Ezekia go ka a'do Mätu ro O'bana To'diro
1 Ondro ande karama oye te oko, lidri cini Yisaraele ro oyiyite 'bakicii cini Yuda ro yasi ago tufuyi kuni caricariro lu awi rote jinyijinyi, ago togayi beti ŋgase cini adite lu tokoro Asherima ri rote riya, ago pereyi vo tori oloro ndi vo mätu ro Lu uniako'bai robe te riya. Ànya yeyi kpate oso inye vo cini azaka Yuda ro, ago wari Benjamina, Eperaima, ndi Manase be ro yasi; 'dooko ànya cini goyite ba 'ba ànyaro yasi.
2 'Dooko Ezekia go raa kohanii ndi Lewe'bai be te vo losi ro ànyaro yasi, ba lonyi kama ànyaro ro voro. Anjioko tro ta ŋgapäṛi ozaro ndi ŋgapäṛi rumora robe, ta mätu oyero yekalu ya, ago räṛu oye ndi aro'boya oye be vo cini Yekalu ro azaka yasi. 3 Nda ozo koronyai teni äṛii tii ndi timele modo ndaro robe yasi ozane tori ro kyenoŋbo cini ndi tandrole cini be si, ago se abe olona Sabata si, Karama Imba To'di rosi, ndi karama 'desiro se ota OPI ro kolebe tana ro.
4 Ago nda ata kpate lidri Yerusalema ro ri ŋgapäṛi se kohanii ndi Lewe'bai be ri 'do ezine, tana ànya kozoyi andivo ànyaro robe cu ota OPI ro oyene ayani. 5 Dori ondro ozo ota ono te oko, lidri Yisaraele ro eziyi ŋgapäṛi ànyaro inya, vino, ido ice ido ro ro, epe, ndi ŋgase cini kadopara kowabe ämvu ànyaro yasi be te, ago ànya eziyi telesi alo 'bute ŋga cini ànyaro rote amba. 6 Lidri se cini koriyibe 'bakicii Yuda ro yasi eziyi telesi alo 'butealo ti ànyaro ro ndi timele robe te, ago ànya eziyi ŋgapäṛi se ànya kodiyibe to OPI, Lu ànyaro ri kpate, ṛo amba du'duro. 7 Ŋgapäṛi iyi eto esate imba nina si, ago ndeyite le imba njidrieri si. 8 Ondro 'Bädri'ba Ezekia ndi dri'bai losi ro ndaro yibe kondreyi ŋgase ezibe adrobe du'duro ana te oko, ànya räṛuyi OPI te ndi lidri ndaro Yisaraele robe. 9 Ago Ezekia eji kohanii ndi Lewe'bai be te ŋgase adrobe du'duro ana tana ro. 10 Ago Kohani Fopara Azaria se ni zelevo Zadoka ro yasi ana, zatadri ndaro te ekye: “Ṛoni tuse lidri keto ŋgapäṛi ezibe Yekalu ya ana si ŋgaonya ojo ama te ago e'be kpate amba. Tana OPI äṛu lidri ndaro te.”
11 'Dooko Ezekia ta ànya te vo ŋga odroro edene Yekalu ya 12 ago 'bayi ŋgapäri cini ndi ŋgapäri telesi alo 'butealo robe te kigye. Ànya 'bayi Lewe'ba aza ävuruna Konania te dri'ba na ro, ago 'bayi Simei ädrupi ndaro te kundueŋga'ba ndaro. 13 'Dooko anji Lewe'bai te 'butealo losi oyene ànya zele ni: Jiela, Azazia, Naata, Asaele, Jerimota, Jozabada, Eliela, Isemakaya, Maata, ndi Benaya be. Aye tase cini kwoi te drikaca 'Bädri'ba Ezekia ndi Kohani Fopara Azaria be rosi. 14 Kore ŋgwa Imena Lewe'ba ro ni dri'ba gaga'bai dereŋwa Yekalu ro 'Buzelesi ro, nda ni dri'ba ŋgapäṛi se ozobe Lu ri uru'banai ndi lanji'banai be ro. 15 'Bakicii se kohanii koriyibe kigyesi yasi Lewe'bai kwoi payi nda te 'diriro losi ono ya, ànya ni: Edene, Miniamina, Jesua, Semaya, Amaraya, ndi Sekania be. Ànya lanjiyi ŋgaonya te ojoojoro Lewe'bai azi ànyaro ri kama ànyaro voro, 16 ago ko käläsikalai voro. Ànya ozoyi ŋga te 'diàgo se etoni ndroa na nätu ya oyigwo mileyaro ri se a'dote losi be oyene Yekalu ya tu cini si, lonyi ànyaro voro. 17 Ozo kama losi rote kohanii ri katidri ànyaro voro, ago Lewe'bai etoni se ndroa na 'buteritu ya oyigwo mileyaro ozo losi ànyaro te gbokoi ànyaro voro. 18 Egyi ànya te kpeye ndi 'ditoko, ŋgàga, ago 'dicini ànyaro yibe, tana ale ànyari a'done nja kama alokado ànyaro oyene saa na ya. 19 Kohanii se cini koriyibe 'bakicii se ozobe zelevoi Arona ro ri yasi, ago gyini 'bakicii kwoi ro yasi iyi, anji lidri azaka te se lanjiyi ŋgaonya te manoàgo se cini katidrii kohanii roya ndi 'dise cini egyibe käläsikalai Lewe'bai roya iyi be ri.
20 Ezekia yete tase ŋgye ago kusi OPI, Lu ndaro be ayani Yuda cini yasi. 21 Nda ye ŋga cini te kado, tana ŋgase cini nda koyebe ta Yekalu rota ago ta ota oro rota ana, nda yete ya cini si, ago taoro si Lu ndaro ri.
Ezekia go ka a'do Mätu ro O'bana To'diro
1 Ondro ande karama oye te oko, lidri cini Yisaraele ro oyiyite 'bakicii cini Yuda ro yasi ago tufuyi kuni caricariro lu awi rote jinyijinyi, ago togayi beti ŋgase cini adite lu tokoro Asherima ri rote riya, ago pereyi vo tori oloro ndi vo mätu ro Lu uniako'bai robe te riya. Ànya yeyi kpate oso inye vo cini azaka Yuda ro, ago wari Benjamina, Eperaima, ndi Manase be ro yasi; 'dooko ànya cini goyite ba 'ba ànyaro yasi.
2 'Dooko Ezekia go raa kohanii ndi Lewe'bai be te vo losi ro ànyaro yasi, ba lonyi kama ànyaro ro voro. Anjioko tro ta ŋgapäṛi ozaro ndi ŋgapäṛi rumora robe, ta mätu oyero yekalu ya, ago räṛu oye ndi aro'boya oye be vo cini Yekalu ro azaka yasi. 3 Nda ozo koronyai teni äṛii tii ndi timele modo ndaro robe yasi ozane tori ro kyenoŋbo cini ndi tandrole cini be si, ago se abe olona Sabata si, Karama Imba To'di rosi, ndi karama 'desiro se ota OPI ro kolebe tana ro.
4 Ago nda ata kpate lidri Yerusalema ro ri ŋgapäṛi se kohanii ndi Lewe'bai be ri 'do ezine, tana ànya kozoyi andivo ànyaro robe cu ota OPI ro oyene ayani. 5 Dori ondro ozo ota ono te oko, lidri Yisaraele ro eziyi ŋgapäṛi ànyaro inya, vino, ido ice ido ro ro, epe, ndi ŋgase cini kadopara kowabe ämvu ànyaro yasi be te, ago ànya eziyi telesi alo 'bute ŋga cini ànyaro rote amba. 6 Lidri se cini koriyibe 'bakicii Yuda ro yasi eziyi telesi alo 'butealo ti ànyaro ro ndi timele robe te, ago ànya eziyi ŋgapäṛi se ànya kodiyibe to OPI, Lu ànyaro ri kpate, ṛo amba du'duro. 7 Ŋgapäṛi iyi eto esate imba nina si, ago ndeyite le imba njidrieri si. 8 Ondro 'Bädri'ba Ezekia ndi dri'bai losi ro ndaro yibe kondreyi ŋgase ezibe adrobe du'duro ana te oko, ànya räṛuyi OPI te ndi lidri ndaro Yisaraele robe. 9 Ago Ezekia eji kohanii ndi Lewe'bai be te ŋgase adrobe du'duro ana tana ro. 10 Ago Kohani Fopara Azaria se ni zelevo Zadoka ro yasi ana, zatadri ndaro te ekye: “Ṛoni tuse lidri keto ŋgapäṛi ezibe Yekalu ya ana si ŋgaonya ojo ama te ago e'be kpate amba. Tana OPI äṛu lidri ndaro te.”
11 'Dooko Ezekia ta ànya te vo ŋga odroro edene Yekalu ya 12 ago 'bayi ŋgapäri cini ndi ŋgapäri telesi alo 'butealo robe te kigye. Ànya 'bayi Lewe'ba aza ävuruna Konania te dri'ba na ro, ago 'bayi Simei ädrupi ndaro te kundueŋga'ba ndaro. 13 'Dooko anji Lewe'bai te 'butealo losi oyene ànya zele ni: Jiela, Azazia, Naata, Asaele, Jerimota, Jozabada, Eliela, Isemakaya, Maata, ndi Benaya be. Aye tase cini kwoi te drikaca 'Bädri'ba Ezekia ndi Kohani Fopara Azaria be rosi. 14 Kore ŋgwa Imena Lewe'ba ro ni dri'ba gaga'bai dereŋwa Yekalu ro 'Buzelesi ro, nda ni dri'ba ŋgapäṛi se ozobe Lu ri uru'banai ndi lanji'banai be ro. 15 'Bakicii se kohanii koriyibe kigyesi yasi Lewe'bai kwoi payi nda te 'diriro losi ono ya, ànya ni: Edene, Miniamina, Jesua, Semaya, Amaraya, ndi Sekania be. Ànya lanjiyi ŋgaonya te ojoojoro Lewe'bai azi ànyaro ri kama ànyaro voro, 16 ago ko käläsikalai voro. Ànya ozoyi ŋga te 'diàgo se etoni ndroa na nätu ya oyigwo mileyaro ri se a'dote losi be oyene Yekalu ya tu cini si, lonyi ànyaro voro. 17 Ozo kama losi rote kohanii ri katidri ànyaro voro, ago Lewe'bai etoni se ndroa na 'buteritu ya oyigwo mileyaro ozo losi ànyaro te gbokoi ànyaro voro. 18 Egyi ànya te kpeye ndi 'ditoko, ŋgàga, ago 'dicini ànyaro yibe, tana ale ànyari a'done nja kama alokado ànyaro oyene saa na ya. 19 Kohanii se cini koriyibe 'bakicii se ozobe zelevoi Arona ro ri yasi, ago gyini 'bakicii kwoi ro yasi iyi, anji lidri azaka te se lanjiyi ŋgaonya te manoàgo se cini katidrii kohanii roya ndi 'dise cini egyibe käläsikalai Lewe'bai roya iyi be ri.
20 Ezekia yete tase ŋgye ago kusi OPI, Lu ndaro be ayani Yuda cini yasi. 21 Nda ye ŋga cini te kado, tana ŋgase cini nda koyebe ta Yekalu rota ago ta ota oro rota ana, nda yete ya cini si, ago taoro si Lu ndaro ri.