Yeremaya Koro Gyiako ya
1 Sefatia ŋgwa Matana ro, Gedalaya ŋgwa Pasura ro, Jeukala ŋgwa Selemaya ro, ndi Pasura ŋgwa Malekaya robe eriyitate ekye ma taiti lidri ri makye: 2 “OPI atate ekye: 'dise aza korite 'bakici ya odrana ndi ni kyila ri kode mä'bu ri kode adravo kozi ri. Oko 'dise aza kabe ofo tesi ago kabe yi ozo kyila'bai Babelona'bai ro ri 'do änina ko ufune; nda orina ndi lidriidri ro. 3 Ya oye 'bakici ono ozone kyila'bai Babelona'bai ro rigye, ago ànya urunayi 'da.”
4 'Dooko dri'bai losi ro atayite 'bädri'ba ri ekye: “Mi'ba äfu mano gi ono. Tana nda ka kyila'bai se 'bakici ono ya ono o'bana a'done agoago ako ago nda ka kpa lidri se ke'bebe 'bakici ya ono o'bana a'done oso inye ata inye'do si. Tana mano ono ka ko ojo lidri opane; oko nda le toto ànya oyene koziro.”
5 'Dooko 'Bädri'ba Zedekia zatadrite ekye: “Kado yi, nda orivoya drì amiro ya; mänina ko ami lagane zo.” 6 Ta'dota ànya ruyi mate ago voyi ma te iba si koro Malekaya ŋgwa 'bädri'ba ro roya, se orivoya goko zo'desi miri ro roya. Gyi i'do koro se ana ya, oko toto koro ayani kigye, ago macite andrwi kigye.
7 Caoko Ebedemeleka Kusa'ba, roti se kabe losi oye zo'desi miri ro 'bädri'ba roya ana, eritate ekye ànya voyi mate koro ya. Tu gi ana si 'dooko 'bädri'ba ka vure ope Dereŋwa Benjamina ro kala. 8 Ta'dota Ebedemeleka oyite lau ago, ni zo'desi miri ro yasi atate 'bädri'ba ri ekye: 9 “'Desi 'bädri'ba maro tase lidri kwoi koyeyibe nebi Yeremaya ri ono orivoya koziro. Ànya voyi Yeremaya te koro ya, vose nda odrana ndi ni mä'bu ri kigye ono ya, tana yauono ŋgaonya aza te i'do 'bakici ya.” 10 'Dooko 'bädri'ba ozotate Ebedemeleka ri lidri nätu urune oyine tro nda be ma Yeremaya ewene ni koro yasi teinye märi odraako. 11 Ta'dota Ebedemeleka oyite lidri se kai be vo ŋgaodroro zo'desi miri ro roya ago ruyi boŋgo nyakaca azaka teni lau se evoyite märi koro ya iba si. 12 Ebedemeleka atate märi boŋgo nyakaca se ana o'bane lakole kävute maro ro iba be yasi. Ndi mayete oso inye, 13 ago ànya eweyi ma te tesi iba si ni koro yasi. 'Do vosi marite goko ya.
Zedekia ka Taeji ta Tazevoedre Yeremaya rota
14 Tu aza si oko 'Bädri'ba Zedekia zo lazote mavo ago ezi mate ndare ecivo nina Yekalu roya, ago nda atate märi ekye: “Ma oye mi ejine taeji alodi aza si, ago nyada'do taaza ko ni märi.”
15 Mazatadrite makye: “Ondro ka'do miti taŋgye bete miri, mifuna ma ko ya? Ago ondro ka'do medre tazevona ca miri, minina ko ta maro erine.”
16 'Dooko 'Bädri'ba Zedekia 'ba tao'ba te märi ndrwiro ekye: “Ma ma äṛu Lu se lidriidriro, se kozo adri beni ämäri ono si, anjioko märi mi ufune kode ozone lidri se koleyibe mi ufune iyi rigye i'do.”
17 'Dooko matate Zedekia ri makye: “OPI Mbaraekye, Lu Yisaraele ro, ekye: Ondro ka'do nyozovote dri'bai kyila'bai 'bädri'ba Babelona ro ri, apana adri miro ndi, ago änina ko 'bakici ono ozane riya asi si. Apana mi 'da ndi katidri miro be. 18 Oko ondro ka'do nyozovo kote, 'dooko ozona 'bakici ono ndi Babelona'bai rigye, ago ànya ozanayi 'da riya asi si, ago minina ko voopane ni ànyari.”
19 Oko 'bädri'ba zatadrite ekye: “Ma orivoya turiro ni lidri 'bädri amaro Yuda ro se kumuyibe Babelona'bai re ono ri. Ozona ma ndi ànya rigye ago o'binayi ma ndi.”
20 Matate makye: “Änina ko mi ozone ànya rigye. Molo'baru miri miro lazo OPI ro se mabe atana miri ono; 'dooko ta cini a'dona ndi kadoro miri, ago apana adri miro ndi. 21 Oko ondro ka'do migatezo voozone OPI ka'da tase ka oyebe a'done ono te märi rulofo ya. 22 Mandre 'ditoko se cini ke'bebe zo'desi miri ro 'bädri'ba Yuda ro roya kai ate orona dri'bai kyila'bai ro 'bädri'ba Babelona ro re ago kayi ugu ata ekye:
‘Bereazii se kadopara 'bädri'ba ro kwoi odoyi nda te,
ànya miriyi nda teni.
Ago yauono pa ndaro cite akpo koro ya,
ago bereazii ndaro e'beyi nda te,’ ”
23 “Äruna 'ditoko cini miro ndi ŋgàga cini miro be 'da Babelona ya, ago mi andivo minina ko voopane ni ànya rigyesi. 'Bädri'ba Babelona ro uruna mi 'da kamba'ba ro, ago azana 'bakici ono 'da riya asi si.”
24 Zedekia logo tate ekye: “Mi'ba 'diaza kuni tagi matabe ono ko, ago 'dooko äfuna mi ko. 25 Ondro ka'do dri'bai losi ro keriyi ta bete ekye ma'dote atavoya mibe, ànya ikyinayi 'da mire ago ejinayi mi 'da ekye: ‘Nyiti tase nyatabe 'bädri'ba be 'do ämäri, nyada'do ta aza koni ämäri ago mänina ko mi ufune?’ 26 Oko nyiti toto ànyari mikye: ‘Ma'do rulo'bavoya 'bädri'ba ri ukyi nda logo ma 'da kovole kamba ya zo Jonatana roya odrane lau.’ ” 27 'Dooko dri'bai cini losi ro ikyiyite mare ago ejiyi mate, ago mitita te ànyari oso se 'bädri'ba katabe märi itine ànyari 'do ronye. 'Dooko ànya go atayi kote märi, tana 'diaza eri tase màtabe 'bädri'ba be ana kote. 28 Ndi a'ba mate orine goko zo'desi miri ro roya madale tu Yerusalema uru ro sa gwo.
Yeremaya Koro Gyiako ya
1 Sefatia ŋgwa Matana ro, Gedalaya ŋgwa Pasura ro, Jeukala ŋgwa Selemaya ro, ndi Pasura ŋgwa Malekaya robe eriyitate ekye ma taiti lidri ri makye: 2 “OPI atate ekye: 'dise aza korite 'bakici ya odrana ndi ni kyila ri kode mä'bu ri kode adravo kozi ri. Oko 'dise aza kabe ofo tesi ago kabe yi ozo kyila'bai Babelona'bai ro ri 'do änina ko ufune; nda orina ndi lidriidri ro. 3 Ya oye 'bakici ono ozone kyila'bai Babelona'bai ro rigye, ago ànya urunayi 'da.”
4 'Dooko dri'bai losi ro atayite 'bädri'ba ri ekye: “Mi'ba äfu mano gi ono. Tana nda ka kyila'bai se 'bakici ono ya ono o'bana a'done agoago ako ago nda ka kpa lidri se ke'bebe 'bakici ya ono o'bana a'done oso inye ata inye'do si. Tana mano ono ka ko ojo lidri opane; oko nda le toto ànya oyene koziro.”
5 'Dooko 'Bädri'ba Zedekia zatadrite ekye: “Kado yi, nda orivoya drì amiro ya; mänina ko ami lagane zo.” 6 Ta'dota ànya ruyi mate ago voyi ma te iba si koro Malekaya ŋgwa 'bädri'ba ro roya, se orivoya goko zo'desi miri ro roya. Gyi i'do koro se ana ya, oko toto koro ayani kigye, ago macite andrwi kigye.
7 Caoko Ebedemeleka Kusa'ba, roti se kabe losi oye zo'desi miri ro 'bädri'ba roya ana, eritate ekye ànya voyi mate koro ya. Tu gi ana si 'dooko 'bädri'ba ka vure ope Dereŋwa Benjamina ro kala. 8 Ta'dota Ebedemeleka oyite lau ago, ni zo'desi miri ro yasi atate 'bädri'ba ri ekye: 9 “'Desi 'bädri'ba maro tase lidri kwoi koyeyibe nebi Yeremaya ri ono orivoya koziro. Ànya voyi Yeremaya te koro ya, vose nda odrana ndi ni mä'bu ri kigye ono ya, tana yauono ŋgaonya aza te i'do 'bakici ya.” 10 'Dooko 'bädri'ba ozotate Ebedemeleka ri lidri nätu urune oyine tro nda be ma Yeremaya ewene ni koro yasi teinye märi odraako. 11 Ta'dota Ebedemeleka oyite lidri se kai be vo ŋgaodroro zo'desi miri ro roya ago ruyi boŋgo nyakaca azaka teni lau se evoyite märi koro ya iba si. 12 Ebedemeleka atate märi boŋgo nyakaca se ana o'bane lakole kävute maro ro iba be yasi. Ndi mayete oso inye, 13 ago ànya eweyi ma te tesi iba si ni koro yasi. 'Do vosi marite goko ya.
Zedekia ka Taeji ta Tazevoedre Yeremaya rota
14 Tu aza si oko 'Bädri'ba Zedekia zo lazote mavo ago ezi mate ndare ecivo nina Yekalu roya, ago nda atate märi ekye: “Ma oye mi ejine taeji alodi aza si, ago nyada'do taaza ko ni märi.”
15 Mazatadrite makye: “Ondro ka'do miti taŋgye bete miri, mifuna ma ko ya? Ago ondro ka'do medre tazevona ca miri, minina ko ta maro erine.”
16 'Dooko 'Bädri'ba Zedekia 'ba tao'ba te märi ndrwiro ekye: “Ma ma äṛu Lu se lidriidriro, se kozo adri beni ämäri ono si, anjioko märi mi ufune kode ozone lidri se koleyibe mi ufune iyi rigye i'do.”
17 'Dooko matate Zedekia ri makye: “OPI Mbaraekye, Lu Yisaraele ro, ekye: Ondro ka'do nyozovote dri'bai kyila'bai 'bädri'ba Babelona ro ri, apana adri miro ndi, ago änina ko 'bakici ono ozane riya asi si. Apana mi 'da ndi katidri miro be. 18 Oko ondro ka'do nyozovo kote, 'dooko ozona 'bakici ono ndi Babelona'bai rigye, ago ànya ozanayi 'da riya asi si, ago minina ko voopane ni ànyari.”
19 Oko 'bädri'ba zatadrite ekye: “Ma orivoya turiro ni lidri 'bädri amaro Yuda ro se kumuyibe Babelona'bai re ono ri. Ozona ma ndi ànya rigye ago o'binayi ma ndi.”
20 Matate makye: “Änina ko mi ozone ànya rigye. Molo'baru miri miro lazo OPI ro se mabe atana miri ono; 'dooko ta cini a'dona ndi kadoro miri, ago apana adri miro ndi. 21 Oko ondro ka'do migatezo voozone OPI ka'da tase ka oyebe a'done ono te märi rulofo ya. 22 Mandre 'ditoko se cini ke'bebe zo'desi miri ro 'bädri'ba Yuda ro roya kai ate orona dri'bai kyila'bai ro 'bädri'ba Babelona ro re ago kayi ugu ata ekye:
‘Bereazii se kadopara 'bädri'ba ro kwoi odoyi nda te,
ànya miriyi nda teni.
Ago yauono pa ndaro cite akpo koro ya,
ago bereazii ndaro e'beyi nda te,’ ”
23 “Äruna 'ditoko cini miro ndi ŋgàga cini miro be 'da Babelona ya, ago mi andivo minina ko voopane ni ànya rigyesi. 'Bädri'ba Babelona ro uruna mi 'da kamba'ba ro, ago azana 'bakici ono 'da riya asi si.”
24 Zedekia logo tate ekye: “Mi'ba 'diaza kuni tagi matabe ono ko, ago 'dooko äfuna mi ko. 25 Ondro ka'do dri'bai losi ro keriyi ta bete ekye ma'dote atavoya mibe, ànya ikyinayi 'da mire ago ejinayi mi 'da ekye: ‘Nyiti tase nyatabe 'bädri'ba be 'do ämäri, nyada'do ta aza koni ämäri ago mänina ko mi ufune?’ 26 Oko nyiti toto ànyari mikye: ‘Ma'do rulo'bavoya 'bädri'ba ri ukyi nda logo ma 'da kovole kamba ya zo Jonatana roya odrane lau.’ ” 27 'Dooko dri'bai cini losi ro ikyiyite mare ago ejiyi mate, ago mitita te ànyari oso se 'bädri'ba katabe märi itine ànyari 'do ronye. 'Dooko ànya go atayi kote märi, tana 'diaza eri tase màtabe 'bädri'ba be ana kote. 28 Ndi a'ba mate orine goko zo'desi miri ro roya madale tu Yerusalema uru ro sa gwo.