Vomari'bai
(Otadele 1:19-33)1 OPI atate Musa ri ekye: 2 “Mizo lidri 'bädri Kanana ro marine se mabe ozona lidri Yisaraele ro ri ono, minji dri'bai ba alo alo ni 'bakalai 'butealo foritu ànyaro yasi, ago mizo ànya.” 3 Ta'dota Musa zo ànya teni Vocowa Parana ro yasi, oso ota OPI ro ronye, lidri se kwoi ni dri'bai se lidri Yisaraele ro lako owo. 4 Ävuru ànyaro ni kwoi: 'bakala Rubena ro yasi ni Samua ŋgwa Zakura ro. 5 'Bakala Simeona ro yasi ni Safata ŋgwa Ori ro. 6 'Bakala Yuda ro yasi ni Kaleba ŋgwa Jefune ro. 7 'Bakala Yisakara ro yasi ni Igala ŋgwa Yosepa ro. 8 'Bakala Eperaima ro yasi ni Osea ŋgwa Nuna ro. 9 'Bakala Benjamina ro yasi ni Paleti ŋgwa Rafu ro. 10 'Bakala Zebuluna ro yasi ni Gadiela ŋgwa Sodi ro. 11 'Bakala Manase ro (anjioko 'bakala Yosepa ro yasi), ni Gadi ŋgwa Susi ro. 12 'Bakala Dana ro yasi ni Amiela ŋgwa Gemali ro. 13 'Bakala Asera ro yasi, ni Setira ŋgwa Maikolo ro. 14 'Bakala Nafatali ro yasi ni, Nahebi ŋgwa Vofisi ro. 15 'Bakala Gada ro yasi, ni Guela ŋgwa Maki ro. 16 Kwoi ni ävuru lidri se Musa kozobe 'bädri kanana ro marine owo. (Musa zi Osea ŋgwa Nuna ro te Yosua).
17 Musa zo ànya te 'bädri Kanana ro marine, ago atate ànyari ekye: “Nyòyi le Negebe kundusi, ago mìtu kuru vose lutu ro ya. 18 Nyòyi mìndre a'do 'bädri ana ro, kode lidri se kabe ori kigye iyi orivoya lidri mbarabe yi kode mbaraako yi, kode ànya orivoya fere kode amba, 19 kode 'bädri se ànya kabe ori kigye ana orivoya kadoro kode koziro, kode 'bakicii se ànya kayibe ori kigyesi ana orivoya tiṛi ako kode abe tiṛi si. 20 Mindre kode 'bädri ana orivoya ŋgaamba be kode ŋgaako, kode orivoya ice be kode akona. Nya'do àgoago be, ago nyèzi rukä doŋgo 'bädri ana ro.” Tana ono ni tu okaro doŋgo drikäti ro owo.
21 Ndi ànya oyiyite ago mariyi 'bädri ana te ni vocowa Zina ro yasi le Reoba ya, loto liti Ocivo Amata ya ya. 22 Ànya oyiyite Negebe yasi, ago ikyiyite Eberona ya; ago Aimana, Sesai ndi Talemai be ya, se zelevoi Anaka ro koriyibe kigye ana. (Abe Eberona te ndroa njidrieri käti ni Zoana se Ezipeto ya ana ri.) 23 Ago ànya esayite Vodele Esekola roya, ago siyi gwoṛi alodi kono ro, doŋgo coṛoro be te, se ritu ànya ro ŋgyiyite kundukunduro ce cariro si, ago ànya eziyi doŋgo betina oso gäṛä'bu ronye kpate ndi ki'du be. 24 Äzi vo ana te Vodele Esekola ro, tana ta doŋgo coṛoro kono ro se lidri Yisaraele ro kosibe ni lau ana rota.
25 U'du 'butesu vosi oko ànya egoyite ni 'bädri ana marivo yasi. 26 Ago ànya ikyiyite Musa ndi Arona be ndi lowa lidri Yisaraele ro robe re Kadesa ya vocowa Parana roya, ànya logoyi tate ànyari ndi lowa cini be, ago ka'dayi doŋgo 'bädri ana rote ànyari. 27 Ago ànya atayite Musa ri ekye: “Mäkyite 'bädri se mizo ama be kigye ya; orivoya twi leyi ndi epe be be, ago ono ni orivoya doŋgo na owo. 28 Oko aba lidri se kabe ori 'bädri na ana ya orivoya mbara be; ago 'bakici na orivoya obeobero tiṛi si, ago orivoya 'desi, ago mandre zelevoi Anaka ro kpate orivoya lau. 29 Amaleka'bai kayi ori ni 'bädri Negebe ro ya; Ete'bai, Jebusa'bai ndi Amora'bai be kayi ori ni 'bädri lutu ro ya; ago Kanana'bai kayi ori ni gyi'desi kala, ago kala Yaradene ro yasi.”
30 Oko Kaleba 'bidri lidri rote a'done titiitiro Musa kandra, ago atate ekye: “Mì'de moyi ri dori lau, mä̀ru 'bädri ana robe; tana ama ṛo orivoya mbara be anya urune.”
31 'Dooko lidri se koyiyibe nda be kai atayite ekye: “Ama teinye mbaraako oyine lidri kai dri, tana mbara ànyaro para ni ama drisi.” 32 Ta'dota ànya eziyite taiti se koziro ayani lidri Yisaraele ro ri ta 'bädri se ànya kamariyibe ana rota, ugu ata si ekye: “'Bädri se moyibe kigye, marine ana orivoya 'bädri se lidri na kabe azi opeṛe yi; ago lidri se cini mandrebe kigye orivoya lombalombaro 'desi. 33 Ago mandre lidri dämbäṛäṛäro te (zelevoi Anaka ro ni lidri se dämbäṛäṛäro owo;) ago andivo amaro malandre ṛo oso kofotiti ronye, malandrete ànyari oso inye.”
Vomari'bai
(Otadele 1:19-33)1 OPI atate Musa ri ekye: 2 “Mizo lidri 'bädri Kanana ro marine se mabe ozona lidri Yisaraele ro ri ono, minji dri'bai ba alo alo ni 'bakalai 'butealo foritu ànyaro yasi, ago mizo ànya.” 3 Ta'dota Musa zo ànya teni Vocowa Parana ro yasi, oso ota OPI ro ronye, lidri se kwoi ni dri'bai se lidri Yisaraele ro lako owo. 4 Ävuru ànyaro ni kwoi: 'bakala Rubena ro yasi ni Samua ŋgwa Zakura ro. 5 'Bakala Simeona ro yasi ni Safata ŋgwa Ori ro. 6 'Bakala Yuda ro yasi ni Kaleba ŋgwa Jefune ro. 7 'Bakala Yisakara ro yasi ni Igala ŋgwa Yosepa ro. 8 'Bakala Eperaima ro yasi ni Osea ŋgwa Nuna ro. 9 'Bakala Benjamina ro yasi ni Paleti ŋgwa Rafu ro. 10 'Bakala Zebuluna ro yasi ni Gadiela ŋgwa Sodi ro. 11 'Bakala Manase ro (anjioko 'bakala Yosepa ro yasi), ni Gadi ŋgwa Susi ro. 12 'Bakala Dana ro yasi ni Amiela ŋgwa Gemali ro. 13 'Bakala Asera ro yasi, ni Setira ŋgwa Maikolo ro. 14 'Bakala Nafatali ro yasi ni, Nahebi ŋgwa Vofisi ro. 15 'Bakala Gada ro yasi, ni Guela ŋgwa Maki ro. 16 Kwoi ni ävuru lidri se Musa kozobe 'bädri kanana ro marine owo. (Musa zi Osea ŋgwa Nuna ro te Yosua).
17 Musa zo ànya te 'bädri Kanana ro marine, ago atate ànyari ekye: “Nyòyi le Negebe kundusi, ago mìtu kuru vose lutu ro ya. 18 Nyòyi mìndre a'do 'bädri ana ro, kode lidri se kabe ori kigye iyi orivoya lidri mbarabe yi kode mbaraako yi, kode ànya orivoya fere kode amba, 19 kode 'bädri se ànya kabe ori kigye ana orivoya kadoro kode koziro, kode 'bakicii se ànya kayibe ori kigyesi ana orivoya tiṛi ako kode abe tiṛi si. 20 Mindre kode 'bädri ana orivoya ŋgaamba be kode ŋgaako, kode orivoya ice be kode akona. Nya'do àgoago be, ago nyèzi rukä doŋgo 'bädri ana ro.” Tana ono ni tu okaro doŋgo drikäti ro owo.
21 Ndi ànya oyiyite ago mariyi 'bädri ana te ni vocowa Zina ro yasi le Reoba ya, loto liti Ocivo Amata ya ya. 22 Ànya oyiyite Negebe yasi, ago ikyiyite Eberona ya; ago Aimana, Sesai ndi Talemai be ya, se zelevoi Anaka ro koriyibe kigye ana. (Abe Eberona te ndroa njidrieri käti ni Zoana se Ezipeto ya ana ri.) 23 Ago ànya esayite Vodele Esekola roya, ago siyi gwoṛi alodi kono ro, doŋgo coṛoro be te, se ritu ànya ro ŋgyiyite kundukunduro ce cariro si, ago ànya eziyi doŋgo betina oso gäṛä'bu ronye kpate ndi ki'du be. 24 Äzi vo ana te Vodele Esekola ro, tana ta doŋgo coṛoro kono ro se lidri Yisaraele ro kosibe ni lau ana rota.
25 U'du 'butesu vosi oko ànya egoyite ni 'bädri ana marivo yasi. 26 Ago ànya ikyiyite Musa ndi Arona be ndi lowa lidri Yisaraele ro robe re Kadesa ya vocowa Parana roya, ànya logoyi tate ànyari ndi lowa cini be, ago ka'dayi doŋgo 'bädri ana rote ànyari. 27 Ago ànya atayite Musa ri ekye: “Mäkyite 'bädri se mizo ama be kigye ya; orivoya twi leyi ndi epe be be, ago ono ni orivoya doŋgo na owo. 28 Oko aba lidri se kabe ori 'bädri na ana ya orivoya mbara be; ago 'bakici na orivoya obeobero tiṛi si, ago orivoya 'desi, ago mandre zelevoi Anaka ro kpate orivoya lau. 29 Amaleka'bai kayi ori ni 'bädri Negebe ro ya; Ete'bai, Jebusa'bai ndi Amora'bai be kayi ori ni 'bädri lutu ro ya; ago Kanana'bai kayi ori ni gyi'desi kala, ago kala Yaradene ro yasi.”
30 Oko Kaleba 'bidri lidri rote a'done titiitiro Musa kandra, ago atate ekye: “Mì'de moyi ri dori lau, mä̀ru 'bädri ana robe; tana ama ṛo orivoya mbara be anya urune.”
31 'Dooko lidri se koyiyibe nda be kai atayite ekye: “Ama teinye mbaraako oyine lidri kai dri, tana mbara ànyaro para ni ama drisi.” 32 Ta'dota ànya eziyite taiti se koziro ayani lidri Yisaraele ro ri ta 'bädri se ànya kamariyibe ana rota, ugu ata si ekye: “'Bädri se moyibe kigye, marine ana orivoya 'bädri se lidri na kabe azi opeṛe yi; ago lidri se cini mandrebe kigye orivoya lombalombaro 'desi. 33 Ago mandre lidri dämbäṛäṛäro te (zelevoi Anaka ro ni lidri se dämbäṛäṛäro owo;) ago andivo amaro malandre ṛo oso kofotiti ronye, malandrete ànyari oso inye.”