1 “Nyeri tase ono, ami kohanii! Migabi, ami lidri Yisaraele ro! Nyeri, ami se katidri 'bädri'ba ro ro ono! Vure orivoya ami lomvo! Tana nya'dote abari ro Mizepa ya, ago nyalararute kimba ro 'Bereŋwa Tabora dri. 2 Anya 'diyi 'bu ociekye te 'Bakici Akasia ya, oko mezana ami cini 'da. 3 Mäni a'do Yisaraele'bai ro te, ànya unina ko ruda'done ni märi. Ànya a'dote ta'diriako, ago enji lidri Yisaraele ro te.”
Osea ka Miomba Ozo ta Lu Awi Mätu rota
4 Taundiro se lidri koyebe ono laga ànya zo ni egovoya Lu ànyaro re. Tori lu awi mätu ro orivoya ànya ya, 'bani ànya niyi OPI kote. 5 Driuŋgyi lidri Yisaraele ro ro ka tazevoedre ànya lomvo; takozii ànyaro ka ànya o'ba a'done parapararo, ago lidri Yuda ro kaoye kpa a'done parapara ro ànya yibe. 6 Ànya kayi timele ànyaro ndi ti be uruna mätu oyeza OPI ri, caoko, ànya niyi kote nda usune, tana nda e'be ànya te. 7 Ànya a'doyite ta'diriako OPI ri; ànya tiyi ŋgwàmäri te. Ta'dota Karamai ànyaro Imba To'di ro perena ànya 'da ndi warii ànyaro be ga ndri yauro.
Kyila Lakole Yuda ro ya Yisaraele be
8 Mìvo cekuṛe kyila ro Gibea ya! Ago mìvo toro'ba Rama ya! Mì'be kuku kyila ro Betavena ya! Ami lidri Benjamina ro, nyoyi kyila ya! 9 Yisaraele a'dona 'da tandro ro tu taezaro si. Lidri Yisaraele ro, endaro ta ono a'dona ndi!
10 OPI ekye: “Dri'bai Yuda ro laba oso ànya se kabe kishwe wari ro läpi ronye. Ta'dota medana kyila maro 'da ànya dri oso gyioga ronye. 11 Yisaraele ka rueza, apete ṛe vure ya, tana anya ugu osote 'duro lui awi vo. 12 Mezina taezaro 'da Yisaraele dri ago meperena lidri Yuda ro 'da.
13 “Ondro Yisaraele kondrete anya te adravoro, ago Yuda kondre modo anyaro te laza be oko, ndi Yisaraele oyite Asaria ya, 'bädri'ba 'desi ejine ta ŋgaopa rota, oko nda ni kote ànya edene kode laza ànyaro o'bane ozwane. 14 Matakoruna 'da lidri Yisaraele ro dri oso ibi ronye ago lidri Yuda ro dri ibi ombato'di ronye. Ma modo motowana ànya 'da jinyijinyi 'dooko me'bena ànya gwo. Mesene ànya 'da pere, ago 'diaza unina ko ànya opane.
15 “Me'bena lidri maro 'da madale ànya ezarunayi lutu ta takozii ànyaro rota ago ezinayi ma uṛi 'da. Kode rueza ànyaro ya ànya ojonayi 'da ma uṛine.”
1 “Nyeri tase ono, ami kohanii! Migabi, ami lidri Yisaraele ro! Nyeri, ami se katidri 'bädri'ba ro ro ono! Vure orivoya ami lomvo! Tana nya'dote abari ro Mizepa ya, ago nyalararute kimba ro 'Bereŋwa Tabora dri. 2 Anya 'diyi 'bu ociekye te 'Bakici Akasia ya, oko mezana ami cini 'da. 3 Mäni a'do Yisaraele'bai ro te, ànya unina ko ruda'done ni märi. Ànya a'dote ta'diriako, ago enji lidri Yisaraele ro te.”
Osea ka Miomba Ozo ta Lu Awi Mätu rota
4 Taundiro se lidri koyebe ono laga ànya zo ni egovoya Lu ànyaro re. Tori lu awi mätu ro orivoya ànya ya, 'bani ànya niyi OPI kote. 5 Driuŋgyi lidri Yisaraele ro ro ka tazevoedre ànya lomvo; takozii ànyaro ka ànya o'ba a'done parapararo, ago lidri Yuda ro kaoye kpa a'done parapara ro ànya yibe. 6 Ànya kayi timele ànyaro ndi ti be uruna mätu oyeza OPI ri, caoko, ànya niyi kote nda usune, tana nda e'be ànya te. 7 Ànya a'doyite ta'diriako OPI ri; ànya tiyi ŋgwàmäri te. Ta'dota Karamai ànyaro Imba To'di ro perena ànya 'da ndi warii ànyaro be ga ndri yauro.
Kyila Lakole Yuda ro ya Yisaraele be
8 Mìvo cekuṛe kyila ro Gibea ya! Ago mìvo toro'ba Rama ya! Mì'be kuku kyila ro Betavena ya! Ami lidri Benjamina ro, nyoyi kyila ya! 9 Yisaraele a'dona 'da tandro ro tu taezaro si. Lidri Yisaraele ro, endaro ta ono a'dona ndi!
10 OPI ekye: “Dri'bai Yuda ro laba oso ànya se kabe kishwe wari ro läpi ronye. Ta'dota medana kyila maro 'da ànya dri oso gyioga ronye. 11 Yisaraele ka rueza, apete ṛe vure ya, tana anya ugu osote 'duro lui awi vo. 12 Mezina taezaro 'da Yisaraele dri ago meperena lidri Yuda ro 'da.
13 “Ondro Yisaraele kondrete anya te adravoro, ago Yuda kondre modo anyaro te laza be oko, ndi Yisaraele oyite Asaria ya, 'bädri'ba 'desi ejine ta ŋgaopa rota, oko nda ni kote ànya edene kode laza ànyaro o'bane ozwane. 14 Matakoruna 'da lidri Yisaraele ro dri oso ibi ronye ago lidri Yuda ro dri ibi ombato'di ronye. Ma modo motowana ànya 'da jinyijinyi 'dooko me'bena ànya gwo. Mesene ànya 'da pere, ago 'diaza unina ko ànya opane.
15 “Me'bena lidri maro 'da madale ànya ezarunayi lutu ta takozii ànyaro rota ago ezinayi ma uṛi 'da. Kode rueza ànyaro ya ànya ojonayi 'da ma uṛine.”