1 Ŋwɔṯaŋw, ǝri illatha keereny-gi ṯa@liim-thi ṯir min-min, ǝri duŋgwǝcǝ ḏuruusǝ kitha kwaathan-gi ṯir ŋwɔɽa ŋwɔthi ṯa@liim ṯǝthi ŋiɽaŋal ŋǝthi Kwɔrɔstɔ. Ŋende ŋɔvthanna kwokwony ethi kwuuru ṯɔgwagiza ṯǝniŋw; ṯɔrlacca ŋothɽor ŋigii ŋwɔdoŋw, nǝ ŋǝniŋw; ethi ǝmminci Allah; 2 nǝ ŋǝthi ṯa@liim ṯǝthi ma@muuḏiiyya mindaŋ, nǝ ṯigitta rii ki-ŋwɔɽala mindaŋ, nǝ ṯǝthi ṯidiiɽǝ ki-ŋiɽany-na mindaŋ, nǝ ṯǝthi hɔkwɔm wǝṯi nannitha dok-dok tok. 3 Na ǝri kǝniny illatha keereny-gi, kaka nɔrɔr-ṯǝ ŋɔ ŋinḏirsi ethisi ǝrri, mǝnyji Allah ǝmminici. 4 Nǝ kila limǝ ɔrlacci ṯǝmminǝ ṯeeŋen ŋwɔdoŋw, e-ta ǝri-mǝ urlǝ rɔgwor-lɔ reeŋen aŋgwɔrɔ? Lǝni-pǝ linaanɔ kerreny ki-fɔɔri-na kwǝthi Allah; ṯaŋw nǝr nyeŋle haḏiiyyǝ wǝthi ki-leere-naŋw, mindaŋ nǝraavi lɔɔɽɔŋi lǝthi Ṯigɽim Ṯirllinǝlɔ ter; 5 na nǝr elŋe ŋisanna ŋǝthi ŋiɽaŋal ŋǝthi Allah ki-ŋwɔɽa-na ŋweeŋen, nǝ ŋɔma ŋǝthi lɔɔmɔr linḏi tok. 6 Na mǝr ɔrlacci ṯǝmminǝ ṯeeŋen ŋwɔdoŋw tǝ, ŋende ŋinḏi ethoro mǝmkin kwokwony mac ethisi ǝɽǝ mindaŋ ethi urlǝ rɔgwor-lɔ, kaka nǝnir-gwɔ liɽinyithi Tɔɔrɔ tǝthi Allah kwokwony ki-ŋwuuɽi-lǝ, mindaŋ nǝr dimmini ŋunduŋw fǝthiyǝ-lɔ por-por. 7 Allah wǝṯi ǝccǝ wurǝyuŋi baarika wǝṯii ŋaaw ŋǝthi kaaw kǝṯi-gwɔ dɔnnatha-la dok-dok, nǝ wǝṯisi riiɽici ŋwɔɔla ŋwisaaw kila lɔgwɔccarsi. 8 Laakin mɔŋw allisa yuugwiyǝ-ŋwsi karaaw-gi tǝ, ŋweere ǝthi faayitha kweere mac; mindaŋ ŋwɔ nanyji Allah-lɔ ethi ollo, nǝ kwaathan tǝ ŋwuuɽǝsi kithaay.
9 Laakin nandisany-va kinnǝni-ṯǝŋw tok liyǝŋgǝri, nǝnyji-tǝ elŋece rac ŋǝni ŋaalɔ. Nyiiŋǝ lilŋithi rac ethaarɔŋw, ŋaaŋa lǝthi barka kwɔthǝmthi beṯṯen kwǝthi ŋiglǝthǝ ŋaalɔ. 10 Allah witi wir ḏaalim mac, witi winḏi ethi ṯɔɔthina mac ŋothɽor-ŋi ŋa ŋǝrrǝ-ŋǝsi, ya ṯamɽa kitha ṯibaaŋica-ŋa ŋunduŋw ṯimǝccǝ-thi ṯimǝccǝ-ŋǝ-thi kila lirllinǝlɔ ter, nǝ kitha-ta ṯǝni ṯǝrrǝ-ŋǝ. 11 Laakin nyiiŋǝ lǝthi sɔɔrɔma kwɔppa ethi ŋaaŋa tatap aŋranni naana ṯaŋrinna-thi kɔthɔ, mindaŋ mǝ kwomne ŋgwa kwǝkkicǝ-ŋǝ kizǝn rattathi kworo rerrem. 12 Nyiiŋǝ liti linaŋna-ŋǝsi ethoro limoozo mac, laakin oro kaka kila limǝ vmmini, nǝ lǝṯisi indinyanni naana, mindaŋ mǝ aavi ŋgwa kwǝccǝ-ŋǝsi-gi Allah wa@ḏa.
Wa@ḏ wǝthi Allah wǝthi yǝnǝ.
13 Kinaŋw mǝ Allah ǝccǝ Ibraahiim-ŋwɔ wa@ḏa, nɔŋwaari haalifa ki-rogɽo-na ruuŋwun ethisi ǝrri ŋa ŋaarɔŋw-ŋi wa@ḏa. Nǝ kaka niti ninaanɔ-ŋgwɔ kweere mac kwɔthǝmthi ŋunduŋw-la, nɔŋw-ta aari haalifa yiriny-yi yuuŋwun wɔɽe-wɔɽeny. 14 Nɔŋwaarɔŋw:
“Nyii kwɔŋa ǝccǝ wa@ḏa, ethi ǝccǝ ŋaaŋwɔ baarika,
mindaŋ ŋa inḏǝthǝ ŋwɔɔla ŋwuuru.”
15 Nǝsi Ibraahiim indinyanni naana mindaŋ, nɔŋwaavi ŋgwa kwǝccǝ-gi Allah wa@ḏa. 16 Mǝ kwizi aari haalifa tǝ, ǝṯɔŋw aari haalifa yiriny-yi yǝthi ŋgwa kwuthǝmthi ŋunduŋw-lǝ, mindaŋ ǝṯi haliifa rattasi ŋiɽaŋali kworo tatap. 17 Ŋwɔṯaŋw, kaka ninaŋna Allah ethisi baaŋaci kila ŋǝmǝ-ŋǝmmǝŋi wa@ḏa wuuŋwun wuuɽucǝ-ŋwsi, ŋwɔṯaŋw nɔŋweere urlǝ karatha-lɔ kuuŋun mac, nɔŋwaaɽi nɔŋwsi kiɽǝcci haliifa kwokwony, 18 nǝ ŋiɽaŋal ṯǝ ŋɔ ŋir ŋiɽǝn, ǝṯireere aari ghayyira ḏuṯ, nǝ ŋiti ŋǝthi-ŋi Allah ŋɔma ḏuṯ ethi kǝkki ŋǝluŋi. Nyiiŋǝ kila limǝ avratha ŋunduŋw naana ethi kilaaw nǝrnyji ɔkkwazi ethi mithǝ ṯǝkkizǝ kizǝn tetter kitha ṯawicar-nyji. 19 Ṯǝkkizǝ kizǝn kɔthɔ ṯǝthir nyiiŋǝ, ṯir kaka marfa@iinǝ kwisaaw kwɔfirlli tetter, kwǝthi ŋimiitha ŋǝri, nɔŋworo kwɔmǝ ǝnḏi lac-lac kǝzir wirllinǝlɔ ter, mindaŋ nɔŋw ṯamthaci siṯaara-lɔ keereny-gi kwǝthi hǝikal wǝthi ki-leere-naŋw. 20 Ŋwɔṯaŋw Yǝcu kwɔmǝ-nyji iŋnaci keereny-gi nɔŋwɔnḏi kinanaŋw ki-lɔɔbi lǝri, nɔŋgworo Rǝ-iis Rɔppa rǝthi kahana rinannathɔ lur nizaam-gi kwǝthi Mǝlikii-saaḏig.