Ŋen ŋ-Ibrayim iŋi ŋəɽo sura yed̶eṯəm
1 Ləgabaṯrau eŋen ŋəbapa gəpənde Ibrayim eŋen ŋaŋəno? 2 Ndə ŋen ŋəlwaɽənu ṯa gënəŋu gid̶ənu gəd̶urwaṯo eŋen Rəmwa nëiñua ŋen ŋanṯa ŋen iŋi gënəŋu gid̶u, gënəŋu gaɽwad̶aṯa gëminia bəɽan, orn gerṯe Rəmwa nëiñua. 3 Ad̶am gə-Rəmwa gaṯa, “Rəmwa rəŋënṯu Ibrayim gəd̶urwaṯo eŋen ŋu nëiñua ŋen ŋanṯa gënəŋu gëndu ŋen ŋə-Rəmwa.” 4 Ndə ed̶a igi gəbəd̶ia ŋəmëɽria gəmama d̶əpəɽa d̶əlëɽəŋu, gerṯe ŋen ŋəd̶ənaica məɽəməɽeñ orn ŋen ŋëməcu. 5 Na ndə gəber gəbəd̶ia ŋəmëɽria, orn gəbëndia ŋen ŋə-Rəmwa ikərəŋ irri rəbəd̶ia led̶a laijəbama ləd̶urwaṯo eŋen, Rəmwa rabəŋentia d̶wonaṯa d̶əlëɽəŋu nṯia rabaṯa ṯa gënəŋu gad̶urwaṯo eŋen ŋu nëiñua. 6 Nṯia com Ḏawuḏ gaṯa ṯa ed̶a igi Rəmwa rəbaṯa ṯa gënəŋu gad̶urwaṯo eŋen ŋu nëiñua, gënəŋu gaŋəra nano. Na ŋen iŋi gerṯe ŋen ŋəwagənəŋ ed̶a gəbəd̶ia. 7 Ḏawuḏ gaṯa ṯa,
“Led̶a laŋəra nano ildi ləŋgəd̶einu ŋen eŋen ŋeicia,
na ŋen ŋeicia eŋen ŋəternu.
8 Ed̶a gaŋəra nano igi Eləŋ Rəmwa rəber rəbëɽia ŋen ŋeicia ŋəmageiya.”
9 Gaɽe d̶əŋəra nano id̶i d̶eṯo led̶a nano ikərəŋ ildi luɽəd̶ənu walla led̶a nano com ildi lero luɽəd̶ənia? Ŋen ŋanṯa ləgabaṯr ṯa, “Rəmwa rəŋënṯu Ibrayim gəd̶urwaṯa eŋen ŋen ŋanṯa d̶wonaṯa d̶əlëɽəŋu.” 10 Rəmwa rəŋënṯəma gəd̶urwaṯo eŋen ṯau? Gënəŋu gafo guɽəd̶ənu liga lakəl walla gafo gero guɽəd̶ənia? Gënəŋu gafo gamulu guɽəd̶ənia. 11 Nḏurṯu gënəŋu ganeinu ŋen ŋəd̶uɽəd̶ənia d̶i d̶əɽo ŋwëɽiña ŋə-Rəmwa na d̶ërrəŋaid̶ia d̶əŋen ṯa Rəmwa rəŋënṯəma gəd̶urwaṯo eŋen, ŋen ŋanṯa gënəŋu gëndu ŋen ŋə-Rəmwa liga gënəŋu gəmulu guɽəd̶ənia. Na gënəŋu gaɽo bapa gəled̶a pred̶ ildi lëndu ŋen ŋə-Rəmwa iliga lënəŋulu ləmulu luɽəd̶əma, ṯa Rəmwa rid̶i arəlid̶i ləd̶urwaṯo eŋen. 12 Na com gënəŋu gaɽo bapa gəled̶a ildi luɽəd̶ənu, orn com ildi ləteṯa d̶ad̶ d̶eṯen Ibrayim ed̶wonaṯa d̶əlëɽəŋu id̶i gënəŋu gerṯo iliga gəmulu guɽəd̶ənia.
Đëɽia ŋen d̶ə-Rəmwa d̶wonaṯad̶a
13 Ŋen iŋi Rəmwa rëɽəṯu Ibrayim, ṯa alo pred̶ yid̶i aiyaɽeṯe ilëɽəŋu na iləd̶ia əllëɽəŋu ŋero ŋəbëɽənia eŋen ŋ-Alganun orn eŋen ŋəŋen ŋəd̶urwaṯo iŋi gënəŋu gerṯo Rəmwa nëiñua d̶wonaṯad̶a d̶əled̶a. 14 Ndə led̶a ildi ləfo eŋen ŋ-Alganun lid̶i aɽrraṯe eŋen Alganunya, d̶wonaṯa d̶id̶i ad̶erṯe ŋeniano, na ŋen iŋi Rəmwa rëɽu aŋid̶əni ŋəpiano. 15 Alganun yamama d̶eiciano d̶ə-Rəmwa. Ndə Alganun yero d̶əgera ŋen d̶ero com.
16 Ŋen ŋafəṯia ŋen iŋi ŋəfo ŋëɽənu ŋafo ed̶wonaṯa, ṯa aŋəfeṯe ed̶ənaica məɽəməɽeñ d̶ə-Rəmwa ṯa ŋen ŋëɽənu ŋid̶i aŋəndame iləd̶ia pred̶ l-Ibrayim, gerṯe lënəŋulu ildi l-Alganun ikərəŋ orn com iŋulu ildi ləfo ed̶əɽəbəd̶ia eŋen ŋəd̶wonaṯa d̶-Ibrayim. Gënəŋu gaɽo bapa igëndr pred̶, 17 garno ŋen ŋəwërd̶ənu ṯa, “Igid̶iaŋa agəɽo bapa gəled̶a lwaiña kaiñ.” Ŋen iŋi ŋafo Rəmwa nëiñua irri rəɽwad̶aṯa rəbəd̶ia led̶a laiyo ṯa aləməṯe, na rəɽwad̶aṯa rundəd̶ia laŋge ildi lero ṯa aləfeṯe. Fə-Rəmwa irri Ibrayim gëndu ŋen ŋəlëɽəŋu. 18 Ndə ŋen ŋero iŋi ŋəd̶əṯurṯia, Ibrayim gëndu ŋen iŋi na gəṯurṯia, ŋen ŋanṯa gënəŋu aŋəɽeṯe bapa gəled̶a lwaiña kaiñ ŋen ŋarno Rəmwa rəlwaɽəṯəma ṯa, “Ləd̶ia əllaɽəŋa lid̶i alaijəbeṯe lumad̶einia.” 19 Đwonaṯa d̶əlëɽəŋu d̶ero d̶ëbia na com gënəŋu galəŋeṯo ṯa aŋəno ilëɽəŋu yafo ŋəɽaiñ ṯwaiñ, ŋen ŋanṯa gerṯo nṯəlia miyya, na ṯa Sara gaijəba gələŋa, 20 na ŋen ŋanṯa Rəmwa rëɽu ŋen iŋi gënəŋu gero gəɽəbəd̶ia nara ŋen ŋanṯa d̶wonaṯa d̶əlëɽəŋu d̶ero d̶əfia pwa orn gënəŋu ganeinu ŋabəɽa d̶wonaṯad̶a nəŋənaice Rəmwa ŋaɽrwa, 21 na gënəŋu galəŋeṯo ṯa Rəmwa raɽwad̶aṯa rəɽiñad̶aṯa ŋen iŋi ŋen ŋanṯa rënəŋu rëɽu. 22 Ŋen ŋafəṯia, “Gënəŋu gaŋënənṯu gəd̶urwaṯo eŋen” ŋen ŋanṯa d̶wonaṯa d̶əlëɽəŋu i-Rəmwa.
23 Ŋen iŋi ŋaṯa, “Gënəŋu gaŋënənṯu gəd̶urwaṯo eŋen.” Gerṯe ŋawërd̶ənu ŋen ŋanṯaŋu ikərəŋ. 24 Ŋen iŋi ŋawërd̶ənu ŋen ŋanṯa nëndr com, nëndr ləŋgr ləgid̶ənr ləgd̶urwaṯr eŋen d̶wonaṯad̶a id̶ëndr i-Rəmwa ŋen ŋə-Rəmwa irri rətud̶i Eləŋ igëndr Yesu eŋəɽaiñ. 25 Gënəŋu ganeinu ŋəɽaiñ ŋen ŋanṯa ŋen iŋëndr ŋeicia, na gënəŋu gatud̶inu ṯa alid̶ənr ləgəd̶urwaṯr eŋen Rəmwa nëiñua.
Ŋen ŋ-Ibrayim iŋi ŋəɽo sura yed̶eṯəm
1 Ləgabaṯrau eŋen ŋəbapa gəpənde Ibrayim eŋen ŋaŋəno? 2 Ndə ŋen ŋəlwaɽənu ṯa gënəŋu gid̶ənu gəd̶urwaṯo eŋen Rəmwa nëiñua ŋen ŋanṯa ŋen iŋi gënəŋu gid̶u, gënəŋu gaɽwad̶aṯa gëminia bəɽan, orn gerṯe Rəmwa nëiñua. 3 Ad̶am gə-Rəmwa gaṯa, “Rəmwa rəŋënṯu Ibrayim gəd̶urwaṯo eŋen ŋu nëiñua ŋen ŋanṯa gënəŋu gëndu ŋen ŋə-Rəmwa.” 4 Ndə ed̶a igi gəbəd̶ia ŋəmëɽria gəmama d̶əpəɽa d̶əlëɽəŋu, gerṯe ŋen ŋəd̶ənaica məɽəməɽeñ orn ŋen ŋëməcu. 5 Na ndə gəber gəbəd̶ia ŋəmëɽria, orn gəbëndia ŋen ŋə-Rəmwa ikərəŋ irri rəbəd̶ia led̶a laijəbama ləd̶urwaṯo eŋen, Rəmwa rabəŋentia d̶wonaṯa d̶əlëɽəŋu nṯia rabaṯa ṯa gënəŋu gad̶urwaṯo eŋen ŋu nëiñua. 6 Nṯia com Ḏawuḏ gaṯa ṯa ed̶a igi Rəmwa rəbaṯa ṯa gënəŋu gad̶urwaṯo eŋen ŋu nëiñua, gënəŋu gaŋəra nano. Na ŋen iŋi gerṯe ŋen ŋəwagənəŋ ed̶a gəbəd̶ia. 7 Ḏawuḏ gaṯa ṯa,
“Led̶a laŋəra nano ildi ləŋgəd̶einu ŋen eŋen ŋeicia,
na ŋen ŋeicia eŋen ŋəternu.
8 Ed̶a gaŋəra nano igi Eləŋ Rəmwa rəber rəbëɽia ŋen ŋeicia ŋəmageiya.”
9 Gaɽe d̶əŋəra nano id̶i d̶eṯo led̶a nano ikərəŋ ildi luɽəd̶ənu walla led̶a nano com ildi lero luɽəd̶ənia? Ŋen ŋanṯa ləgabaṯr ṯa, “Rəmwa rəŋënṯu Ibrayim gəd̶urwaṯa eŋen ŋen ŋanṯa d̶wonaṯa d̶əlëɽəŋu.” 10 Rəmwa rəŋënṯəma gəd̶urwaṯo eŋen ṯau? Gënəŋu gafo guɽəd̶ənu liga lakəl walla gafo gero guɽəd̶ənia? Gënəŋu gafo gamulu guɽəd̶ənia. 11 Nḏurṯu gënəŋu ganeinu ŋen ŋəd̶uɽəd̶ənia d̶i d̶əɽo ŋwëɽiña ŋə-Rəmwa na d̶ërrəŋaid̶ia d̶əŋen ṯa Rəmwa rəŋënṯəma gəd̶urwaṯo eŋen, ŋen ŋanṯa gënəŋu gëndu ŋen ŋə-Rəmwa liga gënəŋu gəmulu guɽəd̶ənia. Na gënəŋu gaɽo bapa gəled̶a pred̶ ildi lëndu ŋen ŋə-Rəmwa iliga lënəŋulu ləmulu luɽəd̶əma, ṯa Rəmwa rid̶i arəlid̶i ləd̶urwaṯo eŋen. 12 Na com gënəŋu gaɽo bapa gəled̶a ildi luɽəd̶ənu, orn com ildi ləteṯa d̶ad̶ d̶eṯen Ibrayim ed̶wonaṯa d̶əlëɽəŋu id̶i gënəŋu gerṯo iliga gəmulu guɽəd̶ənia.
Đëɽia ŋen d̶ə-Rəmwa d̶wonaṯad̶a
13 Ŋen iŋi Rəmwa rëɽəṯu Ibrayim, ṯa alo pred̶ yid̶i aiyaɽeṯe ilëɽəŋu na iləd̶ia əllëɽəŋu ŋero ŋəbëɽənia eŋen ŋ-Alganun orn eŋen ŋəŋen ŋəd̶urwaṯo iŋi gënəŋu gerṯo Rəmwa nëiñua d̶wonaṯad̶a d̶əled̶a. 14 Ndə led̶a ildi ləfo eŋen ŋ-Alganun lid̶i aɽrraṯe eŋen Alganunya, d̶wonaṯa d̶id̶i ad̶erṯe ŋeniano, na ŋen iŋi Rəmwa rëɽu aŋid̶əni ŋəpiano. 15 Alganun yamama d̶eiciano d̶ə-Rəmwa. Ndə Alganun yero d̶əgera ŋen d̶ero com.
16 Ŋen ŋafəṯia ŋen iŋi ŋəfo ŋëɽənu ŋafo ed̶wonaṯa, ṯa aŋəfeṯe ed̶ənaica məɽəməɽeñ d̶ə-Rəmwa ṯa ŋen ŋëɽənu ŋid̶i aŋəndame iləd̶ia pred̶ l-Ibrayim, gerṯe lënəŋulu ildi l-Alganun ikərəŋ orn com iŋulu ildi ləfo ed̶əɽəbəd̶ia eŋen ŋəd̶wonaṯa d̶-Ibrayim. Gënəŋu gaɽo bapa igëndr pred̶, 17 garno ŋen ŋəwërd̶ənu ṯa, “Igid̶iaŋa agəɽo bapa gəled̶a lwaiña kaiñ.” Ŋen iŋi ŋafo Rəmwa nëiñua irri rəɽwad̶aṯa rəbəd̶ia led̶a laiyo ṯa aləməṯe, na rəɽwad̶aṯa rundəd̶ia laŋge ildi lero ṯa aləfeṯe. Fə-Rəmwa irri Ibrayim gëndu ŋen ŋəlëɽəŋu. 18 Ndə ŋen ŋero iŋi ŋəd̶əṯurṯia, Ibrayim gëndu ŋen iŋi na gəṯurṯia, ŋen ŋanṯa gënəŋu aŋəɽeṯe bapa gəled̶a lwaiña kaiñ ŋen ŋarno Rəmwa rəlwaɽəṯəma ṯa, “Ləd̶ia əllaɽəŋa lid̶i alaijəbeṯe lumad̶einia.” 19 Đwonaṯa d̶əlëɽəŋu d̶ero d̶ëbia na com gënəŋu galəŋeṯo ṯa aŋəno ilëɽəŋu yafo ŋəɽaiñ ṯwaiñ, ŋen ŋanṯa gerṯo nṯəlia miyya, na ṯa Sara gaijəba gələŋa, 20 na ŋen ŋanṯa Rəmwa rëɽu ŋen iŋi gënəŋu gero gəɽəbəd̶ia nara ŋen ŋanṯa d̶wonaṯa d̶əlëɽəŋu d̶ero d̶əfia pwa orn gënəŋu ganeinu ŋabəɽa d̶wonaṯad̶a nəŋənaice Rəmwa ŋaɽrwa, 21 na gënəŋu galəŋeṯo ṯa Rəmwa raɽwad̶aṯa rəɽiñad̶aṯa ŋen iŋi ŋen ŋanṯa rënəŋu rëɽu. 22 Ŋen ŋafəṯia, “Gënəŋu gaŋënənṯu gəd̶urwaṯo eŋen” ŋen ŋanṯa d̶wonaṯa d̶əlëɽəŋu i-Rəmwa.
23 Ŋen iŋi ŋaṯa, “Gënəŋu gaŋënənṯu gəd̶urwaṯo eŋen.” Gerṯe ŋawërd̶ənu ŋen ŋanṯaŋu ikərəŋ. 24 Ŋen iŋi ŋawërd̶ənu ŋen ŋanṯa nëndr com, nëndr ləŋgr ləgid̶ənr ləgd̶urwaṯr eŋen d̶wonaṯad̶a id̶ëndr i-Rəmwa ŋen ŋə-Rəmwa irri rətud̶i Eləŋ igëndr Yesu eŋəɽaiñ. 25 Gënəŋu ganeinu ŋəɽaiñ ŋen ŋanṯa ŋen iŋëndr ŋeicia, na gënəŋu gatud̶inu ṯa alid̶ənr ləgəd̶urwaṯr eŋen Rəmwa nëiñua.