Lu Vureope'ba 'Dicini ro
1 OPI, mi orivoya Lu se kabe votaro logo owo
nyaka'da kyila miro!
2 Miŋga, mi vureope'ba lidri cini ro ono;
nyozo taezaro se sibe ozone driuŋgyi'bai ri!
3 Takozi'bai a'dona yai'dwesi tuna mu'du eŋwanyeya?
Tuna mu'du eŋwanyeya OPI?
4 Ànya kayi ta ata driuŋgyi si
taenji'bai kayi ata driuŋgyi si ta tase ànya koyebe rota.
5 Ànya kayi lidri miro ronyo OPI;
ànya kayi ànya se miro ezana.
6 Ànya kayi ävuzii ndi atrai yibe ufu,
ago ànya kayi kyemvoi ufu.
7 Ànya kayi ata ekye: “OPI ndre ama ko;
Lu Yisaraele ro ni ko.”
8 Nya'do tauni be ami lidri maro driako ono!
Amamai minina ta ituya?
9 Lu se 'ba bi ni ono, nda unina ko ta 'do erine ya?
Nda se 'ba mi ni ono, nda unina ko ta 'do ondrene ya?
10 Nda se ka ni tu'dei eza ono unina ko ami ezane ya?
Nda se ni emba'ba lidri cini ro ono, inye'do nda tauniako ya?
11 OPI ni tase lidri kabe usuna te;
nda ni tausu ànyaro te orivoya takaci ako.
12 OPI, lidri se nyabe embana ni kado,
'dise nyabe ota miro embana rigye 'do!
13 Nya loli ozo ni ndäri tui rriti rosi
madale ä'di 'bu te takozi'ba ri o'deza.
14 OPI e'bena lidri ndaro ko;
nda ovona ànya se ndaro ko cowa.
15 Usuna taŋgye 'da kpa to'di vureope ya,
ago lidri cini taŋgye'bai ro osona 'da voigyesi.
16 A'di edreni maresi kyilaoyene takozi'bai be ya?
A'di edreni maresi kyilaoyene taundi oye'bai be ya?
17 Aba ondro OPI kopa ma ko ni,
aba nonye ono moyite ndriŋwa wari a'doro titiro ya.
18 Ondro musutate makye: “Ma oyete o'dene;”
oko ŋgalu 'duro miro äti ma te, Äye OPI.
19 Ma'do gica orivoya milo'belo'bero amba oko,
nyi'dwe ma te ago mi'ba ma te yai'dwesi.
20 Inye'do vureope'bai koziro,
se kabe taŋgyeako o'ba takadoro, iyi, a'donayi ndi bereazi miro ya?
21 Ànya kayi taäyi lidri kado lomvo
ago kayi taenjiako'bai o'ba ufune.
22 Oko OPI ka ma opani;
Lu maro ni gaga'ba maro.
23 Nda logona takozi ànyaro 'da ànya dri
ago tufuna ànya 'da ta takozii ànyaro rota;
OPI Lu amaro tufuna ànya 'da kpeye.
Lu Vureope'ba 'Dicini ro
1 OPI, mi orivoya Lu se kabe votaro logo owo
nyaka'da kyila miro!
2 Miŋga, mi vureope'ba lidri cini ro ono;
nyozo taezaro se sibe ozone driuŋgyi'bai ri!
3 Takozi'bai a'dona yai'dwesi tuna mu'du eŋwanyeya?
Tuna mu'du eŋwanyeya OPI?
4 Ànya kayi ta ata driuŋgyi si
taenji'bai kayi ata driuŋgyi si ta tase ànya koyebe rota.
5 Ànya kayi lidri miro ronyo OPI;
ànya kayi ànya se miro ezana.
6 Ànya kayi ävuzii ndi atrai yibe ufu,
ago ànya kayi kyemvoi ufu.
7 Ànya kayi ata ekye: “OPI ndre ama ko;
Lu Yisaraele ro ni ko.”
8 Nya'do tauni be ami lidri maro driako ono!
Amamai minina ta ituya?
9 Lu se 'ba bi ni ono, nda unina ko ta 'do erine ya?
Nda se 'ba mi ni ono, nda unina ko ta 'do ondrene ya?
10 Nda se ka ni tu'dei eza ono unina ko ami ezane ya?
Nda se ni emba'ba lidri cini ro ono, inye'do nda tauniako ya?
11 OPI ni tase lidri kabe usuna te;
nda ni tausu ànyaro te orivoya takaci ako.
12 OPI, lidri se nyabe embana ni kado,
'dise nyabe ota miro embana rigye 'do!
13 Nya loli ozo ni ndäri tui rriti rosi
madale ä'di 'bu te takozi'ba ri o'deza.
14 OPI e'bena lidri ndaro ko;
nda ovona ànya se ndaro ko cowa.
15 Usuna taŋgye 'da kpa to'di vureope ya,
ago lidri cini taŋgye'bai ro osona 'da voigyesi.
16 A'di edreni maresi kyilaoyene takozi'bai be ya?
A'di edreni maresi kyilaoyene taundi oye'bai be ya?
17 Aba ondro OPI kopa ma ko ni,
aba nonye ono moyite ndriŋwa wari a'doro titiro ya.
18 Ondro musutate makye: “Ma oyete o'dene;”
oko ŋgalu 'duro miro äti ma te, Äye OPI.
19 Ma'do gica orivoya milo'belo'bero amba oko,
nyi'dwe ma te ago mi'ba ma te yai'dwesi.
20 Inye'do vureope'bai koziro,
se kabe taŋgyeako o'ba takadoro, iyi, a'donayi ndi bereazi miro ya?
21 Ànya kayi taäyi lidri kado lomvo
ago kayi taenjiako'bai o'ba ufune.
22 Oko OPI ka ma opani;
Lu maro ni gaga'ba maro.
23 Nda logona takozi ànyaro 'da ànya dri
ago tufuna ànya 'da ta takozii ànyaro rota;
OPI Lu amaro tufuna ànya 'da kpeye.