Tao'ba Mio'ba ro aza
1 Ondro ma Yeremaya drigba kamba ya goko ya oko, meri ata OPI ro te kpa to'di. 2 OPI, se ko'ba 'bädri be, be zevona ni ndi 'ba gwo ŋgyiri vona ya ono, atate märi. Nda ekye: Nda se ävuruna OPI ono ka ata ekye: 3 “Mizi ma, 'dooko mazanatadri miro ndi; mitina ta 'desi ndi talaroro be 'da miri se mini tana kote alona. 4 Ma OPI, Lu Yisaraele ro, ma ata makye zoi Yerusalema ro ndi zo'desi miri ro 'bädri'ba Yuda robe otogana 'da vuru odrone 'digagaza ni kyila ri. 5 Lidri azaka ikyina 'da kyila oyene Babelona'bai yibe. 'Do o'bana 'bakici ono ndi ogane twi twi avo 'dise ma oyebe tufune kyila ndi siomba maro be si 'do si. Tana manarute lozo ni 'bakici ono resi ni takozi se amba lidri na koyeyibe ono ri. 6 Oko medena 'bakici ono ndi lidri na be 'da ago mago ma'bana ànya 'da a'done jiŋgyiri. Ma'bana ànya 'da a'done liatokpero ndra ago mbararo. 7 Mologona kandrakado Yuda ndi Yisaraele be ro 'da, ago mago motombana ànya 'da oso se kyeno ana ronye. 8 Mäwäṛina ànya 'da ni takozi cini se ànya koyeyibe märi ana yasi, me'bena ànya 'da ta takozi ànyaro rota ago ta ogbo ànyaro rota. 9 Yerusalema a'dona 'da etovo riyä, taoro, ndi driuŋgyi maro be ro; tu'de cini 'bädri ro se keriyi takado cini se mayebe lidri Yerusalema ro ri ana, a'donayi 'da turi ro ago lä'bilä'bi ro ndi kandrakado se mayebe 'bakici ono ri ono ta.”
10 OPI atate ekye: “Lidri ka ata ekye vo ono orivoya vorri ro, se lidri ndi koronyai be ri kote kigye. 'Ba'desii Yuda ro ndi litiŋwai Yerusalema robe te orivoya awi; lidri aza kode koronyai aza ri kote lau. Caoko vo kwoi yasi migo nyerina 11 kporo a'doro yai'dwesi ago riyä ro ndi kporo riyä karama lagye ogyero be 'da. Nyerina lidri 'da loŋgo oŋgovoya ondro ànya kayite ŋgapäṛi aro'boya ro ezina Yekalu maro ya owo; ànya atanayi 'da ekye:
‘Nyozo aro'boya OPI Mbaraekye ri,
tana OPI orivoya kadoro
ago ŋgalu 'duro ndaro orivoya äduako.’
Ma'bana wari ono 'da a'done kandrakado be oso se kyeno ana ronye. Ma, OPI, matani.”
12 OPI Mbaraekye atate ekye: “Wari se vorri ro cini yasi se lidri ndi koronyai be kori ko kigye ono ya, lowo luru ogo a'dona 'da kigye kpa to'di lekye'bai ri timele ànyaro usiza kigye. 13 Lekye'bai otinayi timele ànyaro 'da kpa to'dina 'ba'desii 'bädri luturo ro yasi, lutui pasi, Negebe yasi, wari Benjamina ro yasi, 'baŋwai se gbikyi Yerusalema lomvosi iyi yasi, ago 'ba'desii Yuda ro yasi. Ma, OPI, matani.”
14 OPI atate ekye: “Tu aza ka oye esane se ma'bana tao'ba maro se ma'babe lidri Yisaraele ro ndi Yuda robe 'do 'da osane mina ya. 15 Tuna ana ya manjina zelevo Dawidi ro kadona aza 'da a'done 'bädri'ba ro. 'Bädri'ba ana oyena takado ndi taŋgye be 'da wari ono yasi gbikyi. 16 Tu ana si apana lidri Yuda ro 'da ago lidri Yerusalema ro orinayi 'da tokpero. Äzina 'bakici ana 'da ekye ‘OPI Taŋgye'ba Amaro.’ 17 Ma, OPI, ma tao'ba anjioko ondoalo zelevo Dawidi ro a'dona 'da 'bädri'ba Yisaraele ro, 18 ago ondoalo kohanii Lewe'ba ro a'dona 'da kohani be ruindune märi ago tori ozane, ŋgapäṛi inya ro ozone, ndi tori olo be.”
19 OPI atate ma Yeremaya ri ekye: 20 “Ma'ba tao'baro te kitu be ago ŋgäkyi be, tana ànya ka'doyi robe saa ŋgye ànyaro ya; ago tao'baro se ono perene te i'do alona. 21 Kpa inye ma'ba tao'baro te ruindu'ba maro Dawidi be makye ondoalo zelevoi ndaro a'donayi ni 'bädri'ba ro, ago ma'ba tao'baro te kohanii se ni 'bakala Lewe ro yasi iyi ri makye ondoalo ànya indurunayi 'da märi; ago tao'baro se kwoi perene te i'do alona. 22 Oso änibe ko 'bi'bii vokuru ro otine ago oso äni ko siŋgwa gyi'desi ro ojone 'do ronye. Militina oti zelevoi ruindu'ba maro Dawidi ro ro 'da ndi kohanii se ni 'bakala Lewe ro yasi kayibe ruindu märi iyi be 'da.”
23 OPI atate ma Yeremaya ri ekye: 24 “Lidri ka ugu ata ekye maga Yisaraele ndi Yuda be, katidrii se ritu manjibe kwoi tezo inye'do nyeri tana ndi ya? Ta'doro ànya kayite lidri maro mawona ago niyi a'do ànyaro tu'de ro ono kote. 25 Oko ma, OPI, oso ma'ba tao'baro te kitu ndi ŋgäkyi be be, ago ma'ba ota te gyini ndi vokuru be ritaza ono ronye, 26 kpa inye mätina tao'baro maro se zelevoi Yakoba robe ago ruindu'ba maro Dawidi be ono ndi. Manjina alo aza zelevoi Dawidi ro ro 'da zelevoi Abarayama, Yisika, ndi Yakoba be ro mirine. Mologona kandrakado ànyaro 'da ago ma'dona 'da yauni be ànyari.”
Tao'ba Mio'ba ro aza
1 Ondro ma Yeremaya drigba kamba ya goko ya oko, meri ata OPI ro te kpa to'di. 2 OPI, se ko'ba 'bädri be, be zevona ni ndi 'ba gwo ŋgyiri vona ya ono, atate märi. Nda ekye: Nda se ävuruna OPI ono ka ata ekye: 3 “Mizi ma, 'dooko mazanatadri miro ndi; mitina ta 'desi ndi talaroro be 'da miri se mini tana kote alona. 4 Ma OPI, Lu Yisaraele ro, ma ata makye zoi Yerusalema ro ndi zo'desi miri ro 'bädri'ba Yuda robe otogana 'da vuru odrone 'digagaza ni kyila ri. 5 Lidri azaka ikyina 'da kyila oyene Babelona'bai yibe. 'Do o'bana 'bakici ono ndi ogane twi twi avo 'dise ma oyebe tufune kyila ndi siomba maro be si 'do si. Tana manarute lozo ni 'bakici ono resi ni takozi se amba lidri na koyeyibe ono ri. 6 Oko medena 'bakici ono ndi lidri na be 'da ago mago ma'bana ànya 'da a'done jiŋgyiri. Ma'bana ànya 'da a'done liatokpero ndra ago mbararo. 7 Mologona kandrakado Yuda ndi Yisaraele be ro 'da, ago mago motombana ànya 'da oso se kyeno ana ronye. 8 Mäwäṛina ànya 'da ni takozi cini se ànya koyeyibe märi ana yasi, me'bena ànya 'da ta takozi ànyaro rota ago ta ogbo ànyaro rota. 9 Yerusalema a'dona 'da etovo riyä, taoro, ndi driuŋgyi maro be ro; tu'de cini 'bädri ro se keriyi takado cini se mayebe lidri Yerusalema ro ri ana, a'donayi 'da turi ro ago lä'bilä'bi ro ndi kandrakado se mayebe 'bakici ono ri ono ta.”
10 OPI atate ekye: “Lidri ka ata ekye vo ono orivoya vorri ro, se lidri ndi koronyai be ri kote kigye. 'Ba'desii Yuda ro ndi litiŋwai Yerusalema robe te orivoya awi; lidri aza kode koronyai aza ri kote lau. Caoko vo kwoi yasi migo nyerina 11 kporo a'doro yai'dwesi ago riyä ro ndi kporo riyä karama lagye ogyero be 'da. Nyerina lidri 'da loŋgo oŋgovoya ondro ànya kayite ŋgapäṛi aro'boya ro ezina Yekalu maro ya owo; ànya atanayi 'da ekye:
‘Nyozo aro'boya OPI Mbaraekye ri,
tana OPI orivoya kadoro
ago ŋgalu 'duro ndaro orivoya äduako.’
Ma'bana wari ono 'da a'done kandrakado be oso se kyeno ana ronye. Ma, OPI, matani.”
12 OPI Mbaraekye atate ekye: “Wari se vorri ro cini yasi se lidri ndi koronyai be kori ko kigye ono ya, lowo luru ogo a'dona 'da kigye kpa to'di lekye'bai ri timele ànyaro usiza kigye. 13 Lekye'bai otinayi timele ànyaro 'da kpa to'dina 'ba'desii 'bädri luturo ro yasi, lutui pasi, Negebe yasi, wari Benjamina ro yasi, 'baŋwai se gbikyi Yerusalema lomvosi iyi yasi, ago 'ba'desii Yuda ro yasi. Ma, OPI, matani.”
14 OPI atate ekye: “Tu aza ka oye esane se ma'bana tao'ba maro se ma'babe lidri Yisaraele ro ndi Yuda robe 'do 'da osane mina ya. 15 Tuna ana ya manjina zelevo Dawidi ro kadona aza 'da a'done 'bädri'ba ro. 'Bädri'ba ana oyena takado ndi taŋgye be 'da wari ono yasi gbikyi. 16 Tu ana si apana lidri Yuda ro 'da ago lidri Yerusalema ro orinayi 'da tokpero. Äzina 'bakici ana 'da ekye ‘OPI Taŋgye'ba Amaro.’ 17 Ma, OPI, ma tao'ba anjioko ondoalo zelevo Dawidi ro a'dona 'da 'bädri'ba Yisaraele ro, 18 ago ondoalo kohanii Lewe'ba ro a'dona 'da kohani be ruindune märi ago tori ozane, ŋgapäṛi inya ro ozone, ndi tori olo be.”
19 OPI atate ma Yeremaya ri ekye: 20 “Ma'ba tao'baro te kitu be ago ŋgäkyi be, tana ànya ka'doyi robe saa ŋgye ànyaro ya; ago tao'baro se ono perene te i'do alona. 21 Kpa inye ma'ba tao'baro te ruindu'ba maro Dawidi be makye ondoalo zelevoi ndaro a'donayi ni 'bädri'ba ro, ago ma'ba tao'baro te kohanii se ni 'bakala Lewe ro yasi iyi ri makye ondoalo ànya indurunayi 'da märi; ago tao'baro se kwoi perene te i'do alona. 22 Oso änibe ko 'bi'bii vokuru ro otine ago oso äni ko siŋgwa gyi'desi ro ojone 'do ronye. Militina oti zelevoi ruindu'ba maro Dawidi ro ro 'da ndi kohanii se ni 'bakala Lewe ro yasi kayibe ruindu märi iyi be 'da.”
23 OPI atate ma Yeremaya ri ekye: 24 “Lidri ka ugu ata ekye maga Yisaraele ndi Yuda be, katidrii se ritu manjibe kwoi tezo inye'do nyeri tana ndi ya? Ta'doro ànya kayite lidri maro mawona ago niyi a'do ànyaro tu'de ro ono kote. 25 Oko ma, OPI, oso ma'ba tao'baro te kitu ndi ŋgäkyi be be, ago ma'ba ota te gyini ndi vokuru be ritaza ono ronye, 26 kpa inye mätina tao'baro maro se zelevoi Yakoba robe ago ruindu'ba maro Dawidi be ono ndi. Manjina alo aza zelevoi Dawidi ro ro 'da zelevoi Abarayama, Yisika, ndi Yakoba be ro mirine. Mologona kandrakado ànyaro 'da ago ma'dona 'da yauni be ànyari.”