Lu Ŋgaope'ba Ṛe yi
1 Äni Lu te Yuda ya;
ävuru ndaro likute ndra Yisaraele ya.
2 Zo ndaro edete Yerusalema ya;
nda ka ori 'Bereŋwa Zaiona dri.
3 Nda toŋgo ätui kyila'baazii rote lau,
ŋgaruotaro, bandoi ndi lakazà cini
ànyaro kyila robe.
4 Äye Lu, mi orivoya läguläguro!
ago mbaraekye ndra ni 'bereŋwa drisi.
5 Ototri ŋgase cini kyila'bai mbaraekye
ànyaro a'doyibe sina iyi te;
ànya u'duyite ŋbi,
kyila'bai cini te mbara ako kyila oyene.
6 Lu Yakoba ro, ondro minyaozi te ànya lomvo,
farasii ndi umu'bai ànya si be lo'dete avo ro.
7 Oko mi, OPI, 'dicini turi mi te.
A'di edrena ni mimile
ondro nya'dote kyilaro owo ya?
8 Nya vureope ni vo'buyakuru yasi;
'bädri te turi ro ago a'dote titiro,
9 ondro miŋgate kuru vureopene,
'dicini se ezabe 'bädri ya opaza owo.
10 Endaro kyila lidri ro lofo ṛo ta mi
räṛu ro ayani;
ànya se kopavobe ni kyila ya oyenayi
karamai miro 'da.
11 Nyozo ŋgase mi'ba tao'ba na be ozone OPI Lu miro ri 'do;
nyèzi ŋgapäṛi ndase abe mätuna ono ri,
ami tu'dei cini loto ono.
12 Nda kani opii driuŋgyi be logona vuru
ago kani 'bädri'bai o'ba a'done turi ro.