Yesu Liti yi Oyi ro Täpi re
1 Yesu ititate ànyari ekye: “Nyà'do ko milo'be be ago milaba be. Mìma Lu ya ago mìma kpa ma ya. 2 Zoya orivoya amba zo Täpi maro roya, ago ma oyi vo edene ämiri. Mitina ta ono ko ämiri ondro ka'do gwo i'do owo. 3 Ago ondro moyi mede vo te ämiri oko, megona 'da ago märuna ami 'da andivo maro re, tana nyà'do robe vose mabe kigye ya. 4 Mìni liti se kabe oyi vose mabe oyi kigye ro ṛote.”
5 Toma atate ndäri ekye: “Opi, mä̀ni vose nyabe oyi kigye ko, ka'do inye mä̀nina liti osaza lau eŋwanye ya?”
6 Yesu zatadri ndaro te ekye: “Ma ni liti yi, taŋgye yi, ago adri yi, 'diaza ikyi ko Täpi re, e'be gialo ma si.” 7 Nda atate ànyari ekye: “Yauono oso mìni mabe ono ronye, mìnina Täpi maro kpa, etoni yau oyi gwo mileya mìni nda te ago mìndre nda te.”
8 Filipo atate ndäri ekye: “Opi, nyaka'da Täpi ämäri, 'do ni tase ama cini màlebe owo.”
9 Yesu zatadrite ekye: “Ma'dote ami cini be tuna amba; drigba mini ma ko ya Filipo? Nda se ndre ma te ndre Täpi kpate. Ago nyata gwo mikye: ‘Nyaka'da Täpi ämäri eŋwanye ya?’ 10 Filipo, inye'do mima ko, ma Täpi ya ago Täpi ma ya ya?” Yesu atate taeri'bai ndaro ri ekye: “Ata se matabe ämiri ono, ikyi ko ni mare si. Täpi, se kabe ori ma ya, kani losi modo ndaro ro oye. 11 Mìma ma ya ondro ma te ata makye ma Täpi ya ago Täpi ma ya owo. Ondro ko, mìma ta ŋgase moyebe rosi. 12 Ma ugu taŋgye iti ämiri: nda se kabe taoma ma ya oyena tase mabe oyena 'do; owo, nda oyena ŋgase 'desipara kpa, tana ma ugu oyi Täpi re. 13 Ago mayena ŋgase nyàbe ejina ävuru maro si ndi, tana 'desi Täpi ro aka'da robe Ŋgwa si. 14 Ondro nyèji ma ta ŋga aza rota ävuru maro si, mayena anya ndi.
Tao'ba Tori Alokado ro
15 “Ondro nyùlu ma, mìrona ota maro ndi. 16 Mejina Täpi 'da, ago nda ozona Lepe'ba aza 'da ämiri, se orina 'da ami be äduako. 17 Nda orivoya Tori yi, se kani taŋgye Lu ro ka'da, 'bädri ni ko nda urune, tana ni ko nda ondrene kode unine. Oko mìni nda ni, tana nda ka ori ami be ago orivoya ami ya.
18 “Ondro moyite me'bena ami ko oso kyemvoi ronye; mago mikyina 'da amire. 19 Fere iga oko 'bädri ondrena ma ko tona, oko mìndrena ma 'da; ago tana ma gi ori, mìrina kpa. 20 Ondro tu ana kate esa oko, mìnina ndi anjioko ma Täpi maro ya ago ami orivoya ma ya, kpa oso ma orivoya ami ya ronye.
21 “Nda se kabe ota maro uru ago kabe ànya oro, nda ni se kabe ma lu owo. Täpi maro luna nda se kabe ma lu ndi, muluna nda kpa ago maka'dana andivo maro ndäri.” 22 Yuda (Ko Yuda Isekariota) atate ekye: “Opi, koye a'done eŋwanye mikye yaka'dana andivo iro 'da ämäri ago ko 'bädri ri niya?”
23 Yesu zatadri ndaro te ekye: “Nda se kabe ma lu orona ŋgaemba maro 'da. Täpi maro luna nda 'da, ago ma ndi Täpi maro be mìkyina 'da nda re ago màrina 'da nda be. 24 Nda se kulu ma ko ro ŋgaemba maro ko. Ago ŋgaemba se nyèribe ono ko orivoya maro, oko ikyi ni Täpi, se kezo ma be resi.
25 “Miti tase ono te ämiri 'dooko ma drigba orivoya ami yibe. 26 Lepe'ba, seni Tori Alokado se Täpi ezona 'da ävuru maro si, embana ta cini 'da ämiri, ago o'bana ami 'da tase cini mitibe ämiri ono tana oyine.
27 “Taliatokpe ni se mabe e'bena ami be owo; orivoya taliatokpe modo maro ro se mabe ozona ämiri, mozo anya ko oso 'bädri kabe oyena ronye. Nyòlo'be mi ko ago nyàlaba mi ko; nyà'do ko turiro. 28 Nyèri ma te atavoya ämiri makye: ‘Mate ugu oyi, oko megona 'da amire.’ Ondro nyùlu ma ndi, nyà'dona ndi yai'dwesi tana ma ugu oyi Täpi re, tana nda orivoya 'desipara ndrani märi. 29 Miti ta ono te ämiri teinye tana ri a'do ako, tana ondro ka'do te oko, mìmana 'da. 30 Mänina ko atane ämiri amba madaro, tana miri'ba 'bädri ono ro kate eziikyi. Nda mbaraako mädri, 31 oko beṛo 'bädri ri unine anjioko mulu Täpi, 'ba ni ma ŋga cini oye oso nda kota mabe ronye.
“Nyìkyi mì'de mòyi ni vo ono yasi.
Yesu Liti yi Oyi ro Täpi re
1 Yesu ititate ànyari ekye: “Nyà'do ko milo'be be ago milaba be. Mìma Lu ya ago mìma kpa ma ya. 2 Zoya orivoya amba zo Täpi maro roya, ago ma oyi vo edene ämiri. Mitina ta ono ko ämiri ondro ka'do gwo i'do owo. 3 Ago ondro moyi mede vo te ämiri oko, megona 'da ago märuna ami 'da andivo maro re, tana nyà'do robe vose mabe kigye ya. 4 Mìni liti se kabe oyi vose mabe oyi kigye ro ṛote.”
5 Toma atate ndäri ekye: “Opi, mä̀ni vose nyabe oyi kigye ko, ka'do inye mä̀nina liti osaza lau eŋwanye ya?”
6 Yesu zatadri ndaro te ekye: “Ma ni liti yi, taŋgye yi, ago adri yi, 'diaza ikyi ko Täpi re, e'be gialo ma si.” 7 Nda atate ànyari ekye: “Yauono oso mìni mabe ono ronye, mìnina Täpi maro kpa, etoni yau oyi gwo mileya mìni nda te ago mìndre nda te.”
8 Filipo atate ndäri ekye: “Opi, nyaka'da Täpi ämäri, 'do ni tase ama cini màlebe owo.”
9 Yesu zatadrite ekye: “Ma'dote ami cini be tuna amba; drigba mini ma ko ya Filipo? Nda se ndre ma te ndre Täpi kpate. Ago nyata gwo mikye: ‘Nyaka'da Täpi ämäri eŋwanye ya?’ 10 Filipo, inye'do mima ko, ma Täpi ya ago Täpi ma ya ya?” Yesu atate taeri'bai ndaro ri ekye: “Ata se matabe ämiri ono, ikyi ko ni mare si. Täpi, se kabe ori ma ya, kani losi modo ndaro ro oye. 11 Mìma ma ya ondro ma te ata makye ma Täpi ya ago Täpi ma ya owo. Ondro ko, mìma ta ŋgase moyebe rosi. 12 Ma ugu taŋgye iti ämiri: nda se kabe taoma ma ya oyena tase mabe oyena 'do; owo, nda oyena ŋgase 'desipara kpa, tana ma ugu oyi Täpi re. 13 Ago mayena ŋgase nyàbe ejina ävuru maro si ndi, tana 'desi Täpi ro aka'da robe Ŋgwa si. 14 Ondro nyèji ma ta ŋga aza rota ävuru maro si, mayena anya ndi.
Tao'ba Tori Alokado ro
15 “Ondro nyùlu ma, mìrona ota maro ndi. 16 Mejina Täpi 'da, ago nda ozona Lepe'ba aza 'da ämiri, se orina 'da ami be äduako. 17 Nda orivoya Tori yi, se kani taŋgye Lu ro ka'da, 'bädri ni ko nda urune, tana ni ko nda ondrene kode unine. Oko mìni nda ni, tana nda ka ori ami be ago orivoya ami ya.
18 “Ondro moyite me'bena ami ko oso kyemvoi ronye; mago mikyina 'da amire. 19 Fere iga oko 'bädri ondrena ma ko tona, oko mìndrena ma 'da; ago tana ma gi ori, mìrina kpa. 20 Ondro tu ana kate esa oko, mìnina ndi anjioko ma Täpi maro ya ago ami orivoya ma ya, kpa oso ma orivoya ami ya ronye.
21 “Nda se kabe ota maro uru ago kabe ànya oro, nda ni se kabe ma lu owo. Täpi maro luna nda se kabe ma lu ndi, muluna nda kpa ago maka'dana andivo maro ndäri.” 22 Yuda (Ko Yuda Isekariota) atate ekye: “Opi, koye a'done eŋwanye mikye yaka'dana andivo iro 'da ämäri ago ko 'bädri ri niya?”
23 Yesu zatadri ndaro te ekye: “Nda se kabe ma lu orona ŋgaemba maro 'da. Täpi maro luna nda 'da, ago ma ndi Täpi maro be mìkyina 'da nda re ago màrina 'da nda be. 24 Nda se kulu ma ko ro ŋgaemba maro ko. Ago ŋgaemba se nyèribe ono ko orivoya maro, oko ikyi ni Täpi, se kezo ma be resi.
25 “Miti tase ono te ämiri 'dooko ma drigba orivoya ami yibe. 26 Lepe'ba, seni Tori Alokado se Täpi ezona 'da ävuru maro si, embana ta cini 'da ämiri, ago o'bana ami 'da tase cini mitibe ämiri ono tana oyine.
27 “Taliatokpe ni se mabe e'bena ami be owo; orivoya taliatokpe modo maro ro se mabe ozona ämiri, mozo anya ko oso 'bädri kabe oyena ronye. Nyòlo'be mi ko ago nyàlaba mi ko; nyà'do ko turiro. 28 Nyèri ma te atavoya ämiri makye: ‘Mate ugu oyi, oko megona 'da amire.’ Ondro nyùlu ma ndi, nyà'dona ndi yai'dwesi tana ma ugu oyi Täpi re, tana nda orivoya 'desipara ndrani märi. 29 Miti ta ono te ämiri teinye tana ri a'do ako, tana ondro ka'do te oko, mìmana 'da. 30 Mänina ko atane ämiri amba madaro, tana miri'ba 'bädri ono ro kate eziikyi. Nda mbaraako mädri, 31 oko beṛo 'bädri ri unine anjioko mulu Täpi, 'ba ni ma ŋga cini oye oso nda kota mabe ronye.
“Nyìkyi mì'de mòyi ni vo ono yasi.