Ṯamɽa ṯǝthi lɔgrɔstiyan.
1 Mǝnyii kinnǝni ǝthi ŋɔma ethi andasi kandisa kǝthi lizigwunǝŋ nǝ kǝthi limeleka tok, laakin minyeere ǝthi ṯamɽa-na mac tǝ, nyii-toro kaka ŋwal ŋwɔthi jeres nǝ ŋwɔthi yɔḏɔŋgwɔr tok. 2 Nǝ minyǝthi haḏiiyyǝ wǝthi Ṯigɽim ethi-yi aari bǝshirǝ; nǝ minyǝthi ṯilŋiṯṯana tatap, mindaŋ mǝnyji elŋeṯṯe-na ŋa tatap ŋuluccucinǝ; ya minyǝthi ṯǝmminǝ kitha tatap ṯǝthi-thi dɔŋgwazi yaayinɔ-lɔ, laakin minyeere ǝthi ṯamɽa mac tǝ, nyiitǝ orolɔŋw. 3 Mǝnyii kinnǝni kanni kwomne kwiinyi tatap kwǝthinyii, mindaŋ mǝnyii ṯiŋatha aŋnalɔ wiinyi ethi dɔnnasi kithaay, laakin minyeere ǝthi ṯamɽa mac tǝ, nyeere ǝgini kwomne kweere mac.
4 Ṯamɽa ṯǝṯi mithǝ ṯɔgwori, ǝṯɔŋworo kwimɽi; ṯamɽa ṯiti ṯǝṯi kee ŋiɽany mac wala ethi piŋi rogɽo; 5 ṯamɽa ṯiti ṯǝṯi rivaŋni mac, wala ethi ɔrtɔtanni kwomne naana, wala ethi urǝzi ṯɔgwori, wala ethisi immǝsi ŋigii, 6 tamɽa ṯiti ṯǝṯi aamina mac ŋiɽaŋal-ŋi ŋigii, laakin ǝṯɔŋw-ŋi aamina ŋirllalɔ. 7 Ṯamɽa ṯǝṯi indinyanni kwomne naana tatap, ǝṯɔŋwɔthi ṯǝmminǝ ṯǝthi kwomne tatap, ǝṯɔŋwɔthi ṯǝkkizǝ kizǝn ṯǝthi kwomne tatap, ǝṯɔŋw uvuni ṯɔɔvi tatap.
8 Ṯamɽa ṯiti ṯǝṯi ernene mac, ŋiɽiiya ŋǝṯi naani, laakin ǝṯir ernene; haḏaaya wǝṯi naani wir riŋla-na ter-ter, laakin ǝṯɔŋwɔni winḏi ethi rilli, ṯilŋiṯṯana ṯǝṯi naani rac, laakin aṯɔŋweele etheere kithaay. 9 Kaka niti nɔrɔ-gwɔ ṯilŋiṯṯana ṯǝri min-min mac, wala ŋiɽiiya ŋǝri ǝthoro min-min; 10 laakin mɔŋwiila ŋgwa kwir min-min tǝ, e-ta ǝmǝ ŋgwa kwiti kwir min-min mac ernene kithaay. 11 Kinaŋw nɔrɔny tɔr tokwɔɽony, ǝṯiny andasi kaka tɔɔrɔ tokwɔɽony, ǝṯinyii aari fǝkirǝ kaka tɔɔrɔ tokwɔɽony, ǝṯinyii elŋe ŋiɽaŋali kaka tɔɔrɔ tokwɔɽony; nǝ minyoro kwɔr tǝ, nǝnyji duŋgwǝci ŋǝthi ŋogoŋ kithaay. 12 Nǝ kirem-tǝ, ǝṯireese suurǝ kwɔnaanɔ kalmanḏar-na miilǝ-miilǝ, laakin kwaathan-tǝ, ǝri iisithi kiyǝnǝ ŋǝmǝ-ŋǝmmǝŋ. Nǝ kirem-tǝ, nǝnyji elŋe ŋoko domony, laakin kwaathan-yǝ, nyjelŋe min-min, kaka nilŋithiny-gwɔ Allah nyuŋwɔ min-min. 13 Ŋwɔṯaŋw, ǝṯi ṯǝmminǝ-ŋǝ ṯǝkkizǝ-thi kizǝn, nǝ ṯamɽa tok, nǝ ŋgwɔ kwir ṯoɽol ǝṯɔŋw nannatha, laakin ŋgwa kwuthǝmthisi-lǝ tataapna ṯamɽa oro.
Ṯamɽa ṯǝthi lɔgrɔstiyan.
1 Mǝnyii kinnǝni ǝthi ŋɔma ethi andasi kandisa kǝthi lizigwunǝŋ nǝ kǝthi limeleka tok, laakin minyeere ǝthi ṯamɽa-na mac tǝ, nyii-toro kaka ŋwal ŋwɔthi jeres nǝ ŋwɔthi yɔḏɔŋgwɔr tok. 2 Nǝ minyǝthi haḏiiyyǝ wǝthi Ṯigɽim ethi-yi aari bǝshirǝ; nǝ minyǝthi ṯilŋiṯṯana tatap, mindaŋ mǝnyji elŋeṯṯe-na ŋa tatap ŋuluccucinǝ; ya minyǝthi ṯǝmminǝ kitha tatap ṯǝthi-thi dɔŋgwazi yaayinɔ-lɔ, laakin minyeere ǝthi ṯamɽa mac tǝ, nyiitǝ orolɔŋw. 3 Mǝnyii kinnǝni kanni kwomne kwiinyi tatap kwǝthinyii, mindaŋ mǝnyii ṯiŋatha aŋnalɔ wiinyi ethi dɔnnasi kithaay, laakin minyeere ǝthi ṯamɽa mac tǝ, nyeere ǝgini kwomne kweere mac.
4 Ṯamɽa ṯǝṯi mithǝ ṯɔgwori, ǝṯɔŋworo kwimɽi; ṯamɽa ṯiti ṯǝṯi kee ŋiɽany mac wala ethi piŋi rogɽo; 5 ṯamɽa ṯiti ṯǝṯi rivaŋni mac, wala ethi ɔrtɔtanni kwomne naana, wala ethi urǝzi ṯɔgwori, wala ethisi immǝsi ŋigii, 6 tamɽa ṯiti ṯǝṯi aamina mac ŋiɽaŋal-ŋi ŋigii, laakin ǝṯɔŋw-ŋi aamina ŋirllalɔ. 7 Ṯamɽa ṯǝṯi indinyanni kwomne naana tatap, ǝṯɔŋwɔthi ṯǝmminǝ ṯǝthi kwomne tatap, ǝṯɔŋwɔthi ṯǝkkizǝ kizǝn ṯǝthi kwomne tatap, ǝṯɔŋw uvuni ṯɔɔvi tatap.
8 Ṯamɽa ṯiti ṯǝṯi ernene mac, ŋiɽiiya ŋǝṯi naani, laakin ǝṯir ernene; haḏaaya wǝṯi naani wir riŋla-na ter-ter, laakin ǝṯɔŋwɔni winḏi ethi rilli, ṯilŋiṯṯana ṯǝṯi naani rac, laakin aṯɔŋweele etheere kithaay. 9 Kaka niti nɔrɔ-gwɔ ṯilŋiṯṯana ṯǝri min-min mac, wala ŋiɽiiya ŋǝri ǝthoro min-min; 10 laakin mɔŋwiila ŋgwa kwir min-min tǝ, e-ta ǝmǝ ŋgwa kwiti kwir min-min mac ernene kithaay. 11 Kinaŋw nɔrɔny tɔr tokwɔɽony, ǝṯiny andasi kaka tɔɔrɔ tokwɔɽony, ǝṯinyii aari fǝkirǝ kaka tɔɔrɔ tokwɔɽony, ǝṯinyii elŋe ŋiɽaŋali kaka tɔɔrɔ tokwɔɽony; nǝ minyoro kwɔr tǝ, nǝnyji duŋgwǝci ŋǝthi ŋogoŋ kithaay. 12 Nǝ kirem-tǝ, ǝṯireese suurǝ kwɔnaanɔ kalmanḏar-na miilǝ-miilǝ, laakin kwaathan-tǝ, ǝri iisithi kiyǝnǝ ŋǝmǝ-ŋǝmmǝŋ. Nǝ kirem-tǝ, nǝnyji elŋe ŋoko domony, laakin kwaathan-yǝ, nyjelŋe min-min, kaka nilŋithiny-gwɔ Allah nyuŋwɔ min-min. 13 Ŋwɔṯaŋw, ǝṯi ṯǝmminǝ-ŋǝ ṯǝkkizǝ-thi kizǝn, nǝ ṯamɽa tok, nǝ ŋgwɔ kwir ṯoɽol ǝṯɔŋw nannatha, laakin ŋgwa kwuthǝmthisi-lǝ tataapna ṯamɽa oro.