Kyila Abija ro Yeroboama be
(1 'Bädri'bai 15:1-8)1 Ndroa 'butealo fonjidriena ŋgamiri Yeroboama 'Bädri'ba Yisaraele rosi oko, Abija a'dote 'bädri'ba Yuda ro, 2 nda mirivote ndroa nätu Yerusalema ya. Endre ndaro ävuruna ni Mikaya ŋguti Uriela ro, ni 'bakici Gibea yasi.
Kyila a'dote lakole Abija ro Yeroboama be ya. 3 Abija oyite kyila ya kyila'bai turiako'bai kyila oyero kutu kama su (400,000) alo be; ago Yeroboama raa kyila'bai ndaro te kutu kama njidriena (800,000) kyila oyene nda be.
4 Kyila'bai kai usuyi iyi te 'bädri lutu ro Eperaima roya. 'Dooko Abija tute kuru 'Bereŋwa Zemaraima ro dri ago ayotate Yeroboama ndi Yisaraele'bai be ri nda ekye: Nyeri ta maro! Yeroboama mi ndi Yisaraele cini be! 5 Inye'do mini ṛoko OPI, Lu Yisaraele ro 'ba tao'baro se pereako ono te Dawidi be, kozo a'do 'bädri'ba robe ndäri ago zelevoi ndaro ri orine Yisaraele dri äduako ono ṛoko ya? 6 Caoko Yeroboama ŋgwa Nebata ro, ogbote Solomo 'bädri'ba ndaro be. 7 Kovolesi oko nda otokala lidri kozi azaka rote, se ànya leyi Rehoboama ŋgwa Solomo ro tezo, se orivoya pari agoanjiŋwa ro tauniako amba ago ni kote komba otone ànya be. 8 Ago yauono nyusutavote kyila oyene dri'bai miri ro se OPI kozobe zelevoi Dawidi ro ri ono be. Ami orivoya kyila'bai be lowa ro ago 'daŋgoi läguläguro se Yeroboama kedebe lu ro ämiri kwoi orivoya ami be. 9 Minja kohanii OPI ro, ŋgwàagoro Arona rote, ndi Lewe'bai be. Ago migo mi'ba kohanii te vo ànyaro yasi oso tu'dei azaka kayibe oyena ronye. 'Diaza kikyite 'daŋgo alodi kode timelegogo njidrieri be, a'ba nda te kohani ro ŋgase mizibe lui iyi ri.
10 Oko mà drigba ruindu OPI Lu amaro ri ago me'be nda kote. Kohanii zelevoi Arona ro kayi kama ànyaro oyena, ago Lewe'bai kayi ànya opa. 11 Ànya kayi ŋgapäṛi ŋga tägyi ŋgutruro ndi koronya se ozaro cu tori ro 'do be ozana kyenoŋbo cini ndi tandrole cini be si. Ànya kayi ŋgapäṛi ambata ro o'bana tara'biza se alokado wäṛiro ono dri, ago tandrole cini si ànya kayi lamba eyi logo läguläguro lamba edrero dri. Mà tase OPI kozo otana be oyena, oko nye'be nda te. 12 Lu modo ni dri'ba amaro, ago kohanii orivoya ama be noŋwa cekuṛei be, te nja ovone ama uziza kyila oyene ami yibe. Ami lidri Yisaraele ro, miye kyila ko OPI, Lu zutui amiro robe! Tana minina ko opene ṛe!
13 Anjioko Yeroboama zo kyila'bai ndaro azaka te uvune kyila'bai Yuda ro kundusi; ago kyila'bai azaka orivoya mileyasi. 14 Ondro lidri Yuda ro kondrevote gbikyi oko, ànya ndrete anjioko ämudri ànyaro te. 'Dooko ànya ayodrite OPI ri ta ŋgaopa rota, ago kohanii voyi cekuṛe te. 15 'Dooko lidri Yuda ro treyi otre kyila oyero te, Abija 'dete mileya; ago ànya gotayi ŋga te; Lu pe Yeroboama ndi kyila'bai Yisaraele robe te ṛe. 16 Lidri Yisaraele ro muyite ni lidri Yuda ro risi, ago Lu 'ba lidri Yuda ro pe ànya te ṛe. 17 Abija ndi kyila'bai ndaro be peyi Yisaraele'bai te pari ṛe, tufuyi kyila'bai kadopara Yisaraele rote orivoya kutu kama nji. 18 Ta'dota lidri Yuda ro peyi lidri Yisaraele rote ṛe, tana ànya ätirute OPI, Lu zutu ànyaro ro lomvo.
19 Abija sote kyila'bai Yeroboama ro vo, ago kyi ru 'bakicii ndaro Betele, Jesana ndi Eferona be, ndi 'baŋwai se lototi 'bakicii kwoi lomvosi be te. 20 Tu ŋgamiri Abija ro rosi Yeroboama go a'do kote mbara be alona. Äduro OPI 'bi nda te ago nda drate.
21 Oko Abija a'dote mbaraekye. Ago nda gye 'ditoko te 'butealo fosu, ago ti ŋgwàagoro te 'buteritu foritu ndi ndiriŋwa 'butealo fonjidrialo be. 22 Ta rukä ambâ Abija ro ro, tase nda katabe ndi tase nda koyebe be, egyi tana te Ambâ Nebi Ido ro roya.
Kyila Abija ro Yeroboama be
(1 'Bädri'bai 15:1-8)1 Ndroa 'butealo fonjidriena ŋgamiri Yeroboama 'Bädri'ba Yisaraele rosi oko, Abija a'dote 'bädri'ba Yuda ro, 2 nda mirivote ndroa nätu Yerusalema ya. Endre ndaro ävuruna ni Mikaya ŋguti Uriela ro, ni 'bakici Gibea yasi.
Kyila a'dote lakole Abija ro Yeroboama be ya. 3 Abija oyite kyila ya kyila'bai turiako'bai kyila oyero kutu kama su (400,000) alo be; ago Yeroboama raa kyila'bai ndaro te kutu kama njidriena (800,000) kyila oyene nda be.
4 Kyila'bai kai usuyi iyi te 'bädri lutu ro Eperaima roya. 'Dooko Abija tute kuru 'Bereŋwa Zemaraima ro dri ago ayotate Yeroboama ndi Yisaraele'bai be ri nda ekye: Nyeri ta maro! Yeroboama mi ndi Yisaraele cini be! 5 Inye'do mini ṛoko OPI, Lu Yisaraele ro 'ba tao'baro se pereako ono te Dawidi be, kozo a'do 'bädri'ba robe ndäri ago zelevoi ndaro ri orine Yisaraele dri äduako ono ṛoko ya? 6 Caoko Yeroboama ŋgwa Nebata ro, ogbote Solomo 'bädri'ba ndaro be. 7 Kovolesi oko nda otokala lidri kozi azaka rote, se ànya leyi Rehoboama ŋgwa Solomo ro tezo, se orivoya pari agoanjiŋwa ro tauniako amba ago ni kote komba otone ànya be. 8 Ago yauono nyusutavote kyila oyene dri'bai miri ro se OPI kozobe zelevoi Dawidi ro ri ono be. Ami orivoya kyila'bai be lowa ro ago 'daŋgoi läguläguro se Yeroboama kedebe lu ro ämiri kwoi orivoya ami be. 9 Minja kohanii OPI ro, ŋgwàagoro Arona rote, ndi Lewe'bai be. Ago migo mi'ba kohanii te vo ànyaro yasi oso tu'dei azaka kayibe oyena ronye. 'Diaza kikyite 'daŋgo alodi kode timelegogo njidrieri be, a'ba nda te kohani ro ŋgase mizibe lui iyi ri.
10 Oko mà drigba ruindu OPI Lu amaro ri ago me'be nda kote. Kohanii zelevoi Arona ro kayi kama ànyaro oyena, ago Lewe'bai kayi ànya opa. 11 Ànya kayi ŋgapäṛi ŋga tägyi ŋgutruro ndi koronya se ozaro cu tori ro 'do be ozana kyenoŋbo cini ndi tandrole cini be si. Ànya kayi ŋgapäṛi ambata ro o'bana tara'biza se alokado wäṛiro ono dri, ago tandrole cini si ànya kayi lamba eyi logo läguläguro lamba edrero dri. Mà tase OPI kozo otana be oyena, oko nye'be nda te. 12 Lu modo ni dri'ba amaro, ago kohanii orivoya ama be noŋwa cekuṛei be, te nja ovone ama uziza kyila oyene ami yibe. Ami lidri Yisaraele ro, miye kyila ko OPI, Lu zutui amiro robe! Tana minina ko opene ṛe!
13 Anjioko Yeroboama zo kyila'bai ndaro azaka te uvune kyila'bai Yuda ro kundusi; ago kyila'bai azaka orivoya mileyasi. 14 Ondro lidri Yuda ro kondrevote gbikyi oko, ànya ndrete anjioko ämudri ànyaro te. 'Dooko ànya ayodrite OPI ri ta ŋgaopa rota, ago kohanii voyi cekuṛe te. 15 'Dooko lidri Yuda ro treyi otre kyila oyero te, Abija 'dete mileya; ago ànya gotayi ŋga te; Lu pe Yeroboama ndi kyila'bai Yisaraele robe te ṛe. 16 Lidri Yisaraele ro muyite ni lidri Yuda ro risi, ago Lu 'ba lidri Yuda ro pe ànya te ṛe. 17 Abija ndi kyila'bai ndaro be peyi Yisaraele'bai te pari ṛe, tufuyi kyila'bai kadopara Yisaraele rote orivoya kutu kama nji. 18 Ta'dota lidri Yuda ro peyi lidri Yisaraele rote ṛe, tana ànya ätirute OPI, Lu zutu ànyaro ro lomvo.
19 Abija sote kyila'bai Yeroboama ro vo, ago kyi ru 'bakicii ndaro Betele, Jesana ndi Eferona be, ndi 'baŋwai se lototi 'bakicii kwoi lomvosi be te. 20 Tu ŋgamiri Abija ro rosi Yeroboama go a'do kote mbara be alona. Äduro OPI 'bi nda te ago nda drate.
21 Oko Abija a'dote mbaraekye. Ago nda gye 'ditoko te 'butealo fosu, ago ti ŋgwàagoro te 'buteritu foritu ndi ndiriŋwa 'butealo fonjidrialo be. 22 Ta rukä ambâ Abija ro ro, tase nda katabe ndi tase nda koyebe be, egyi tana te Ambâ Nebi Ido ro roya.