Mätu Aro'boya Oyero
1 Märäṛuna mi ndi, OPI, tana mipa ma te
ago mi'ba kyila'baazii maro kote ciri onyane mädri.
2 Mayodrite miri ta ŋgaopa rota, Äye OPI Lu maro,
ago nyede ma te;
3 Äye OPI mipa ma te ni odravo yasi,
nyewe ma teni ànya se
kabe oci 'bädri avo roya ana lokosi;
4 Mìŋgo loŋgo räṛu ro OPI ri,
ami lidri cini 'diri ndaro ono!
ago mìye aro'boya ävuru alokado ndaro ta.
5 Kyila ndaro ka okye ndriro.
Ago takado ndaro kaori tu a'doro lidriidriro si.
Miendre idina ndi ŋgäkyi si,
oko riyä ka ikyi kyenoŋbo si.
6 Tuse ma'do kote rriti ya si, ma ata andivo maro ri makye:
“Apena ma ko alona ṛe.”
7 Takado miro si, Äye OPI;
mi'ba ma te ŋgiri oso 'bereŋwa ṛatara ro ronye.
Nyada'do andivo miro teni märi,
ago ma'dote turi ro.
8 Ma driayo miri OPI;
ago molo'ba rute ta ŋgaopa rota.
9 Ŋgase musuna odra ya ni e'di, ondro kado macite 'budri ya owo ya?
Inye'do lidri avo ro räṛuna mi ndi ya?
Inye'do ànya itina a'do 'diri miro tana gindi ya?
10 Nyeri ma, OPI, ago nya'do yauni amba be!
Äye OPI nya'do opa'ba maro.
11 Nyotoza liyi maro te lärioto riyäsi ro,
mitri gunia maro te
ago miso te boŋgo riyä ro ayani malomvo.
12 Ta'dota ma'dona kote titiro;
maŋgona loŋgo räṛu ro ndi miri.
Äye OPI Lu maro;
mozona aro'boya 'da miri äduako.
Mätu Aro'boya Oyero
1 Märäṛuna mi ndi, OPI, tana mipa ma te
ago mi'ba kyila'baazii maro kote ciri onyane mädri.
2 Mayodrite miri ta ŋgaopa rota, Äye OPI Lu maro,
ago nyede ma te;
3 Äye OPI mipa ma te ni odravo yasi,
nyewe ma teni ànya se
kabe oci 'bädri avo roya ana lokosi;
4 Mìŋgo loŋgo räṛu ro OPI ri,
ami lidri cini 'diri ndaro ono!
ago mìye aro'boya ävuru alokado ndaro ta.
5 Kyila ndaro ka okye ndriro.
Ago takado ndaro kaori tu a'doro lidriidriro si.
Miendre idina ndi ŋgäkyi si,
oko riyä ka ikyi kyenoŋbo si.
6 Tuse ma'do kote rriti ya si, ma ata andivo maro ri makye:
“Apena ma ko alona ṛe.”
7 Takado miro si, Äye OPI;
mi'ba ma te ŋgiri oso 'bereŋwa ṛatara ro ronye.
Nyada'do andivo miro teni märi,
ago ma'dote turi ro.
8 Ma driayo miri OPI;
ago molo'ba rute ta ŋgaopa rota.
9 Ŋgase musuna odra ya ni e'di, ondro kado macite 'budri ya owo ya?
Inye'do lidri avo ro räṛuna mi ndi ya?
Inye'do ànya itina a'do 'diri miro tana gindi ya?
10 Nyeri ma, OPI, ago nya'do yauni amba be!
Äye OPI nya'do opa'ba maro.
11 Nyotoza liyi maro te lärioto riyäsi ro,
mitri gunia maro te
ago miso te boŋgo riyä ro ayani malomvo.
12 Ta'dota ma'dona kote titiro;
maŋgona loŋgo räṛu ro ndi miri.
Äye OPI Lu maro;
mozona aro'boya 'da miri äduako.