Yaḏaam yǝthi wa@ḏ wiyaŋ.
1 Ŋǝni ŋir kaka nyiiŋǝ linaŋna ethi piŋi rogɽo rǝri kwokwonya? Alla nyiiŋǝ linaŋna lijuwaaba kaka lizi lithaathɔ ethi-gi ŋaaŋa elŋe nyuŋwsi, alla ethaava naaniŋa-gwɔ? 2 Ŋaaŋa lir-pa juwaab kwǝri wɔɽe-wɔɽeny, kwǝthi ṯiiɽǝnǝ kwɔlɔɔthɔna ki-rɔgwor-na raalɔ kwilŋithina, nǝ kwǝthicǝ lizi tatap ŋɔma ethi elŋe nǝ ethi ɔrti tok. 3 Ŋilŋithina-pa dedder ethaarɔŋw, ŋaaŋa lir juwaab kwǝthi Kwɔrɔstɔ kwǝvicǝr-ŋǝsi, kwiti kwɔlɔɔthɔna hibir-yi mac, laakin kwɔlɔɔthɔna Ṯigɽim-thi ṯǝthi Allah wɔmiithɔ, kwiti kwɔlɔɔthɔna yǝvirlinyǝ naana mac, laakin nɔŋw lothone yǝvirlinyǝ naana yir rɔgwor rǝthi lizigwunǝŋ.
4 Ŋandisarsi ŋɔ kaka nallathir-gwɔ Allah rɔgwori naana Kwɔrɔstɔ-ŋgi 5 Ŋiɽaŋal ŋiti reere mac ŋǝnyji duŋgwǝci ethaarɔŋw a kwǝthir ŋɔma ethisi ǝrri ŋɔ, kaka nɔrɔ-gwɔ Allah winḏǝthǝ-nyji ŋɔma, 6 wundǝr winḏǝthǝ-nyji ŋɔma ethi akkɔ ŋothɽor ŋǝthi wa@ḏ wiyaŋ, witi wir Sherii@a kwɔlɔɔthɔna mac, laakin kwir Ṯigɽim, kaka nǝṯi-gwɔ Sherii@a kwɔlɔɔthɔna ava ŋiɽany, laakin Ṯigɽim tǝ, ǝṯɔŋwaava ŋimiitha.
7 Kinaŋw mǝrsi inḏǝthǝ Sharii@a kwippinnǝ ŋwɔɔli yaali naana, nǝ ŋinith ŋǝthi Allah ruwǝnnǝlɔ. Nǝ fiɽiyar kwǝṯi ernene kwɔnaanɔ Muusǝ-ŋwɔ kiyǝnǝ erṯelɔ tig-tig mindaŋ, nǝ lizi lǝthi Israa-iil ere ǝthi ŋɔma mac etheese Muusǝ-ŋwɔ kiyǝnǝ. Na mǝ Sherii@a kwǝṯi aava ŋiɽany iila ŋinith-ŋi ŋirṯaŋw tǝ, 8 e-ta ǝmǝ ŋinith rotto ṯatha ŋa ŋǝthi ŋothɽor ŋǝthi Ṯigɽim! 9 Mǝ ŋothɽor ŋa ŋǝṯi aava hɔkwɔma oro ŋinith tǝ; e-ta ǝmǝ ŋinith rotto ṯatha ŋǝṯisi ŋothɽor ŋǝthi ŋirilalɔ aava! 10 Ŋinith ŋǝthi kerreny-ŋwɔ ŋaarir-ŋi ŋithǝmthilǝ fɔɔri-gi, ŋimǝsi ŋinith ŋǝthi kirem-ŋwɔ ŋithǝmthi-lǝ fɔɔri-gi pur-pur irṯasalɔ. 11 Mǝ ŋgwa kwǝṯi naani cuk domony ǝthi ŋinithi tǝ, e-ta ǝri-mǝ rotto ṯatha ŋǝthi ŋgwa kwǝṯi nannatha lur!
12 Nǝ kaka nǝthir-gwɔ ṯǝkkizǝ kizǝn tǝ, nǝrmoro luugwul beṯṯen. 13 Nǝreere oro nyiiŋǝ kaka Muusǝ-ŋwɔ mac, kwugwuɽubǝnnǝ kiyǝnǝ minḏiil-gi mindaŋ ethi lizi lǝthi Israa-iil ere ese mac fiɽiyari kwǝṯi irṯathalɔ. 14 Laakin ǝṯi ŋaɽiny ŋeeŋen lǝŋthǝnni; mindaŋ nǝ laamin oro kɔlɔ kimaara, ǝṯitǝ ŋaɽiny ŋeeŋen kwuɽubǝnni minḏiil-gi ṯǝ ŋgwa kwette-kwette, mǝt ɔrti Kiṯaabi kǝthi wa@ḏ wɔɔɽɔn. Nǝ kwizi ere kweere kwinḏi ethi dimmi kithaay mac illi Kwɔrɔstɔ ṯɔɽɔk. 15 Nǝ kire-kirem-ŋgwɔ ṯǝ tok, mǝr ɔrti Sherii@a kwǝthi Muusǝ, ǝṯita minḏiil-ŋgwɔ nannatha kwugwuɽubǝthi ŋaɽinyi ŋeeŋen. 16 Laakin mɔŋw ɔrllatha kweere Kweelenyi naana tǝ, ǝṯɔŋw dimmini kithaay. 17 Ŋwɔṯaŋw nǝ Kweeleny oro Ṯigɽim, nǝ kǝzir wǝṯi-gwɔ Ṯigɽim ṯǝhi Kweeleny naani, ǝṯi-gwɔ hɔrriiyya naani tok. 18 Nǝ a kwǝṯir-pǝ ese nyiiŋǝ tatap ŋinithi ŋǝthi Kweeleny liti lǝthi liminḏilǝ kiyǝnǝ mac, nǝ nǝŋnyji riithi mindaŋ ethaaɽanni suurǝ kwuuŋwun, kwǝṯi kikiɽǝzi ŋinithi dɔṯṯɔk, kaka ninḏi-ŋgwɔ Kweeleny-ŋgi kwir Ṯigɽim.