Mätu ta Kyila'baazii Yisaraele ro Opero Ṛe
1 Äye Lu, miri ko titiro;
miri ko ata ako, kode nya'do ko titiitiro Äye Lu!
2 Mindre! Kyila'baazii miro kayi ogbo,
ago ànya se yanayi osoro milomvo kayi ugu taoroako ka'da.
3 Ànya kayi ugu tandrwiro lora lidri miro lomvo.
Ànya kayi ugu taäyi ànya se nyulu be lomvo.
4 Ànya kayi ata ekye: “Nyìkyi, mì'de mùtufu tu'de ànyaro,
tana ije ta Yisaraele ro robe äduako.”
5 Ànya äyiyi ta te troalo
ago 'bayi tao'ba te kyila oyene mibe;
6 lidri Edoma ro ndi Isamaele'bai be;
lidri Moaba ro ndi Agara'bai be;
7 lidri Gebala ro, Amona ro, ndi Amaleka'ba be,
ago Felesetia ndi lidri Tura ro be.
8 Lidri Asaria ro bereazii mbaraekye Amona'bai ndi Moaba'bai zelevoi Loto ro ro be dro'beru kpate ànya be.
9 Miye tase miyebe Midiana'bai ri,
ago Sisera ndi Jabina be ri golo Kisona ro kala ana kpa ànyari.
10 Nyutufu ànya te Enedoro ya,
ago avoi ànyaro ŋgwate gyini dri.
11 Miye tase miyebe Oreba ndi Zeba be ri ana dri'bai ànyaro ri,
miye dri'bai cini ànyaro ri oso miyebe Zeba ndi Zalemuna be ri ronye,
12 se atayite ekye: “Mì'de mä̀ru wari Lu ro ono andivo amaro ri.”
13 Nyepere ànya oso durufu ronye, Äye Lu maro,
oso oli kabe turu uŋgyi ronye.
14 Oso asi kabe vocoko oza ronye,
oso leko asi ro kabe leko lutui drisi ronye,
15 minja ànya oligbiriṛi miro si
ago mi'ba ànya a'done turi ro oli mbaraekye miro si.
16 Mi'ba ànya ka'do driupiro, Äye OPI,
tana ànya koroyi mi robe.
17 Mi'ba ànya ka'do opeopero ṛe ago turiro äduako;
mi'ba ànya kodra kpeye yauni ako.
18 Mi'ba ànya kuniyi anjioko mi toto ni OPI yi,
Lu Fopara Ndra yi 'bädri cini dri.
Mätu ta Kyila'baazii Yisaraele ro Opero Ṛe
1 Äye Lu, miri ko titiro;
miri ko ata ako, kode nya'do ko titiitiro Äye Lu!
2 Mindre! Kyila'baazii miro kayi ogbo,
ago ànya se yanayi osoro milomvo kayi ugu taoroako ka'da.
3 Ànya kayi ugu tandrwiro lora lidri miro lomvo.
Ànya kayi ugu taäyi ànya se nyulu be lomvo.
4 Ànya kayi ata ekye: “Nyìkyi, mì'de mùtufu tu'de ànyaro,
tana ije ta Yisaraele ro robe äduako.”
5 Ànya äyiyi ta te troalo
ago 'bayi tao'ba te kyila oyene mibe;
6 lidri Edoma ro ndi Isamaele'bai be;
lidri Moaba ro ndi Agara'bai be;
7 lidri Gebala ro, Amona ro, ndi Amaleka'ba be,
ago Felesetia ndi lidri Tura ro be.
8 Lidri Asaria ro bereazii mbaraekye Amona'bai ndi Moaba'bai zelevoi Loto ro ro be dro'beru kpate ànya be.
9 Miye tase miyebe Midiana'bai ri,
ago Sisera ndi Jabina be ri golo Kisona ro kala ana kpa ànyari.
10 Nyutufu ànya te Enedoro ya,
ago avoi ànyaro ŋgwate gyini dri.
11 Miye tase miyebe Oreba ndi Zeba be ri ana dri'bai ànyaro ri,
miye dri'bai cini ànyaro ri oso miyebe Zeba ndi Zalemuna be ri ronye,
12 se atayite ekye: “Mì'de mä̀ru wari Lu ro ono andivo amaro ri.”
13 Nyepere ànya oso durufu ronye, Äye Lu maro,
oso oli kabe turu uŋgyi ronye.
14 Oso asi kabe vocoko oza ronye,
oso leko asi ro kabe leko lutui drisi ronye,
15 minja ànya oligbiriṛi miro si
ago mi'ba ànya a'done turi ro oli mbaraekye miro si.
16 Mi'ba ànya ka'do driupiro, Äye OPI,
tana ànya koroyi mi robe.
17 Mi'ba ànya ka'do opeopero ṛe ago turiro äduako;
mi'ba ànya kodra kpeye yauni ako.
18 Mi'ba ànya kuniyi anjioko mi toto ni OPI yi,
Lu Fopara Ndra yi 'bädri cini dri.