Ŋen Bulus gəbekeɽəd̶ia led̶a ṯa aləmad̶aid̶e eŋen ŋinia
1 Lorldaiñ, ndə ed̶a gənəŋ giɽəṯu eŋen ŋeicia, ŋen ŋame d̶eṯəm ṯa ñaŋ ñəŋgi ñagəbərlda ig-Usila Gətəɽe ñamatoɽate eŋen d̶ətad̶a enare. Ŋarəmoṯe ŋen ṯa aŋgaica agid̶i ŋindeini com. 2 Aməd̶aid̶r eŋen ŋinia, nṯia ñaɽiñad̶aṯe Alganun y-Almasiya. 3 Ŋen ŋanṯa ndə ed̶a gənəŋ gəbaṯa gaɽo wagənəŋ gero ŋeniano na gënəŋu gëbəd̶ənia ŋad̶əna bəɽan. 4 Ŋgiṯr led̶a pred̶ alirnḏeici ŋəmëɽria eŋen, nṯia lënəŋulu lid̶i aləɽwad̶aṯe lëminia eŋen eŋen aləsoŋ, na gerṯe eŋen ŋəled̶a lərto. 5 Ŋen ŋanṯa ŋen ŋarəjad̶aṯo ṯa d̶eṯəm led̶a pred̶ alarrəpe ŋen eŋen ŋinia bəɽan.
6 Ŋgiṯr led̶a ləbërrəŋeinia ŋen ŋəd̶eṯəm alɽaŋe ldəɽo eŋen pred̶ ŋəŋəra ed̶aga igi gəbërrəŋaicialo ŋen.
7 Ñerṯe ñagəbəd̶ənia ŋad̶əna məldin. Ed̶a gero gənəŋ gəɽwad̶aṯa gəd̶aməca Rəmwa eŋen. Ŋen ŋanṯa ed̶a gənəŋ gid̶i aŋwanḏe laŋge ildi gënəŋu gəwad̶əlo. 8 Ŋen ŋanṯa ed̶a igi gəwad̶a ŋen ŋanṯa ŋen ŋaŋəno gid̶i aŋwanḏe d̶əməndëd̶ənia egaŋəno, na ed̶a igi gəwad̶a ŋen ŋanṯa ŋen ŋ-Usila Gətəɽe gid̶i aŋwanḏe ig-Usila Gətəɽe d̶əməṯia d̶əbəɽəbəte. 9 Alerṯr ləgəcwarar məldin id̶id̶ia d̶əŋen ŋəŋəra, ŋen ŋanṯa ndə ləgəber ləgəməñar nara, liga lid̶i aləfeṯe ŋopia ləgid̶r alwanḏr. 10 Nṯia ŋen ŋarno lagerṯr liga ṯa aliṯr led̶a pred̶ ŋen ŋəŋəra, na kaiñ eled̶a ildi ləɽo lurldələŋanda ed̶wonaṯa d̶ə-Yesu.
Ŋen ŋənḏurṯalo ŋəd̶ənna ëiñua na ŋəd̶əbəɽiano
11 Seicr ŋwëɽiña ŋoɽra ŋad̶am iŋi igəbəd̶ia ndə igəndəwërd̶əṯia d̶əŋd̶a d̶əlëɽəñi. 12 Led̶a ildi lwonaṯa ṯa ñaŋ ñaguɽəd̶ənia, lënəŋulu lwonaṯa ləbəd̶ia d̶inia bəɽan egaŋəno. Lënəŋulu lerṯo ŋen iŋi ṯa alerṯe lənaneinia ŋen ŋubwa ŋeicia ŋen ŋanṯa d̶uɽi d̶-Eləŋ igëndr Yesu Almasiya. 13 Đeṯəm, led̶a ildi luɽəd̶ənu lënəŋulu laber ləbəd̶ia ŋen ŋ-Alganun, orn lënəŋulu lwonaṯa ṯa ñaŋ ñaguɽəd̶ənia ṯa alemini aŋənoyia esalo. 14 Orn igënəñi egaber igëminia kwai kwai, illi eŋen ŋəd̶uɽi d̶-Eləŋ igëndr Yesu Almasiya. Alo yafo yəɽiñənu d̶uɽid̶a ŋen ŋanṯa ñi, na egafo igəɽiñənu id̶uɽi ŋen ŋanṯa alo com. 15 Ŋen ŋanṯa d̶uɽəd̶ənia d̶afo d̶ero ŋeniano, na d̶uɽəd̶ənia d̶ero, d̶ero ŋeniano, illi d̶id̶ənia d̶əmaijən d̶erṯo ŋeniano ŋwaiña ŋəŋəra. 16 Egabeɽəd̶ia ṯa d̶ëuṯaralo na ŋəbaiyano aləfeṯe eled̶a pred̶ ildi ləbərlda eŋen iŋi, na eled̶a ɽ-Rəmwa.
17 Ed̶a aŋerṯe gənəŋ gəñiṯia ŋen ŋwaiña təŋ, ŋen ŋanṯa egerṯo namərta egaŋəno ini nəberrəŋaid̶ia ŋen ṯa egaɽo ebai gə-Yesu.
18 Lorldaiñ egabeɽəd̶ia ṯa d̶ənaica məɽəməɽeñ d̶-Eləŋ igëndr Yesu Almasiya ñafeṯəlda. Amin.
© New Testament in Nuba Moro © Bible Society in Sudan, 1993.