Mätu Taoyiro Lu ya
1 Ma rugagavo uṛi mire Äye OPI;
mi'ba a'ba ma ko driupi ro.
Taŋgye miro si mipa ma,
2 Nyeri ma! Mipa ma ndrindri!
Nya'do ruda'dovo maro ma gagane;
vorugagaro mbaraekye ma oparo.
3 Mi ni ruda'dovo maro ago gagavo yi;
takado miro si nyagaga ma.
4 Nyelepe ma ni abari se a'bete märi risi;
tana mi ni gaga'ba maro owo.
5 Mäpäṛi andivo maro mirigye!
Mipana ma 'da;
Äye OPI, Lu 'diri ono.
6 Ya miro osoro ànya se kayibe lui awi mätu lomvo,
oko mayi ta mi OPI ya.
7 Ma'dona ndi yai'dwesi ago riyäro
ta ŋgalu 'duro miro rota.
Tana mindre rueza maro te;
ago mini ta rriti maro rote.
8 Nyozo ma kote drì kyila'baazii maro roya,
nyolofo ma te vose londro ro ya.
9 Nya'do yauni amba be OPI,
tana ma orivoya rriti ya;
mi maro orivoya rritiro ni liyi amba ri!
ago lomvo maro kpate kpeye rritiro.
10 Ori maro te toto tusu si,
ago liyi 'ba ori maro te a'done fereŋwa
ma te mbaraako ni rriti cini maro risi,
kowa maro jekpe kpate.
11 Kyila'baazii cini maro kayi ma mawo, ago ndrana ni oriazii maro,
ànya se kuniyi ma be orivoya turi ro ni märi;
ànya se kayibe ma ondre liti dri kayi umu ni märi.
12 Ta maro jete oso 'dise kodrate ronye;
malaba orivoya oso lakaza se kilifute ronye.
13 Meri kyila'baazii amba kayi ugu ata kayayaro;
rriti orivoya gbikyi lamadri cini yasi.
Ànya kayi ugu tavoora malomvo,
kayi ugu taäyi ma ufune.
14 Oko mayi ta mi ya, Äye OPI,
mi orivoya Lu maro.
15 Nya ni ta maro otina;
mipa ma ni kyila'baazii maro,
ndi ànya se kabe ma eza rigyesi.
16 Nya'do yauni be ma ruindu'ba miro ri,
mipa ma ŋgalu 'duro miro si.
17 Ma mi uzi, Äye OPI,
mi'ba a'ba ma ko a'done driupi ro.
Mi'ba takozi'bai a'done driupiro,
mi'ba ànya koyiyi titiro vuru le 'bädri avo roya.
18 Mi'ba koweoga'bai ka'doyi titiro,
se kayibe ata mäwu si ago driuŋgyi si lidri taŋgye'bai ro lomvo ono.
19 Takado miro orivoya amba,
nyeta te tana ànya se kayibe mi oro ri!
Ago nya ozona ànya se kayibe rugaga miya ri
lidri cini milesi.
20 Nya ni ànya gaga a'do miro loto si
ni taäyi lidri ro risi;
nya ni ànya da'do londro ro vo ruda'do ro miro ya
ni la'da o'da kyila'baazii ànyaro ro risi.
21 Räṛu ka'do OPI ri,
tana nda ka'da ŋgalupara liŋgyiekye ndaro te märi
ondro ämudri maro te oso 'bakici se ämudri na te ronye owo.
22 Ma te orivoya turi ro ago musu ta te
makye, “Anja ma te lozo ni mi resi.”
Oko nyeri rulo'ba maro te,
ondro mayodri te miri ta ŋgaopa rota owo.
23 Nyùlu OPI, ami lidri cini 'diri ndaro.
OPI kani ta'diri'bai gaga,
oko kani driuŋgyi'bai eza.
24 Nyà'do mbara ro ago nyà'do agoagobe,
ami cini se kabe mio'ba OPI dri ono.
Mätu Taoyiro Lu ya
1 Ma rugagavo uṛi mire Äye OPI;
mi'ba a'ba ma ko driupi ro.
Taŋgye miro si mipa ma,
2 Nyeri ma! Mipa ma ndrindri!
Nya'do ruda'dovo maro ma gagane;
vorugagaro mbaraekye ma oparo.
3 Mi ni ruda'dovo maro ago gagavo yi;
takado miro si nyagaga ma.
4 Nyelepe ma ni abari se a'bete märi risi;
tana mi ni gaga'ba maro owo.
5 Mäpäṛi andivo maro mirigye!
Mipana ma 'da;
Äye OPI, Lu 'diri ono.
6 Ya miro osoro ànya se kayibe lui awi mätu lomvo,
oko mayi ta mi OPI ya.
7 Ma'dona ndi yai'dwesi ago riyäro
ta ŋgalu 'duro miro rota.
Tana mindre rueza maro te;
ago mini ta rriti maro rote.
8 Nyozo ma kote drì kyila'baazii maro roya,
nyolofo ma te vose londro ro ya.
9 Nya'do yauni amba be OPI,
tana ma orivoya rriti ya;
mi maro orivoya rritiro ni liyi amba ri!
ago lomvo maro kpate kpeye rritiro.
10 Ori maro te toto tusu si,
ago liyi 'ba ori maro te a'done fereŋwa
ma te mbaraako ni rriti cini maro risi,
kowa maro jekpe kpate.
11 Kyila'baazii cini maro kayi ma mawo, ago ndrana ni oriazii maro,
ànya se kuniyi ma be orivoya turi ro ni märi;
ànya se kayibe ma ondre liti dri kayi umu ni märi.
12 Ta maro jete oso 'dise kodrate ronye;
malaba orivoya oso lakaza se kilifute ronye.
13 Meri kyila'baazii amba kayi ugu ata kayayaro;
rriti orivoya gbikyi lamadri cini yasi.
Ànya kayi ugu tavoora malomvo,
kayi ugu taäyi ma ufune.
14 Oko mayi ta mi ya, Äye OPI,
mi orivoya Lu maro.
15 Nya ni ta maro otina;
mipa ma ni kyila'baazii maro,
ndi ànya se kabe ma eza rigyesi.
16 Nya'do yauni be ma ruindu'ba miro ri,
mipa ma ŋgalu 'duro miro si.
17 Ma mi uzi, Äye OPI,
mi'ba a'ba ma ko a'done driupi ro.
Mi'ba takozi'bai a'done driupiro,
mi'ba ànya koyiyi titiro vuru le 'bädri avo roya.
18 Mi'ba koweoga'bai ka'doyi titiro,
se kayibe ata mäwu si ago driuŋgyi si lidri taŋgye'bai ro lomvo ono.
19 Takado miro orivoya amba,
nyeta te tana ànya se kayibe mi oro ri!
Ago nya ozona ànya se kayibe rugaga miya ri
lidri cini milesi.
20 Nya ni ànya gaga a'do miro loto si
ni taäyi lidri ro risi;
nya ni ànya da'do londro ro vo ruda'do ro miro ya
ni la'da o'da kyila'baazii ànyaro ro risi.
21 Räṛu ka'do OPI ri,
tana nda ka'da ŋgalupara liŋgyiekye ndaro te märi
ondro ämudri maro te oso 'bakici se ämudri na te ronye owo.
22 Ma te orivoya turi ro ago musu ta te
makye, “Anja ma te lozo ni mi resi.”
Oko nyeri rulo'ba maro te,
ondro mayodri te miri ta ŋgaopa rota owo.
23 Nyùlu OPI, ami lidri cini 'diri ndaro.
OPI kani ta'diri'bai gaga,
oko kani driuŋgyi'bai eza.
24 Nyà'do mbara ro ago nyà'do agoagobe,
ami cini se kabe mio'ba OPI dri ono.