RULOFO YEKALU TUSE MILEYA RO
Ugu Ezekiele te Yerusalema ya
1 U'du 'butealo imba roya, etovo ndroa rosi, ndroa 'buteritu fonji uru amaro vomidiro ya rosi, ago ndroa 'butealo fosu uru Yerusalema ro vosi. Tu modo ana si musu mbara a'do Opi ro lototi ana te, ago nda ŋgyi mate lozo. 2 Rulofo ana ya Lu ugu mate wari Yisaraele roya ago 'ba mate 'bereŋwa ogwaekye aza dri. Mile maro ya mandre zoi azaka te laba te oso 'bakici aza ronye. 3 Ondro nda kezi ma te lau oko mandre manoaza te se betina labate oso atala ronye. Nda ru iba ŋgaojoro ndi dofo ŋgaojoro be te drì ya ago edrevoya dereŋwa kala.
4 Mano ana atate märi ekye: “Ŋgwa lidri ro, mindrevo kadoro, nyeri ta liyaro ago mindre ŋgase cini mabe ka'dana miri ono kadoro, tana a'debe mi ezine noŋwa ono maka'da robe miri. Miri tase cini nyabe ondrena ono tana itine lidri Yisaraele ro ri.”
Dereŋwa 'buzelesi
5 Ŋgase mandrebe lau ana orivoya tiṛi yi orivoya gbikyi Yekalu lomvosi. Dofo ŋgaojoro se mano ana rigye ana ocana orivoya kadrakadra na nätu, ago ojo tiṛi se ana te. Ogwana orivoya kadrakadra na nätu ago uŋgyina kadrakadra na orivoya nätu. 6 'Dooko nda oyite dereŋwa se kozamibe 'buzele ana ya. Nda tute kuru kotopa uturona drisi, ago nda ojo ecivona ana te drî kurusi na yasi; ni kurusi le vuru orivoya kadrakadra na nätu. 7 Ago lävuvo aza orivoya ecivoya, se zoya vookwa robe nätu ba lamadrina yasi. Zoya se kai ba cuku be su su, lamadrina cini ba kadrakadra na nätu nätu, ago tiṛii se lakole ànyaro yasi iyi uŋgyina ba kadrakadra na ritu kpäkyi. Zoyai vookwaro ana kundusi lävuvo aza orivoya se ocana orivoya kadrakadra na nätu cigwo le zoya 'desi aza se kozamibe Yekalu driro ana ya. 8 'Dooko nda ojo zoya ono te, ago usute ocina orivoya kadrakadra na su. 9 Gämi sidri ädu dereŋwa se lototi Yekalu lomvo ana rote, ago sidri ädu na ya uŋgyi tiṛi na ro orivoya kadra alodi. 10 (Zoya vookwaro se kwoi ro orivoya lamadri ecivo zo ana ro yasi ba ojoojoro, ago tiṛi se lakole ànyaro yasi iyi uŋgyina ba ojoojoro.)
11 'Do vosi, mano ana ojo käkpu ecivo zo se dereŋwa ya ana rote. Vona cini orivoya kadrakadra na njidrialo kpäkyi, ago lakole dereŋwa se ana ro orivoya kadrakadra na nji. 12 Mile zoya vookwaro se cini kai ro yasi tiṛi aza orivoya dele vuru ogwana orivoya nji'dinji'di na 'butenji ago uŋgyina orivoya nji'dinji'di na 'butenji. (Zoya kai orivoya cukudri be ba su su ago ocana orivoya ba kadrakadra na nätu nätu.) 13 'Dooko nda ojo ozwa tiṛi tesisi zoya ana rote etoni alona ya le äziri na ya, ago ojobe orivoya kadrakadra na 'butealo foritu kpäkyi. 14 Zoya se sidri ädu na ya ana fote le goko ya. Nda ojo zoya se ana te ago usu käkpuna te kadrakadra na 'butealo. 15 Oca dereŋwa ro ni tiṛi se tesi si yasi le lama telesi zoya äduro ana roya odro'bebe voaloya cini orivoya kadrakadra na 'buteritu fonji. 16 Vouŋbo giṛiŋwa orivoya tiṛii se tesi si zoya kai ro yasi ago kpa tiṛii se yasi si zoya kai ro yasi. Uwurä ice itu rote tiṛii yasi si se kozamibe lävuvo dri ana lomvosi.
Goko tesisi
17 Mano se ana lofo mate le goko ya. Abe zoya te 'butenätu tiṛii tesi si lomvosi, ago mile ànyaro ya abe vo aza te lili kuni si, 18 se orivoya gbikyi goko lomvosi. Goko se tesisi ana orivoya delero pari ni goko yasi si ri.
19 Lävuvo orivoya vose kurusi ana yasi se cite le goko yasi si ya. Mano se ana ojo ozwa vo ro se lakole dereŋwai ritu roya ana te, ago ojobe orivoya kadrakadra na 'butenji.
Dereŋwa mä'dudrisi
20 'Dooko mano ana ugu mate mä'dudrisi, ago mandre dereŋwa se lamadri mä'dudrisi yasi ana te se kocibe le goko tesisi ya ana. Nda ojo ocana te ndi käkpu na be. 21 Zoya nätu se lamadri cini zo ana ro yasi, tiṛii se lakole ànyaro yasi, ndi zoya se 'desi ana be vona cini ojobe orivoya ojoojoro dereŋwa se käti ana be. Ocana odro'bebe cini orivoya kadrakadra na 'buteritu fonji ago käkpu na orivoya kadrakadra na 'butealo foritu kpäkyi. 22 Zoya 'desi ecivoya piṛii, ndi ice itu ro se uwuräbe ana be a'dote oso se dereŋwa 'buzelesi ya ana ronye. Noŋwa ono kotopa uturo dereŋwa dri cini orivoya njidrieri, ago zoya 'desi ecivoya orivoya äduro zamite goko driro. 23 Miäwuvo dereŋwa se mä'dudrisi ana roya lävuvo aza orivoya se ka oci goko yasi si ya, kpa oso ka'dobe lamadri 'buzelesi yasi ronye. Mano se ana ojo ozwa lakole dereŋwai ritu kwoi roya ana te, ago orivoya kadrakadra na 'butenji.
Dereŋwa ŋgäṛiŋwadrisi
24 'Do vosi, mano ana ugu mate lama telesi ŋgäṛiŋwadrisi ya, ago mandre dereŋwa aza te lau. Nda ojo tiṛi yasi si nate ndi zoya 'desi ecivoya na rota, ago a'dote ojoojoro oso azaka ronye. 25 Piṛii orivoya zoya lävuvo se ono ro yasi kpa oso se azakana yasi ronye. Oca lävuvo ro odro'bebe ojobe orivoya kadrakadra na 'buteritu fonji, ago käkpuna orivoya kadrakadra na 'butealo foritu kpäkyi. 26 Kotopa uturo kuru kigye orivoya njidrieri, ago zoya 'desi ecivoya kpa orivoya äduro se zamite goko driro. Uwurä ice itu rote tiṛii yasi si se kozamibe lävuvo driro ana lomvosi. 27 Noŋwa ono, lävuvo kpa orivoya za mi ŋgäṛiŋwadriro, se ka oci goko yasi si ya. Mano ana ojo ozwana se dereŋwa ṛiri ya ana te, ago orivoya kadrakadra na 'butenji.
Goko Yasi si: Dereŋwa ŋgäṛiŋwadrisi
28 Mano ana ugu mate dereŋwa se ŋgäṛiŋwadrisi ana yasi le goko yasi si ya. Nda ojo lävuvo ana te, ago orivoya ojojoro oso dereŋwa se tiṛi tesisi ya ana ronye. 29 Zoya na se lamadri yasi iyi, zoya na se 'desi ecivoya 'do, ndi tiṛi nai se yasi si iyibe ojo kpa rere se lävuvo azaka yasi iyi be. Piṛii kpa orivoya zoya se cini lävuvo ono ya iyi yasi. 30 Ocana odro'bebe ojobe cini orivoya kadrakadra na 'buteritu fonji ago käkpuna orivoya kadrakadra na 'butealo foritu kpäkyi. 31 Zoya 'desi ecivoya na zamite goko tesisi driro, ago uwurä ice itu rote tiṛii zo ana ro lomvosi. Kotopa uturo kuru dereŋwa ana dri orivoya njidriena.
Goko Yasi si: Dereŋwa 'buzelesi
32 Mano ana ugu mate dereŋwa 'buzelesi yasi le goko yasi si ya. Nda ojo lävuvo ana te, ago ojobe orivoya ojoojoro azakana be. 33 Zoya nai se lamadri yasi iyi, ndi zoya 'desi ecivoya na be, ndi tiṛi yasi si nai be ojobe orivoya ojoojoro lävuvo azakana be. Piṛii orivoya gbikyi kigyesi, ago kpa zoya 'desi yasi. Ocana ojobe vona cini orivoya kadrakadra na 'buteritu fonji ago käkpuna orivoya kadrakadra na 'butealo foritu kpäkyi. 34 Zoya 'desi ecivoya na zamite goko driro. Uwurä ice itu rote tiṛii zo ana ro lomvosi. Kotopa uturo kuru dereŋwa ono ro orivoya njidriena.
Goko Yasi si: Dereŋwa mä'dudrisi
35 'Dooko mano ana ugu mate dereŋwa mä'dudrisi ya. Nda ojote, ago ojobe orivoya ojoojoro azakana be. 36 Zoya nai se lamadri yasi iyi ndi zoya 'desi ecivoya na be ndi tiṛi yasi si nai be ojobe orivoya ojoojoro lävuvo azakana be. Piṛii orivoya gbikyi kigyesi, ago kpa zoya 'desi ecivoya yasi. Ocana ojobe cini orivoya kadrakadra na 'buteritu foritu kpäkyi. 37 Zoya 'desi ecivoya na zamite goko driro. Uwurä ice itu rote tiṛii zo ana ro lomvosi. Kotopa uturo kuru dereŋwa ono ro orivoya njidriena.
Zoi se Loto Dereŋwa Mä'dudrisi Lomvosi
38 Zoya aza orivoya se käläsi na fote le zoya 'desi ecivoya se kozamibe goko driro ana ya, ago ànya kayi iza koronya se alobe tori ro ozane 'do ro ojana lau. 39 Zoya 'desi ono ya tara'bizai orivoya su, ba ritu ritu lamadri zoya ana ro yasi. Ànya kayi koronyai se ozane tori ro iyi ufuna tara'bizai se kwoi dri, kode ŋgapäṛi ozaro ro kode olone ŋgapäṛi ta takozi rota ro kode ŋgapäṛi taenji ro ro. 40 Tara'bizai su oso iyi ronye kpa orivoya zoya 'desi ecivoya ana lomvo tesisi, ba ritu ritu lamadri riti ecivo dereŋwa mä'dudrisi ro yasi. 41 Tara'bizai cini orivoya njidriena se abe koronyai se oloro tori ro ufuna driigyesi: su yasi si ago su tesisi goko ro ya. 42 Tara'bizai su se zo ya ana ede kuni yi, ŋgapäṛi ozaro edeza driigyesi. Ogwa ànyaro orivoya nji'dinji'di na 'butenji, ago drî kpäräkälä ànyaro se cukube su ana orivoya nji'dinji'di na 'butenjidrieri fonji. Lakazà se cini abe koronyai se oloro tori ro ufuna sina iyi o'bana tara'bizai kwoi drisi. 43 Ya guṛi se käkpuna nji'dinji'di njidrieri kpäkyi 'do orivoya gbikyi tiṛi lomvosi. Iza se ozane tori ro 'do o'bana tara'bizai kai drisi.
44 'Dooko nda ezi mate goko yasi si ya. Lau zoya ritu orivoya se käläsina cite goko yasi si ya, alona zami ŋgäṛiŋwadriro loto dereŋwa mä'dudrisi lomvo ago azana zami mä'dudriro loto dereŋwa ŋgäṛiŋgwadriro lomvo. 45 Mano ana ititate märi ekye zoya se kozamibe ŋgäṛiŋwadriro ana orivoya kohanii se kayibe ruindu Yekalu ya iyi ri. 46 Zoya se kozamibe mä'dudriro ana orivoya kohanii se kayibe ruindu vo tori oloro dri iyi ri. Ànya ni zelevo Zadoka ro yasi; ànya toto ni 'dise 'bakala Lewe ro lakosi se alebe ocine OPI kandra ruindune ndäri owo.
Goko Yasi si ndi Zo Yekalu robe
47 Mano ana ojo goko yasi si te, ago orivoya kadrakadra na 'butenji cukudribe su. Vo tori oloro orivoya mile Yekalu ro yasi. 48 'Dooko nda ugu mate ocivo zoya Yekalu ro roya. Nda ojo ocivo ana te; ocana orivoya kadrakadra na ritu kpäkyi ago käkpuna orivoya kadrakadra na njidrieri, tiṛii be se uŋgyina orivoya kadra na alodi kpäkyi lamadrina cini yasi. 49 Kotopa uturo cite ocivo zoya ana roya, se käkpuna orivoya kadrakadra na 'butealo ago ocana orivoya kadrakadra na njidrialo. Läŋgyiri orivoya ritu ba alo alo lamadri riti ocivo ro yasi.
RULOFO YEKALU TUSE MILEYA RO
Ugu Ezekiele te Yerusalema ya
1 U'du 'butealo imba roya, etovo ndroa rosi, ndroa 'buteritu fonji uru amaro vomidiro ya rosi, ago ndroa 'butealo fosu uru Yerusalema ro vosi. Tu modo ana si musu mbara a'do Opi ro lototi ana te, ago nda ŋgyi mate lozo. 2 Rulofo ana ya Lu ugu mate wari Yisaraele roya ago 'ba mate 'bereŋwa ogwaekye aza dri. Mile maro ya mandre zoi azaka te laba te oso 'bakici aza ronye. 3 Ondro nda kezi ma te lau oko mandre manoaza te se betina labate oso atala ronye. Nda ru iba ŋgaojoro ndi dofo ŋgaojoro be te drì ya ago edrevoya dereŋwa kala.
4 Mano ana atate märi ekye: “Ŋgwa lidri ro, mindrevo kadoro, nyeri ta liyaro ago mindre ŋgase cini mabe ka'dana miri ono kadoro, tana a'debe mi ezine noŋwa ono maka'da robe miri. Miri tase cini nyabe ondrena ono tana itine lidri Yisaraele ro ri.”
Dereŋwa 'buzelesi
5 Ŋgase mandrebe lau ana orivoya tiṛi yi orivoya gbikyi Yekalu lomvosi. Dofo ŋgaojoro se mano ana rigye ana ocana orivoya kadrakadra na nätu, ago ojo tiṛi se ana te. Ogwana orivoya kadrakadra na nätu ago uŋgyina kadrakadra na orivoya nätu. 6 'Dooko nda oyite dereŋwa se kozamibe 'buzele ana ya. Nda tute kuru kotopa uturona drisi, ago nda ojo ecivona ana te drî kurusi na yasi; ni kurusi le vuru orivoya kadrakadra na nätu. 7 Ago lävuvo aza orivoya ecivoya, se zoya vookwa robe nätu ba lamadrina yasi. Zoya se kai ba cuku be su su, lamadrina cini ba kadrakadra na nätu nätu, ago tiṛii se lakole ànyaro yasi iyi uŋgyina ba kadrakadra na ritu kpäkyi. Zoyai vookwaro ana kundusi lävuvo aza orivoya se ocana orivoya kadrakadra na nätu cigwo le zoya 'desi aza se kozamibe Yekalu driro ana ya. 8 'Dooko nda ojo zoya ono te, ago usute ocina orivoya kadrakadra na su. 9 Gämi sidri ädu dereŋwa se lototi Yekalu lomvo ana rote, ago sidri ädu na ya uŋgyi tiṛi na ro orivoya kadra alodi. 10 (Zoya vookwaro se kwoi ro orivoya lamadri ecivo zo ana ro yasi ba ojoojoro, ago tiṛi se lakole ànyaro yasi iyi uŋgyina ba ojoojoro.)
11 'Do vosi, mano ana ojo käkpu ecivo zo se dereŋwa ya ana rote. Vona cini orivoya kadrakadra na njidrialo kpäkyi, ago lakole dereŋwa se ana ro orivoya kadrakadra na nji. 12 Mile zoya vookwaro se cini kai ro yasi tiṛi aza orivoya dele vuru ogwana orivoya nji'dinji'di na 'butenji ago uŋgyina orivoya nji'dinji'di na 'butenji. (Zoya kai orivoya cukudri be ba su su ago ocana orivoya ba kadrakadra na nätu nätu.) 13 'Dooko nda ojo ozwa tiṛi tesisi zoya ana rote etoni alona ya le äziri na ya, ago ojobe orivoya kadrakadra na 'butealo foritu kpäkyi. 14 Zoya se sidri ädu na ya ana fote le goko ya. Nda ojo zoya se ana te ago usu käkpuna te kadrakadra na 'butealo. 15 Oca dereŋwa ro ni tiṛi se tesi si yasi le lama telesi zoya äduro ana roya odro'bebe voaloya cini orivoya kadrakadra na 'buteritu fonji. 16 Vouŋbo giṛiŋwa orivoya tiṛii se tesi si zoya kai ro yasi ago kpa tiṛii se yasi si zoya kai ro yasi. Uwurä ice itu rote tiṛii yasi si se kozamibe lävuvo dri ana lomvosi.
Goko tesisi
17 Mano se ana lofo mate le goko ya. Abe zoya te 'butenätu tiṛii tesi si lomvosi, ago mile ànyaro ya abe vo aza te lili kuni si, 18 se orivoya gbikyi goko lomvosi. Goko se tesisi ana orivoya delero pari ni goko yasi si ri.
19 Lävuvo orivoya vose kurusi ana yasi se cite le goko yasi si ya. Mano se ana ojo ozwa vo ro se lakole dereŋwai ritu roya ana te, ago ojobe orivoya kadrakadra na 'butenji.
Dereŋwa mä'dudrisi
20 'Dooko mano ana ugu mate mä'dudrisi, ago mandre dereŋwa se lamadri mä'dudrisi yasi ana te se kocibe le goko tesisi ya ana. Nda ojo ocana te ndi käkpu na be. 21 Zoya nätu se lamadri cini zo ana ro yasi, tiṛii se lakole ànyaro yasi, ndi zoya se 'desi ana be vona cini ojobe orivoya ojoojoro dereŋwa se käti ana be. Ocana odro'bebe cini orivoya kadrakadra na 'buteritu fonji ago käkpu na orivoya kadrakadra na 'butealo foritu kpäkyi. 22 Zoya 'desi ecivoya piṛii, ndi ice itu ro se uwuräbe ana be a'dote oso se dereŋwa 'buzelesi ya ana ronye. Noŋwa ono kotopa uturo dereŋwa dri cini orivoya njidrieri, ago zoya 'desi ecivoya orivoya äduro zamite goko driro. 23 Miäwuvo dereŋwa se mä'dudrisi ana roya lävuvo aza orivoya se ka oci goko yasi si ya, kpa oso ka'dobe lamadri 'buzelesi yasi ronye. Mano se ana ojo ozwa lakole dereŋwai ritu kwoi roya ana te, ago orivoya kadrakadra na 'butenji.
Dereŋwa ŋgäṛiŋwadrisi
24 'Do vosi, mano ana ugu mate lama telesi ŋgäṛiŋwadrisi ya, ago mandre dereŋwa aza te lau. Nda ojo tiṛi yasi si nate ndi zoya 'desi ecivoya na rota, ago a'dote ojoojoro oso azaka ronye. 25 Piṛii orivoya zoya lävuvo se ono ro yasi kpa oso se azakana yasi ronye. Oca lävuvo ro odro'bebe ojobe orivoya kadrakadra na 'buteritu fonji, ago käkpuna orivoya kadrakadra na 'butealo foritu kpäkyi. 26 Kotopa uturo kuru kigye orivoya njidrieri, ago zoya 'desi ecivoya kpa orivoya äduro se zamite goko driro. Uwurä ice itu rote tiṛii yasi si se kozamibe lävuvo driro ana lomvosi. 27 Noŋwa ono, lävuvo kpa orivoya za mi ŋgäṛiŋwadriro, se ka oci goko yasi si ya. Mano ana ojo ozwana se dereŋwa ṛiri ya ana te, ago orivoya kadrakadra na 'butenji.
Goko Yasi si: Dereŋwa ŋgäṛiŋwadrisi
28 Mano ana ugu mate dereŋwa se ŋgäṛiŋwadrisi ana yasi le goko yasi si ya. Nda ojo lävuvo ana te, ago orivoya ojojoro oso dereŋwa se tiṛi tesisi ya ana ronye. 29 Zoya na se lamadri yasi iyi, zoya na se 'desi ecivoya 'do, ndi tiṛi nai se yasi si iyibe ojo kpa rere se lävuvo azaka yasi iyi be. Piṛii kpa orivoya zoya se cini lävuvo ono ya iyi yasi. 30 Ocana odro'bebe ojobe cini orivoya kadrakadra na 'buteritu fonji ago käkpuna orivoya kadrakadra na 'butealo foritu kpäkyi. 31 Zoya 'desi ecivoya na zamite goko tesisi driro, ago uwurä ice itu rote tiṛii zo ana ro lomvosi. Kotopa uturo kuru dereŋwa ana dri orivoya njidriena.
Goko Yasi si: Dereŋwa 'buzelesi
32 Mano ana ugu mate dereŋwa 'buzelesi yasi le goko yasi si ya. Nda ojo lävuvo ana te, ago ojobe orivoya ojoojoro azakana be. 33 Zoya nai se lamadri yasi iyi, ndi zoya 'desi ecivoya na be, ndi tiṛi yasi si nai be ojobe orivoya ojoojoro lävuvo azakana be. Piṛii orivoya gbikyi kigyesi, ago kpa zoya 'desi yasi. Ocana ojobe vona cini orivoya kadrakadra na 'buteritu fonji ago käkpuna orivoya kadrakadra na 'butealo foritu kpäkyi. 34 Zoya 'desi ecivoya na zamite goko driro. Uwurä ice itu rote tiṛii zo ana ro lomvosi. Kotopa uturo kuru dereŋwa ono ro orivoya njidriena.
Goko Yasi si: Dereŋwa mä'dudrisi
35 'Dooko mano ana ugu mate dereŋwa mä'dudrisi ya. Nda ojote, ago ojobe orivoya ojoojoro azakana be. 36 Zoya nai se lamadri yasi iyi ndi zoya 'desi ecivoya na be ndi tiṛi yasi si nai be ojobe orivoya ojoojoro lävuvo azakana be. Piṛii orivoya gbikyi kigyesi, ago kpa zoya 'desi ecivoya yasi. Ocana ojobe cini orivoya kadrakadra na 'buteritu foritu kpäkyi. 37 Zoya 'desi ecivoya na zamite goko driro. Uwurä ice itu rote tiṛii zo ana ro lomvosi. Kotopa uturo kuru dereŋwa ono ro orivoya njidriena.
Zoi se Loto Dereŋwa Mä'dudrisi Lomvosi
38 Zoya aza orivoya se käläsi na fote le zoya 'desi ecivoya se kozamibe goko driro ana ya, ago ànya kayi iza koronya se alobe tori ro ozane 'do ro ojana lau. 39 Zoya 'desi ono ya tara'bizai orivoya su, ba ritu ritu lamadri zoya ana ro yasi. Ànya kayi koronyai se ozane tori ro iyi ufuna tara'bizai se kwoi dri, kode ŋgapäṛi ozaro ro kode olone ŋgapäṛi ta takozi rota ro kode ŋgapäṛi taenji ro ro. 40 Tara'bizai su oso iyi ronye kpa orivoya zoya 'desi ecivoya ana lomvo tesisi, ba ritu ritu lamadri riti ecivo dereŋwa mä'dudrisi ro yasi. 41 Tara'bizai cini orivoya njidriena se abe koronyai se oloro tori ro ufuna driigyesi: su yasi si ago su tesisi goko ro ya. 42 Tara'bizai su se zo ya ana ede kuni yi, ŋgapäṛi ozaro edeza driigyesi. Ogwa ànyaro orivoya nji'dinji'di na 'butenji, ago drî kpäräkälä ànyaro se cukube su ana orivoya nji'dinji'di na 'butenjidrieri fonji. Lakazà se cini abe koronyai se oloro tori ro ufuna sina iyi o'bana tara'bizai kwoi drisi. 43 Ya guṛi se käkpuna nji'dinji'di njidrieri kpäkyi 'do orivoya gbikyi tiṛi lomvosi. Iza se ozane tori ro 'do o'bana tara'bizai kai drisi.
44 'Dooko nda ezi mate goko yasi si ya. Lau zoya ritu orivoya se käläsina cite goko yasi si ya, alona zami ŋgäṛiŋwadriro loto dereŋwa mä'dudrisi lomvo ago azana zami mä'dudriro loto dereŋwa ŋgäṛiŋgwadriro lomvo. 45 Mano ana ititate märi ekye zoya se kozamibe ŋgäṛiŋwadriro ana orivoya kohanii se kayibe ruindu Yekalu ya iyi ri. 46 Zoya se kozamibe mä'dudriro ana orivoya kohanii se kayibe ruindu vo tori oloro dri iyi ri. Ànya ni zelevo Zadoka ro yasi; ànya toto ni 'dise 'bakala Lewe ro lakosi se alebe ocine OPI kandra ruindune ndäri owo.
Goko Yasi si ndi Zo Yekalu robe
47 Mano ana ojo goko yasi si te, ago orivoya kadrakadra na 'butenji cukudribe su. Vo tori oloro orivoya mile Yekalu ro yasi. 48 'Dooko nda ugu mate ocivo zoya Yekalu ro roya. Nda ojo ocivo ana te; ocana orivoya kadrakadra na ritu kpäkyi ago käkpuna orivoya kadrakadra na njidrieri, tiṛii be se uŋgyina orivoya kadra na alodi kpäkyi lamadrina cini yasi. 49 Kotopa uturo cite ocivo zoya ana roya, se käkpuna orivoya kadrakadra na 'butealo ago ocana orivoya kadrakadra na njidrialo. Läŋgyiri orivoya ritu ba alo alo lamadri riti ocivo ro yasi.