Räṛu Oye Lu Mbaraekye ri
1 Nyäräṛu OPI!
Orivoya kado loŋgo räṛu ro oŋgone Lu amaro ri;
tana si 'di tawi räṛu oyene ago nda räṛune.
2 OPI kate ogo Yerusalema obene;
nda kate ezi Yisaraele'bai se epere be 'do kalana koto.
3 Nda kate ya se lesite edena
ago kate lazà ànyaro uvuna.
4 Nda ni oti 'bi'bii ro ni
ago ozo ävuru ni ànya cini ri.
5 Opi amaro orivoya para ago mbaraekye;
tavouni ndaro äni ko ojone.
6 OPI kani 'dise driuŋgyiako eŋga,
oko kani takozi'bai logo vuru.
7 Mìŋgo loŋgo räṛu ro OPI ri;
mìŋgo loŋgo lekyembe o'bi si Lu amaro ri.
8 Nda kani 'dikolo o'ba loŋgane vokuru ya;
nda kani 'bu o'ba u'dine 'bädri ya
ago kani käyi o'ba ombane lutui drisi.
9 Nda kani ŋgaonya ozo koronyai vocowaro ri
ago korogai ombato'di ro se kabe liyi ri.
10 Mbara farasii ro tana si nda ko,
ca kyila'bai turiako ro tana si nda kpa ko;
11 oko OPI ka a'do yai'dwesi ànya se kabe nda oro,
ago ànya se kabe taoyi ŋgalu 'duro ndaro ya 'do be.
12 Nyäräṛu OPI, Äye Yerusalema!
Nyäräṛu Lu miro, Äye Zaiona!
13 Nda kani dereŋwà miro gagana kadoro;
nda kani lidri miro äṛu.
14 Nda ka taliatokpe ezi ni kishwedri miro ya
ago kani kifo kado ozo miri.
15 Nda kani ota ozo 'bädri ri,
ago tase nda kabe atana kaosa ndriwa mi naya.
16 Nda kani siya o'ba otrone oso kodo ronye
ago kani vo o'ba ofone oso durufu ronye.
17 Nda kani 'busiya ezi oso kuniŋwà ronye;
a'di edrena ni kyi'dwe se nda kabe ezina dri ya?
18 Nda kani ta ozo otro siya ro ri alane;
nda kani oli o'ba oline ago gyi dite.
19 Nda kani ata ndaro ozo lidri ndaro ri,
kani ŋgaemba ndaro ndi otai be ozo lidri Yisaraele ro ri.
20 Nda ye tase ono kote tu'dei azaka ri;
ànya niyi otai ndaro ko.
Nyäräṛu OPI!
Räṛu Oye Lu Mbaraekye ri
1 Nyäräṛu OPI!
Orivoya kado loŋgo räṛu ro oŋgone Lu amaro ri;
tana si 'di tawi räṛu oyene ago nda räṛune.
2 OPI kate ogo Yerusalema obene;
nda kate ezi Yisaraele'bai se epere be 'do kalana koto.
3 Nda kate ya se lesite edena
ago kate lazà ànyaro uvuna.
4 Nda ni oti 'bi'bii ro ni
ago ozo ävuru ni ànya cini ri.
5 Opi amaro orivoya para ago mbaraekye;
tavouni ndaro äni ko ojone.
6 OPI kani 'dise driuŋgyiako eŋga,
oko kani takozi'bai logo vuru.
7 Mìŋgo loŋgo räṛu ro OPI ri;
mìŋgo loŋgo lekyembe o'bi si Lu amaro ri.
8 Nda kani 'dikolo o'ba loŋgane vokuru ya;
nda kani 'bu o'ba u'dine 'bädri ya
ago kani käyi o'ba ombane lutui drisi.
9 Nda kani ŋgaonya ozo koronyai vocowaro ri
ago korogai ombato'di ro se kabe liyi ri.
10 Mbara farasii ro tana si nda ko,
ca kyila'bai turiako ro tana si nda kpa ko;
11 oko OPI ka a'do yai'dwesi ànya se kabe nda oro,
ago ànya se kabe taoyi ŋgalu 'duro ndaro ya 'do be.
12 Nyäräṛu OPI, Äye Yerusalema!
Nyäräṛu Lu miro, Äye Zaiona!
13 Nda kani dereŋwà miro gagana kadoro;
nda kani lidri miro äṛu.
14 Nda ka taliatokpe ezi ni kishwedri miro ya
ago kani kifo kado ozo miri.
15 Nda kani ota ozo 'bädri ri,
ago tase nda kabe atana kaosa ndriwa mi naya.
16 Nda kani siya o'ba otrone oso kodo ronye
ago kani vo o'ba ofone oso durufu ronye.
17 Nda kani 'busiya ezi oso kuniŋwà ronye;
a'di edrena ni kyi'dwe se nda kabe ezina dri ya?
18 Nda kani ta ozo otro siya ro ri alane;
nda kani oli o'ba oline ago gyi dite.
19 Nda kani ata ndaro ozo lidri ndaro ri,
kani ŋgaemba ndaro ndi otai be ozo lidri Yisaraele ro ri.
20 Nda ye tase ono kote tu'dei azaka ri;
ànya niyi otai ndaro ko.
Nyäräṛu OPI!