Ṯisǝwǝ ṯǝthi kiborkon.
1 Laamin lette nǝ Bɔṯrɔs-ŋǝ Yuhanna-gi ele ki Heikal-na ki-saa@-la kwir ṯoɽol kwǝthi kirakalɔ-ŋw, kwǝthi ṯaara kiyiiriny. 2 Nǝ kwɔr kwette naani kinaŋw kwilŋithir ŋiborkon-ŋina, kwǝṯir aava ŋwaamin tatap ǝṯir kette-lɔ kǝgwor wǝthi Heikal wǝni “Ǝgwɔr Wisaaw”, ethi kittaci lizi yerge-la lǝṯi ǝnḏi ki Heikal-na. 3 Mɔŋweese Bɔṯrɔs-ŋwɔsi Yuhanna-gi lǝnḏi ki Heikal-na, nɔŋwsi kettice kerge ethi inḏǝthǝ kwomne kweere. 4 Nǝr ecce ŋoṯ-ŋoṯ, mindaŋ nǝ Bɔṯrɔs ǝccǝŋw, “Icca-nyji!” 5 Ŋwɔṯaŋw nɔŋwsi ecce kwɔgittatha ethi aavi kwomne kweere naanir-gwɔ 6 Laakin nǝ Bɔṯrɔs ǝccǝŋw, “Nyii kwiti kwǝthi gwuruushǝ kweere mac laakin kwomne-ŋgwa kwǝthinyii ŋa inḏǝthǝ. Yiriny-yi yǝthi Yǝcu Kwɔrɔstɔ kwǝthi Naasira-ŋw, nyii kwǝccǝ-ŋǝ-ŋwɔ diiɽu a irǝrǝlɔ!” 7 E-ta nɔŋw mithǝ ṯii ṯuuŋwun ṯǝthi mɔni, nɔŋw diiɽǝzilǝ Ṯaŋw nǝ yaaga-ŋa ŋwejileny-ŋi ŋwuuŋwun firllathala tɔc; 8 nɔŋw purlǝthǝlǝ drip, mindaŋ nɔŋw rillathala ŋwaara-ŋi, nɔŋwaari ibṯǝḏi ethi irǝrǝlɔ. E-ta nǝr-li ǝnḏi ki Heikal-na kwirǝrǝlɔ, nǝ kwɔpupurlǝthi-la kwɔrtathɔ Allah tok. 9 Nǝ lizi tatap linaana kinaŋw ese ŋunduŋw kwiirǝrǝlɔ nǝ kwɔrtathɔ Allah tok, 10 mindaŋ mǝr elŋe ŋunduŋw kwǝṯi kigittasi yerge-la, nǝ kwǝti naanalɔ tok “Kǝgwɔr wisaaw” wǝthi Heikal, nǝr urenni-nǝ ṯiliŋɽa-thi, nǝr ṯibii tok ŋiɽaŋal-ŋi ŋa ŋimǝrrinici ŋunduŋw.
Bɔṯrɔs mɔŋgwaari bǝshirǝ ki Heikal-na.
11 Nǝ kinaŋw nimthi-tǝ kwɔr Bɔṯrɔs-ŋwɔsi Yuhanna-gi tetter kinnǝni, ki-baranḏa-na kwǝṯir ǝccǝ baranda kwǝthi Sulemaan, nǝ lizi liŋɽi mindaŋ nǝrsi avratha naana. 12 Mǝ Bɔṯrɔs ese lizi nɔŋwsǝccǝŋw, “Lɔr lir Israa-iil, aatha kwiliŋɽicǝ-ŋǝ nǝ aatha kwiccacar-nyji ŋoṯ-ŋoṯ? Ŋaaŋa laarɔŋw mǝnyja nyiiŋǝ lir lisǝwǝ kwɔɔrɔ ŋgwɔ ŋɔma-ŋi ŋǝri nǝ ṯiiɽǝ-thi-nǝ ṯǝthi Allah mindaŋ nɔŋweele-a? 13 Allah wǝthi Ibraahiim-ŋǝ Is-haag-gi nǝ Ya@guub tok, wir Allah wǝthi papa-ŋa lǝri, windǝr-ṯǝ winiyǝ Khaḏaama-na kuuŋun kǝni Yǝcu kwɔmǝ inḏǝthǝ lizi kila lǝthi sɔlṯa, mindaŋ nǝ dirnathalɔ kiyǝnǝ yǝthi Biilaaṯɔs, kinaŋw nigittathɔ-ŋgwɔ ethi duŋgwǝci ŋunduŋw. 14 Nɔŋworo kwette Kwirllinǝlɔ ter, nǝ Kwirllalɔ tok, laakin nǝ dirnathalɔ, mindaŋ nǝ uṯici Biilaaṯɔs-ŋwɔlɔ ethi ǝmi ŋaaŋwɔsi-na, ethi kǝdicǝ ŋaaŋwɔsi ŋgwa kwɔgitta dimmi. 15 Nǝ ɽeenye ŋgwa kwir Tuwǝ tǝthi ŋimiitha, laakin nǝ Allah diiɽǝ ki-ŋiɽany-na, ŋwɔṯaŋw ninyoro nyiiŋǝ shuhuuḏ kwǝthi ŋiɽaŋal ŋɔ. 16 Nǝ ŋɔma oro ŋǝthi yiriny yuuŋwun yimǝ firllasi kwɔɔrɔ-la ŋgwɔ kwir kiborkon. Ŋa ŋiisa-ŋasi nǝ ŋilŋithi-ŋǝsi tok nǝrǝni ŋǝrrinǝ ṯǝmminǝ-thi, yiriny-yi yuuŋwun; nǝ ṯǝmminǝ oro ethi Yǝcu-nǝ ṯimǝ sǝwi ŋunduŋw, kaka nǝthiŋǝ-gwɔ ŋɔma tatap etheese ŋunduŋw.
17 “Nǝ kire-kirem-ŋgwɔ liyǝŋgǝri, ŋilŋica-nyji ŋa rac ŋǝrricǝ-ŋǝsi Yǝcu-ŋw, ŋǝni ŋiti ŋilŋithi-ŋǝsi mac tǝ, nǝsi-mǝ ǝrri nǝ rɔ-asa raalɔ tok. 18 Nǝ Allah andasi kerreny tuk ŋiɽiiya-ŋi ŋǝthi liɽii luuŋwun tatap ŋiɽaŋali ŋǝthi ṯirǝrinnǝ ṯǝthi Kwɔrɔstɔ kwuuŋwun; mindaŋ ŋimǝ-ŋwsi ṯimmasi kworo kimaara. 19 Ŋwɔṯaŋw, urlǝr rɔgwor-lɔ mindaŋ ɔrllatha kwokwony Allah naana, mindaŋ kwɔŋǝsi miɽinyaci ŋikiyaŋi-lɔ ŋaalɔ kithaay. Mindaŋ ma ŋwɔɔmɔr ŋwɔthi kǝṯṯini wǝŋ ruuthǝ naanɔ-gwɔ Kweeleny, 20 lɔɔmɔr kila linḏi mindaŋ a Kweeleny ɔɔsa ŋɔma ŋuuŋun, mindaŋ ŋwɔ ɔɔsa Yǝcu-ŋw kwir Kwɔrɔstɔ ŋgwa kwǝllicǝŋw ŋaaŋwɔsi-na kerreny tuk. 21 Laazim ŋwɔ nannitha ki-leere-na mindaŋ a lɔɔmɔr iila linḏi-li kwɔmne tatap ethoro kwiyaŋ, kaka nandisa-gwɔ Allah ruunyu-ri rǝthi liɽii luuŋwun lirllinǝlɔ ter. 22 Kaka naarɔ-gwɔ Muusǝ-ŋw, ‘Kweeleny kwir Allah waalɔ kwɔŋǝsi ṯiŋacca kwiɽiiyaŋi kwir kaka nyuŋwɔ, kwinḏi ethoro kwette kwǝthi lizi laalɔ. A iinyici naana kwɔmne-gi tatap kwɔŋgi andaci ŋaaŋwɔsi ethi ǝrri. 23 Kweere nyithak kwiti kwinḏi ethi iinyici kwiɽiiya ŋgwɔ naana mac tǝ, ǝri ruu-nǝ kithaay ki-lizi-nǝ lǝthi Allah, mindaŋ ǝri kiirasalɔ’. 24 Nǝ liɽii kila tatap min Samwiil nǝ kila tatap limǝ kwaathitha ŋunḏuŋw, nǝr andasi tatap ŋiɽaŋali ŋǝthi ŋwaamin-ŋwɔ ŋwɔmǝ ɔppatha. 25 Ŋaaŋa lir nyɔr nyǝthi liɽi, nǝ nyɔr nyǝthi wa@ḏ wandica-yi Allah rarnyalɔ-ŋwsi nǝccǝ-ŋgwɔ Ibraahiim-ŋwɔ, ‘Nyii kwɔrtatha lizi tatap lǝthi ṯurmun ŋwɔɔla-ŋi ŋwɔɔŋa’. 26 Nǝ Allah diiɽi Khaḏaama kuuŋun kǝni Yǝcu, nɔŋw usicǝ ŋaaŋwɔsi kerreny, ethi ɔrtatha ŋaaŋwɔsi ṯurlǝ-thilɔ ṯimǝŋw-thi urlǝ ŋaaŋwɔsi-lɔ leere-leere ki-ŋikiya-na ŋaalɔ.”
Ṯisǝwǝ ṯǝthi kiborkon.
1 Laamin lette nǝ Bɔṯrɔs-ŋǝ Yuhanna-gi ele ki Heikal-na ki-saa@-la kwir ṯoɽol kwǝthi kirakalɔ-ŋw, kwǝthi ṯaara kiyiiriny. 2 Nǝ kwɔr kwette naani kinaŋw kwilŋithir ŋiborkon-ŋina, kwǝṯir aava ŋwaamin tatap ǝṯir kette-lɔ kǝgwor wǝthi Heikal wǝni “Ǝgwɔr Wisaaw”, ethi kittaci lizi yerge-la lǝṯi ǝnḏi ki Heikal-na. 3 Mɔŋweese Bɔṯrɔs-ŋwɔsi Yuhanna-gi lǝnḏi ki Heikal-na, nɔŋwsi kettice kerge ethi inḏǝthǝ kwomne kweere. 4 Nǝr ecce ŋoṯ-ŋoṯ, mindaŋ nǝ Bɔṯrɔs ǝccǝŋw, “Icca-nyji!” 5 Ŋwɔṯaŋw nɔŋwsi ecce kwɔgittatha ethi aavi kwomne kweere naanir-gwɔ 6 Laakin nǝ Bɔṯrɔs ǝccǝŋw, “Nyii kwiti kwǝthi gwuruushǝ kweere mac laakin kwomne-ŋgwa kwǝthinyii ŋa inḏǝthǝ. Yiriny-yi yǝthi Yǝcu Kwɔrɔstɔ kwǝthi Naasira-ŋw, nyii kwǝccǝ-ŋǝ-ŋwɔ diiɽu a irǝrǝlɔ!” 7 E-ta nɔŋw mithǝ ṯii ṯuuŋwun ṯǝthi mɔni, nɔŋw diiɽǝzilǝ Ṯaŋw nǝ yaaga-ŋa ŋwejileny-ŋi ŋwuuŋwun firllathala tɔc; 8 nɔŋw purlǝthǝlǝ drip, mindaŋ nɔŋw rillathala ŋwaara-ŋi, nɔŋwaari ibṯǝḏi ethi irǝrǝlɔ. E-ta nǝr-li ǝnḏi ki Heikal-na kwirǝrǝlɔ, nǝ kwɔpupurlǝthi-la kwɔrtathɔ Allah tok. 9 Nǝ lizi tatap linaana kinaŋw ese ŋunduŋw kwiirǝrǝlɔ nǝ kwɔrtathɔ Allah tok, 10 mindaŋ mǝr elŋe ŋunduŋw kwǝṯi kigittasi yerge-la, nǝ kwǝti naanalɔ tok “Kǝgwɔr wisaaw” wǝthi Heikal, nǝr urenni-nǝ ṯiliŋɽa-thi, nǝr ṯibii tok ŋiɽaŋal-ŋi ŋa ŋimǝrrinici ŋunduŋw.
Bɔṯrɔs mɔŋgwaari bǝshirǝ ki Heikal-na.
11 Nǝ kinaŋw nimthi-tǝ kwɔr Bɔṯrɔs-ŋwɔsi Yuhanna-gi tetter kinnǝni, ki-baranḏa-na kwǝṯir ǝccǝ baranda kwǝthi Sulemaan, nǝ lizi liŋɽi mindaŋ nǝrsi avratha naana. 12 Mǝ Bɔṯrɔs ese lizi nɔŋwsǝccǝŋw, “Lɔr lir Israa-iil, aatha kwiliŋɽicǝ-ŋǝ nǝ aatha kwiccacar-nyji ŋoṯ-ŋoṯ? Ŋaaŋa laarɔŋw mǝnyja nyiiŋǝ lir lisǝwǝ kwɔɔrɔ ŋgwɔ ŋɔma-ŋi ŋǝri nǝ ṯiiɽǝ-thi-nǝ ṯǝthi Allah mindaŋ nɔŋweele-a? 13 Allah wǝthi Ibraahiim-ŋǝ Is-haag-gi nǝ Ya@guub tok, wir Allah wǝthi papa-ŋa lǝri, windǝr-ṯǝ winiyǝ Khaḏaama-na kuuŋun kǝni Yǝcu kwɔmǝ inḏǝthǝ lizi kila lǝthi sɔlṯa, mindaŋ nǝ dirnathalɔ kiyǝnǝ yǝthi Biilaaṯɔs, kinaŋw nigittathɔ-ŋgwɔ ethi duŋgwǝci ŋunduŋw. 14 Nɔŋworo kwette Kwirllinǝlɔ ter, nǝ Kwirllalɔ tok, laakin nǝ dirnathalɔ, mindaŋ nǝ uṯici Biilaaṯɔs-ŋwɔlɔ ethi ǝmi ŋaaŋwɔsi-na, ethi kǝdicǝ ŋaaŋwɔsi ŋgwa kwɔgitta dimmi. 15 Nǝ ɽeenye ŋgwa kwir Tuwǝ tǝthi ŋimiitha, laakin nǝ Allah diiɽǝ ki-ŋiɽany-na, ŋwɔṯaŋw ninyoro nyiiŋǝ shuhuuḏ kwǝthi ŋiɽaŋal ŋɔ. 16 Nǝ ŋɔma oro ŋǝthi yiriny yuuŋwun yimǝ firllasi kwɔɔrɔ-la ŋgwɔ kwir kiborkon. Ŋa ŋiisa-ŋasi nǝ ŋilŋithi-ŋǝsi tok nǝrǝni ŋǝrrinǝ ṯǝmminǝ-thi, yiriny-yi yuuŋwun; nǝ ṯǝmminǝ oro ethi Yǝcu-nǝ ṯimǝ sǝwi ŋunduŋw, kaka nǝthiŋǝ-gwɔ ŋɔma tatap etheese ŋunduŋw.
17 “Nǝ kire-kirem-ŋgwɔ liyǝŋgǝri, ŋilŋica-nyji ŋa rac ŋǝrricǝ-ŋǝsi Yǝcu-ŋw, ŋǝni ŋiti ŋilŋithi-ŋǝsi mac tǝ, nǝsi-mǝ ǝrri nǝ rɔ-asa raalɔ tok. 18 Nǝ Allah andasi kerreny tuk ŋiɽiiya-ŋi ŋǝthi liɽii luuŋwun tatap ŋiɽaŋali ŋǝthi ṯirǝrinnǝ ṯǝthi Kwɔrɔstɔ kwuuŋwun; mindaŋ ŋimǝ-ŋwsi ṯimmasi kworo kimaara. 19 Ŋwɔṯaŋw, urlǝr rɔgwor-lɔ mindaŋ ɔrllatha kwokwony Allah naana, mindaŋ kwɔŋǝsi miɽinyaci ŋikiyaŋi-lɔ ŋaalɔ kithaay. Mindaŋ ma ŋwɔɔmɔr ŋwɔthi kǝṯṯini wǝŋ ruuthǝ naanɔ-gwɔ Kweeleny, 20 lɔɔmɔr kila linḏi mindaŋ a Kweeleny ɔɔsa ŋɔma ŋuuŋun, mindaŋ ŋwɔ ɔɔsa Yǝcu-ŋw kwir Kwɔrɔstɔ ŋgwa kwǝllicǝŋw ŋaaŋwɔsi-na kerreny tuk. 21 Laazim ŋwɔ nannitha ki-leere-na mindaŋ a lɔɔmɔr iila linḏi-li kwɔmne tatap ethoro kwiyaŋ, kaka nandisa-gwɔ Allah ruunyu-ri rǝthi liɽii luuŋwun lirllinǝlɔ ter. 22 Kaka naarɔ-gwɔ Muusǝ-ŋw, ‘Kweeleny kwir Allah waalɔ kwɔŋǝsi ṯiŋacca kwiɽiiyaŋi kwir kaka nyuŋwɔ, kwinḏi ethoro kwette kwǝthi lizi laalɔ. A iinyici naana kwɔmne-gi tatap kwɔŋgi andaci ŋaaŋwɔsi ethi ǝrri. 23 Kweere nyithak kwiti kwinḏi ethi iinyici kwiɽiiya ŋgwɔ naana mac tǝ, ǝri ruu-nǝ kithaay ki-lizi-nǝ lǝthi Allah, mindaŋ ǝri kiirasalɔ’. 24 Nǝ liɽii kila tatap min Samwiil nǝ kila tatap limǝ kwaathitha ŋunḏuŋw, nǝr andasi tatap ŋiɽaŋali ŋǝthi ŋwaamin-ŋwɔ ŋwɔmǝ ɔppatha. 25 Ŋaaŋa lir nyɔr nyǝthi liɽi, nǝ nyɔr nyǝthi wa@ḏ wandica-yi Allah rarnyalɔ-ŋwsi nǝccǝ-ŋgwɔ Ibraahiim-ŋwɔ, ‘Nyii kwɔrtatha lizi tatap lǝthi ṯurmun ŋwɔɔla-ŋi ŋwɔɔŋa’. 26 Nǝ Allah diiɽi Khaḏaama kuuŋun kǝni Yǝcu, nɔŋw usicǝ ŋaaŋwɔsi kerreny, ethi ɔrtatha ŋaaŋwɔsi ṯurlǝ-thilɔ ṯimǝŋw-thi urlǝ ŋaaŋwɔsi-lɔ leere-leere ki-ŋikiya-na ŋaalɔ.”