Loŋgo Lagye 'Bädri'ba ro Ogyero
1 Ata liŋgyiekye gate twi ya maro ya,
ma loŋgo ono oŋgona 'bädri'ba ri;
ladra maro orivoya oso ŋga ŋgaegyiro egyi'ba kadoro ro ronye.
2 Mi orivoya liŋgyiekye ndra ni manoàgo cini ri;
mi orivoya taata'ba ŋgälä yi,
tana Lu äṛu mi te ondoalo.
3 Miyi bando miro milomvo 'bädri'ba mbaraekye;
mi orivoya 'desipara ago fondra.
4 Mimu 'desi si ŋgaopene
ta taŋgye ro ta ago ta'diri gagane;
mi'ba mbara miro kaka'da taoye miro!
5 Ätui miro orivoya kyaka'da,
ànya kayi ya kyila'baazii mi 'bädri'ba ro ro oṛona ni;
tu'dei ka o'de vuru pa miro ya.
6 Miri 'bädri'ba ro se Lu kozobe miri
orina 'da rriro ago äduako.
Nya lidri miro mirina ta'diri si;
7 nya tase ŋgye luna ago ya miro orivoya osoro tase undiro lomvo.
Ta'dota ni tase Lu, Lu miro 'debe mi onjine
ago 'debe riyä edane midri
ndrani 'bädri'ba azii drisi owo.
8 Tägyi mure ndi äṛiandara be ro orivoya boŋgoi ruinduṛuro miro lomvo;
loŋgo oŋgo'bai kai mi i'dwe zoi 'desiro itirabe liwasi si yasi kudi o'bi si.
9 'Ditoko goko miro ro lako, ndiriŋwa 'bädri'bai ro orivoya,
ago toko 'bädri'ba ro ka edre drigwo giti miro ro ya,
so boŋgo 'bilindriro läguläguro.
10 Toko 'bädri'ba ro, nyeri tase mabe atana ono,
nyije ta lidri miro ro ndi katidri täpi miro robe.
11 Liŋgyi miro o'bana 'bädri'ba 'da mi olene;
oso nda ka'dobe 'desi miro 'do ronye, beṛo miri nda orone.
12 Lidri Tura ro ezinayi ŋgapäṛi 'da miri;
lidri se ŋgaamba be ojona 'da mi o'bane iyi lune.
13 Ŋguti 'bädri'ba ro orivoya zo'desi ya!
Boŋgo anyaro edete ni kodo läguläguro yasi.
14 Ugu anya te 'bädri'ba re boŋgo beti amba be oso si,
ruindu'bai ndiriŋwa ro anyaro soyite anya vo,
ago ezi anya te ndare.
15 Ànya ikyiyite riyä si ago yai'dwe si
ago ciyite zo'desi 'bädri'ba ro ya.
16 Nya'dona 'da ŋgwaàgoro amba be vo zutui miro roya,
ago mi'bana ànya 'da 'dimiri'ba ro 'bädri cini yasi.
17 Ma'bana liku miro 'da orine äduako,
ago lidri cini räṛuna mi 'da rriri äduako.
Loŋgo Lagye 'Bädri'ba ro Ogyero
1 Ata liŋgyiekye gate twi ya maro ya,
ma loŋgo ono oŋgona 'bädri'ba ri;
ladra maro orivoya oso ŋga ŋgaegyiro egyi'ba kadoro ro ronye.
2 Mi orivoya liŋgyiekye ndra ni manoàgo cini ri;
mi orivoya taata'ba ŋgälä yi,
tana Lu äṛu mi te ondoalo.
3 Miyi bando miro milomvo 'bädri'ba mbaraekye;
mi orivoya 'desipara ago fondra.
4 Mimu 'desi si ŋgaopene
ta taŋgye ro ta ago ta'diri gagane;
mi'ba mbara miro kaka'da taoye miro!
5 Ätui miro orivoya kyaka'da,
ànya kayi ya kyila'baazii mi 'bädri'ba ro ro oṛona ni;
tu'dei ka o'de vuru pa miro ya.
6 Miri 'bädri'ba ro se Lu kozobe miri
orina 'da rriro ago äduako.
Nya lidri miro mirina ta'diri si;
7 nya tase ŋgye luna ago ya miro orivoya osoro tase undiro lomvo.
Ta'dota ni tase Lu, Lu miro 'debe mi onjine
ago 'debe riyä edane midri
ndrani 'bädri'ba azii drisi owo.
8 Tägyi mure ndi äṛiandara be ro orivoya boŋgoi ruinduṛuro miro lomvo;
loŋgo oŋgo'bai kai mi i'dwe zoi 'desiro itirabe liwasi si yasi kudi o'bi si.
9 'Ditoko goko miro ro lako, ndiriŋwa 'bädri'bai ro orivoya,
ago toko 'bädri'ba ro ka edre drigwo giti miro ro ya,
so boŋgo 'bilindriro läguläguro.
10 Toko 'bädri'ba ro, nyeri tase mabe atana ono,
nyije ta lidri miro ro ndi katidri täpi miro robe.
11 Liŋgyi miro o'bana 'bädri'ba 'da mi olene;
oso nda ka'dobe 'desi miro 'do ronye, beṛo miri nda orone.
12 Lidri Tura ro ezinayi ŋgapäṛi 'da miri;
lidri se ŋgaamba be ojona 'da mi o'bane iyi lune.
13 Ŋguti 'bädri'ba ro orivoya zo'desi ya!
Boŋgo anyaro edete ni kodo läguläguro yasi.
14 Ugu anya te 'bädri'ba re boŋgo beti amba be oso si,
ruindu'bai ndiriŋwa ro anyaro soyite anya vo,
ago ezi anya te ndare.
15 Ànya ikyiyite riyä si ago yai'dwe si
ago ciyite zo'desi 'bädri'ba ro ya.
16 Nya'dona 'da ŋgwaàgoro amba be vo zutui miro roya,
ago mi'bana ànya 'da 'dimiri'ba ro 'bädri cini yasi.
17 Ma'bana liku miro 'da orine äduako,
ago lidri cini räṛuna mi 'da rriri äduako.