Taeji ta Ŋgaonya se Ozona be Lui Awi ri rota
1 Oko, tase nyegyibe ta ŋgaonya se ozobe lui awi ri rota, ndi endaro, anjioko “vo amaro cini ndi tauni be,” oso ànya kayibe ata ronye. Caoko, tauni nonye ono ka 'di o'ba ovane driuŋgyi be, oko ŋgalu kani 'di omo voaloya. 2 Nda se kabe tausu nda ni ŋga cini te endaro nda ni ko oso se beṛo unine ronye. 3 Oko 'dise kabe Lu lu Lu ni nda te.
4 Ka'do inye, ta ŋgaonya se ozote lui awi ri ugu onyana rota; mäni ndi anjioko lu awi ŋga awi yi se a'do ko endaro; mäni ndi anjioko Lu toto alodi. 5 Ondro äzi ŋga amba ca orivoya “lui” 'bädri ya kode vo'buyakuru ya, ago ŋgase amba kwoi ka'do gi ca “lui” ago “opii,” 6 caoko ämäri Lu toto alodi, Täpi, se orivoya O'ba'ba ŋga cini ro ago mà ori nda si; ago Opi orivoya toto alodi, Yesu Kristo, se a'ba ŋga cini te nda si ago mà ori nda si.
7 Oko 'dicini ni taŋgye ono ko. Rukä lidri ro ka losi oye lui awi ri gile tu yauono si ondro ànya kayite ŋgaonya se nonye ono onyana ànya kayi 'du tana usuna ekye ŋgaonya lu awi ro; tavousu ya ànyaro ro orivoya mbaraako, ago ànya kayibe usuna enji ànya te undiro ŋgaonya si. 8 Caoko, ŋgaonya, o'bana ama ko a'done ti Lu be; mä̀nina ko ŋga aza ijene ondro mànya ŋgaonya ca ko owo kode ŋga aza usune ondro mànya ŋgaonya ca owo.
9 Caoko nyà'do taoti be, mì'ba dritai taoye amiro ro ko'ba ànya se mbaraako taoma ya ko o'dene takozi ya. 10 Aba 'diaza se tavousu ya ndaro ro orivoya mbaraako kondre mi, se äzibe “tauni” be, ka ugu ŋgaonya yekalu lu awi roya, inye'do ta ono o'bana nda ṛo ko ŋgaonya se ozote lu awi ri onyane ya? 11 Ta ono si 'dise mbaraako, ädrupi amiro se Kristo kodrabe tana ro ono, enjiruna ndi ta tauni miro rosi! 12 Ago ta ono si nyà ugu takozi oye Kristo lomvo ugu takozi oye si ädrupii amiro Kristo'bai lomvo ago nyà ugu tavousu mbaraako ya ànyaro ro enjina. 13 Ka'do inye, ondro ŋgaonya kani ädrupi maro o'bana takozi oyene märi ogone iza onyane tona te i'do, tana ukyi ma'ba ädrupi maro 'da o'dene takozi ya.
Taeji ta Ŋgaonya se Ozona be Lui Awi ri rota
1 Oko, tase nyegyibe ta ŋgaonya se ozobe lui awi ri rota, ndi endaro, anjioko “vo amaro cini ndi tauni be,” oso ànya kayibe ata ronye. Caoko, tauni nonye ono ka 'di o'ba ovane driuŋgyi be, oko ŋgalu kani 'di omo voaloya. 2 Nda se kabe tausu nda ni ŋga cini te endaro nda ni ko oso se beṛo unine ronye. 3 Oko 'dise kabe Lu lu Lu ni nda te.
4 Ka'do inye, ta ŋgaonya se ozote lui awi ri ugu onyana rota; mäni ndi anjioko lu awi ŋga awi yi se a'do ko endaro; mäni ndi anjioko Lu toto alodi. 5 Ondro äzi ŋga amba ca orivoya “lui” 'bädri ya kode vo'buyakuru ya, ago ŋgase amba kwoi ka'do gi ca “lui” ago “opii,” 6 caoko ämäri Lu toto alodi, Täpi, se orivoya O'ba'ba ŋga cini ro ago mà ori nda si; ago Opi orivoya toto alodi, Yesu Kristo, se a'ba ŋga cini te nda si ago mà ori nda si.
7 Oko 'dicini ni taŋgye ono ko. Rukä lidri ro ka losi oye lui awi ri gile tu yauono si ondro ànya kayite ŋgaonya se nonye ono onyana ànya kayi 'du tana usuna ekye ŋgaonya lu awi ro; tavousu ya ànyaro ro orivoya mbaraako, ago ànya kayibe usuna enji ànya te undiro ŋgaonya si. 8 Caoko, ŋgaonya, o'bana ama ko a'done ti Lu be; mä̀nina ko ŋga aza ijene ondro mànya ŋgaonya ca ko owo kode ŋga aza usune ondro mànya ŋgaonya ca owo.
9 Caoko nyà'do taoti be, mì'ba dritai taoye amiro ro ko'ba ànya se mbaraako taoma ya ko o'dene takozi ya. 10 Aba 'diaza se tavousu ya ndaro ro orivoya mbaraako kondre mi, se äzibe “tauni” be, ka ugu ŋgaonya yekalu lu awi roya, inye'do ta ono o'bana nda ṛo ko ŋgaonya se ozote lu awi ri onyane ya? 11 Ta ono si 'dise mbaraako, ädrupi amiro se Kristo kodrabe tana ro ono, enjiruna ndi ta tauni miro rosi! 12 Ago ta ono si nyà ugu takozi oye Kristo lomvo ugu takozi oye si ädrupii amiro Kristo'bai lomvo ago nyà ugu tavousu mbaraako ya ànyaro ro enjina. 13 Ka'do inye, ondro ŋgaonya kani ädrupi maro o'bana takozi oyene märi ogone iza onyane tona te i'do, tana ukyi ma'ba ädrupi maro 'da o'dene takozi ya.