Nyä̀räṛu OPI
1 Nyäräṛu OPI!
Nyäräṛu Lu Yekalu ndaro ya!
Nyäräṛu nda vo'buyakuru mbaraekye ndaro ya!
2 Nyäräṛu nda ta taoye mbaraekye ndaro rota;
nyäräru nda a'do 'desi parandra ndaro rota.
3 Nyäräṛu nda cekuṛe ovo si.
Nyäräṛu nda lekyembei o'bi ndi yeṛi ovo be si.
4 Nyäräṛu nda läri o'bi si ndi läri oto be.
Nyäräṛu nda lekyembe o'bi ndi äṛibiro ovo be si.
5 Nyäräṛu nda gara o'bi si.
Nyäräṛu nda araca usi si.
6 Mi'ba, ŋgacini se lidriidriro ono käräṛu OPI!
Nyäräṛu OPI!