aza 7
Yecu kwiri Kiziiz kir kweleny kaka malkizaaḏikŋw
1 na malkizaaḏik ŋgwu, kwir kweleny kweḏi zaliimŋw, kwir kiziiz keḏi Allah wuṯemḏelu purpur, ner kadriḏi ibrahiim gi, muŋw aɽa muŋw gwu iɽinyiiḏa lelenyi, nuŋw ortaḏa ŋunduŋwu; 2 na ibrahiim inḏeḏa kwete kweḏi wri kweḏi kwɔmne tatap eḏorɔ kwuŋwun. na yiriny yuŋwun ṯay ṯi kwupizena eḏeni kweleny kweḏi ṯofḏana, nuŋw eni tɔk kweleny kweḏi zaliimŋw, ŋenuŋw, kweleny kweḏi ŋiɽena. 3 nuŋw ere eḏi ṯernyin ŋwuzi lenyin gi mac, ya likwurna tɔk mac, nuŋw ere eḏi ŋwamin ŋwiŋna mac, nuŋw ere eḏi ŋwamin ŋweḏi kwaḏanŋw tɔk mac; aɽanaŋw gwu Tor teḏi Allah, eṯuŋw nanniḏa kwir kiziiz dɔk dɔk.
4 na izarṯi, kweni kwete kwuṯemḏizelu! na ibrahiim, kwir kwukwurna, inḏeḏa ŋunduŋwu kwete kweḏi wri kweḏi kwɔmne tatap kwumɔŋw afa ki ṯuwən-na. 5 na kla lir ŋelŋe ŋeḏi laawi leṯafi ŋɔḏɽor ŋeḏi yiziiz, eṯir eḏi amra kuruu-na eḏafi kwete kweḏi wri nani gwu lizi, lir lieŋgen leŋen, ner orɔ ŋunduŋa kinna tɔk ŋelŋe ŋeḏi ibrahiim. 6 lakin na malkizaaḏik, kwiti kweḏi likwurna leŋen mac, nuŋw afi kwete kweḏi wri nani gwu ibrahiim, nuŋw ortaḏa ŋunduŋwu kwumafa ṯikitaḏa tatap teḏi Allah. 7 nuŋw ere kwere mac kweŋgi derne eḏaruŋw, ŋgwa kwir kwɔkwɽeny kweṯafi ṯortaḏa nani gwu ŋgwa kwuṯemḏelu. 8 na kwokwony, eti lizi linḏi eḏay afi kwɔmne kwete kweḏi wri, lakin ki ŋiɽaŋal-na ŋa, eṯuŋw afi ŋgwa ŋimerzi lɔ, ŋenuŋw, kweri miiḏi. 9 a kweḏir ŋuma keni eḏaruŋw: na laawi ŋundu, kwunderṯa kweṯafi kwete kweḏi wri, nuŋw inḏeḏa kwete kweḏi wri ibrahiim ŋgi, 10 kaka urŋw gwu lola kinneni kari-na keḏi kwukwurna kwuŋwun ki lomur ta kla, mer kadriḏi malkizaaḏik gi.
11 eŋgi lizi eḏi ŋuma eḏi ṯimayini dap ŋiziiz ŋi ŋeḏi laawi (ŋinderta ŋimɔ ŋi lizi afi kuruu), eŋgir ere naŋni kiziiza kir ter mac eḏi ruwene lu, keḏi nizama kwir kaka kweḏi malkizaaḏik, ki lobi leḏi kiziiz kete keḏi nizama kwir kaka kweḏi haruun. 12 ma timorḏaza nani teḏi ŋiziiz ta, lazim er morḏazi kuruu tɔk. 13 na ŋgwa kwandizar gi ŋiɽaŋali ŋu, nuŋw orɔ kweḏi gabiila kir ter, kiti kinna kimeḏi kiziiza kere mac eḏaki ŋɔḏɽor ŋeḏi ŋweḏgwun. 14 ŋilŋiiḏir zi ŋu ŋeḏi Kweleny kweri eḏaruŋw, kwiri kwete kweḏi ŋelŋe ŋeḏi yahuuḏa, na muuza kwende kwaruŋw ḏuṯ, yiziiz yinḏi eḏila nani gwu gabiila ŋgu.
15 ŋilŋiiḏir zi ŋu derder ma Kiziiz kiaŋ ruwene lu kir kete kaka malkizaaḏik, 16 kimorɔ Kiziiz, ŋiti ŋiri ŋeḏi kuruu keḏi ŋelŋe mac, lakin ŋuma ŋi ŋeḏi ŋimiiḏa ŋiti ŋeḏir zi ŋuma mac eḏi zi kiraza lu. 17 kaka unḏizer ŋi ki ŋeni ŋundu,
a kwiri Kiziiz ketinanniḏa dɔk,
keḏi nizama kwir kaka kweḏi malkizaaḏik.
18 na nizam kweḏi kerrenyŋw ner afrazi tay tete, kaka enuŋw gwu kwumajili, kwiti kwumeḏi fayḏa-na kwere mac. 19 kaka iti eḏi gwu kuruu ŋuma-na mac eḏi ŋi ṯimazi kwɔmne kwere dap. lakin kirem Allah wumenja ṯəkiza kizen ṯiṯemḏelu, ṯeṯir ṯi duŋgwaḏa ŋunduŋwu nana.
20 enjaŋw gwu ṯəkiza kizen kḏu ṯiṯemḏelu, nuŋw ṯemzi rɔgwɽɔ ruŋwun. 21 na ŋeḏi kla leḏi kerrenyŋw mer zi alla eḏorɔ yiziiz, na mer zi enji ki ŋɔḏɽor-na ŋu, ner zi ere ṯemzici rɔgwɽɔ mac; lakin na Kweleny ṯemzi rɔgwɽɔ nuŋw andaci Kiziiza ŋgu ŋwu:
Kweleny kwumɔṯemzi rɔgwɽɔ
na ŋwere eḏorli ŋiɽaŋali mac, ŋaruŋw:
a kwiri Kiziiz ketinanniḏa dɔk.
22 ŋinderta ŋu ŋimɔruzi Yecuŋw arbun weḏi ṯikitaḏiza ṯiṯemḏelu. 23 na yiziiz yeḏi kerrenyŋw uri, kaka eṯir gwu mumur ḏina mezi gwu ŋiɽany ṯinyini eḏi nanna ki ŋɔḏɽor-na dɔk dɔk; 24 lakin na Yecu ta, eṯuŋw nanna ki ŋiziiz-na ŋuŋun dɔk, kaka eṯuŋw gwu miiḏi dɔk. 25 kaka ṯaŋwu, eṯuŋw eḏi ŋuma eḏi zi kileḏi minmin kla leṯi duŋgwaḏa Allah nana ŋundu ŋgi, kaka enuŋw gwu kwumiiḏu ŋwamin tatap dɔk dɔk eḏi zi roce.
26 ṯaŋwu ner ofḏani eḏeḏi deŋgeri-na Kiziiza kir kweleny, kir kiziiz kir kaka ŋunduŋwu, kirlinelu ter, kiira loma-na lere, kizuɽu-na cucuɽic, kimɔruci lizi-na liki, kimer allazi eḏi ṯamḏu lerya la pucpuc. 27 na ŋundu ta, nuŋw ere naŋni mac eḏi kekite karama ŋwamin rac kaka yiziiz kya; keḏi ŋikya ŋere ŋuŋun kerreny, mindaŋ eḏi ma kete keḏi ŋikya ŋeḏi lizi liḏaḏu; kaka erreŋw zi gwu ŋu tamin tutuput ṯuɽuk muŋw gwu ṯiŋaḏa rɔgwɽɔ lu ruŋwun. 28 kaka eṯi gwu kuruu keḏi kerrenyŋw alla loru leni lajila, eḏorɔ yiziiz yir leleny, lakin ŋiɽaŋal ŋeḏi ṯiṯemza rɔgwɽɔ ŋa ŋukwaḏaḏi kuruu, ŋinderṯa ŋimɔ eca Toru-na, tiṯimayina tuc dap dap.
Yasuuⓐ gwina gwiro kweleny gwa gusus gwin ŋinena Malkiis̱aadag
1 Malkiis̱aadag ibigwa gwiro malik gwa Saaliim, a gasiis ga Kalo gina ginunu peth, gwina gwibudhilo Ibraahiim gwai dina muŋw aura gi rinyiye gwa maluuk, ŋwubarikiye; 2 gwina gwima Ibraahiim dhedha ⓐushur gi ŋidi peth; gwina gwan kwerkwereny Malik gwa dhuŋun dhina dhiŋir, ŋwubaji ŋwan ko Malik gwa Saaliim, gwina gwuthi maⓐna gwan Malik gwa audhaijiye galo; 3 gwati gwuthi babuŋw, i nana, i liji luŋun lina lijo kwerkwereny no, athuŋw uthi ŋwamun ŋwina ŋwiro kwerkwereny, i ŋwamun ŋwina ŋwiro gidon ŋwa midhe gwuŋun no; ŋwubuthi dhuŋuna dhiro ŋinena dhina dhuthi Ŋari ŋa Kalo; a ŋeda gwaro gasiis gwortal. 4 A minoŋ ireyul je galo darnu kwiji ibigwa gwinaŋ akwai, gwina gwidhedhi Ibraahiim gwina gwiro kweleny gwa baboŋa ⓐushur ko gi ŋidi ŋina ŋapuŋwulo ŋina ŋiŋiranu. 5 Abi lina liro keleŋa ga Laawi, liro lina lapai ŋiro ŋa gusus, luthi amr dilapai ⓐashaar gi liji gi dhuŋun dha naamuus, a gi dhuŋun ibidha dhuthi maⓐna gwan nu, gi limegen, ŋinena tuilo gi kwiriny gwa Ibraahiim. 6 Abi gwina gwati gwuthi lijo lina lijo kwerkwereny lina lidhuredhinu darnu liro keleŋa ga Laawi no gwimapai ⓐashaar di Ibraahiim, a ŋwubarikiye ŋeduŋw gwina gwuthi dhuŋuna dhina dhardhai Kalo. 7 Abi dhuŋun dhati dhina dhuthi kadhuŋw gi dhuŋun ibidha darnu gwina gwitinyunu gwibarikinu di ŋeda gwina gwibuthanu no. 8 Liji lo mina lina laji lai lina lathapai ⓐashaar; abi mine gweta gwo gwina gwidhedhinu shahaada darnu gwimidho. 9 A nyi gwuthi ŋoma dabiŋi dhuŋuna darnu Laawi ko, gwina gwathapai ⓐashaar, gwimadhedha ⓐashaar ko Ibraahiim gwai. 10 Abi ŋeda gwijo nanaŋ kwiriny gwa kwurna gwuŋun, dina budho Ibraahiimŋa Malkiis̱aadag gwai.
11 Ŋinena ada dhuŋun dhina dhiro didima dhimupini ŋiro ŋai ŋa gusus ŋina ŋuthilo Laawi, (gi dhuŋun dha ŋiro ibiŋa liji lidhedhinu naamuus), aŋ gwiro dhuŋun dhina dhiro daruri dathi gasiis giter dire gi ruṯba gwa Malkiis̱aadag, athuŋwbi urninu gi ruṯba gwa H̱aruun na? 12 Ada gusus gima upeyani ganu, a daruri naamuus gwupeyani ganu ko. 13 A gwina gwabiŋudhina gi dhuŋun ibidha gwiro gweta gwa gabiila giter, a kwiji gwati gweda dugun gwina gwimapai ŋiro gi loboŋ no. 14 Ŋinena liŋinu dhuŋun ibidha momaŋ darnu Kweleny gwega gwitui gi gabiila ga Yahuudha; gina gati gabiŋugai Muusa dhuŋuna dheda dhan gusus no. 15 A minoŋ dhuŋun ibidha dhiliŋinu gwoinyadhanu ko ada gasiis giter gimadire giro ŋinena Malkiis̱aadag, 16 gina gimaro gasiis, abi gwati gi dhuŋun dha naamuus gwina gwati gwuthi dhuŋuna dhadhapai dhan aŋinu no, abi gi dhuŋun dha ŋoma ŋa midhe gwina gwati gwerna no. 17 Ŋinena jo shahaada gwan ŋeda darnu, Ŋa gwaro gasiis gwortal, gi ruṯba gwa Malkiis̱aadag. 18 Ŋinena ruiuŋw irniye gwa gaanuun gina gijo kwereny gi dhuŋun dha erna ŋoma ŋuŋun ŋinena athuŋw uthi je ganu no. 19 A minoŋ naamuus gwati gwimeajo ŋida ŋeda no, abi dhunijo gwina gwiŋiranu gwimupina; gwina gwalgwai doga di Kalo. 20 A akwai gwoinyadhanu darnu gwati gwigitinu gwati gwuthi ẖalaf no. 21 (Abi ŋediŋa lati ligitinu dilro gusus ẖalaf gwai no; abi ŋeda gwigitinu ẖalaf gwai di ŋeda gwina gwarnu dugun, Kweleny gwalifiyo a gwati gwuthi dhuŋuna dhiter dhan dhuŋun ibidha no, ŋwarnu, Ŋa gwaro gasiis gwortal gi ruṯba gwa Malkiis̱aadag.) 22 Gwoinyadhanu gi dhuŋun ibidha Yasuuⓐ gwimaro gweta gwina gwuthi dhuŋuna dhina dhiro titiganu gi dhuŋun dhina dhidiminu dhina dhiŋiranu. 23 A titiganu ŋediŋa liro gusus goinyadho, ŋinena uthilo dhuŋuna dha dhai athathil uthi ŋoma dije gi ŋiro gwortal no. 24 Abi ŋeda, ŋinena athuŋw je gwortal, gwuthi ŋiro ŋa gasiis ŋina ŋati ŋerna gatur no. 25 A gi dhuŋun ibidha ŋeda gwuthi ŋoma duŋwgilaŋiye ŋediŋaije lina lathidoga ŋeda gwai di Kalo momaŋ ko, ŋinena midhuŋw ŋwamun peth duŋw abiŋadhaijo Kaloŋa degen gwai.
26 Gwiŋir dega danuthi kwelenya gwa gusus gwina gwiro ŋinena ibigwa, gwina gwiŋir didirel, a gwina gwati gwuthi dhuŋuna dhina dhike, i dhuŋun dhina dhiro ŋirle no, ŋinena juŋw galo ter gi liji lina lathapai ŋida ŋina ŋike, a gwimagitini kalo gina golanalaŋ gi Samawaat; 27 gwina gwati gwuthi dhuŋuna dhina dhiro daruri dugun ŋwamun peth, gwiro ŋinena leleny la gusus, duŋwdhedha Kaloŋa ŋida ŋadhi dhuge ŋwamun peth, kwerkwereny gwan ŋidi ŋuŋun ŋina ŋike a gidon gwan ŋidi ŋina ŋike ŋa liji no; ŋinena apuŋw dhuŋuna ibidha lamun letipo, dina dhedhuŋw Kaloŋa gwidom gwuŋun. 28 Naamuus gwathiruje lijo leleny la gusus lina luthi muluŋw nono; abi dhuŋun dha ẖalaf, dhina dhijo gidon gi naamuus, dhimaruje ŋeduŋw Ŋari ŋina ŋiro didima gwortal.