Vo Ŋga ŋgutruro Ozaro
(Ofo 37:25-28)1 “Nyede vo ŋga ŋgutruro ozaro ni ice weri ro yasi. 2 Ocana ri a'done nji'dinji'di 'butealo fonjidriena, ago käkpuna ri a'done nji'dinji'di 'butealo fonjidriena, gwoṛi na ri a'done cukudri be su, ogwana ri a'done nji'dinji'di 'butenätu fonjidrialo, ago lusi nai a'done ŋga aloro sina. 3 Mindru drina logo läguläguro wäṛiro si, ndi lamadrina yibe ago mi'bi lusii nai lomvo na gbikyi logo läguläguro si. 4 Nyede katiŋwa ritu läguläguro uŋgyina ro, minju miäwuäwuro lamadri ritu iyi yasi tana ànya kätiyi ice caricariro uŋgyina ro 'do robe. 5 Nyede ice caricari iyi ni ice weri ro yasi, ago mi'bi lomvo ànyaro logo läguläguro si. 6 Mi'ba vo tori oloro ono mile boŋgo se ayibe tesi Sänduku Tao'baro resi 'do roya, 'doni vose ma'bena dri 'da mibe kigye owo. 7 Arona ri ŋga ŋgutruro tägyi ndeṛindeṛiro be ozane driigye kyenoŋbo cini si, ondro nda kate lambai ede owo, 8 ago ondro Arona kate lamba leru tandrolesi oko, ndäri ŋga ŋgutruro ozane OPI kandra rriro le kovole'bai amiro ya. 9 Miza ŋga ŋgutruro undiro ko driigye, ca ŋgapäṛi ozaro ca ŋgapäṛi inya ro, ago mida ŋgapäṛi undiro vino ro ko driigye. 10 Arona ri vo tori olo ro wäṛine perena alo ndroa alo ya kari koronya se alobe ta takozi rota 'do o'ba si lusi su iyi drisi. Ta ono oyene inye ndroa cini si le kovole'bai amiro ya. Vo tori oloro ono a'done alokado para ndra ma OPI ri.”
Parata Osa ta Mutuguṛi A'do Lototi OPI ro rota
11 OPI atate Musa ri ekye: 12 “Ondro nyate lidri Yisaraele ro otina oko, mano alo ri ŋga drî andivo ndaro utwero ozone märi, ukyi nyate ànya oti oko taezaro ikyi'da ànya dri. 13 'Dise atite beṛo ndäri telesi sekele ro ozone oso sekele vo alo kado ro ronye tana sekele alo orivoya gera 'buteritu telesi sekele ro ozone ŋgapäṛi ro ma Opi ri. 14 'Dise cini atite, etoni ndroa 'buteritu ya ago oyigwo mileya ro beṛo ndäri ŋgapäṛi Opi ro ozone. 15 Ŋga amba'ba ri ko ozone ndra ni telesi sekele ro drisi, ŋgaako'ba ri ca ko ozone pari, ondro ànya kayite ŋgapäṛi drî ànyaro utwero ozona owo. 16 Nyokoto parata driutwe ro ono ni lidri Yisaraele ro rigyesi, ago miye losi sina ta Mutuguṛi a'do lototi maro rota, parata ono a'done drî ànyaro utwero, ago mayina ta ànya gaga ro 'da.”
Kagyi Atala ro
17 OPI atate Musa ri ekye: 18 “Nyede kagyi atala ro, ndi jope na atala robe, ŋga ojaro. Mi'ba lakole Mutuguṛi a'do lototi maro ro ndi vo tori oloro be ya, ago miso gyi kigye, 19 Arona ndi ŋgwàagoro ndaro be ri drì ànyaro ojane sina ndi pa ànyaro be, 20 teinye ànyari oyiako Mutuguṛi a'do maro lototi ro ya kode ikyi ako lototi vo tori oloro lomvo ŋgapäṛi ŋgaonya ro ozane, be ànyari drì anyaro ojane gyi si ukyi ànya odra 'da. 21 Beṛo ànyari drì ànyaro ndi pa ànyaro be ojane, ukyi ànya odra 'da. Ono orivoya ota yi ànyari ndi zelevoi ànyaro be se ätine rriro.”
Ido 'Diäṛu ro
22 OPI atate Musa ri ekye: 23 “Miru ŋgaŋgutru ndi mure alaalaro be sekele kama nji (500), ago ce tägyi ndeṛindeṛiro ŋgala'di ro kama ritu 'butenji (250), ago käyi tägyi be kama ritu 'butenji (250), 24 kasia kama nji (500) oso sekele vo alokado ro ronye, ago ido ice ido ro ro dooŋwa na alo, 25 nyede ido dro'bedro'bero alokado 'diäṛu ro ni kigyesi tägyina ka'do ndeṛiekye. 26 Nyäṛu Mutuguṛi a'do lototi maro ro sina ndi Sänduku Tao'baro be, 27 ndi tara'biza na be ndi lakazà cini losi na robe, ŋga lamba edrero ndi lakazà losi na robe, ndi vo ŋga ŋgutruro ozaro be, 28 vo tori oloro ŋgapäṛi ozaro ro ndi lakazà cini losi na robe, ago kagyi ndi jope na be, 29 midi ànya to alokado ro, tana ànya ka'do robe kpeye alokado ro; ŋga aza se kabe ànya odo ayena ndi koziro a'do alokado na rosi. 30 Nyäṛu Arona ndi ŋgwàagoro ndaro be, ago midi ànya to alokado ro, tana ànya kinduru robe märi kohanii ro. 31 Nyata lidri Yisaraele ro ri mikye: ‘Ono ido alokado maro 'diäṛu ro tu kabe ikyi mileya 'do ya. 32 Beṛo ko odane lidri etero dri, ago ko ämiri azana edene oso 'do ronye, tana orivoya alokado, beṛo ämiri oyene alokado. 33 'Dise kede azana te oso 'do ronye ago koda te lidri se ko kohani ro dri, nda ondrene lidri maro ro te i'do alona.’ ”
Ŋga tägyi ŋgutruro
34 OPI atate Musa ri ekye: “Miru ŋga ŋgutruro kwoi, setakete, onika, galebanuma ndi kiswe tägyi ndeṛiekye be (vona cini ba ojoojoro). 35 Nyede ŋga tägyi be tasatasaro ndeṛindeṛiro ociociro täyi be wäṛiro ago alokado; 36 ago miyi rukäna 'boloto ro ago nyologyi azana mile Sänduku Tao'baro Mutuguṛi a'do lototi maro roya, miye ànya kpeye alokado ro. 37 Ko ämiri ŋga tägyi ŋgutruro edene andivo amiro ri liti alo ono yasi; oko ämiri o'bane a'done alokado ro ma Opi ri. 38 'Dise aza kede ŋga ŋgutruro te oso inye beṛo 'dina 'do onane tesi ni lidri maro lako.”
Vo Ŋga ŋgutruro Ozaro
(Ofo 37:25-28)1 “Nyede vo ŋga ŋgutruro ozaro ni ice weri ro yasi. 2 Ocana ri a'done nji'dinji'di 'butealo fonjidriena, ago käkpuna ri a'done nji'dinji'di 'butealo fonjidriena, gwoṛi na ri a'done cukudri be su, ogwana ri a'done nji'dinji'di 'butenätu fonjidrialo, ago lusi nai a'done ŋga aloro sina. 3 Mindru drina logo läguläguro wäṛiro si, ndi lamadrina yibe ago mi'bi lusii nai lomvo na gbikyi logo läguläguro si. 4 Nyede katiŋwa ritu läguläguro uŋgyina ro, minju miäwuäwuro lamadri ritu iyi yasi tana ànya kätiyi ice caricariro uŋgyina ro 'do robe. 5 Nyede ice caricari iyi ni ice weri ro yasi, ago mi'bi lomvo ànyaro logo läguläguro si. 6 Mi'ba vo tori oloro ono mile boŋgo se ayibe tesi Sänduku Tao'baro resi 'do roya, 'doni vose ma'bena dri 'da mibe kigye owo. 7 Arona ri ŋga ŋgutruro tägyi ndeṛindeṛiro be ozane driigye kyenoŋbo cini si, ondro nda kate lambai ede owo, 8 ago ondro Arona kate lamba leru tandrolesi oko, ndäri ŋga ŋgutruro ozane OPI kandra rriro le kovole'bai amiro ya. 9 Miza ŋga ŋgutruro undiro ko driigye, ca ŋgapäṛi ozaro ca ŋgapäṛi inya ro, ago mida ŋgapäṛi undiro vino ro ko driigye. 10 Arona ri vo tori olo ro wäṛine perena alo ndroa alo ya kari koronya se alobe ta takozi rota 'do o'ba si lusi su iyi drisi. Ta ono oyene inye ndroa cini si le kovole'bai amiro ya. Vo tori oloro ono a'done alokado para ndra ma OPI ri.”
Parata Osa ta Mutuguṛi A'do Lototi OPI ro rota
11 OPI atate Musa ri ekye: 12 “Ondro nyate lidri Yisaraele ro otina oko, mano alo ri ŋga drî andivo ndaro utwero ozone märi, ukyi nyate ànya oti oko taezaro ikyi'da ànya dri. 13 'Dise atite beṛo ndäri telesi sekele ro ozone oso sekele vo alo kado ro ronye tana sekele alo orivoya gera 'buteritu telesi sekele ro ozone ŋgapäṛi ro ma Opi ri. 14 'Dise cini atite, etoni ndroa 'buteritu ya ago oyigwo mileya ro beṛo ndäri ŋgapäṛi Opi ro ozone. 15 Ŋga amba'ba ri ko ozone ndra ni telesi sekele ro drisi, ŋgaako'ba ri ca ko ozone pari, ondro ànya kayite ŋgapäṛi drî ànyaro utwero ozona owo. 16 Nyokoto parata driutwe ro ono ni lidri Yisaraele ro rigyesi, ago miye losi sina ta Mutuguṛi a'do lototi maro rota, parata ono a'done drî ànyaro utwero, ago mayina ta ànya gaga ro 'da.”
Kagyi Atala ro
17 OPI atate Musa ri ekye: 18 “Nyede kagyi atala ro, ndi jope na atala robe, ŋga ojaro. Mi'ba lakole Mutuguṛi a'do lototi maro ro ndi vo tori oloro be ya, ago miso gyi kigye, 19 Arona ndi ŋgwàagoro ndaro be ri drì ànyaro ojane sina ndi pa ànyaro be, 20 teinye ànyari oyiako Mutuguṛi a'do maro lototi ro ya kode ikyi ako lototi vo tori oloro lomvo ŋgapäṛi ŋgaonya ro ozane, be ànyari drì anyaro ojane gyi si ukyi ànya odra 'da. 21 Beṛo ànyari drì ànyaro ndi pa ànyaro be ojane, ukyi ànya odra 'da. Ono orivoya ota yi ànyari ndi zelevoi ànyaro be se ätine rriro.”
Ido 'Diäṛu ro
22 OPI atate Musa ri ekye: 23 “Miru ŋgaŋgutru ndi mure alaalaro be sekele kama nji (500), ago ce tägyi ndeṛindeṛiro ŋgala'di ro kama ritu 'butenji (250), ago käyi tägyi be kama ritu 'butenji (250), 24 kasia kama nji (500) oso sekele vo alokado ro ronye, ago ido ice ido ro ro dooŋwa na alo, 25 nyede ido dro'bedro'bero alokado 'diäṛu ro ni kigyesi tägyina ka'do ndeṛiekye. 26 Nyäṛu Mutuguṛi a'do lototi maro ro sina ndi Sänduku Tao'baro be, 27 ndi tara'biza na be ndi lakazà cini losi na robe, ŋga lamba edrero ndi lakazà losi na robe, ndi vo ŋga ŋgutruro ozaro be, 28 vo tori oloro ŋgapäṛi ozaro ro ndi lakazà cini losi na robe, ago kagyi ndi jope na be, 29 midi ànya to alokado ro, tana ànya ka'do robe kpeye alokado ro; ŋga aza se kabe ànya odo ayena ndi koziro a'do alokado na rosi. 30 Nyäṛu Arona ndi ŋgwàagoro ndaro be, ago midi ànya to alokado ro, tana ànya kinduru robe märi kohanii ro. 31 Nyata lidri Yisaraele ro ri mikye: ‘Ono ido alokado maro 'diäṛu ro tu kabe ikyi mileya 'do ya. 32 Beṛo ko odane lidri etero dri, ago ko ämiri azana edene oso 'do ronye, tana orivoya alokado, beṛo ämiri oyene alokado. 33 'Dise kede azana te oso 'do ronye ago koda te lidri se ko kohani ro dri, nda ondrene lidri maro ro te i'do alona.’ ”
Ŋga tägyi ŋgutruro
34 OPI atate Musa ri ekye: “Miru ŋga ŋgutruro kwoi, setakete, onika, galebanuma ndi kiswe tägyi ndeṛiekye be (vona cini ba ojoojoro). 35 Nyede ŋga tägyi be tasatasaro ndeṛindeṛiro ociociro täyi be wäṛiro ago alokado; 36 ago miyi rukäna 'boloto ro ago nyologyi azana mile Sänduku Tao'baro Mutuguṛi a'do lototi maro roya, miye ànya kpeye alokado ro. 37 Ko ämiri ŋga tägyi ŋgutruro edene andivo amiro ri liti alo ono yasi; oko ämiri o'bane a'done alokado ro ma Opi ri. 38 'Dise aza kede ŋga ŋgutruro te oso inye beṛo 'dina 'do onane tesi ni lidri maro lako.”