Zutui Yesu Kristo ro
(Luka 3:23-38)1 Ono ni ora zutui Yesu Kristo ro, zelevo Dawidi ro, se ni zelevo Abarayama ro owo.
2 Ni Abarayama ya le 'Bädri'ba Dawidi ya zutui kwoi arate: Abarayama ni täpi Yisika ro, Yisika ni täpi Yakoba ro, Yakoba ni täpi Yuda ro ndi ädrupii ndaro yibe. 3 Yuda ni täpi Pereza ndi Zera be ro (endre ànyaro ni Tamara), Pereza ni täpi Ezerona ro, Ezerona ni täpi Rama ro, 4 Rama ni täpi Aminadaba ro, Aminadaba ni täpi Nasona ro, Nasona ni täpi Salemona ro, 5 Salemona ni täpi Boaza ro (endre ndaro ni Raba), Boaza ni täpi Obede ro (endre ndaro ni Ruta), Obede ni täpi Yisai ro, 6 Yisai ni täpi Dawidi 'bädri'ba ro.
7 Dawidi ni täpi Solomo ro (endre ndaro ni se kyeno ka'dobe toko Uria ro 'do), Solomo ni täpi Rehoboama ro, Rehoboama ni täpi Abija ro, Abija ni täpi Asa ro, 8 Asa ni täpi Yosapata ro, Yosapata ni täpi Yorama ro, Yorama ni täpi Uzia ro. 9 Uzia ni täpi Yotama ro, Yotama ni täpi Aza ro, Aza ni täpi Ezekia ro, 10 Ezekia ni täpi Manase ro, Manase ni täpi Amosa ro, Amosa ni täpi Josia ro, 11 Josia ni täpi Jehoiakina ro ndi ädrupii ndaro yibe tu 'di ururo si midiro le Babelona ya.
12 Ago tu 'di ururo midiro se le Babelona ya ana vosi, Jehoiakina ni täpi Salatiela ro, Salatiela ni täpi Zerubabela ro, 13 Zerubabela ni täpi Abiuda ro, Abiuda ni täpi Eliakima ro, Eliakima ni täpi Azora ro. 14 Azora ni täpi Zadoka ro, Zadoka ni täpi Akima ro, Akima ni täpi Eliuda ro, 15 Eliuda ni täpi Eleazara ro, Eleazara ni täpi Matana ro, Matana ni täpi Yakoba ro, 16 Yakoba ni täpi Yosepa ago Maria ro ro, se ni endre Yesu se äzibe Mesiya ono ro.
17 Käti'bai cini ni tu Abarayama rosi le tu Dawidi rosi orivoya 'butealo fosu, ago ni tu Dawidi rosi madale tu 'di ururo midiro le Babelona ya ono si käti'bai kpa 'butealo fosu, ago ni tu 'di ururo si midiro Babelona ya rosi madale tu Kristo rosi käti'bai kpa 'butealo fosu.
Uti Yesu Kristo ro
(Luka 2:1-7)18 Uti Yesu Kristo ro a'dote oso nonye, a'be Maria endre ndaro te Yosepa ri; teinye dri ànyari ruogyeako oko anya usu yite ŋgwa be mbara Tori Alokado rosi. 19 Ago ago anyaro Yosepa orivoya mano kado yi nda leko Maria o'bane a'done driupiro ago lete anya e'bene ndrwi. 20 Nda kadri tase ono vona usuna oko, malaika Opi ro ka'darute ndäri tori si, atate ekye: “Yosepa, zelevo Dawidi ro nyuturi ko ni Maria toko miro uruvoya 'bäru mire, tana Tori Alokado 'ba anya ni ŋgwa ono okwone. 21 Anya utina ŋgwaagoro 'da, ago mizina ävuru ndaro Yesu, tana nda opana lidri ndaro ni takozi ànyaro risi.”
22 Tase cini ono a'dote inye, tase Opi katabe nebi si ana ka'do robe ŋgye se ekye: 23 “Ŋguti aza okwona ŋgwa 'da ago utina ŋgwaagoro 'da, ago äzina ävuru ndaro 'da Imanuele” (se takacina ni, “Lu tro ama be”).
24 Ago ondro Yosepa kupi mi teni u'duvoya oko, yete oso malaika Opi ro kota nda be ana ronye, ago ru Maria te 'bäru toko ndaro ro, 25 oko u'du kote sina madale anya ti ŋgwa ana lutu. Ago Yosepa zi ävuru ndaro te Yesu.