'Bakicii Ruopa ro
(Oti 35:9-28Yosua 20:1-9)1 “Ondro OPI Lu amiro kepere tu'dei se nda kabe wari na ozona ämiri ana te, ago miru te ago nyàte ori 'bakicii ndi zoi ànyaro be yasi oko, 2 be ämiri 'bakici nätu odine wari se OPI Lu amiro kabe ozona ämiri 'do ya. 3 Nyède liti kigyesi, ago nyòlonyi ya wari se OPI Lu amiro kabe ozona ämiri 'do ro nätu, tana mano se kufu 'diaza te 'do kumu robe ruopane alona aza ya. 4 Ondro ka'do manoaza kufu 'diaza te drilapa si se kyenona ko kyila'baazi ndaro, nda kumu alo aza 'bakicii kwoi roya kopa yi robe londro ro. 5 Taka'dana ro, ondro ka'do 'diaza koyi gwo oriazi ndaro be vocowa ya ice ogane, ago ondro nda ka ce oga oko, koloŋwa keci kelepi gwo ni drî na yasi ago koga azi ndaro gwo ṛi, nda unina ndi umune alo aza 'bakicii kwoi roya nda kopa adri ndaro robe. 6 Tana ondro ka'do 'bakici na iyi kozwa gwo ndra, 'dooko 'didiri 'dise äfube 'do ro se kolebe vo taro logone 'do onjana 'diufu'ba gwo ago ni yaoso ri ufuna nda gwo. Oko se nda fu 'di 'do drilapa si ago ko kyila'baazi ndaro. 7 'Do ni tase mabe ami ota 'bakicii nätu odine to owo.
8 “Ondro OPI Lu amiro kafo kishwe amiro te bäräŋgälä, oso se nda kiti tana be zutui amiro ri ronye, ago kozo wari se cini nda ko'ba tana be zutui amiro ri te oko, 9 Ka'do ondro mìro ota ndaro se mata ami be sina ondro ono te Opi Lu amiro luna si ago orona si, 'dooko kpa ämiri 'bakicii nätu azaka onjine. 10 Miye inye, ukyi 'dise taenjiako odra 'da wari se OPI Lu amiro kabe ozona ämiri ono ya, ago nyà'do 'da taenji 'diufu robe.
11 “Oko aba ondro ka'do manoaza ko'ba ta gwo oriazi ndaro be ago kädämbi yigo ago ko'bi nda gwo ṛi 'dooko kumu gwo yi opane alo aza 'bakicii kwoi roya, 12 ta nonye ono ta, dri'bai 'ba'desi ndaro ro ri lazo ozone, nda ezine ago ozone 'didiri 'dise äfube 'do ro se ni vo taro logone 'do rigye, tana äfu nda robe. 13 Ko a'done yauni be ndäri. Mina 'diufu'ba inye 'do ni Yisaraele yasi, tana ta ka'do robe kadoro ami yibe.
Kishwe Uku
14 “Nyäläpi kishwe oriazi miro ro ko, se asite ṛo kyeno wari se OPI Lu amiro kabe ozona ämiri ana ya 'do.
Ota ta Tazevoedre rota
15 “Tazevoedre lidri alodi ro ojo ko mano se kenji tabe kode koye ta be koziro 'do vure nda kicu ro opene sina, e'be gialo tazevoedre'bai ritu kode nätu rosi a'dena gwo unine anjioko manona 'do orivoya taenji be. 16 Ondro ka'do 'diaza kojote 'diazi aza kicune kowe si ta aza ro, 17 'dooko 'dina iyi oyine riti vose mätu ro 'do ya, kohanii ndi vureope'bai se kama ya iyi kandra. 18 Vureope'bai ri tavona ejine ŋgye; ago ondro ka'do manona 'do kikicu Yisaraele'ba azi ndaro te kowe si, 19 'dooko be taezaro aba se ozone mano se nda kikicube 'do ri 'do ozone ndäri. Liti nonye ono yasi minana takozi ndi ni ami lakosi. 20 'Dooko lidri cini erina tana 'da ago a'dona yi 'da turiro ago 'diaza unina kote takozi anya oso 'do ronye 'do oyene tona ami lako. 21 Ta anya inye 'do nyà'do ko yauni be kigye; taezana a'done adri 'bedri ndi adri azi be, ago mi 'bedri ndi mi azi be, si 'bedri ndi si azi be, drì 'bedri ndi drì azi be, ago pa 'bedri ndi pa azi be.
'Bakicii Ruopa ro
(Oti 35:9-28Yosua 20:1-9)1 “Ondro OPI Lu amiro kepere tu'dei se nda kabe wari na ozona ämiri ana te, ago miru te ago nyàte ori 'bakicii ndi zoi ànyaro be yasi oko, 2 be ämiri 'bakici nätu odine wari se OPI Lu amiro kabe ozona ämiri 'do ya. 3 Nyède liti kigyesi, ago nyòlonyi ya wari se OPI Lu amiro kabe ozona ämiri 'do ro nätu, tana mano se kufu 'diaza te 'do kumu robe ruopane alona aza ya. 4 Ondro ka'do manoaza kufu 'diaza te drilapa si se kyenona ko kyila'baazi ndaro, nda kumu alo aza 'bakicii kwoi roya kopa yi robe londro ro. 5 Taka'dana ro, ondro ka'do 'diaza koyi gwo oriazi ndaro be vocowa ya ice ogane, ago ondro nda ka ce oga oko, koloŋwa keci kelepi gwo ni drî na yasi ago koga azi ndaro gwo ṛi, nda unina ndi umune alo aza 'bakicii kwoi roya nda kopa adri ndaro robe. 6 Tana ondro ka'do 'bakici na iyi kozwa gwo ndra, 'dooko 'didiri 'dise äfube 'do ro se kolebe vo taro logone 'do onjana 'diufu'ba gwo ago ni yaoso ri ufuna nda gwo. Oko se nda fu 'di 'do drilapa si ago ko kyila'baazi ndaro. 7 'Do ni tase mabe ami ota 'bakicii nätu odine to owo.
8 “Ondro OPI Lu amiro kafo kishwe amiro te bäräŋgälä, oso se nda kiti tana be zutui amiro ri ronye, ago kozo wari se cini nda ko'ba tana be zutui amiro ri te oko, 9 Ka'do ondro mìro ota ndaro se mata ami be sina ondro ono te Opi Lu amiro luna si ago orona si, 'dooko kpa ämiri 'bakicii nätu azaka onjine. 10 Miye inye, ukyi 'dise taenjiako odra 'da wari se OPI Lu amiro kabe ozona ämiri ono ya, ago nyà'do 'da taenji 'diufu robe.
11 “Oko aba ondro ka'do manoaza ko'ba ta gwo oriazi ndaro be ago kädämbi yigo ago ko'bi nda gwo ṛi 'dooko kumu gwo yi opane alo aza 'bakicii kwoi roya, 12 ta nonye ono ta, dri'bai 'ba'desi ndaro ro ri lazo ozone, nda ezine ago ozone 'didiri 'dise äfube 'do ro se ni vo taro logone 'do rigye, tana äfu nda robe. 13 Ko a'done yauni be ndäri. Mina 'diufu'ba inye 'do ni Yisaraele yasi, tana ta ka'do robe kadoro ami yibe.
Kishwe Uku
14 “Nyäläpi kishwe oriazi miro ro ko, se asite ṛo kyeno wari se OPI Lu amiro kabe ozona ämiri ana ya 'do.
Ota ta Tazevoedre rota
15 “Tazevoedre lidri alodi ro ojo ko mano se kenji tabe kode koye ta be koziro 'do vure nda kicu ro opene sina, e'be gialo tazevoedre'bai ritu kode nätu rosi a'dena gwo unine anjioko manona 'do orivoya taenji be. 16 Ondro ka'do 'diaza kojote 'diazi aza kicune kowe si ta aza ro, 17 'dooko 'dina iyi oyine riti vose mätu ro 'do ya, kohanii ndi vureope'bai se kama ya iyi kandra. 18 Vureope'bai ri tavona ejine ŋgye; ago ondro ka'do manona 'do kikicu Yisaraele'ba azi ndaro te kowe si, 19 'dooko be taezaro aba se ozone mano se nda kikicube 'do ri 'do ozone ndäri. Liti nonye ono yasi minana takozi ndi ni ami lakosi. 20 'Dooko lidri cini erina tana 'da ago a'dona yi 'da turiro ago 'diaza unina kote takozi anya oso 'do ronye 'do oyene tona ami lako. 21 Ta anya inye 'do nyà'do ko yauni be kigye; taezana a'done adri 'bedri ndi adri azi be, ago mi 'bedri ndi mi azi be, si 'bedri ndi si azi be, drì 'bedri ndi drì azi be, ago pa 'bedri ndi pa azi be.