Yudai Tufuyi Kyila'baazii Ànyaro te
1 U'du 'butealo fonätu imba 'butealo foritu se ni imba Adara rosi, u'du segi oyebe ota 'bädri'ba ro oyene sina 'do si, se kpa ni u'du se kyila'baazii Yudai ro korayibe ikyizana sina ànya dri 'do owo. Oko u'du 'do go zaru ro u'du se Yudai ri ikyizana kyila'baazii ànyaro dri ro. 2 Yudai otoyikalate bakici cini ànyaro yasi wari cini 'Bädri'ba Asuerosa ro ro yasi kyila'baazii se cini koleyibe ànya oyene koziro kai gotane. 'Dialo aza ni kote edrene ànya mi, tana turi ànyaro so lidri cini te. 3 Dri'bai losi ro cini wari ro, 'desii, wari'ba ndi 'dise 'desii ro vo 'bädri'ba roya be payi Yudai kpate, tana turi Moredekai ro so ànya te. 4 Tana Moredekai te orivoya 'desiro zo'desi miriro 'bädri'ba roya, ago liku ndaro larirute wari cini yasi; ago mbara ndaro ugu a'dote para ndra. 5 Ta'dota Yudai gotayi kyila'baazii ànyaro te bando si, toloyi ànya te ago tufuyi ànya te, Yudai yeyi ta te lidri se yana kosobe ànya lomvo kai ri oso se ànya koleyibe ronye.
6 'Bakici 'desi Susa andivona ya, Yudai tufuyi lidri te kama nji (500). 7 Ànya tufuyi Paresanedata, Dalefona, Asepata, 8 Porata, Adalia, Aridata, 9 Paremaseta, Arisai, Aridai, Vaizata, 10 ŋgwàagoro 'butealo Amana ŋgwa Amedata kyila'baazi Yudai ro ro kpate ànya lako; oko ànya topayi ŋga ànyaro kote.
11 Ago 'bu'dä tu gi ana si iti ta lidri se utufube 'bakici 'desi Susa ya ana tana te 'bädri'ba ri. 12 Ago 'bädri'ba atate toko 'bädri'ba ro Esetera ri ekye: “'Bakici 'desi Susa ya Yudai tufu lidri te kama nji (500) ago äfu ŋgwàagoro 'butealo Amana ro kpate. 'Do kpa tase ànya koyeyibe anjoko warii 'bädri'ba ro yasi owo! Yauono ŋgase milebe e'diya? Ozona ndi miri. Taeji miro ndrana e'di ya? Ayena ndi.”
13 Esetera zatadrite ekye: “Ondro ka'do tana kusi mi 'bädri'ba gindi, ondo 'do mi'ba ta Yudai se koriyibe Susa ya ri kpa taoyene ondo oso ozo ta be ànyari oyene ondro ono ronye. Ago mi'ba ayi ŋwàagoro 'butealo Amana ro ice dri.” 14 Ta'doro 'bädri'ba ozo tate ta se ono oyene oso inye, ozo ota te Susa ya, ago ayi avoi ŋgwàagoro 'butealo Amana ro te ice dri. 15 Yudai se Susa ya go otoyikala kpate voaloya u'du 'butealo fosu imba Adara rosi ago tufuyi lidri te Susa ya kama nätu (300) oko ànya topayi ŋga ànyaro kote.
16 Yudai azaka se wari cini yasi otoyikala kpate andivo ànyaro gagane, ago 'bayi andivo ànyaro te dritai ro ni kyila'baazii ànyaro risi ago tufuyi lidri kutu 'butenjidrieri fonji (75,000) te; oko ànya topayi ŋga ànyaro kote. 17 Tase ono a'dote u'du 'butealo fonätu imba Adara rosi, ago u'du 'butealo fosu si oko ànya loliyi te ago 'bayi tu gi ana te karama riyä oyero ro. 18 Oko Yudai se Susa ya otoyi kala te u'du 'butealo fonätu si ago u'du 'butealo fosu si, ago u'du 'butealo fonji si oko ànya loliyite ago 'bayi u'du 'butealo fonji ono te u'du karama ro ago riyä ro. 19 Tana ta'doro Yudai se 'baŋwai yasi se kayibe ori 'ba giṛiŋwà tesi si yasi, 'bayi u'du 'butealo fosu imba Adara rote tu riyä ro, karama ro ago loli ro, tuse ànya kayi ŋgaonya ozobe sina azi ri owo.
Vodo Karama se Äzibe Purima ana ro
20 Moredekai egyi tase ka'dobe kwoi te, ago zo waraga te Yudai cini se loto ago lozo wari cini 'bädri'ba Asuerosa ro yasi ana ri, 21 ta itine ànyari u'du 'butealo fosu imba Adara ro ro ndi 'butealo fonjina be ätine loliza ndroa ro ndroa ro. 22 Kwoi ni tuse Yudai kopayivobe ni kyila'baazii ànyaro rigyesi sina owo, ono ni imba se toza tusu ànyaro be riyä ro owo ago liyi ànyaro be loli ro owo. Ànyari tu kwoi ätine tu karama ro ro ago tu riyä ro ro, ago tu ugu ŋgaonya ozoro azi ri ndi ŋgapäṛi be ro. 23 Ndi Yudai ruyi ta se ono te ugu oyene 'duro oso se Moredekai kegyibe ànyari ronye.
24 Amana Agaga'ba ŋgwa Amedata ro, kyila'baazi lidri Yudai ro ro äyitate Yudai lomvo ànya tufune, ago vo vodo te se äzite Purima ànya tufuza kyiti. 25 Oko Esetera oyite 'bädri'ba re, ago 'bädri'ba ozo ota te taegyi si anjioko takozi ndaro se nda käyi ta be Yudai lomvo 'do beṛo orine modo ndaro dri, beṛo nda ndi ŋgwàagoro ndaro be oyine ice dri. 26 Tana ta'doro ànya ziyi u'du loli ro iyi te Purima, takaci ävuru ono ro anjioko Vodo. Tana tase cini Moredekai kegyibe waraga ana ya ana, tase ànya kiŋgyibe ndi tase ka'dobe ànyari ana rota. 27 Yudai diyi tu ono te ago 'bayi tana te ota ro andivo ànyaro ri ndi zelevoi ànyaro be ndi 'dise cini kocibe ànya lako be, ànyari u'du ritu kwoi ätine oso egyibe ronye ago oyene ndroa ro ndroa ro, u'duna gyi aka'dabe 'do si. 28 U'du kwoi tana oyine ago ätine rriro kovole'bai cini ri, katidri cini Yudai ro yasi, wari cini yasi, ago 'bakici cini yasi ago beṛo ko u'du Purima ro koi tana ijene ni Yudai lakosi ago kpa ko taoyina e'bene zelevoi ànyaro ri.
29 'Dooko Esetera toko 'bädri'ba ro ŋguti Abihaila ro tro Moredekai se Yuda ro ana be egyiyi waraga ṛiri kpate drikaca si ta Purima rota. 30 Azo waraga te Yudai cini ri warii kama alo 'buteritu fonjidrieri (127) miri Asuerosa ro yasi ta taliatokpe rota ndi taŋgye be, 31 ekye u'du gyi Purima ro kwoi ätine tuna se aka'dabe oyene si. Moredekai ndi toko 'bädri'ba ro Esetera be 'bayi ota ono te Yudai ri oso ànya korayibe andivo ànya ro ri ndi zelevoi ànyaro be ri ronye ta akpa rota ndi lu'be be. 32 Ota se Esetera korabe oyene ta Purima rota ono, egyi tana te egyiegyi ro.
Yudai Tufuyi Kyila'baazii Ànyaro te
1 U'du 'butealo fonätu imba 'butealo foritu se ni imba Adara rosi, u'du segi oyebe ota 'bädri'ba ro oyene sina 'do si, se kpa ni u'du se kyila'baazii Yudai ro korayibe ikyizana sina ànya dri 'do owo. Oko u'du 'do go zaru ro u'du se Yudai ri ikyizana kyila'baazii ànyaro dri ro. 2 Yudai otoyikalate bakici cini ànyaro yasi wari cini 'Bädri'ba Asuerosa ro ro yasi kyila'baazii se cini koleyibe ànya oyene koziro kai gotane. 'Dialo aza ni kote edrene ànya mi, tana turi ànyaro so lidri cini te. 3 Dri'bai losi ro cini wari ro, 'desii, wari'ba ndi 'dise 'desii ro vo 'bädri'ba roya be payi Yudai kpate, tana turi Moredekai ro so ànya te. 4 Tana Moredekai te orivoya 'desiro zo'desi miriro 'bädri'ba roya, ago liku ndaro larirute wari cini yasi; ago mbara ndaro ugu a'dote para ndra. 5 Ta'dota Yudai gotayi kyila'baazii ànyaro te bando si, toloyi ànya te ago tufuyi ànya te, Yudai yeyi ta te lidri se yana kosobe ànya lomvo kai ri oso se ànya koleyibe ronye.
6 'Bakici 'desi Susa andivona ya, Yudai tufuyi lidri te kama nji (500). 7 Ànya tufuyi Paresanedata, Dalefona, Asepata, 8 Porata, Adalia, Aridata, 9 Paremaseta, Arisai, Aridai, Vaizata, 10 ŋgwàagoro 'butealo Amana ŋgwa Amedata kyila'baazi Yudai ro ro kpate ànya lako; oko ànya topayi ŋga ànyaro kote.
11 Ago 'bu'dä tu gi ana si iti ta lidri se utufube 'bakici 'desi Susa ya ana tana te 'bädri'ba ri. 12 Ago 'bädri'ba atate toko 'bädri'ba ro Esetera ri ekye: “'Bakici 'desi Susa ya Yudai tufu lidri te kama nji (500) ago äfu ŋgwàagoro 'butealo Amana ro kpate. 'Do kpa tase ànya koyeyibe anjoko warii 'bädri'ba ro yasi owo! Yauono ŋgase milebe e'diya? Ozona ndi miri. Taeji miro ndrana e'di ya? Ayena ndi.”
13 Esetera zatadrite ekye: “Ondro ka'do tana kusi mi 'bädri'ba gindi, ondo 'do mi'ba ta Yudai se koriyibe Susa ya ri kpa taoyene ondo oso ozo ta be ànyari oyene ondro ono ronye. Ago mi'ba ayi ŋwàagoro 'butealo Amana ro ice dri.” 14 Ta'doro 'bädri'ba ozo tate ta se ono oyene oso inye, ozo ota te Susa ya, ago ayi avoi ŋgwàagoro 'butealo Amana ro te ice dri. 15 Yudai se Susa ya go otoyikala kpate voaloya u'du 'butealo fosu imba Adara rosi ago tufuyi lidri te Susa ya kama nätu (300) oko ànya topayi ŋga ànyaro kote.
16 Yudai azaka se wari cini yasi otoyikala kpate andivo ànyaro gagane, ago 'bayi andivo ànyaro te dritai ro ni kyila'baazii ànyaro risi ago tufuyi lidri kutu 'butenjidrieri fonji (75,000) te; oko ànya topayi ŋga ànyaro kote. 17 Tase ono a'dote u'du 'butealo fonätu imba Adara rosi, ago u'du 'butealo fosu si oko ànya loliyi te ago 'bayi tu gi ana te karama riyä oyero ro. 18 Oko Yudai se Susa ya otoyi kala te u'du 'butealo fonätu si ago u'du 'butealo fosu si, ago u'du 'butealo fonji si oko ànya loliyite ago 'bayi u'du 'butealo fonji ono te u'du karama ro ago riyä ro. 19 Tana ta'doro Yudai se 'baŋwai yasi se kayibe ori 'ba giṛiŋwà tesi si yasi, 'bayi u'du 'butealo fosu imba Adara rote tu riyä ro, karama ro ago loli ro, tuse ànya kayi ŋgaonya ozobe sina azi ri owo.
Vodo Karama se Äzibe Purima ana ro
20 Moredekai egyi tase ka'dobe kwoi te, ago zo waraga te Yudai cini se loto ago lozo wari cini 'bädri'ba Asuerosa ro yasi ana ri, 21 ta itine ànyari u'du 'butealo fosu imba Adara ro ro ndi 'butealo fonjina be ätine loliza ndroa ro ndroa ro. 22 Kwoi ni tuse Yudai kopayivobe ni kyila'baazii ànyaro rigyesi sina owo, ono ni imba se toza tusu ànyaro be riyä ro owo ago liyi ànyaro be loli ro owo. Ànyari tu kwoi ätine tu karama ro ro ago tu riyä ro ro, ago tu ugu ŋgaonya ozoro azi ri ndi ŋgapäṛi be ro. 23 Ndi Yudai ruyi ta se ono te ugu oyene 'duro oso se Moredekai kegyibe ànyari ronye.
24 Amana Agaga'ba ŋgwa Amedata ro, kyila'baazi lidri Yudai ro ro äyitate Yudai lomvo ànya tufune, ago vo vodo te se äzite Purima ànya tufuza kyiti. 25 Oko Esetera oyite 'bädri'ba re, ago 'bädri'ba ozo ota te taegyi si anjioko takozi ndaro se nda käyi ta be Yudai lomvo 'do beṛo orine modo ndaro dri, beṛo nda ndi ŋgwàagoro ndaro be oyine ice dri. 26 Tana ta'doro ànya ziyi u'du loli ro iyi te Purima, takaci ävuru ono ro anjioko Vodo. Tana tase cini Moredekai kegyibe waraga ana ya ana, tase ànya kiŋgyibe ndi tase ka'dobe ànyari ana rota. 27 Yudai diyi tu ono te ago 'bayi tana te ota ro andivo ànyaro ri ndi zelevoi ànyaro be ndi 'dise cini kocibe ànya lako be, ànyari u'du ritu kwoi ätine oso egyibe ronye ago oyene ndroa ro ndroa ro, u'duna gyi aka'dabe 'do si. 28 U'du kwoi tana oyine ago ätine rriro kovole'bai cini ri, katidri cini Yudai ro yasi, wari cini yasi, ago 'bakici cini yasi ago beṛo ko u'du Purima ro koi tana ijene ni Yudai lakosi ago kpa ko taoyina e'bene zelevoi ànyaro ri.
29 'Dooko Esetera toko 'bädri'ba ro ŋguti Abihaila ro tro Moredekai se Yuda ro ana be egyiyi waraga ṛiri kpate drikaca si ta Purima rota. 30 Azo waraga te Yudai cini ri warii kama alo 'buteritu fonjidrieri (127) miri Asuerosa ro yasi ta taliatokpe rota ndi taŋgye be, 31 ekye u'du gyi Purima ro kwoi ätine tuna se aka'dabe oyene si. Moredekai ndi toko 'bädri'ba ro Esetera be 'bayi ota ono te Yudai ri oso ànya korayibe andivo ànya ro ri ndi zelevoi ànyaro be ri ronye ta akpa rota ndi lu'be be. 32 Ota se Esetera korabe oyene ta Purima rota ono, egyi tana te egyiegyi ro.