Ŋethre ŋa ŋǝṯǝmi Allah-na.
1 Nǝ ŋɔ ŋirimthithɔ liyǝŋgǝri lǝri, nyiiŋǝ lituurǝccǝ-ŋǝsi-lɔ nǝ lɔkkwaza-ŋǝzi tok ethi Kweeleny-na kwǝni Yǝcu, mindaŋ maami naanɔŋw ŋethre ŋisaaw, kaka kinaŋw naariŋa-gwɔ @allima naaniny-gwɔ, ŋǝniŋw laazim ethaami nanniŋw nǝ ethǝmi Allah-na, kaka-ṯǝ ŋa ŋǝrra-ŋǝsi, ǝsi-mǝ kǝniny ǝrri rerrec ŋuuru-ŋuuru. 2 Kaka nilŋithiŋǝ-gwɔ ṯa@liima ṯinḏǝthǝr-ŋǝsi sɔlṯa-gi kwǝthi Kweeleny kwǝni Yǝcu. 3 Nǝrṯoro ŋɔ ŋǝthi ṯɔgwor ṯǝthi Allah ethi rillinǝlɔ ter, ethi rucci ŋiijinǝ-na kinǝŋgwu tuk. 4 Ilŋithir tatap daŋgal-na leere-leere ethaami naanɔŋw kwaaw-gi kwuuŋwun ṯirllinǝ-thi lɔ ter, nǝ ṯiiɽǝthi-nǝ tok, 5 liti ludunnunǝ naana kadɔwa-gi mac, kaka lizi lǝthi ṯurmun-nǝ liti lilŋithi Allah mac; 6 nǝ ŋiɽaŋal-gi ṯǝ ŋɔ ta, ǝṯi kwizi kweere ǝkkicǝ eŋgen pir ki-ŋiɽaŋal-na ŋɔ mac, wala ethi sɔlmi ŋiɽaŋal-ŋi ŋɔ, ŋirarmathir-ŋǝsi-ŋi nǝrŋǝsi andaci kerreny tuk, nǝ nǝrŋǝsi ulici tig-tig, nǝrŋǝsi ǝccǝŋw, Kweeleny kwinḏi ethi ǝccǝ lizi kila haakima linḏisi ethisi ǝrri ŋɔrtɔŋw. 7 Kaka niti nɔrnaca-nyji-gwɔ Allah ŋikiyaŋi mac, laakin nɔŋw ɔrnaci nyuŋwsi ŋirllinǝlɔ ter. 8 Nǝ kweere kwɔdirnatha ṯa@liima-lɔ kɔthɔ tǝ, ŋweere dirnacci kwizigwunǝŋi mac, laakin nǝ Allah oro, wǝṯi-ŋǝsi inḏǝthǝ Ṯigɽimǝ ṯuuŋwun Ṯirllinǝlɔ ter.
9 Laakin ŋǝthi ṯamɽa ethi amɽi liyaŋgal-ŋwsi, neere naŋni kweere ethisi lɔcca ŋaaŋwɔsi ethisi-mǝ amɽi mac. Kaka nǝccǝ-ŋǝsi-gwɔ Allah @allima ethi amɽathisi-na. 10 Nǝ nǝsi-ṯǝ kǝniny ǝrrici liyaŋgalɔ tatap Makḏuuniiyyǝ-ŋw naana tatap. Ŋwɔṯaŋw liyǝŋgǝri lǝri, nyiiŋǝ lituurǝccǝ-ŋǝsi-lɔ ethisi kǝniny ǝrrizǝsǝ keereny ŋuuru-ŋuuru. 11 Ethiroro ŋǝthi rɔŋwor raalɔ, ethi nanni lithii naana jiɽeem, ethi kettice ŋothɽor ŋaalɔ yǝy, ethisi akkɔ rii-ri raalɔ, kaka-ṯǝ kinaŋw nandicar-ŋǝsi gwɔ kerreny tuk. 12 Ŋwɔṯaŋw mindaŋ mǝ ǝginǝ ṯiiɽǝnǝ ṯǝthi kila liti lǝthi ṯǝmminǝ mac, mindaŋ meere kittatha ki-rii rǝthi lithaathɔ mac.
Mǝ Kweeleny aaɽa.
13 Laakin liyǝŋgǝri lǝri, nyiiŋǝ liti linaŋna-ŋǝsi ethi naani ŋeeɽera mac, ŋiɽaŋal-ŋi ŋǝthi kila limǝ ai, ethiseere ruunyunici mac kaka lizi kila liira ṯǝkkizǝ kizǝn-nǝ. 14 Kaka nǝmminǝr-gwɔ ethaarɔŋw, Yǝcu kwɔmǝ ai mindaŋ nɔŋw diiɽǝ kwokwony, mindaŋ nǝr ǝmmini ethaarɔŋw, lǝzi Allah mɔltha Yǝcu-ŋgi kila limǝ ai. 15 Ŋiɽaŋal ŋɔ ŋǝccǝr-ŋǝsi @allima, nǝroro ṯa@liim ṯǝthi Kweeleny, ṯǝniŋw, nyiiŋǝ kɔlɔ linaanɔ-tǝ kinnǝni limiithɔ, a kwinḏir ethi naani mindaŋ mǝ Kweeleny aaɽa, e-ta ǝrseere iŋnaci keereny-gi kila limǝ ai mac. 16 Kaka ninḏi-gwɔ Kweeleny rogɽo-ri ruuŋwun ethi ɔɽa ki-leere kwandisa ṯogɽo-thi ṯǝthi waamir, ṯurnunǝ-thi ṯǝthi rǝ-iis rǝthi limeleka, nǝ ŋwal-ŋi ŋwɔthi bɔrɔz kwǝthi Allah. E-ta ǝmǝ kila laayɔ ethi Kwɔrɔstɔ-na diiɽǝ kerreny. 17 Nǝ nyiiŋǝ kila limiithɔ-tǝ kinnǝni ki-lɔɔmɔr-la ṯǝ kila, ǝri ɔɽɔmaṯṯi dɔŋw ŋundu-ŋǝli ki-ŋwebleth-na, ethi biɽitha Kweeleny-ŋǝli ki-leere. Mindaŋ ǝri nanni Kweeleny-ŋǝli nyaamin tatap. 18 Ŋwɔṯaŋw ǝṯi firllanni-la daŋgal-na wɔɽe-wɔɽeny ŋiɽaŋal-ŋi ŋɔ.
Ŋethre ŋa ŋǝṯǝmi Allah-na.
1 Nǝ ŋɔ ŋirimthithɔ liyǝŋgǝri lǝri, nyiiŋǝ lituurǝccǝ-ŋǝsi-lɔ nǝ lɔkkwaza-ŋǝzi tok ethi Kweeleny-na kwǝni Yǝcu, mindaŋ maami naanɔŋw ŋethre ŋisaaw, kaka kinaŋw naariŋa-gwɔ @allima naaniny-gwɔ, ŋǝniŋw laazim ethaami nanniŋw nǝ ethǝmi Allah-na, kaka-ṯǝ ŋa ŋǝrra-ŋǝsi, ǝsi-mǝ kǝniny ǝrri rerrec ŋuuru-ŋuuru. 2 Kaka nilŋithiŋǝ-gwɔ ṯa@liima ṯinḏǝthǝr-ŋǝsi sɔlṯa-gi kwǝthi Kweeleny kwǝni Yǝcu. 3 Nǝrṯoro ŋɔ ŋǝthi ṯɔgwor ṯǝthi Allah ethi rillinǝlɔ ter, ethi rucci ŋiijinǝ-na kinǝŋgwu tuk. 4 Ilŋithir tatap daŋgal-na leere-leere ethaami naanɔŋw kwaaw-gi kwuuŋwun ṯirllinǝ-thi lɔ ter, nǝ ṯiiɽǝthi-nǝ tok, 5 liti ludunnunǝ naana kadɔwa-gi mac, kaka lizi lǝthi ṯurmun-nǝ liti lilŋithi Allah mac; 6 nǝ ŋiɽaŋal-gi ṯǝ ŋɔ ta, ǝṯi kwizi kweere ǝkkicǝ eŋgen pir ki-ŋiɽaŋal-na ŋɔ mac, wala ethi sɔlmi ŋiɽaŋal-ŋi ŋɔ, ŋirarmathir-ŋǝsi-ŋi nǝrŋǝsi andaci kerreny tuk, nǝ nǝrŋǝsi ulici tig-tig, nǝrŋǝsi ǝccǝŋw, Kweeleny kwinḏi ethi ǝccǝ lizi kila haakima linḏisi ethisi ǝrri ŋɔrtɔŋw. 7 Kaka niti nɔrnaca-nyji-gwɔ Allah ŋikiyaŋi mac, laakin nɔŋw ɔrnaci nyuŋwsi ŋirllinǝlɔ ter. 8 Nǝ kweere kwɔdirnatha ṯa@liima-lɔ kɔthɔ tǝ, ŋweere dirnacci kwizigwunǝŋi mac, laakin nǝ Allah oro, wǝṯi-ŋǝsi inḏǝthǝ Ṯigɽimǝ ṯuuŋwun Ṯirllinǝlɔ ter.
9 Laakin ŋǝthi ṯamɽa ethi amɽi liyaŋgal-ŋwsi, neere naŋni kweere ethisi lɔcca ŋaaŋwɔsi ethisi-mǝ amɽi mac. Kaka nǝccǝ-ŋǝsi-gwɔ Allah @allima ethi amɽathisi-na. 10 Nǝ nǝsi-ṯǝ kǝniny ǝrrici liyaŋgalɔ tatap Makḏuuniiyyǝ-ŋw naana tatap. Ŋwɔṯaŋw liyǝŋgǝri lǝri, nyiiŋǝ lituurǝccǝ-ŋǝsi-lɔ ethisi kǝniny ǝrrizǝsǝ keereny ŋuuru-ŋuuru. 11 Ethiroro ŋǝthi rɔŋwor raalɔ, ethi nanni lithii naana jiɽeem, ethi kettice ŋothɽor ŋaalɔ yǝy, ethisi akkɔ rii-ri raalɔ, kaka-ṯǝ kinaŋw nandicar-ŋǝsi gwɔ kerreny tuk. 12 Ŋwɔṯaŋw mindaŋ mǝ ǝginǝ ṯiiɽǝnǝ ṯǝthi kila liti lǝthi ṯǝmminǝ mac, mindaŋ meere kittatha ki-rii rǝthi lithaathɔ mac.
Mǝ Kweeleny aaɽa.
13 Laakin liyǝŋgǝri lǝri, nyiiŋǝ liti linaŋna-ŋǝsi ethi naani ŋeeɽera mac, ŋiɽaŋal-ŋi ŋǝthi kila limǝ ai, ethiseere ruunyunici mac kaka lizi kila liira ṯǝkkizǝ kizǝn-nǝ. 14 Kaka nǝmminǝr-gwɔ ethaarɔŋw, Yǝcu kwɔmǝ ai mindaŋ nɔŋw diiɽǝ kwokwony, mindaŋ nǝr ǝmmini ethaarɔŋw, lǝzi Allah mɔltha Yǝcu-ŋgi kila limǝ ai. 15 Ŋiɽaŋal ŋɔ ŋǝccǝr-ŋǝsi @allima, nǝroro ṯa@liim ṯǝthi Kweeleny, ṯǝniŋw, nyiiŋǝ kɔlɔ linaanɔ-tǝ kinnǝni limiithɔ, a kwinḏir ethi naani mindaŋ mǝ Kweeleny aaɽa, e-ta ǝrseere iŋnaci keereny-gi kila limǝ ai mac. 16 Kaka ninḏi-gwɔ Kweeleny rogɽo-ri ruuŋwun ethi ɔɽa ki-leere kwandisa ṯogɽo-thi ṯǝthi waamir, ṯurnunǝ-thi ṯǝthi rǝ-iis rǝthi limeleka, nǝ ŋwal-ŋi ŋwɔthi bɔrɔz kwǝthi Allah. E-ta ǝmǝ kila laayɔ ethi Kwɔrɔstɔ-na diiɽǝ kerreny. 17 Nǝ nyiiŋǝ kila limiithɔ-tǝ kinnǝni ki-lɔɔmɔr-la ṯǝ kila, ǝri ɔɽɔmaṯṯi dɔŋw ŋundu-ŋǝli ki-ŋwebleth-na, ethi biɽitha Kweeleny-ŋǝli ki-leere. Mindaŋ ǝri nanni Kweeleny-ŋǝli nyaamin tatap. 18 Ŋwɔṯaŋw ǝṯi firllanni-la daŋgal-na wɔɽe-wɔɽeny ŋiɽaŋal-ŋi ŋɔ.