Maika ka Ata Dri'bai Yisaraele ro lomvo
1 Maika ekye: nyèri, ami dri'bai ago 'dimiri'bai Yisaraele ro! Aba ämiri ni taŋgye oyene, 2 caoko ya amiro orivoya osoro takado lomvo ago nyà takozi lu ayani. Nyà kyini uwi ni lidri maro lomvosi teinye lidriidriro ago nyà iza ànyaro tolona ni kowa ànyaro lomvosi. 3 Nyà lidri maro onyana. Mìwi kyini ànyaro gwo, nyòtoga kowa ànyaro gwo jinyijinyi, ago nyìjinyi ànya gwo oso iza o'baro luku'du ya ronye. 4 Tu ana si nyàyona drî 'da OPI ri, oko nda ozana tadri amiro ko. Nda erina mätu amiro ko, tana mìye tate undiro.
5 OPI ka ata nebii se kodo lidri OPI ro be, se kayibe ata ta taliatokpe rota ondro ozo ŋgaaza te onyane ànyari owo, oko kayi ozi kyila ro onya ànya se ozoyi ŋga ko ànyari kai lomvo ekye: 6 Ta'doro ami nebii, ŋgäkyi amiro a'dona rulofo ako, ago ŋgätini amiro a'dona taäŋguro ako. Tu amiro kate okye ago a'dona 'da rueza ro ämiri. 7 Ànya se kayibe tase mileya ondrena ago äŋguna iyi a'donayi 'da driupiro tana ànya uninayi kote taäŋgune. Ànya cini takonayi mi ànyaro 'da tana Lu zatadri ànyaro kote.
8 Oko ka'dobe ma, ma orivoya twi mbara be ago tori OPI robe, ago ka tauni taŋgye ro ndi agoago be ozona märi ta itiza lidri Yisaraele ro ri ta takozi ànyaro rota. 9 Nyèri ta ono, ami dri'bai ago 'dimiri'bai Yisaraele ro, ami se ya amiro osoro ta'diri lomvo ago nyòtoza taŋgye gwo takoziro ono. 10 Nyà Zaiona obe 'ditufu si ago Yerusalema obe kotopa taŋgyeako ro dri. 11 'Dimiri'bai 'bakici ro kayi 'dimiri miogye si, kohanii ànyaro kayi taope päläti ta, nebii ànyaro kayi taäŋgu parata ta, caoko ànya kayi mätu OPI lomvo ago kayi ata ekye: OPI orivoya ama yibe ŋgakozi ri ikyine ämädri i'do.
12 Ka'do inye, ta amiro ta, asona Zaiona 'da oso ämvu ronye, Yerusalema a'dona 'da turu'du ro tandroro, ago lutu Yekalu ro a'dona 'da vocowa ro.
Maika ka Ata Dri'bai Yisaraele ro lomvo
1 Maika ekye: nyèri, ami dri'bai ago 'dimiri'bai Yisaraele ro! Aba ämiri ni taŋgye oyene, 2 caoko ya amiro orivoya osoro takado lomvo ago nyà takozi lu ayani. Nyà kyini uwi ni lidri maro lomvosi teinye lidriidriro ago nyà iza ànyaro tolona ni kowa ànyaro lomvosi. 3 Nyà lidri maro onyana. Mìwi kyini ànyaro gwo, nyòtoga kowa ànyaro gwo jinyijinyi, ago nyìjinyi ànya gwo oso iza o'baro luku'du ya ronye. 4 Tu ana si nyàyona drî 'da OPI ri, oko nda ozana tadri amiro ko. Nda erina mätu amiro ko, tana mìye tate undiro.
5 OPI ka ata nebii se kodo lidri OPI ro be, se kayibe ata ta taliatokpe rota ondro ozo ŋgaaza te onyane ànyari owo, oko kayi ozi kyila ro onya ànya se ozoyi ŋga ko ànyari kai lomvo ekye: 6 Ta'doro ami nebii, ŋgäkyi amiro a'dona rulofo ako, ago ŋgätini amiro a'dona taäŋguro ako. Tu amiro kate okye ago a'dona 'da rueza ro ämiri. 7 Ànya se kayibe tase mileya ondrena ago äŋguna iyi a'donayi 'da driupiro tana ànya uninayi kote taäŋgune. Ànya cini takonayi mi ànyaro 'da tana Lu zatadri ànyaro kote.
8 Oko ka'dobe ma, ma orivoya twi mbara be ago tori OPI robe, ago ka tauni taŋgye ro ndi agoago be ozona märi ta itiza lidri Yisaraele ro ri ta takozi ànyaro rota. 9 Nyèri ta ono, ami dri'bai ago 'dimiri'bai Yisaraele ro, ami se ya amiro osoro ta'diri lomvo ago nyòtoza taŋgye gwo takoziro ono. 10 Nyà Zaiona obe 'ditufu si ago Yerusalema obe kotopa taŋgyeako ro dri. 11 'Dimiri'bai 'bakici ro kayi 'dimiri miogye si, kohanii ànyaro kayi taope päläti ta, nebii ànyaro kayi taäŋgu parata ta, caoko ànya kayi mätu OPI lomvo ago kayi ata ekye: OPI orivoya ama yibe ŋgakozi ri ikyine ämädri i'do.
12 Ka'do inye, ta amiro ta, asona Zaiona 'da oso ämvu ronye, Yerusalema a'dona 'da turu'du ro tandroro, ago lutu Yekalu ro a'dona 'da vocowa ro.