Taäyi Nemaya Lomvo
1 Ondro iti tate Sanebalata, Tobia, Gesema ndi rukä kyila'baazii amaro robe ri ekye mago mande tiṛi te ago woro aza e'be kote kigye oko, (caoko tu ana si mede gboloi driko dereŋwai kalasi), 2 Sanebalata ndi Gesema be ezoyi lazo te märi ekye. “Nyikyi mi'de mäyi ta robe alo aza 'baŋwai roya vorri ono roya.” Oko anjioko ànya leyi ma oyene koziro. 3 Mago mazo lazo'bai te atane ànyari makye: “Ma ugu losi 'desi oye ago mänina ko ukyine lau. Tana e'di medrena losi gwo ago moyina gwo amire lau ni ya?” 4 Ànya ezoyi lazo alo ono te märi perena su, ago mazatadri ànyaro kpate ta alo ono si. 5 Kpa inye pere linjina si oko, Sanebalata ezo ruindu'ba ndaro te mare waraga kalauŋboro be. 6 Egyite ekye:
“Iti tate tu'dei lakosi ago Gesema itikpate märi ekye, ate ta ŋganaŋganaro atana tu'dei 'batiaziro lakosi ekye, mi ndi Yudai be mìlete ogbone, 'do ni tase ko'ba ami be ogone tiṛi obene owo. Ago ekye milete a'done 'bädri'ba ro ànyari oso taiti ono voro owo. 7 Ago mira nebii kpate taayone ta miro ta Yerusalema ya ekye, mi 'Bädri'ba orivoya Yuda ya, Ago itina ta ono 'da 'bädri'ba ri erine. Ka'do inye nyikyi mata ta ono ro voaloya.”
8 'Dooko mologotate ndäri makye: “Tase nyabe ugu atana ono a'do ko'de. Ta kwoi nyusu ni drî miro si.”
9 Tana ànya cini leyi ama o'bane turiro ekye: “Drí ànyaro todrana 'da ni losi oyevoya, 'dooko uninayi kote tiṛi ondene.” Oko Äye Lu nyotomba drì maro.
10 Ondro moyite zo Semaya ŋgwa Delaya ro, kwozo Metabela ro roya, se orivoya 'bäru oko, nda atate märi ekye: “Mi'de moyi rudro'bene Yekalu Lu ro ya ago màse käläsii Yekalu ro, tana ànya kayi ikyi mi ufune ŋgäkyi si, ànya kayi ikyi mi ufune.”
11 Oko mazatadrite makye: “Inye'do mano gyi oso ma ronye ono umuna gindi ya? Inye'do mano gyi oso ma ronye ono umuna ndi Yekalu ya adri iro opane ya? Märi oyine i'do.”
12 Ondro musu tana te oko, mänite Lu ezo Semaya kote ni, oko Tobia ndi Sanebalata be gyeyi mi ndaro ni ta atane inye märi. 13 Ànya gyeyi mi ndaro te, ma o'baza turiro maye ta'do robe ago maye takozi robe, tana ànya kenjiyi ävuru maro robe, ma uguzana.
14 Mämätu te makye: “Miyi tase Tobia ndi Sanebalata be koyeyibe ono tana, Äye Lu maro ago miyi tase toko se nebi ro Noadia ndi nebii azaka be kojoyibe oyene ma o'baza a'done turiro kai tana.”
Onde Losi ro
15 Ande tiṛi obete u'du 'buteritu fonji imba rosi, ru u'du orivoya 'butenji foritu. 16 Ondro kyila'baazi cini amaro keriyi tana te oko, tu'dei se cini gbikyi ama lomvosi kai a'doyite turituriro, tana 'ba ànya te driupi ro tana ànya ndreyite losi se ono andete ŋgaopa Lu amaro rosi.
17 Tuse cini kai si 'desii Yudai ro lozoyi waraga amba te lakole yasi Tobia be. 18 Tana lidri amba Yuda ya emberute nda be tao'ba si, tana nda orivoya kodrogo Sekania ŋgwa Ara ro ro; ago ŋgwa ndaro Jonana gye ŋguti Mesulama ŋgwa Berekia ro roni toko ro. 19 Lidri iti taoye se cini kado Tobia koyebe ono tana kpate makandra, ago itiyi tase matabe tana te ndäri. Ago Tobia ezo waraga te märi ma o'baza a'done turituriro.
Taäyi Nemaya Lomvo
1 Ondro iti tate Sanebalata, Tobia, Gesema ndi rukä kyila'baazii amaro robe ri ekye mago mande tiṛi te ago woro aza e'be kote kigye oko, (caoko tu ana si mede gboloi driko dereŋwai kalasi), 2 Sanebalata ndi Gesema be ezoyi lazo te märi ekye. “Nyikyi mi'de mäyi ta robe alo aza 'baŋwai roya vorri ono roya.” Oko anjioko ànya leyi ma oyene koziro. 3 Mago mazo lazo'bai te atane ànyari makye: “Ma ugu losi 'desi oye ago mänina ko ukyine lau. Tana e'di medrena losi gwo ago moyina gwo amire lau ni ya?” 4 Ànya ezoyi lazo alo ono te märi perena su, ago mazatadri ànyaro kpate ta alo ono si. 5 Kpa inye pere linjina si oko, Sanebalata ezo ruindu'ba ndaro te mare waraga kalauŋboro be. 6 Egyite ekye:
“Iti tate tu'dei lakosi ago Gesema itikpate märi ekye, ate ta ŋganaŋganaro atana tu'dei 'batiaziro lakosi ekye, mi ndi Yudai be mìlete ogbone, 'do ni tase ko'ba ami be ogone tiṛi obene owo. Ago ekye milete a'done 'bädri'ba ro ànyari oso taiti ono voro owo. 7 Ago mira nebii kpate taayone ta miro ta Yerusalema ya ekye, mi 'Bädri'ba orivoya Yuda ya, Ago itina ta ono 'da 'bädri'ba ri erine. Ka'do inye nyikyi mata ta ono ro voaloya.”
8 'Dooko mologotate ndäri makye: “Tase nyabe ugu atana ono a'do ko'de. Ta kwoi nyusu ni drî miro si.”
9 Tana ànya cini leyi ama o'bane turiro ekye: “Drí ànyaro todrana 'da ni losi oyevoya, 'dooko uninayi kote tiṛi ondene.” Oko Äye Lu nyotomba drì maro.
10 Ondro moyite zo Semaya ŋgwa Delaya ro, kwozo Metabela ro roya, se orivoya 'bäru oko, nda atate märi ekye: “Mi'de moyi rudro'bene Yekalu Lu ro ya ago màse käläsii Yekalu ro, tana ànya kayi ikyi mi ufune ŋgäkyi si, ànya kayi ikyi mi ufune.”
11 Oko mazatadrite makye: “Inye'do mano gyi oso ma ronye ono umuna gindi ya? Inye'do mano gyi oso ma ronye ono umuna ndi Yekalu ya adri iro opane ya? Märi oyine i'do.”
12 Ondro musu tana te oko, mänite Lu ezo Semaya kote ni, oko Tobia ndi Sanebalata be gyeyi mi ndaro ni ta atane inye märi. 13 Ànya gyeyi mi ndaro te, ma o'baza turiro maye ta'do robe ago maye takozi robe, tana ànya kenjiyi ävuru maro robe, ma uguzana.
14 Mämätu te makye: “Miyi tase Tobia ndi Sanebalata be koyeyibe ono tana, Äye Lu maro ago miyi tase toko se nebi ro Noadia ndi nebii azaka be kojoyibe oyene ma o'baza a'done turiro kai tana.”
Onde Losi ro
15 Ande tiṛi obete u'du 'buteritu fonji imba rosi, ru u'du orivoya 'butenji foritu. 16 Ondro kyila'baazi cini amaro keriyi tana te oko, tu'dei se cini gbikyi ama lomvosi kai a'doyite turituriro, tana 'ba ànya te driupi ro tana ànya ndreyite losi se ono andete ŋgaopa Lu amaro rosi.
17 Tuse cini kai si 'desii Yudai ro lozoyi waraga amba te lakole yasi Tobia be. 18 Tana lidri amba Yuda ya emberute nda be tao'ba si, tana nda orivoya kodrogo Sekania ŋgwa Ara ro ro; ago ŋgwa ndaro Jonana gye ŋguti Mesulama ŋgwa Berekia ro roni toko ro. 19 Lidri iti taoye se cini kado Tobia koyebe ono tana kpate makandra, ago itiyi tase matabe tana te ndäri. Ago Tobia ezo waraga te märi ma o'baza a'done turituriro.