Ora 'Bakalai ro Gawa yasi
1 OPI atate Musa ndi Arona be ri ekye: 2 Lidri Yisaraele ro ri gawa otone 'dialo, bere käläsikala modo ànyaro ro zele, ànyari gawa ànyaro otone gbikyi Mutuguṛi lomvosi. 3 Ànya se gawa ànyaro otone 'buzelesi, bere lowa ànyaro ro zele ni gawa Yuda ro gboko ànyaro voro, dri'ba lidri Yuda ro ro ni Nasona ŋgwa Aminadaba ro, 4 lowa ndaro atibe orivoya kutu 'butenjidrieri fosu kama njidrialo (74,600). 5 Ànya se gawa otone nda vo ni 'bakala Yisakara ro, dri'ba 'bakala Yisakara ro ro ni Netaniela ŋgwa Zuara ro, 6 lowa ndaro atibe orivoya kutu 'butenji fosu kama su (54,400). 7 'Dooko 'bakala Zebuluna ro, dri'ba lidri Zebuluna ro ro ni Eliaba ŋgwa Elona ro, 8 lowa ndaro atibe orivoya kutu 'butenji fonjidrieri kama su (57,400). 9 Oti lidri gawa Yuda ro ro vona kyiti orivoya kutu kama alo 'butenjidriena fonjidrialo kama su (186,400). Ànyari o'dene käti aba ya.
10 Ogone ŋgäṛiŋwadrisi ni bere gawa Rubena ro ro gboko ànyaro voro, dri'ba lidri Rubena ro ro ni Elizura ŋgwa Sedeura ro, 11 lowa ndaro atibe orivoya kutu 'butesu fonjidrialo kama nji (45,500). 12 Ago ànya se gawa otone nda vo ni 'bakala Simeona ro, dri'ba lidri Simeona ro ro ni Selumiela ŋgwa Zurisadai ro, 13 lowa ndaro atibe orivoya kutu 'butenji fonjidriesu kama nätu (59,300). 14 'Dooko 'bakala Gada ro, dri'ba 'bakala Gada ro ro ni Elisapa ŋgwa Duela ro, 15 lowa ndaro atibe orivoya kutu 'butesu fonji kama njidrialo 'butenji (45,650). 16 Oti lidri gawa Rubena ro ro vona kyiti gboko ànyaro voro orivoya kutu kama alo 'butenji foalo kama su 'butenji (151,450). Ànyari o'dene ṛiri ro aba ya.
17 'Dooko gawa Lewe'bai ro ndi mutuguṛi be a'done kitoriya gawa ritu 'do roya, aba ya ànyari o'dene oto gawa ro voro alo gi vo iro ya, bere iro zele.
18 Ogone aŋgoyasi ni bere gawa Eperaima ro a'do gboko ànyaro ro voro, dri'ba lidri Eperaima ro ro ni Elisama ŋgwa Amiuda ro, 19 lowa ndaro atibe orivoya kutu 'butesu kama nji (40,500). 20 Ago se osone nda vo ni 'bakala Manase ro, dri'ba lidri Manase ro ro ni Gamaliele ŋgwa Pedazura ro, 21 lowa ndaro atibe orivoya kutu 'butenätu foritu kama ritu (32,200). 22 'Dooko 'bakala Benjamina ro, dri'ba lidri Benjamina ro ro ni Abidana ŋgwa Gideoni ro, 23 lowa ndaro atibe kyiti orivoya kutu 'butenätu fonji kama su (35,400). 24 Oti lidri gawa Eperaima ro ro vona kyiti gboko ànyaro voro atibe orivoya kutu kama alo fonjidriena kama alo (108,100). Ànyari o'dene nina ro aba ya.
25 Ogone ma'dudrisi ni bere gawa 'bakala Dana ro ro a'do gboko ànyaro voro, dri'ba lidri Dana ro ro ni Aizera ŋgwa Amisadai ro, 26 lowa ndaro atibe orivoya kutu 'butenjidrialo foritu kama njidrieri (62,700). 27 Ago ànya se gawa otone nda vo ni 'bakala Asera ro, dri'ba lidri Asera ro ro ni Pagiela ŋgwa Okerana ro, 28 lowa ndaro atibe orivoya kutu 'butesu foalo kama nji (41,500). 29 'Dooko 'bakala Nafatali ro, dri'ba lidri Nafatali ro ro ni Aira ŋgwa Enana ro, 30 lowa ndaro atibe orivoya kutu 'butenji fonätu kama su (53,400). 31 Oti lidri 'bakala gawa Dana ro ro kyiti gboko ànyaro voro atibe orivoya kutu kama alo 'butenji fonjidrieri kama njidrialo (157,600). Ànyari ni o'dene äduro aba ya.
32 Kwoi ni lidri Yisaraele ro se atibe käläsikalai täpii ànyaro ro voro owo; vona se cini gawa yasi atibe gboko ànyaro voro orivoya kutu kama njidrialo fonätu kamanji 'butenji (603,550). 33 Oko ati Lewe'bai ko'de lidri Yisaraele ro lako, oso OPI kota Musa be ronye.
34 Ta'dota lidri Yisaraele ro yeyei ta cini te oso se OPI kota Musa be ronye. Ànya otoyi gawa ànyaro te a'do bere ànyaro ro voro, 'dicini ba alo alo rite katidri ndaro voro, oso käläsikalai täpii ànyaro ro ronye.
Ora 'Bakalai ro Gawa yasi
1 OPI atate Musa ndi Arona be ri ekye: 2 Lidri Yisaraele ro ri gawa otone 'dialo, bere käläsikala modo ànyaro ro zele, ànyari gawa ànyaro otone gbikyi Mutuguṛi lomvosi. 3 Ànya se gawa ànyaro otone 'buzelesi, bere lowa ànyaro ro zele ni gawa Yuda ro gboko ànyaro voro, dri'ba lidri Yuda ro ro ni Nasona ŋgwa Aminadaba ro, 4 lowa ndaro atibe orivoya kutu 'butenjidrieri fosu kama njidrialo (74,600). 5 Ànya se gawa otone nda vo ni 'bakala Yisakara ro, dri'ba 'bakala Yisakara ro ro ni Netaniela ŋgwa Zuara ro, 6 lowa ndaro atibe orivoya kutu 'butenji fosu kama su (54,400). 7 'Dooko 'bakala Zebuluna ro, dri'ba lidri Zebuluna ro ro ni Eliaba ŋgwa Elona ro, 8 lowa ndaro atibe orivoya kutu 'butenji fonjidrieri kama su (57,400). 9 Oti lidri gawa Yuda ro ro vona kyiti orivoya kutu kama alo 'butenjidriena fonjidrialo kama su (186,400). Ànyari o'dene käti aba ya.
10 Ogone ŋgäṛiŋwadrisi ni bere gawa Rubena ro ro gboko ànyaro voro, dri'ba lidri Rubena ro ro ni Elizura ŋgwa Sedeura ro, 11 lowa ndaro atibe orivoya kutu 'butesu fonjidrialo kama nji (45,500). 12 Ago ànya se gawa otone nda vo ni 'bakala Simeona ro, dri'ba lidri Simeona ro ro ni Selumiela ŋgwa Zurisadai ro, 13 lowa ndaro atibe orivoya kutu 'butenji fonjidriesu kama nätu (59,300). 14 'Dooko 'bakala Gada ro, dri'ba 'bakala Gada ro ro ni Elisapa ŋgwa Duela ro, 15 lowa ndaro atibe orivoya kutu 'butesu fonji kama njidrialo 'butenji (45,650). 16 Oti lidri gawa Rubena ro ro vona kyiti gboko ànyaro voro orivoya kutu kama alo 'butenji foalo kama su 'butenji (151,450). Ànyari o'dene ṛiri ro aba ya.
17 'Dooko gawa Lewe'bai ro ndi mutuguṛi be a'done kitoriya gawa ritu 'do roya, aba ya ànyari o'dene oto gawa ro voro alo gi vo iro ya, bere iro zele.
18 Ogone aŋgoyasi ni bere gawa Eperaima ro a'do gboko ànyaro ro voro, dri'ba lidri Eperaima ro ro ni Elisama ŋgwa Amiuda ro, 19 lowa ndaro atibe orivoya kutu 'butesu kama nji (40,500). 20 Ago se osone nda vo ni 'bakala Manase ro, dri'ba lidri Manase ro ro ni Gamaliele ŋgwa Pedazura ro, 21 lowa ndaro atibe orivoya kutu 'butenätu foritu kama ritu (32,200). 22 'Dooko 'bakala Benjamina ro, dri'ba lidri Benjamina ro ro ni Abidana ŋgwa Gideoni ro, 23 lowa ndaro atibe kyiti orivoya kutu 'butenätu fonji kama su (35,400). 24 Oti lidri gawa Eperaima ro ro vona kyiti gboko ànyaro voro atibe orivoya kutu kama alo fonjidriena kama alo (108,100). Ànyari o'dene nina ro aba ya.
25 Ogone ma'dudrisi ni bere gawa 'bakala Dana ro ro a'do gboko ànyaro voro, dri'ba lidri Dana ro ro ni Aizera ŋgwa Amisadai ro, 26 lowa ndaro atibe orivoya kutu 'butenjidrialo foritu kama njidrieri (62,700). 27 Ago ànya se gawa otone nda vo ni 'bakala Asera ro, dri'ba lidri Asera ro ro ni Pagiela ŋgwa Okerana ro, 28 lowa ndaro atibe orivoya kutu 'butesu foalo kama nji (41,500). 29 'Dooko 'bakala Nafatali ro, dri'ba lidri Nafatali ro ro ni Aira ŋgwa Enana ro, 30 lowa ndaro atibe orivoya kutu 'butenji fonätu kama su (53,400). 31 Oti lidri 'bakala gawa Dana ro ro kyiti gboko ànyaro voro atibe orivoya kutu kama alo 'butenji fonjidrieri kama njidrialo (157,600). Ànyari ni o'dene äduro aba ya.
32 Kwoi ni lidri Yisaraele ro se atibe käläsikalai täpii ànyaro ro voro owo; vona se cini gawa yasi atibe gboko ànyaro voro orivoya kutu kama njidrialo fonätu kamanji 'butenji (603,550). 33 Oko ati Lewe'bai ko'de lidri Yisaraele ro lako, oso OPI kota Musa be ronye.
34 Ta'dota lidri Yisaraele ro yeyei ta cini te oso se OPI kota Musa be ronye. Ànya otoyi gawa ànyaro te a'do bere ànyaro ro voro, 'dicini ba alo alo rite katidri ndaro voro, oso käläsikalai täpii ànyaro ro ronye.