1 Egwonaṯa ṯa ñaləŋeṯe ṯa igəndiṯia ŋen ŋwonḏəṯo kaiñ na ŋen ŋanṯa led̶a ɽ-Rəmwa alo yi-Lawuḏikiya na ŋen ŋanṯa led̶a pred̶ ildi lero laiñəseicia isiano kwai kwai, 2 ṯa nare enen anid̶əni nwonḏəṯo, ŋen ŋanṯa lakaseid̶ənu id̶əbwid̶ia, na ŋen ŋanṯa alerṯe ŋen pred̶ ŋəŋəra ŋəd̶ələŋeṯa d̶əd̶eṯəm, na ṯa aləŋeṯe ŋaməɽa ŋə-Rəmwa. Ŋaməɽa iŋi fəŋu Almasiya. 3 Đəɽiñəd̶aid̶ia d̶əd̶ələŋeṯa ŋen nəsi pred̶ na d̶əd̶ələŋeṯa pred̶ laŋge ildi lələbijənu iŋu.
4 Igandəlwaɽəṯia ŋen iŋi pred̶ ṯa ed̶a gənəŋ aŋerṯe gəndid̶ia ŋad̶əna ŋenŋa iŋi ŋəɽo ŋəɽəwen. 5 Igënəñi ləgerr ləgəfiar egaŋəno orn ləgafr igusil na egaŋəra nano ŋen ŋanṯa igəseicu d̶əṯoɽaṯa ŋen ed̶alo id̶i d̶əfo ŋopia, na ṯa d̶wonaṯa ed̶alo d̶afo ig-Almasiya d̶wonḏəṯo.
Ŋen ŋəd̶əməṯia d̶əmaijən d̶əɽiñəd̶einu ig-Almasiya
6 Ŋen ŋafəṯia ŋen ŋarno ñagəŋënṯu Almasiya Yesu gəɽo Eləŋ egalo, nṯia com fafr iŋu, 7 ëndralo ṯəñabəd̶einu iŋu na ñëndialo ñagwonḏəṯo ed̶wonaṯa i-Yesu ŋen ŋarno ñagërrəŋeinu ŋen ṯa ñid̶i ṯia, na ŋërṯr Rəmwa nano kaiñ jaica jaica eŋen iŋi.
8 Rəmojəd̶r ṯa ed̶a aŋerṯe gənəŋ gəndëndia d̶ələŋeṯad̶a ŋen nəsi ŋalo ŋenŋa ŋəled̶a iŋi ŋəpiano eŋen ŋəpənde na eŋen ŋəpiano ŋalo, na gerṯe eŋen ŋ-Almasiya. 9 Ŋen ŋanṯa d̶əɽiñəd̶aid̶ia pred̶ d̶ə-Rəmwa d̶afo ig-Almastya egaŋəno, 10 na d̶əməṯia ed̶alo d̶aɽiñəd̶einu iŋu. Gënəŋu gaɽənda eŋələŋ pred̶ na eŋabəɽa pred̶.
11 Ñaŋ ñagafo ñaguɽəd̶ənu iŋu d̶uɽəd̶əniad̶a gerṯe d̶id̶ənu rəŋəra, ndə ñagəmiñu aŋəno eŋen ŋeicia eŋen ŋəd̶uɽəd̶ənia d̶-Almasiya, 12 na ñagwumu ñaŋəlda eŋen ŋəmamuḏiya, na ñagatud̶inu ñaŋəlda ṯa ñaməṯe d̶wonaṯad̶a ed̶alo eŋabəɽa ŋə-Rəmwa irri rətud̶ima eŋəɽaiñ. 13 Đeṯəm, ñaŋ ñagafo ñagaiyo eŋen ŋeicia na eŋen ŋəd̶uɽəd̶ənia d̶ero egaŋəno, orn Rəmwa rid̶ənde ṯa ñaməṯe təŋ Almasiyaga. Rënəŋu raŋgəd̶eicəndr ŋen pred̶ iŋëndr ŋeicia, 14 na rënəŋu rid̶u ŋen pred̶ ŋəpiano iŋi ŋəfo ŋəwërd̶ənu ŋəgeiyandr d̶əskid̶iad̶a na d̶akəmiad̶a, ndrəŋgeici ŋen iŋi pred̶ ndə rəpwaṯo rwalara id̶uɽi. 15 Nṯia rënəŋu raŋgeicu ŋabəɽa ŋənələŋ na ŋələŋe na rërrəŋaid̶əlo eled̶a pred̶ ndə rënəŋu rəd̶aməlo d̶uɽid̶a d̶əlëɽəŋu.
16 Ŋen ŋafəṯia ñerṯe ñaŋgiṯia ed̶a gənəŋ aŋəɽwad̶aṯe gəndakəmia eŋen ŋəd̶əsa walla eŋen ŋəd̶əṯia walla eŋen ŋubwa walla eŋen ŋəñoman ñëməd̶ia walla eŋen ŋə-Loman ləd̶əmiñəniano. 17 Ŋen iŋi ŋaɽo usila gəŋen iŋi ŋid̶i aŋela. Na fəŋu d̶urri Almasiya. 18 Ñerṯe ñaŋgiṯia ed̶a gənəŋ ṯa aŋəndakəme, gënəŋu igi gəndəlwaɽəṯia ṯa d̶eṯəm ñagəbəd̶ənia ñagərra enare məɽəməɽeñ na ṯa ñagukwud̶əñiṯia malaiyəka alo. Ed̶a igi gəbërnəṯia eŋen ŋəməñaṯəma na ginia egare ŋenŋa ŋəpiano ŋaŋəno iŋi gəseicia. 19 Gënəŋu gero gakaseid̶ənia ndala. Aŋəno pred̶ yamicinu na yakaseid̶ənu aliya yurrəpid̶inu na eməṯe. Aŋəno pred̶ yajaicomaṯa ṯayoɽra, d̶əjaicomaṯad̶a id̶i Rəmwa rənanaid̶ia.
Ŋəɽaiñ na d̶əməṯia Almasiyaga
20 Ndə ñagaiyo Almasiyaga na ñagëbərnu eŋen ŋəpiano ŋalo, ŋen ŋanṯau ñagarno led̶a ildi lalo məldin? Ŋen ŋanṯau ñagëndənu Alganunya isi yaṯa ṯa, 21 “Ñerṯe ñagəbëndia, ñerṯe ñagənaṯa, ñerṯe ñagəbəra?” 22 Ŋen iŋi pred̶ ŋaɽwata eŋen iŋi ŋid̶i aŋəmənded̶əm ndə ñagəbəd̶ia. Ŋen iŋi ŋafo eŋen ŋ-Alganun na id̶ërrəŋaid̶ia d̶əled̶a. 23 Ndə ñagaseicia led̶a ildi lëndu ŋen ŋəŋen iŋi kaiñ na ləd̶ərnaṯa nare alo na ləcwëria aŋəno esen aŋgaica ñaṯa ṯa led̶a ildi laləŋeṯo ŋen ŋəsi, orn ŋen iŋi ŋapiano, lwonaṯa ləbeicia ŋen ŋaŋəno ikərəŋ.
© New Testament in Nuba Moro © Bible Society in Sudan, 1993.