthi ṯǝmminǝ tatap avri nǝr faathalɔ faṯ-faṯ, laakin yaavɔr tǝ nǝrtǝ naanalɔ kinnǝni ŋundu-ŋǝ, nǝ lizi faathitha muḏiiriiyyǝ naanɔ kwǝthi Yahuuḏiiyyǝ-ŋw, nǝ kwǝthi Saamira-ŋw tok. 2 Nǝ lokwo kila lǝṯiɽi Allah-na aanitha Isṯifaanuus-ŋwɔ, mindaŋ nǝr aaritha ŋwundǝ-ŋwundǝ ŋwal-ŋi. 3 Ǝṯi Shaawul kette ŋɔma tig-tig ethi kiirasi kǝniisǝ-lɔ, mindaŋ ǝṯɔŋw ǝnḏinḏi ki-yiŋna-na ǝṯɔŋw mɔmlɔtta lɔɔrɔ-ŋwɔsi laaw-li ǝṯɔŋwsi kaṯṯɔ ki-sijin-nǝ.
Lizi mǝr-gwɔ aari bǝshirǝ Inyjiilǝ Saamira-na.
4 Nǝ lizi kila lǝthi ṯǝmminǝ limǝ faathi, nǝreele ǝzir naana tatap ethaari bǝshirǝ ŋiɽaŋali ŋǝthi Allah. 5 Nǝ Fiilibbus ele ki-mǝḏiinǝ-nǝ kwɔppa kwǝthi Saamira-ŋw, nɔŋwɔccǝ lizi bǝshirǝ Kwɔrɔstɔ-ŋgi. 6 Nǝ ŋwɔdɔŋw kettice ŋiɽaŋali yǝy ŋa ŋandisasi Fiilibbus, nǝ kinaŋw nigittar yǝni ethi niŋnaci, nǝr iisacci ŋilima ŋǝrrǝ-ŋwsi. 7 Nǝ rigɽim rigii ruuthǝ ki-lizi-nǝ littǝzir raarɔ kwɔɔla ŋɔmmaŋi, nǝ yiborkon-ŋǝ yomsoŋ-yi yittǝzir sǝwinni. 8 Mindaŋ nǝ ṯinyiŋlana ṯɔppa ǝnḏithǝ mǝḏiinǝ ŋgwa.
9 Nǝ kwǝr naani kwette kinaŋw kwǝni Sim@aan ki-mǝdilnǝ-nǝ ŋgwa kwǝṯi ǝrri ŋilima baayil-gi, mindaŋ ǝṯɔŋw liŋɽi lizi lǝthi Saamira-ŋw, kaka nuruusǝ-ŋgwɔ rogɽo ruuŋwun kwizi kwette kwɔppa ŋɔɔrɔ, 10 ǝṯir kettice ŋiɽaŋali ŋuuŋun yǝy, kila lir ŋɔɔrɔ ŋokɔɽony nǝ lɔppa ŋɔɔrɔ tok, ǝṯiraarɔŋw, “Kwɔr-ŋgwɔ kwir-mi ŋɔma ŋǝthi Allah ŋǝṯir-ŋi aarɔŋw, ‘Ŋǝni Ŋɔma Ŋɔppa’.” 11 Ǝṯir kegittice yǝni kaka nǝṯɔŋwsi-ŋwɔ liŋɽilɔ kinaŋw tuk ŋilim-ŋi ŋuuŋun ŋǝṯɔŋwsi ǝrri-ri 12 Laakin mǝr ǝmmini ŋiɽaŋali ŋisaaw ŋǝccǝsi-ŋi Flilibbus bǝshirǝ ŋǝthi Ŋeeleny ŋǝthi Allah, nǝ ŋǝthi yiriny yǝthi Yǝcu Kwɔrɔstɔ tok, nǝraari @ammiḏa lir lɔr nǝ lir laaw tok. 13 Mindaŋ nǝ Sim@aan ǝmmini tok; mindaŋ mɔŋw aari @ammiḏa tǝ, nɔŋw naanasi Fiilibbus-ŋwɔ keṯṯok, mindaŋ ǝṯɔŋw liŋɽi mɔŋwseese ŋir ŋwundǝ-ŋwundǝ, nǝ ŋir ŋilim ŋɔppa-ŋɔppa ŋǝrrinǝ tok.
14 Mǝ yaavɔr neŋne yinaanɔ Urshaliim ethaarɔŋw lizi lǝthi Saamira-ŋw limǝmmini ŋiɽaŋali ŋǝthi Allah, nǝrsi usici Bɔṯrɔs-ŋwɔsi Yuhanna-gi. 15 Mǝr ɔppathi tǝ, nǝr ǝrici lizi kiyiiriny kila limǝmmini, ethaavi Ṯigɽimǝ Ṯirllinǝlɔ ter. 16 Kaka niti mǝgwɔ Ṯigɽim Ṯirllinǝlɔ ter ere dappitha kinnǝ kwizi-lǝ kweere mac; kaka naarir-gwɔ @ammiḏa yiriny-yi yǝthi Kweeleny kwǝni Yǝcu ṯɔɽɔk. 17 E-ta nǝsi Bɔṯrɔs-ŋǝ Yuhanna-gi kette rii ŋwɔɽa-la ŋweeŋen, mindaŋ nǝr aavi Ṯigɽimǝ Ṯirllinǝlɔ ter.
18 Nǝ mǝ Sim@aan ese Ṯigɽimǝ ṯimǝr inḏǝthǝ lizi lǝthi ṯǝmminǝ kinaŋw mǝsi yaavɔr kette rii reeŋen ŋwɔɽa-la ŋweeŋen. Ŋwɔṯaŋw mindaŋ nɔŋw alla gwuruushǝ nɔŋw naŋni ethi inḏǝthǝ Bɔṯrɔs-ŋwɔsi Yuhanna-gi, 19 nɔŋwsǝccǝŋw, “Nḏǝthǝr-nyii ŋɔma ŋɔ tok, mindaŋ mǝnyii kette rii riinyi tok kwizi-lǝ kweere nyithak, ŋwaavi Ṯigɽimǝ Ṯirllinǝlɔ ter.”
20 Laakin nǝ Bɔṯrɔs ǝŋnici nɔŋwɔccǝŋw, “Nḏi gwuruush-gi kwɔɔŋa ki-jahannam-nǝ, kaka nigittathi-ŋa-gwɔ ethaarɔŋw haḏiiyyǝ wǝthi Allah wǝṯiri iila gwuruushǝ! 21 A kwiti kwǝthi lɔɔɽɔŋi leere ki-ŋothɽor-na ŋǝri ḏuṯ, kaka niti nirilli-gwɔ ṯɔgwor-lɔ ṯɔɔŋwa mac kiyǝnǝ yǝthi Allah. 22 Ŋwɔṯaŋw urlǝ ṯɔgwor-lɔ fikir-gi kwɔɔŋa kwigii, mindaŋ aari Kweelenyi kiyiiriny ethi fivrici ŋaaŋwɔ ŋiɽaŋali ŋǝthi ǝfkǝr wir kaka wɔ. 23 Kaka niisaŋa-gwɔ kwuurǝnnǝ ŋǝsuuthǝ-nǝ deddep ŋiɽii cer-cer, nǝ noro musjuun kwǝthi ŋikiya tok.” 24 E-ta nǝ Sim@aan ǝccǝ Bɔṯrɔs-ŋwɔsi Yuhanna-gi ŋwɔ, “Min fǝḏilkwɔm, ǝricǝr-nyii Kweelenyi kiyiiriny mindaŋ mǝ kwomne-ŋgwɔ kwandisa-ŋa ere ǝrrinici nyuŋwɔ kweere mac.” 25 Mǝ Bɔṯrɔs-ŋǝ Yuhanna-gi ruwǝzi shahaaḏa-lɔ kweeŋen, mindaŋ mǝr andasi ŋiɽaŋali ŋǝthi Kweeleny tok tǝ, nǝr aaɽitha Urshaliim. Nǝ kinaŋw ninḏir ki-thaay-la nǝr aaritha bǝshirǝ-lǝ Inyjiilǝ ki-ŋwilli-na ŋwittǝzir ŋwɔthi Saamira-ŋw.
Fiilibbus mɔŋgwɔ ǝccǝ wǝziirǝ @immiḏa wǝthi Athiyuubiyǝ-ŋw.
26 Nǝ meleka kwǝthi Kweeleny ǝccǝ Fiilibbus-ŋwɔ, “Diiɽu iilatha jǝnuub-ŋgi, mindaŋ a mithǝ ṯaay-lɔ kidar ṯuruuthu Urshaliim tinḏi etheele Ghaza.” Nǝ ṯaay kɔthɔ ǝni ṯiti ṯǝṯir-thi ele kwokwony kirem mac. 27 Ṯaŋw nǝ Fiilibbus diiɽi nɔŋweele. Nǝ kǝrcu kette kir Athiyuubii, kir wǝziir wǝthi mǝlika kwǝthi Athiyuubiyǝŋw, kwimthi khazna, nɔŋw iila kwinḏi ethaaɽitha dɔɔnɔ. Nɔŋw naana Urshaliim-ŋgi kwɔgwɔcca Allah-lɔ, mindaŋ nɔŋw aaɽa kwǝllithi karrɔ-la ethaaɽitha dɔɔnɔ. 28 Nǝ kinaŋw ninḏiŋw karrɔ-gi ki-thaay-la, nɔŋw ɔrtatha kiṯaab-la kǝthi kwiɽii kwǝni Isha@ya. 29 Nǝ Ṯigɽim Ṯirllinǝlɔ ter ǝccǝ Fiilibbus-ŋwɔ, “Nḏi a ḏɔŋgwatha keṯṯok naanɔ-gwɔ karrɔ.” 30 Nǝ Fiilibbus avri nɔŋweele naanɔ-ŋgwɔ, mindaŋ nɔŋw niŋnaci kwɔrtɔ kiṯaabi kǝthi kwiɽii kwǝni Isha@ya. Mindaŋ nɔŋw uṯicǝlɔ nɔŋwɔccǝŋw, “Ŋa ŋilŋithi-ŋǝsi ŋa ŋɔrtɔ-ŋǝsi-a?”
31 Nǝ wǝziir ǝŋnici nɔŋwɔccǝŋw, “Ŋǝnyji elŋe aŋgwɔrɔ mǝnyji kwizi kweere ere uppucinǝ mac?” Nɔŋw andaci Fiilibbus-ŋwɔ ethi dallɔ ethi-gi aɽɔmaṯṯi ndǝndǝk karrɔ-la. 32 Nǝ ŋa ŋɔrtɔ-ŋwsi ŋinaanɔ Kiṯaab-na Kirllinǝlɔ ter nǝroro ŋɔ:
“Kwir kaka kaaŋal kiilǝr ethi uɽu kworo,
nɔŋworo kaka tirany titi tǝṯi ɔvi kworo mac,
mǝr fiyǝŋthǝ yaala-lɔ yuuŋwun,
nɔŋwseere andasi ŋeere mac.
33 Ki-ṯǝjlinǝ-nǝ ṯuuŋwun nǝ ŋirllalɔ tok, nǝr-tǝ dirnathalɔ
tɔttɔr.
Nǝ ǝyǝ kwɔrɔ kwǝthi ŋɔma ethisi andasi ŋǝthi ŋwɔɔla
ŋwuuŋwun,
kaka mǝgwɔ ŋimiitha ŋuuŋun ernene kɔnɔŋw kwurǝyu-lu.”
34 Nǝ wǝziir uṯici Fiilibbus-ŋwɔ-lɔ nɔŋwɔccǝŋw, “Andica-nyii-ṯi kwiɽii kwandisj ŋiɽaŋali ŋǝthi ǝyǝ? Ŋǝthi rogɽo ruuŋwun ŋirii, alla ŋǝthi kwɔthaathɔ ŋir?” 35 E-ta nǝ Fiilibbus aari ibṯǝḏi ethi andasi, mindaŋ nɔŋw andaci ŋiɽaŋali ŋinaanɔ Kiṯaab-na Kirllinǝlɔ ter, ŋir ŋiɽaŋal ŋisaaw ŋǝni Yǝcu. 36 Mǝreele ki-thaay-la mindaŋ mǝr ɔppathi kǝzir wǝthi ŋaaw tǝ, nǝ wǝziir ǝccǝŋw, “Ŋaaw ŋirpa-ŋɔ kɔnɔŋw. Aatha kwɔrɔ kwǝnyii ṯiinyini ethaari @ammiḏa?” [ 37 Nǝ Fiilibbus ǝccǝŋw, “A kwǝthi ŋɔma ethaari @ammiḏa mǝmmini ṯɔgwor-thi ṯɔɔŋwa min-min.” Nɔŋw-ǝŋnici nɔŋwɔccǝŋw, “Aw nyii kwǝmminǝ Yǝcu Kwɔrɔstɔ-ŋw kwir Tɔr tǝthi Allah.”]
38 Nǝ wǝziir rilli karrɔwa, mindaŋ nǝ Fiilibbus-ŋǝ ŋundu-gi ɔɽi ŋaaw-na, nǝgwɔ Fiilibbus ǝccǝ ŋunduŋw @ammiḏa. 39 Mǝr dallithalɔ ŋaaw-na tǝ, naǝ Ṯigɽim ṯǝthi Kweeleny dimmi Fiilibbus-ŋwɔ kithaay nyettec. Mindaŋ nǝ wǝziir ere ese ŋunduŋw kwokwony mac, laakin nɔŋw-tǝ ele ki-thaay-la ṯuuŋwun dɔṯṯɔk, kwɔmǝ urǝnni-nǝ ṯinyiŋla-thina deddep. 40 E-ta nǝ Fiilibbus inḏa rogɽo ruuŋwun Ashḏuuḏ, nɔŋw aarithala bǝshirǝ Inyjiilǝ muḏunǝ naana tatap mindaŋ nɔŋw ɔppathi Gaysariiyyǝ.
Shaawul mɔŋgwɔ ǝwɽi kǝniisǝ yǝy-lɔ.
1 Nǝ Shaawul ǝni kwǝmminǝ ŋiɽany ŋǝthi Isṯifaanuus. Nǝ ki-laamin-la ṯǝ kila, nǝ ṯurvǝ ṯɔppa ṯǝthi ṯǝwɽǝ yǝy-lɔ ǝndiṯhǝ kǝniisǝ Urshaliim, nǝ kila lǝthi ṯǝmminǝ tatap avri nǝr faathalɔ faṯ-faṯ, laakin yaavɔr tǝ nǝrtǝ naanalɔ kinnǝni ŋundu-ŋǝ, nǝ lizi faathitha muḏiiriiyyǝ naanɔ kwǝthi Yahuuḏiiyyǝ-ŋw, nǝ kwǝthi Saamira-ŋw tok. 2 Nǝ lokwo kila lǝṯiɽi Allah-na aanitha Isṯifaanuus-ŋwɔ, mindaŋ nǝr aaritha ŋwundǝ-ŋwundǝ ŋwal-ŋi. 3 Ǝṯi Shaawul kette ŋɔma tig-tig ethi kiirasi kǝniisǝ-lɔ, mindaŋ ǝṯɔŋw ǝnḏinḏi ki-yiŋna-na ǝṯɔŋw mɔmlɔtta lɔɔrɔ-ŋwɔsi laaw-li ǝṯɔŋwsi kaṯṯɔ ki-sijin-nǝ.
Lizi mǝr-gwɔ aari bǝshirǝ Inyjiilǝ Saamira-na.
4 Nǝ lizi kila lǝthi ṯǝmminǝ limǝ faathi, nǝreele ǝzir naana tatap ethaari bǝshirǝ ŋiɽaŋali ŋǝthi Allah. 5 Nǝ Fiilibbus ele ki-mǝḏiinǝ-nǝ kwɔppa kwǝthi Saamira-ŋw, nɔŋwɔccǝ lizi bǝshirǝ Kwɔrɔstɔ-ŋgi. 6 Nǝ ŋwɔdɔŋw kettice ŋiɽaŋali yǝy ŋa ŋandisasi Fiilibbus, nǝ kinaŋw nigittar yǝni ethi niŋnaci, nǝr iisacci ŋilima ŋǝrrǝ-ŋwsi. 7 Nǝ rigɽim rigii ruuthǝ ki-lizi-nǝ littǝzir raarɔ kwɔɔla ŋɔmmaŋi, nǝ yiborkon-ŋǝ yomsoŋ-yi yittǝzir sǝwinni. 8 Mindaŋ nǝ ṯinyiŋlana ṯɔppa ǝnḏithǝ mǝḏiinǝ ŋgwa.
9 Nǝ kwǝr naani kwette kinaŋw kwǝni Sim@aan ki-mǝdilnǝ-nǝ ŋgwa kwǝṯi ǝrri ŋilima baayil-gi, mindaŋ ǝṯɔŋw liŋɽi lizi lǝthi Saamira-ŋw, kaka nuruusǝ-ŋgwɔ rogɽo ruuŋwun kwizi kwette kwɔppa ŋɔɔrɔ, 10 ǝṯir kettice ŋiɽaŋali ŋuuŋun yǝy, kila lir ŋɔɔrɔ ŋokɔɽony nǝ lɔppa ŋɔɔrɔ tok, ǝṯiraarɔŋw, “Kwɔr-ŋgwɔ kwir-mi ŋɔma ŋǝthi Allah ŋǝṯir-ŋi aarɔŋw, ‘Ŋǝni Ŋɔma Ŋɔppa’.” 11 Ǝṯir kegittice yǝni kaka nǝṯɔŋwsi-ŋwɔ liŋɽilɔ kinaŋw tuk ŋilim-ŋi ŋuuŋun ŋǝṯɔŋwsi ǝrri-ri 12 Laakin mǝr ǝmmini ŋiɽaŋali ŋisaaw ŋǝccǝsi-ŋi Flilibbus bǝshirǝ ŋǝthi Ŋeeleny ŋǝthi Allah, nǝ ŋǝthi yiriny yǝthi Yǝcu Kwɔrɔstɔ tok, nǝraari @ammiḏa lir lɔr nǝ lir laaw tok. 13 Mindaŋ nǝ Sim@aan ǝmmini tok; mindaŋ mɔŋw aari @ammiḏa tǝ, nɔŋw naanasi Fiilibbus-ŋwɔ keṯṯok, mindaŋ ǝṯɔŋw liŋɽi mɔŋwseese ŋir ŋwundǝ-ŋwundǝ, nǝ ŋir ŋilim ŋɔppa-ŋɔppa ŋǝrrinǝ tok.
14 Mǝ yaavɔr neŋne yinaanɔ Urshaliim ethaarɔŋw lizi lǝthi Saamira-ŋw limǝmmini ŋiɽaŋali ŋǝthi Allah, nǝrsi usici Bɔṯrɔs-ŋwɔsi Yuhanna-gi. 15 Mǝr ɔppathi tǝ, nǝr ǝrici lizi kiyiiriny kila limǝmmini, ethaavi Ṯigɽimǝ Ṯirllinǝlɔ ter. 16 Kaka niti mǝgwɔ Ṯigɽim Ṯirllinǝlɔ ter ere dappitha kinnǝ kwizi-lǝ kweere mac; kaka naarir-gwɔ @ammiḏa yiriny-yi yǝthi Kweeleny kwǝni Yǝcu ṯɔɽɔk. 17 E-ta nǝsi Bɔṯrɔs-ŋǝ Yuhanna-gi kette rii ŋwɔɽa-la ŋweeŋen, mindaŋ nǝr aavi Ṯigɽimǝ Ṯirllinǝlɔ ter.
18 Nǝ mǝ Sim@aan ese Ṯigɽimǝ ṯimǝr inḏǝthǝ lizi lǝthi ṯǝmminǝ kinaŋw mǝsi yaavɔr kette rii reeŋen ŋwɔɽa-la ŋweeŋen. Ŋwɔṯaŋw mindaŋ nɔŋw alla gwuruushǝ nɔŋw naŋni ethi inḏǝthǝ Bɔṯrɔs-ŋwɔsi Yuhanna-gi, 19 nɔŋwsǝccǝŋw, “Nḏǝthǝr-nyii ŋɔma ŋɔ tok, mindaŋ mǝnyii kette rii riinyi tok kwizi-lǝ kweere nyithak, ŋwaavi Ṯigɽimǝ Ṯirllinǝlɔ ter.”
20 Laakin nǝ Bɔṯrɔs ǝŋnici nɔŋwɔccǝŋw, “Nḏi gwuruush-gi kwɔɔŋa ki-jahannam-nǝ, kaka nigittathi-ŋa-gwɔ ethaarɔŋw haḏiiyyǝ wǝthi Allah wǝṯiri iila gwuruushǝ! 21 A kwiti kwǝthi lɔɔɽɔŋi leere ki-ŋothɽor-na ŋǝri ḏuṯ, kaka niti nirilli-gwɔ ṯɔgwor-lɔ ṯɔɔŋwa mac kiyǝnǝ yǝthi Allah. 22 Ŋwɔṯaŋw urlǝ ṯɔgwor-lɔ fikir-gi kwɔɔŋa kwigii, mindaŋ aari Kweelenyi kiyiiriny ethi fivrici ŋaaŋwɔ ŋiɽaŋali ŋǝthi ǝfkǝr wir kaka wɔ. 23 Kaka niisaŋa-gwɔ kwuurǝnnǝ ŋǝsuuthǝ-nǝ deddep ŋiɽii cer-cer, nǝ noro musjuun kwǝthi ŋikiya tok.” 24 E-ta nǝ Sim@aan ǝccǝ Bɔṯrɔs-ŋwɔsi Yuhanna-gi ŋwɔ, “Min fǝḏilkwɔm, ǝricǝr-nyii Kweelenyi kiyiiriny mindaŋ mǝ kwomne-ŋgwɔ kwandisa-ŋa ere ǝrrinici nyuŋwɔ kweere mac.” 25 Mǝ Bɔṯrɔs-ŋǝ Yuhanna-gi ruwǝzi shahaaḏa-lɔ kweeŋen, mindaŋ mǝr andasi ŋiɽaŋali ŋǝthi Kweeleny tok tǝ, nǝr aaɽitha Urshaliim. Nǝ kinaŋw ninḏir ki-thaay-la nǝr aaritha bǝshirǝ-lǝ Inyjiilǝ ki-ŋwilli-na ŋwittǝzir ŋwɔthi Saamira-ŋw.
Fiilibbus mɔŋgwɔ ǝccǝ wǝziirǝ @immiḏa wǝthi Athiyuubiyǝ-ŋw.
26 Nǝ meleka kwǝthi Kweeleny ǝccǝ Fiilibbus-ŋwɔ, “Diiɽu iilatha jǝnuub-ŋgi, mindaŋ a mithǝ ṯaay-lɔ kidar ṯuruuthu Urshaliim tinḏi etheele Ghaza.” Nǝ ṯaay kɔthɔ ǝni ṯiti ṯǝṯir-thi ele kwokwony kirem mac. 27 Ṯaŋw nǝ Fiilibbus diiɽi nɔŋweele. Nǝ kǝrcu kette kir Athiyuubii, kir wǝziir wǝthi mǝlika kwǝthi Athiyuubiyǝŋw, kwimthi khazna, nɔŋw iila kwinḏi ethaaɽitha dɔɔnɔ. Nɔŋw naana Urshaliim-ŋgi kwɔgwɔcca Allah-lɔ, mindaŋ nɔŋw aaɽa kwǝllithi karrɔ-la ethaaɽitha dɔɔnɔ. 28 Nǝ kinaŋw ninḏiŋw karrɔ-gi ki-thaay-la, nɔŋw ɔrtatha kiṯaab-la kǝthi kwiɽii kwǝni Isha@ya. 29 Nǝ Ṯigɽim Ṯirllinǝlɔ ter ǝccǝ Fiilibbus-ŋwɔ, “Nḏi a ḏɔŋgwatha keṯṯok naanɔ-gwɔ karrɔ.” 30 Nǝ Fiilibbus avri nɔŋweele naanɔ-ŋgwɔ, mindaŋ nɔŋw niŋnaci kwɔrtɔ kiṯaabi kǝthi kwiɽii kwǝni Isha@ya. Mindaŋ nɔŋw uṯicǝlɔ nɔŋwɔccǝŋw, “Ŋa ŋilŋithi-ŋǝsi ŋa ŋɔrtɔ-ŋǝsi-a?”
31 Nǝ wǝziir ǝŋnici nɔŋwɔccǝŋw, “Ŋǝnyji elŋe aŋgwɔrɔ mǝnyji kwizi kweere ere uppucinǝ mac?” Nɔŋw andaci Fiilibbus-ŋwɔ ethi dallɔ ethi-gi aɽɔmaṯṯi ndǝndǝk karrɔ-la. 32 Nǝ ŋa ŋɔrtɔ-ŋwsi ŋinaanɔ Kiṯaab-na Kirllinǝlɔ ter nǝroro ŋɔ:
“Kwir kaka kaaŋal kiilǝr ethi uɽu kworo,
nɔŋworo kaka tirany titi tǝṯi ɔvi kworo mac,
mǝr fiyǝŋthǝ yaala-lɔ yuuŋwun,
nɔŋwseere andasi ŋeere mac.
33 Ki-ṯǝjlinǝ-nǝ ṯuuŋwun nǝ ŋirllalɔ tok, nǝr-tǝ dirnathalɔ
tɔttɔr.
Nǝ ǝyǝ kwɔrɔ kwǝthi ŋɔma ethisi andasi ŋǝthi ŋwɔɔla
ŋwuuŋwun,
kaka mǝgwɔ ŋimiitha ŋuuŋun ernene kɔnɔŋw kwurǝyu-lu.”
34 Nǝ wǝziir uṯici Fiilibbus-ŋwɔ-lɔ nɔŋwɔccǝŋw, “Andica-nyii-ṯi kwiɽii kwandisj ŋiɽaŋali ŋǝthi ǝyǝ? Ŋǝthi rogɽo ruuŋwun ŋirii, alla ŋǝthi kwɔthaathɔ ŋir?” 35 E-ta nǝ Fiilibbus aari ibṯǝḏi ethi andasi, mindaŋ nɔŋw andaci ŋiɽaŋali ŋinaanɔ Kiṯaab-na Kirllinǝlɔ ter, ŋir ŋiɽaŋal ŋisaaw ŋǝni Yǝcu. 36 Mǝreele ki-thaay-la mindaŋ mǝr ɔppathi kǝzir wǝthi ŋaaw tǝ, nǝ wǝziir ǝccǝŋw, “Ŋaaw ŋirpa-ŋɔ kɔnɔŋw. Aatha kwɔrɔ kwǝnyii ṯiinyini ethaari @ammiḏa?” [ 37 Nǝ Fiilibbus ǝccǝŋw, “A kwǝthi ŋɔma ethaari @ammiḏa mǝmmini ṯɔgwor-thi ṯɔɔŋwa min-min.” Nɔŋw-ǝŋnici nɔŋwɔccǝŋw, “Aw nyii kwǝmminǝ Yǝcu Kwɔrɔstɔ-ŋw kwir Tɔr tǝthi Allah.”]
38 Nǝ wǝziir rilli karrɔwa, mindaŋ nǝ Fiilibbus-ŋǝ ŋundu-gi ɔɽi ŋaaw-na, nǝgwɔ Fiilibbus ǝccǝ ŋunduŋw @ammiḏa. 39 Mǝr dallithalɔ ŋaaw-na tǝ, naǝ Ṯigɽim ṯǝthi Kweeleny dimmi Fiilibbus-ŋwɔ kithaay nyettec. Mindaŋ nǝ wǝziir ere ese ŋunduŋw kwokwony mac, laakin nɔŋw-tǝ ele ki-thaay-la ṯuuŋwun dɔṯṯɔk, kwɔmǝ urǝnni-nǝ ṯinyiŋla-thina deddep. 40 E-ta nǝ Fiilibbus inḏa rogɽo ruuŋwun Ashḏuuḏ, nɔŋw aarithala bǝshirǝ Inyjiilǝ muḏunǝ naana tatap mindaŋ nɔŋw ɔppathi Gaysariiyyǝ.