MƆRGUS 1 - Nuba New Testament (Nuba Ŋireeɽe) 1993 (NBA93)

Yuhanna kwǝni Ma@maḏaan nǝ ṯǝbshiir ṯuuŋwun.

(Maṯṯa 3:1-12Luuga 3:1-18Yuhanna 1:19-28)

1 Ŋiɽaŋal ŋir kwon-kwon ŋǝthi Inyjiil wǝthi Yǝcu Kwɔrɔstɔ, kwir Tɔr tǝthi Allah. 2 Ŋir kaka ŋa ŋɔlɔɔthɔna kiṯaab-na kǝthi kwiɽii kwǝni Isha@ya, ŋaari-ŋi Allah-ŋwɔ,

“Iisaṯi, nyii ŋgwa kwuusucǝŋǝ kaavɔra kiinyi keereny,

kindǝ kir kǝŋǝ daɽimaci ṯaay-lɔ.

3 Ŋgwa kwette ki-sahraa-na kwǝṯi urnuni ǝṯɔŋwaarɔŋw,

‘Daɽimicar Kweelenyi ṯaay-lɔ,

a rillici raay-lɔ ruuŋwun ŋwɔ-ri elela’.”

4 Nǝ Yuhanna ele ki-sahraa-na ethi ǝccǝ lizi @ammiḏa na ethisi ǝccǝ bǝshirǝ tok, nɔŋwsǝccǝŋw, “Ɔrlaccar ŋikiyaŋi ŋaalɔ ŋwadoŋw, mindaŋ aari @ammiḏa, e-ta ǝŋasi-mǝ Allah fivrici ŋikiyaŋi ŋaalɔ kithaay.” 5 Ŋwɔṯaŋw nǝreele tatap lǝthi bǝlǝḏ kwǝthi Yahuuḏiiyyǝ-ŋwɔ, nǝ lizi tatap lǝthi Urshaliim-ŋwɔ; nǝr ruwǝzi ŋikiyaŋi-lɔ ŋeeŋen, mindaŋ nɔŋwsi accǝ @ammiḏa ki-bahar-na kwǝni Urḏɔn. 6 Ǝṯi Yuhanna kenne yirethi yidaɽimathirsi yaala-yi yǝthi yamla, karraaṯ-gi tok kǝthi kirna kiiriny, ǝṯɔŋw yee yaamaŋi laayɔ-li lǝthi yaaɽi-na. 7 Nɔŋwsi ǝccǝ bǝshirǝ nɔŋwsǝccǝŋw, “Ŋgwa kwinḏi ethiila kwette kwɔthǝmthiny-lǝ ŋɔma-ŋi, ninyeere ɔvthanni mac ǝthi irralɔ ethi kǝdici ŋunduŋw yar yǝthi yithwǝn yuuŋwun. 8 Nyii kwǝṯi-ŋǝsi ǝccǝ @ammiḏa ŋaaw-ŋi; laakin ŋundu tǝ, ŋwɔccǝ ŋaaŋwɔsi @ammiḏa Ṯigɽim-thi Ṯlrllinǝlɔ ter.”

Ma@muuḏiiyya kwǝthi Yǝcu, nǝ ṯɔmɔmma ṯuuŋwun.

(Maṯṯa 3:13—4:11Luuga 3:21-22Luuga 4:1-13)

9 Ki-ŋwaamin ŋwa ŋwɔmǝ-ŋi Yǝcu diiɽǝ Naasira kwǝthi Jǝliil-ŋwɔ, nɔŋw iila nǝ Yuhanna ǝccǝ ŋunduŋw @ammiḏa ki-bahar-na kwǝthi Urḏɔn-ŋwɔ. 10 Mindaŋ mɔŋw allithanna ŋaaw-na tɔc, e-ta nǝŋweese leereya lidiŋǝlnǝ kworo, nǝ Ṯigɽim dappitha duŋgwun-lǝ ṯir kaka kɔɔthɔr. 11 Nǝ ṯogɽo ɔɽa ki-leene-na, ṯaarɔŋw, “A kwir Tɔr tiinyi tamɽǝny-na-gaa aatha kweere; taaminy-ri-na tok.”

12 Ŋwɔṯǝŋw nǝ Ṯigɽim mɔlṯhanni ṯɔc nɔŋwiili ki-sahraa-na. 13 Nɔŋw naani ki-sahnaa-na ŋwaamin ruɽi-riɽǝn, mɔmmɔ-gwɔ Shiiṯaan; nǝr naǝni hǝywaanaaṯ-yi wǝthi yaaɽi-na wǝthi ŋǝryǝ; mindaŋ nǝ limeleka iila nǝr ǝkkici ŋothɽɔr.

Yǝcu mɔŋgwɔ ɔrnɔṯi ṯalaamiiza ṯir kwaɽiŋan.

(Maṯṯa 4:12-22Luuga 4:14-15Luuga 5:1-11)

14 Kinaŋw mǝr mithǝ Yuhanna-ŋw, nǝ Yǝcu ele Jǝliil, nɔŋgwaari bǝshirǝ Inyjillǝ wǝthi Allah, 15 nɔŋgwaarɔŋw, “Laamin limǝ ṯimmaylni dap, nǝ Ŋeeleny ŋǝṯhi Allah ŋimǝ ɔppatha; ɔrlǝccar ŋikiyaŋi ŋwɔdɔŋw, a ǝmmini ŋiɽanali ŋǝthi Inyjiil!”

16 Nǝ kinaŋw niirǝri-ŋwlɔ bahara kǝni kwǝthi Jǝlill-ŋwɔ, e-tǝ nɔŋweese Sim@aan-ŋwɔsi cŋgen-gi kwǝni Andraaws ligǝṯṯi diivǝ ki-bahar-na, kaka nɔrɔr-gwɔ lǝṯi ɔmɔmmi lɔmi. 17 Nǝsi Yǝcu ǝccǝŋw, “Kwaathithǝr-nyii mindaŋ ŋǝsi ruusi lɔr lǝṯi mɔmlɔtṯa lizi.” 18 Ṯaŋw nǝr ṯayyi diivǝlɔ ṯɔc mindaŋ nǝr kwaathithǝ. 19 Mɔŋw dɔŋgwatha-lɔ kwɔkwɔk tǝ, nɔŋwecse Ya@guub-ŋwɔsi eŋgen-gi kwǝni Yuhanna lir nyɔr nyǝṯhi Zabḏi, linaanɔ ki-mɔrkǝb-nǝ lidaɽimathɔ dilvǝ kweeŋen. 20 Mǝsi Yǝcu ese nɔŋwsi ɔrnɔṯi; nǝr ṯayyi ṯarnyin-lɔ ṯeeŋen ṯǝni Zabḏi ki-mɔrkǝb-nǝ lizi-li lǝṯi akkini gwuruush-gi ŋothɽɔr, nǝr kwaathithǝ ŋunduŋw.

Kwɔr kwǝthi ṯigɽimǝ-nǝ ṯigii.

(Luuga 4:31-37)

21 Mǝr ɔppathi Kafranaahuum; mindaŋ mǝ laamin iila lǝni Sǝbiṯ, nɔŋw ǝnḏi tɔc ki-majma@-na nɔŋwaari ibṯǝthi ethaari @allima. 22 Nǝr liŋɽi beṯṯen ṯa@liim-thi ṯǝccǝ-ŋwsi-thi @allima, kaka nǝccǝŋwsi-gwɔ @allima kaka kwizi kwǝṯhi sɔlṯa, kwiti kwir kaka mɔ@allimiina kwǝthi Sherii@a mac. 23 Ŋwɔṯaŋw biḏaan nǝ kwɔr kwette ǝnḏǝnnǝ ṯɔc pugwuṯ ki-majma@-na kwǝthi ṯigɽimǝ-nǝ ṯigii, 24 ŋɔgw ɔvɔna ŋwal-ŋi irdak nɔŋwaarɔŋw, “Mama! A kwǝthi karaṯha kǝndu dǝŋgǝr-nǝ, ŋa kwǝni Yǝcu kwǝthi Naasira-ŋw? A kwɔmǝ iila ethi kiirasi nyuŋwsi-lɔ-a? Nyii kwilŋithiŋǝ rac a kwir kwǝndu, a kwɔrɔ kwette kwirllinǝlɔ ter kwǝthi Allah!” 25 Nǝ Yǝcu kirnyatha pɔrɔṯ, nɔŋwɔccǝŋw, “Naani tugwup, a ruuthǝ kithaay duŋgwun-nǝ!” 26 Nǝ ṯigɽim ṯigii lakkisalɔ beṯṯen mindaŋ nɔŋw ɔvɔna ŋwal-ŋi ŋɔmmaŋi, nɔŋw ruuthǝ kithaay duŋgwun-nǝ. 27 Nǝr liŋɽalɔ buruc tatap kaka aatha kweere, mindaŋ nǝr andasi-na nǝraarɔŋw, “Aatha kwɔrɔ ŋgwɔ? Ṯa@liim kɔthɔ ṯiyaŋ ṯir ṯaŋ? Mindaŋ mɔŋw taami andaci rigɽimǝ rigii sɔlṯa-gi ethi ruu, mindaŋ mǝrtaami iinyici naana pappac!” 28 Nǝ ŋiɽaŋal ŋuuŋun iṯithi-lǝ ṯɔc kǝzir wǝthi Jǝliil-ŋwɔ wirikanna-lɔ tatap.

Yǝcu mɔŋgwɔ sǝwi kwunǝyin kwǝthi Sim@aan-ŋǝ, nǝ lithaathɔ luuru luumǝ.

(Maṯṯa 8:14-17Luuga 4:38-41)

29 Nǝ mɔŋw ruuthǝ ki-majma@-na tɔc, nǝr ǝnḏi Ya@guub-ŋǝli nǝ Yuhanna tɔk, ki-dɔɔnɔ kwǝthi Sim@aan-ŋǝ Anḏralaws-gi. 30 Nǝ kwunǝyin kwǝthi Sim@aǝn-ŋǝ kwir kwaaw nḏiralɔ kwimthi hɔmmǝ, nǝr andicanni tɔc ŋiɽanali ŋǝni ŋundu. 31 Nɔŋw iila naanɔ-ŋgwɔ, nɔŋw mithǝ ṯii-thi, mɔŋw diiɽǝsi-lǝ tǝ, nǝ hɔmmǝ duŋgwǝci tɔc; nɔŋwsi ɔgmicelɔ. 32 Mǝ kirakalɔ oro, mǝ aaŋwɔn ɔɽi, nǝr-li iila tatap luumǝ nǝ lǝthi rigɽimǝ-nǝ rigii tok. 33 Nǝ lǝthi mǝḏiin tatap ɔɽɔmaṯṯi dɔŋw kǝgwur 34 Nɔŋwsi sǝwi luumǝ littǝzir lǝthi kimǝthi kirna ter-ter, nɔŋwsi ǝllici rigɽimǝ rigii ruuru; nɔŋw ṯiinyini rigɽimǝ rigii ethiseere andasi ŋeere mac, kaka mǝr-gwɔ elŋe ŋunduŋwɔ.

Yǝcu mɔŋgwɔ aari bǝshirǝ Jǝliil-nǝ.

(Luuga 4:42-44)

35 Mǝ ŋɔrpana oro tuttuk, kǝzir wir berle-berle, nǝ Yǝcu diiɽi nɔŋw ṯayyi dɔɔnɔŋw-lɔ. Nɔŋw rucci mǝḏiinǝ-nǝ nɔŋweele kwuthǝr-lɔ kwɔtɔpɔt, nɔŋgwɔ aari kiyiiriny. 36 Nǝ Sim@aan-ŋǝ lizi-li lǝṯir-li nanni kwaathitha-lɔ ṯogdo-ṯogdo, nǝr naŋnalɔ, 37 mindaŋ mǝr kaṯṯasi tǝ nǝrǝccǝŋw, “Lizi licca-ŋama-lɔ tatap.” 38 Nɔŋwsi ǝccǝŋw, “Ǝreele ki-ŋwilli-na ŋwɔthaathɔ keṯṯɔk; ǝnyŋi-gwɔ ǝccǝ bǝshirǝ tok, kaka ǝnir-gwɔ ŋiilathiny-gwɔ.” 39 Nɔŋw iirǝri ǝzir naana tatap wǝthi Jǝliil-ŋwo, kwaari bǝshirǝ ki-limajma@-na leeŋen, nǝ aṯɔŋw allilla rigɽima rigii ṯok.

Yǝcu mɔŋgwɔ sǝwi tiilaŋǝ.

(Maṯṯa 8:1-4Luuga 5:12-16)

40 Nǝ tiilaŋ tette iila naanɔ-gwɔ Yǝcu nɔŋw ṯuurǝccǝlǝ tur, nɔŋw kwoccelɔ ŋwɔrgwɔ-ŋalɔ nɔŋwɔccǝŋw, “Mǝmmini tǝ, ǝnyii suuɽi naana.” 41 Nǝ ṯɔgwɔr yee Yǝcu-ŋw-nǝ ṯǝni ŋundu, mindaŋ nɔŋw ɔɔsi ṯii nɔŋw mɔmmi, nɔŋwɔccǝŋw, “Nyii kwǝmminǝ; sɔɔɽɔ naana.” 42 Ŋwɔṯaŋw nǝ ŋiilaŋ irṯathalɔ tɔc, nɔŋw suuɽunni tɔc. 43 Nɔŋw ɔracci oro-oro mindaŋ nɔŋw kette kithaay, 44 nɔŋwɔccǝŋw, “Iisa nǝ a kwandaci kwizi kweere mac laakin nḏi tǝ kǝniny ki-thaay ṯɔɔŋwa, e-ta a baaŋaci ŋundu kaahina aŋna wɔɔŋa, mindaŋ inḏǝthǝ kwomne kwir kaka kwǝlli-gi Muusǝ waamira, ethisi ilŋithini lizi ŋǝni shahaaḏa kweeŋen.” 45 Laakin mɔŋw ruu nɔŋwsi-mǝ kǝniny iṯi thi-lǝ rerrec jilak-jilak ŋǝni Yǝcu, mindaŋ nǝ Yǝcu ere ǝthi ŋɔma mac ethi ǝnḏi ki-mǝḏiinǝ-nǝ por-por. Laakin nɔŋw naani ki-wuthǝr-nǝ, nǝr lulbǝthǝ ǝzir naana weere-weere nǝreele naanɔ-ŋgwɔ.