Losi se Adibe Kohanii ri
1 Kwoi ni gboko zelevo Arona ro ro owo. Arona orivoya ŋgwàagoro be su: ni Nadaba, Abihu, Eleazara ndi Itamara be. 2 Oko Nadaba ndi Abihu be drayite käti ni täpi ànyaro ri, teinye ŋgwai ako, ta'dota ädrupii ànyaro Eleazara ndi Itamara be a'doyi teni kohanii ro. 3 'Bädri'ba Dawidi ra zelevoi Arona rote ba gboko ro kama ànyaro voro. Ŋgaopa Zadoka zelevo Eleazara ro, ndi Abimeleka zelevo Itamara robe si. 4 Ara zelevo Eleazara rote gboko na 'butealo fonjidrialo, oko ara zelevoi Itamara ro gbokona te njidriana, tana dri'bai katidrii ro manoàgoro zelevo Eleazara ro lako a'dote ndrani Itamara ro risi. 5 Ara dri'bai losi Yekalu ro ro ndi dri'bai ta Lu ro robe te riti ni zelevoi Eleazara ndi Itamara robe lakosi, adi ànya te vodo ovo si. 6 Zelevoi Eleazara ndi Itamara robe voyi vodo na ni. 'Dooko Semaya ŋgwa Netalela ro egyi'ba Lewe'ba ro egyi ànya te. 'Bädri'ba, dri'bai ndaro losi ro, kohani Zadoka, Aimeleke ŋgwa Abiatara ro, dri'bai katidrii kohanii ro ro ndi katidrii Lewe'bai robe kandra. 7 Ono ni ora gboko katidri 'buteritu fosu se adibe ro owo: Vodo käti 'dete Joariba ri, ṛirina Jedaya ri, 8 ninana Arima ri, lisuna Sorima ri, 9 linjina Malekija ri, njidrialona Mijamina ri, 10 njidrierina Akoza ri, njidrienana Abija ri, 11 njidriesuna Jesua ri, 'butealona Sekania ri, 12 'butealo foalona Eliasiba ri, 'butealo forituna Jakima ri, 13 'butealo fonätuna Upa ri, 'butealo fosuna Jesebaba ri, 14 'butealo fonjina Bilega ri, 'butealo fonjidrialona Imera ri, 15 'butealo fonjidrierina Ezira ri, 'butealo fonjidrienana Apizeza ri, 16 'butealo fonjidriesuna Petaya ri, 'buterituna Jezekela ri, 17 'buteritu foalona Jakina ri, 'buteritu forituna Gamula ri, 18 'buteritu fonätuna Delaya ri, 'buteritu fosuna Mazaya ri. 19 Egyi lidri kwoi te odi ànyaro voro, ocine Yekalu ya kama ànyaro zutu ànyaro Arona kora tana be taoro ndaro OPI, Lu Yisaraele ro ri ronye.
Ora Lewe'bai ro
20 Kwoi ni rukä dri'bai katidri Lewe ro ro owo: Zelevo Amorama ro, Subaela ro yasi, ni Jedaya. 21 Zelevo Reabaya ro yasi: ni Isaya. 22 Zelevo Izara ro, Selomota yasi ni Jata. 23 Ŋgwàagoro Eberona ro ro: ni Jeraya, Amaraya, Jaziela, ndi Jekamema be, ono arate a'do utiro voro. 24 Zelevo Uziela ro, Maika yasi: ni Samira. 25 Zelevo Uziela ro Isaya ädrupi Maika ro yasi: ni Zekaria. 26 Zelevo Merari ro ro: ni Mali, Jazaya ndi Musi be. 27 Jazaya orivoya ŋgwàagoro be nätu: ni soama, Zakura ndi Iberi be. 28 Mali orivoya ŋgwàagoro be ritu: ni Eleazara ndi Kisi be. Eleazara teinye ŋgwàagoro ako, 29 oko Kisi orivoya ŋgwaagoro be alodi: ni Jeramela. 30 Musi orivoya ŋgwàagoro be nätu: ni Mali, Edera ndi Jeremota be. Kwoi ni katidrii Lewe'bai ro owo.
31 Dri'bai katidri alo alo ro kpa tro ädrupii täduŋwai ànyaro zelevo Aro ro, voyi vodo ànya odiro ni, kpa oso 'didiri ànyaro koyeyibe ronye, 'bädri'ba Dawidi, Zadoka, Aimeleke, dri'bai katidrii kohanii ro ro ndi Lewe'bai robe kandra.