A'do 'Desi Lu ro ndi 'Desi Lidri robe
1 Mi OPI, Opi amaro,
a'do 'desipara miro orivoya 'bädri cini yasi!
Mi se räṛu a'do 'desi miro ro sate kuru le vo'buyakuru ya;
2 ŋgagaŋwai ndi ŋgwai luruŋwà robe ŋgoyi loŋgo te.
Mi orivoya londroro ni kyila'baazii miro risi,
nyedre 'dise kabe gboto mi be te.
3 Ondro mandre vokuru se mi'babe te,
mandre imba ndi 'bi'bii, se mirabe te;
4 lidri e'diyi, miri ta ndaro usune;
ago miri ta ndaro otine ya?
5 Caoko mi'ba nda te tipari fere andivo miro ri,
ago mi'ba nda te 'desi ro ago orooro ro.
6 Mi'ba nda te dri'ba ro ŋgase cini mi'ba be ono dri;
ago mi'ba ŋga cini te drikaca ndaro zele,
7 timele ndi ti be dri, ago kpa koronyai cini vocowa ro dri;
8 arii ndi ti'bi be dri,
ndi ŋga cini gyi'desi ya be dri.
9 Mi OPI, Opi amaro,
a'do 'desipara miro orivoya 'bädri cini yasi!