1 Nyiiŋǝ lir lǝni Bɔɔlɔs-ŋǝ Silwaanus-gi nǝ Ṯiimɔothaaws tok, lɔlɔcca-ŋǝsi juwaaba ŋaaŋa lǝthi kǝniisǝ kǝthi Ṯasaaluuniiki-ŋw, lir lǝthi Allah wǝri wir Papa, nǝ Kweeleny kwǝni Yǝcu Kwɔrɔstɔ:
2 Ethi-ŋǝsi Allah wir Papa, nǝ Kweeleny kwǝni Yǝcu Kwɔrɔstɔ inḏǝthǝ ŋaaŋwɔsi ne@ma-ŋwɔsi ŋiiɽǝnnǝ-ŋi.
Hɔkwɔm winḏi ethi naani ki Laamin-la linḏi-li Kwɔrɔstɔ ethaaɽa.
3 Liyǝŋgǝri lǝri, laazim nyǝccǝ Allah shukran ŋiɽaŋal-ŋi ŋǝni ŋaalɔ. Ŋɔvthannica-nyji rac ethisi ǝrri ŋɔ, kaka mǝgwɔ ṯǝmminǝ ṯaalɔ peŋe beṯṯen, nǝ ṯamɽa ṯaalɔ tatap ṯǝthicǝ-ŋǝ lithaathɔ, nɔŋw kikiɽǝthi beṯṯen tok. 4 Nǝrṯoro ŋǝ ŋǝṯiny-ŋi ǝllini ki-rogɽo ŋiɽaŋal-ŋi ŋaalɔ ki-yǝniisǝ-nǝ yǝthi Allah. Nyiiŋa lǝṯi ǝllini ki-rogɽo ŋiɽaŋal-ŋi ŋǝthi ṯaay ṯaalɔ ǝnyji-ŋgi ŋwaara-lɔ tetter ṯinḏaŋa-gwɔ ṯurvǝ-nǝ mindaŋ nǝtǝ ǝmmini nǝwɽǝr-ŋǝsi-vǝ kinnǝni yǝy-lɔ tok liraara ṯeṯṯec, nǝ kitha-ṯa ṯǝni ṯinaaniŋa-ŋwɔna. 5 Nǝ ŋɔ tatap ǝṯir ilŋithini ethaarɔŋw hɔkwɔm wǝthi Allah wǝni wirllalɔ, ŋwɔṯaŋw mindaŋ mǝ ɔvthanni ethoro lǝthi Ŋeeleny ŋǝthi Allah, ŋa ŋirǝrinicǝ-ŋǝsi. 6 Ŋinḏisi ethisi Allah ǝrri ŋɔvthanna rac e-ta ŋwɔsi rǝri kila tok lirǝrǝ-ŋǝsi, 7 mindaŋ ŋwɔ kǝṯṯini ŋaaŋwɔsi wǝŋ nyii-ŋǝli, nǝṯir-gwɔ inḏa ṯurvǝ, mindaŋ mǝ Kweeleny kwǝni Yǝeu ruwǝnnǝlɔ ki-leere limeleka-li luuŋwun lǝthi ŋɔma ŋɔppa iigǝ-yi wɔfɔɔdɔ, 8 ŋwɔsi inḏǝthǝ jiizǝ kila lǝṯi dirnnatha Allah-lɔ, nǝ kila tok liti lǝṯi iinyici Inyjiilǝ naana mac wǝthi Kweeleny kwǝri kwǝni Yǝcu. 9 Linḏi ethi kaṯṯasi jiizǝ kwǝthi ṯigiirathalɔ ṯǝṯṯi nannatha dok-dok, nǝ luruccǝ Kweeleny-na tuk, nǝ ŋinithi ŋǝthi ŋɔma ŋuuŋun ŋɔppa ŋimini. 10 Mɔŋwiila ki Laamin-la ṯǝ kila ethaavi ŋinithi naanɔ-gwɔ lizi luuŋwun lirllinǝlɔ ter, nǝ ṯiiɽǝnǝ tok naanɔ-gwɔ kila tatap lǝthi ṯǝmminǝ. Ŋaaŋa linḏi ethi ɔɽɔmaṯṯi ŋundu-ŋǝli tok, kaka nǝmminǝŋǝ-gwɔ shahaaḏa ŋgwa kwandicar-ŋǝsi. 11 Sǝbǝb kwindǝr-ṯǝ ŋgwɔ kwǝṯir-ŋǝsi-gi ǝrici kiyiiriny nyaamin tatap, mindaŋ mǝŋǝsi Allah wǝri ruusi lɔvthanna ki-ŋethre-na ŋa ŋɔrnacar-ŋǝsi. Ethiŋw urǝcci ŋaaŋwɔsi sɔɔrɔma kwaalɔ kworo kwisaaw ŋɔma-ŋi ŋuuŋun, nǝ ŋwɔ ṯimmǝci ŋaaŋwɔsi ŋothɽor ŋaalɔ kworo ŋǝthi ṯǝmminǝ. 12 Ŋiɽaŋal-ŋi ṯǝ ŋɔ, a yiriny yǝthi Kweeleny kwǝri kwǝni Yǝcu niini-nǝ daŋgal-na, nǝ ŋaaŋa tok duŋgwun-nǝ ne@ma-gi kwǝthi Allah wǝri nǝ Kweeleny kwǝni Yǝcu Kwɔrɔstɔ.