Ŋen iŋi Isṯəfanus gəlwaɽo
1 Na eləŋ goɽra gəkana geɽəd̶əma ṯa, “Ŋen ŋafəṯia d̶eṯəm?” 2 Na Isṯəfanus nəŋaṯa, “Lorldaiñ na d̶aṯanda, naṯiñr Rəmwa rəŋaɽrwa ramiñitu bapa igëndr Ibrayim ndə gəfo alo yebarlda eɽijan, ŋen gəmulu gəɽaŋa alo y-Aran, 3 ndrəmeiṯi ṯa, ‘Twod̶o alo claɽəŋa na ŋgiṯu led̶a əllaɽəŋa, ŋaɽe alo isi igəŋaŋaicia’. 4 Na ṯia gaməño alo yi-Kaldaniyin nəgabəṯa alo y-Aran. Ndə eṯen gaiyo d̶əge Rəmwa ratucəma alo isi ñagəfau d̶əñid̶i, 5 orn Rəmwa rero ramanaica alo isi yitëfr com isi gaɽwad̶aṯa gəwëɽia d̶əmanəña. Orn ralwaɽəṯəma ṯa rid̶i arəmanaice na ñere ñəlëɽəŋu ñənḏurṯu, ŋen rəlwaɽəṯəma ṯia gero gəberṯia ŋere. 6 Na Rəmwa ralwaɽo ŋen ṯia ṯa, ‘Ñere ñəlëɽəŋu ñid̶i aiñəɽeṯe ñaijəbaṯo alo yerto na led̶a lid̶i aldid̶i ñəɽo ləbai na lid̶i aldənaice ŋen ŋubwa nṯəlia miyya marldwan’. 7 Orn Rəmwa raṯa ṯa, ‘Igid̶i yakəme led̶a ildi ldəcwëria, orn lid̶i alaməñe alo yakəl na lid̶i alaiñəbuŋṯi alo isi’. 8 Na Rəmwa ranaico Ibrayim ŋen ŋəd̶uɽəd̶ənia ŋəɽo d̶ərreid̶ia ŋen. Na Ibrayim galəŋo Isag naŋəmuɽəd̶i ndə ñoman ñəɽo d̶enəŋ nəñəməñe ñiɽijin, na Isag guɽəd̶i Yagub na Yagub guɽəd̶i bapanda ləpənde red̶ ldəməñe ləɽijan.
9 “Na bapanda ildi leicəṯu Yusif ano ldəmaṯwe nəŋəɽeṯe ebai alo yi-Masr. Orn Rəmwa rafəmaiya, 10 na rëbərəma eŋen ŋubwa pred̶ gəneinu, na ranaicəma d̶ələŋeṯa ŋen nəsi Fərawon nëiñua eləŋ galo yi-Masr, na Fərawon gəŋərṯəma nano, na gid̶əma gəɽo eləŋ alo yi-Masr na egeɽa gəlëɽəŋu pred̶. 11 Oro ŋorwaṯa nəŋëndi alo yi-Masr pred̶ na alo yi-Kanan, na d̶əcwara nəd̶əfeṯe d̶oɽra kaiñ, na bapanda lderṯe ləfid̶ia laŋge ləsənia. 12 Orn ndə Yagub gəno ŋen ṯa ŋwana ŋwëtu alo yi-Masr, nəŋəd̶waṯe bapanda iliga lənëiñua. 13 Na iliga lənḏurṯu Yusif gaŋeicu lorəba etam gəlëɽəŋu na nəŋələŋaici Fərawon. 14 Na Yusif nəŋəd̶waid̶e ṯa Yagub, eṯen aŋela na led̶a pred̶ ləɽo ëməcu gəlëɽəŋu, ildi ləɽo ered̶ia d̶ənəŋ nalo ered̶ia gəɽijan na d̶enəŋ. 15 Na Yagub nəgabəṯa alo yi-Masr, nəŋwayeṯe gënəŋu na bapanda com, 16 na lënəŋulu lərrəpənu lduɽəbeini alo yi-Sakim, na lurənu ed̶el id̶i Ibrayim gilid̶iṯu ləd̶ia ləmaje gəbërnia Amur, alo yi-Sakim algərusya.
17 “Ndə liga ləfo ṯwaiñ ildi Rəmwa rwonaṯa rəɽiñad̶aṯa ŋen iŋi rëɽəṯu Ibrayim, liji ildi laləŋəd̶aid̶o alo yi-Masr lwaiña, 18 eləŋ nəŋətwod̶e gwomən gaijəba Yusif. 19 Gënəŋu gafo galnanaica ŋen ŋubwa ŋeicia kaiñ ṯa bapanda alëruwəṯi ñere eñen ŋen ŋanṯa aiñerṯe ñəməṯia. 20 Iliga ildi Musa gələŋənu gəɽo ŋere ŋəŋəra kaiñ Rəmwa nëiñua, nəŋamicini nubwa niɽijin egeɽa geṯen, 21 nəŋëɽəni ndëuwər na ŋere ŋə-Fərawon nəŋəmabaṯe egeɽa gəlëɽəŋu nəŋəɽeṯe id̶ia gəlëɽəŋu. 22 Na Musa nəŋërrəŋeini ŋen ŋəd̶ələŋeṯa ŋen nəsi d̶əled̶a lalo yi-Masr, na gënəŋu goɽra eŋen pred̶ na iŋəmëɽria.
23 “Ndə gerṯo nṯəlia ered̶ia marldwan, ŋen nəŋəmeṯa egare ṯaŋwonaṯo gənwana lorəba əllëɽəŋu, ləd̶ia l-Israyil. 24 Na ndə gəseicu ed̶a gənəŋ gəneinu ŋen ŋubwa gaməd̶aṯəma nəŋərraṯe eŋen ṯaləpəd̶u majega galo yi-Masr, nəŋəmaɽiñe. 25 (Gënəŋu gaseicia ṯa lorəba almaləŋeṯe ṯa Rəmwa rwonaṯa rəlëbəria d̶əŋd̶a d̶əlëɽəŋu, orn ldaijəbeṯe ŋen.) 26 Na eloman leṯeɽe təŋ geṯəlo nano ndə ləpəd̶ia gwonaṯa galbëɽəjəd̶iano, nəŋaṯa, ‘Ñagaləŋənu, ñagëpəd̶ia ed̶a?’ 27 Orn maje igi gəd̶amo orəba, nəŋəd̶wad̶e Musa d̶əŋd̶a, nəŋaṯa, ‘Ǝsëgi gid̶iaŋa agəɽo eləŋ ṯa ŋandəṯoɽəd̶aṯe eŋen eŋaiñ? 28 Agwonaṯa agaiñəɽiña garno erega agəɽiño maje galo yi-Masr? 29 Ndə Musa gəno ŋen iŋi nəŋobəd̶aṯe alo ye-Minḏian nəŋəɽeṯe ed̶a gəɽo ilia. Oro nəŋələŋaṯe ñere ñəɽijan ñərrwa alo yakəl.
30 “Ndə nṯəlia nəŋgaṯo ered̶ia marldwan, malaiyəka ndəmeṯa nano nḏəmiñeici isia iguɽi ed̶əñwa aiyən nano yibërnia Sina. 31 Ndə Musa gəseicu ŋen nəŋəmajəbinṯi, na ndə gabəṯa ṯwaiñ ŋen ŋanṯa aŋəseici ŋen iŋi nəŋəne olia g-Eləŋ Rəmwa igi gaṯa, 32 ‘Egaɽo Rəmwa reṯalanda, Rəmwa r-Ibrayim, na r-Isag, na rə-Yagub’. Na Musa ṯaŋgəd̶iaŋəno nəŋuləŋəd̶eici nda alo ŋen ŋanṯa aŋerṯe gəseicia. 33 Na Eləŋ Rəmwa reiṯəma ṯa, ‘Miñeinu nḏəbina erəmanəŋ rəlaɽəŋa, ŋen ŋanṯa alo isi agəd̶ərau yatəɽe. 34 Đeṯəm igaseicu ŋen ŋubwa ŋəled̶a əllëɽəñi alo yi-Masr, na egano d̶ərəjinia elo ed̶en, na igiruwəṯalo ṯa ilëbəri. Đəñid̶i elaŋ, igid̶i eŋad̶waṯe alo yi-Masr’.
35 “Musa igi fəŋu led̶a ləned̶əma, ildi laṯa, ‘Ǝsëgi gid̶iaŋa agəɽo eləŋ na ed̶a gəndəṯoɽəd̶aṯa eŋen?’ Rəmwa rad̶waṯəma d̶əŋd̶a d̶əmalaiyəka id̶i d̶eṯəma nano iguɽi, gəɽo eləŋ na d̶ëbəria com. 36 Musa gamiñu led̶a əllëɽəŋu ndə gid̶u ŋen ŋoɽra na aŋwara alo yi-Masr na alo eg-Albar Yore, na ed̶əñwa nṯəlia ered̶ia marldwan. 37 Musa fəŋu igi gəlwaɽəṯu led̶a l-Israyil ṯa, ‘Rəmwa rid̶i arəndətud̶iṯi nabi yenəŋ elorldalanda garno rətud̶əñi’. 38 Fəŋu igi gəfo lərraid̶o led̶ala ed̶əñwa na malaiyəka id̶i d̶əɽwatiṯəma ŋuga naiyən yi-Sina, na bapala, igi gəneinu ŋen iŋi ŋəməṯo ŋə-Rəmwa ṯa aŋəndənaicr. 39 Bapanda laned̶o ləmanaṯa ldəmëɽi egərel, na enare enen ldoɽəbaṯe alo yi-Masr. 40 Ldəlwaɽəṯi Arun ṯa. ‘Iṯənde imwa yerto aiyandəfiṯi nëiñua, ñagaŋəba ŋen ŋə-Musa gënəŋu igi gəməñəndr alo yi-Masr ndə geṯo’. 41 Ldid̶i ŋəmbwoɽo rəŋəra ldiṯi d̶əɽəd̶əma ldəŋërṯi waŋge nano igi lid̶u rəŋəra eren. 42 Orn Rəmwa raṯad̶əlo na raŋgiṯəlo ṯaləbuŋṯu ropa relo, garno ŋen ŋəwërd̶ənu egad̶am gənabi ṯa Rəmwa raṯa,
‘Liji l-Israyil! ñaganaicəñe d̶eṯəm laŋge ləd̶əɽəd̶əma ed̶əñwa nṯəlia ered̶ia marldwan?
43 Ñagarrəpo Alkema yi-Məluk, na d̶opa d̶ərəmwa eralo rəbërnia Ramufan,
na laŋge ildi ñagid̶əlo ṯañəlukwud̶əñiṯialo.
Igid̶i end̶apaṯe nwaldaŋ alo yi-Babil nḏurṯu.’
44 “Bapanda lerṯo Alkema id̶ərreid̶ia ŋen ndə ləfo ed̶əñwa garno Rəmwa rəlwaɽəṯu Musa ṯa aŋid̶i ŋen ŋarno iŋi gəseicu. 45 Bapanda larno Alkema isi ndə leṯo Jasuala ndə laməlad̶aid̶o alo eled̶a lakəl ildi Rəmwa rəlëldiñəlo bapanda nëiñua. Na Alkema neɽaŋe tu nṯəlia nwaiña kaiñ, Ḏawuḏ nəŋələŋəni nəŋəɽeṯe eləŋ, 46 fəŋu Rəmwa rəŋërṯəma nano, na geɽəd̶o Rəmwa ṯa aŋwad̶əṯi Rəmwa eɽa irri rə-Yagub. 47 Orn Suliman fəŋu gwad̶o eɽa ŋen ŋanṯa Rəmwa. 48 Orn Rəmwa irri roɽra rəməñaṯo led̶a pred̶ rënəŋu raber rəɽaŋa eneɽa nid̶ənu rəŋəra, garno nabi gəlwaɽo,
49 ‘Elo yaɽo kursi ilëɽəŋu,
na alo yaɽo waŋge gərəmanəŋ rəlëɽəŋu.
Eləŋ Rəmwa ralwaɽo, eɽa gaɽo ṯau igi ñaŋ ñagwad̶əṯiñi, ñagwad̶əṯiñi,
na alo yatuŋga igumiñəniano?
50 Gerṯe rəŋ rəlëɽəñi rid̶u laŋge ildi pred̶?’
51 “Ñəŋgi ñagwonḏəṯo ntam! Ñagəmulu ñagələŋeṯa Rəmwa enare na nënəñia enalo naɽo ndul eŋen ŋəd̶eṯəm. Ñaganed̶o Usila Gətəɽe gə-Rəmwa jaica ŋen ŋarno eṯalanda lid̶u, ñagëbəd̶ia com. 52 Nabi yatuŋga eṯalanda lero lənanaica ŋen ŋubwa? Na lënəŋulu laɽiñəlo ildi ləlwaɽo ananoŋ ŋen ŋəd̶ela d̶əlëɽəŋu igi Gəd̶urwaṯo Eŋen, igi ñagənaid̶əma na ñagəɽiñəma, 53 ñəŋgi ñagəneinu Alganun isi malaiyəka yenaicənd̶e orn ñagero ñagərəmoṯwa!”
Ŋen Isṯəfanus gaiyo
54 Ndə led̶a ləno ŋen iŋi ldəciṯano enare kaiñ ṯaləsaṯo eŋad̶. 55 Orn Isṯəfanus gwunḏeinu egare Usilaga Gətəɽe, ṯaŋəseid̶u elo nəŋəseici ŋaɽnva ŋə-Rəmwa, na Yesu gad̶əru ndəŋ d̶əŋaicəba d̶ə-Rəmwa, 56 nəŋaṯa, “Igaseicia ltuŋga ləgagid̶ənu, na Id̶ia gə-Led̶a gəd̶əru nḏəŋ d̶əŋaicəba d̶ə-Rəmwa.” 57 Orn ṯaɽrəjaico olia pəlelo na ldətërni inënəŋ ldəmobəd̶aṯe nano taltal. 58 Na ldəmabərlded̶eṯe ndëuwər alo yerto na ldəmaməndaiye ŋwandraŋa, na led̶a ləɽo d̶aməd̶aṯa lëɽu ndrenia enen erəmanəŋ rëd̶əmwa gənəŋ gəbërnia Sawul. 59 Na ŋen laməndaiya Isṯəfanus ŋwandraŋa, gënəŋu geɽəd̶o Rəmwa, nəŋaṯa, “Eləŋ Yesu, aŋënṯu usila gəlëɽəñi.” 60 Na nəŋwod̶əñiṯe alo ṯaŋərəjaico olia pəlelo nəŋaṯa, “Eləŋ! Ŋerṯe agəlandeiṯia ŋen eŋen ŋeicia iŋi ləbəd̶ia.” Na ŋen gəlwaɽo ṯia nəŋaiye.
Ŋen iŋi Isṯəfanus gəlwaɽo
1 Na eləŋ goɽra gəkana geɽəd̶əma ṯa, “Ŋen ŋafəṯia d̶eṯəm?” 2 Na Isṯəfanus nəŋaṯa, “Lorldaiñ na d̶aṯanda, naṯiñr Rəmwa rəŋaɽrwa ramiñitu bapa igëndr Ibrayim ndə gəfo alo yebarlda eɽijan, ŋen gəmulu gəɽaŋa alo y-Aran, 3 ndrəmeiṯi ṯa, ‘Twod̶o alo claɽəŋa na ŋgiṯu led̶a əllaɽəŋa, ŋaɽe alo isi igəŋaŋaicia’. 4 Na ṯia gaməño alo yi-Kaldaniyin nəgabəṯa alo y-Aran. Ndə eṯen gaiyo d̶əge Rəmwa ratucəma alo isi ñagəfau d̶əñid̶i, 5 orn Rəmwa rero ramanaica alo isi yitëfr com isi gaɽwad̶aṯa gəwëɽia d̶əmanəña. Orn ralwaɽəṯəma ṯa rid̶i arəmanaice na ñere ñəlëɽəŋu ñənḏurṯu, ŋen rəlwaɽəṯəma ṯia gero gəberṯia ŋere. 6 Na Rəmwa ralwaɽo ŋen ṯia ṯa, ‘Ñere ñəlëɽəŋu ñid̶i aiñəɽeṯe ñaijəbaṯo alo yerto na led̶a lid̶i aldid̶i ñəɽo ləbai na lid̶i aldənaice ŋen ŋubwa nṯəlia miyya marldwan’. 7 Orn Rəmwa raṯa ṯa, ‘Igid̶i yakəme led̶a ildi ldəcwëria, orn lid̶i alaməñe alo yakəl na lid̶i alaiñəbuŋṯi alo isi’. 8 Na Rəmwa ranaico Ibrayim ŋen ŋəd̶uɽəd̶ənia ŋəɽo d̶ərreid̶ia ŋen. Na Ibrayim galəŋo Isag naŋəmuɽəd̶i ndə ñoman ñəɽo d̶enəŋ nəñəməñe ñiɽijin, na Isag guɽəd̶i Yagub na Yagub guɽəd̶i bapanda ləpənde red̶ ldəməñe ləɽijan.
9 “Na bapanda ildi leicəṯu Yusif ano ldəmaṯwe nəŋəɽeṯe ebai alo yi-Masr. Orn Rəmwa rafəmaiya, 10 na rëbərəma eŋen ŋubwa pred̶ gəneinu, na ranaicəma d̶ələŋeṯa ŋen nəsi Fərawon nëiñua eləŋ galo yi-Masr, na Fərawon gəŋərṯəma nano, na gid̶əma gəɽo eləŋ alo yi-Masr na egeɽa gəlëɽəŋu pred̶. 11 Oro ŋorwaṯa nəŋëndi alo yi-Masr pred̶ na alo yi-Kanan, na d̶əcwara nəd̶əfeṯe d̶oɽra kaiñ, na bapanda lderṯe ləfid̶ia laŋge ləsənia. 12 Orn ndə Yagub gəno ŋen ṯa ŋwana ŋwëtu alo yi-Masr, nəŋəd̶waṯe bapanda iliga lənëiñua. 13 Na iliga lənḏurṯu Yusif gaŋeicu lorəba etam gəlëɽəŋu na nəŋələŋaici Fərawon. 14 Na Yusif nəŋəd̶waid̶e ṯa Yagub, eṯen aŋela na led̶a pred̶ ləɽo ëməcu gəlëɽəŋu, ildi ləɽo ered̶ia d̶ənəŋ nalo ered̶ia gəɽijan na d̶enəŋ. 15 Na Yagub nəgabəṯa alo yi-Masr, nəŋwayeṯe gënəŋu na bapanda com, 16 na lënəŋulu lərrəpənu lduɽəbeini alo yi-Sakim, na lurənu ed̶el id̶i Ibrayim gilid̶iṯu ləd̶ia ləmaje gəbërnia Amur, alo yi-Sakim algərusya.
17 “Ndə liga ləfo ṯwaiñ ildi Rəmwa rwonaṯa rəɽiñad̶aṯa ŋen iŋi rëɽəṯu Ibrayim, liji ildi laləŋəd̶aid̶o alo yi-Masr lwaiña, 18 eləŋ nəŋətwod̶e gwomən gaijəba Yusif. 19 Gënəŋu gafo galnanaica ŋen ŋubwa ŋeicia kaiñ ṯa bapanda alëruwəṯi ñere eñen ŋen ŋanṯa aiñerṯe ñəməṯia. 20 Iliga ildi Musa gələŋənu gəɽo ŋere ŋəŋəra kaiñ Rəmwa nëiñua, nəŋamicini nubwa niɽijin egeɽa geṯen, 21 nəŋëɽəni ndëuwər na ŋere ŋə-Fərawon nəŋəmabaṯe egeɽa gəlëɽəŋu nəŋəɽeṯe id̶ia gəlëɽəŋu. 22 Na Musa nəŋërrəŋeini ŋen ŋəd̶ələŋeṯa ŋen nəsi d̶əled̶a lalo yi-Masr, na gënəŋu goɽra eŋen pred̶ na iŋəmëɽria.
23 “Ndə gerṯo nṯəlia ered̶ia marldwan, ŋen nəŋəmeṯa egare ṯaŋwonaṯo gənwana lorəba əllëɽəŋu, ləd̶ia l-Israyil. 24 Na ndə gəseicu ed̶a gənəŋ gəneinu ŋen ŋubwa gaməd̶aṯəma nəŋərraṯe eŋen ṯaləpəd̶u majega galo yi-Masr, nəŋəmaɽiñe. 25 (Gënəŋu gaseicia ṯa lorəba almaləŋeṯe ṯa Rəmwa rwonaṯa rəlëbəria d̶əŋd̶a d̶əlëɽəŋu, orn ldaijəbeṯe ŋen.) 26 Na eloman leṯeɽe təŋ geṯəlo nano ndə ləpəd̶ia gwonaṯa galbëɽəjəd̶iano, nəŋaṯa, ‘Ñagaləŋənu, ñagëpəd̶ia ed̶a?’ 27 Orn maje igi gəd̶amo orəba, nəŋəd̶wad̶e Musa d̶əŋd̶a, nəŋaṯa, ‘Ǝsëgi gid̶iaŋa agəɽo eləŋ ṯa ŋandəṯoɽəd̶aṯe eŋen eŋaiñ? 28 Agwonaṯa agaiñəɽiña garno erega agəɽiño maje galo yi-Masr? 29 Ndə Musa gəno ŋen iŋi nəŋobəd̶aṯe alo ye-Minḏian nəŋəɽeṯe ed̶a gəɽo ilia. Oro nəŋələŋaṯe ñere ñəɽijan ñərrwa alo yakəl.
30 “Ndə nṯəlia nəŋgaṯo ered̶ia marldwan, malaiyəka ndəmeṯa nano nḏəmiñeici isia iguɽi ed̶əñwa aiyən nano yibërnia Sina. 31 Ndə Musa gəseicu ŋen nəŋəmajəbinṯi, na ndə gabəṯa ṯwaiñ ŋen ŋanṯa aŋəseici ŋen iŋi nəŋəne olia g-Eləŋ Rəmwa igi gaṯa, 32 ‘Egaɽo Rəmwa reṯalanda, Rəmwa r-Ibrayim, na r-Isag, na rə-Yagub’. Na Musa ṯaŋgəd̶iaŋəno nəŋuləŋəd̶eici nda alo ŋen ŋanṯa aŋerṯe gəseicia. 33 Na Eləŋ Rəmwa reiṯəma ṯa, ‘Miñeinu nḏəbina erəmanəŋ rəlaɽəŋa, ŋen ŋanṯa alo isi agəd̶ərau yatəɽe. 34 Đeṯəm igaseicu ŋen ŋubwa ŋəled̶a əllëɽəñi alo yi-Masr, na egano d̶ərəjinia elo ed̶en, na igiruwəṯalo ṯa ilëbəri. Đəñid̶i elaŋ, igid̶i eŋad̶waṯe alo yi-Masr’.
35 “Musa igi fəŋu led̶a ləned̶əma, ildi laṯa, ‘Ǝsëgi gid̶iaŋa agəɽo eləŋ na ed̶a gəndəṯoɽəd̶aṯa eŋen?’ Rəmwa rad̶waṯəma d̶əŋd̶a d̶əmalaiyəka id̶i d̶eṯəma nano iguɽi, gəɽo eləŋ na d̶ëbəria com. 36 Musa gamiñu led̶a əllëɽəŋu ndə gid̶u ŋen ŋoɽra na aŋwara alo yi-Masr na alo eg-Albar Yore, na ed̶əñwa nṯəlia ered̶ia marldwan. 37 Musa fəŋu igi gəlwaɽəṯu led̶a l-Israyil ṯa, ‘Rəmwa rid̶i arəndətud̶iṯi nabi yenəŋ elorldalanda garno rətud̶əñi’. 38 Fəŋu igi gəfo lərraid̶o led̶ala ed̶əñwa na malaiyəka id̶i d̶əɽwatiṯəma ŋuga naiyən yi-Sina, na bapala, igi gəneinu ŋen iŋi ŋəməṯo ŋə-Rəmwa ṯa aŋəndənaicr. 39 Bapanda laned̶o ləmanaṯa ldəmëɽi egərel, na enare enen ldoɽəbaṯe alo yi-Masr. 40 Ldəlwaɽəṯi Arun ṯa. ‘Iṯənde imwa yerto aiyandəfiṯi nëiñua, ñagaŋəba ŋen ŋə-Musa gënəŋu igi gəməñəndr alo yi-Masr ndə geṯo’. 41 Ldid̶i ŋəmbwoɽo rəŋəra ldiṯi d̶əɽəd̶əma ldəŋërṯi waŋge nano igi lid̶u rəŋəra eren. 42 Orn Rəmwa raṯad̶əlo na raŋgiṯəlo ṯaləbuŋṯu ropa relo, garno ŋen ŋəwërd̶ənu egad̶am gənabi ṯa Rəmwa raṯa,
‘Liji l-Israyil! ñaganaicəñe d̶eṯəm laŋge ləd̶əɽəd̶əma ed̶əñwa nṯəlia ered̶ia marldwan?
43 Ñagarrəpo Alkema yi-Məluk, na d̶opa d̶ərəmwa eralo rəbërnia Ramufan,
na laŋge ildi ñagid̶əlo ṯañəlukwud̶əñiṯialo.
Igid̶i end̶apaṯe nwaldaŋ alo yi-Babil nḏurṯu.’
44 “Bapanda lerṯo Alkema id̶ərreid̶ia ŋen ndə ləfo ed̶əñwa garno Rəmwa rəlwaɽəṯu Musa ṯa aŋid̶i ŋen ŋarno iŋi gəseicu. 45 Bapanda larno Alkema isi ndə leṯo Jasuala ndə laməlad̶aid̶o alo eled̶a lakəl ildi Rəmwa rəlëldiñəlo bapanda nëiñua. Na Alkema neɽaŋe tu nṯəlia nwaiña kaiñ, Ḏawuḏ nəŋələŋəni nəŋəɽeṯe eləŋ, 46 fəŋu Rəmwa rəŋërṯəma nano, na geɽəd̶o Rəmwa ṯa aŋwad̶əṯi Rəmwa eɽa irri rə-Yagub. 47 Orn Suliman fəŋu gwad̶o eɽa ŋen ŋanṯa Rəmwa. 48 Orn Rəmwa irri roɽra rəməñaṯo led̶a pred̶ rënəŋu raber rəɽaŋa eneɽa nid̶ənu rəŋəra, garno nabi gəlwaɽo,
49 ‘Elo yaɽo kursi ilëɽəŋu,
na alo yaɽo waŋge gərəmanəŋ rəlëɽəŋu.
Eləŋ Rəmwa ralwaɽo, eɽa gaɽo ṯau igi ñaŋ ñagwad̶əṯiñi, ñagwad̶əṯiñi,
na alo yatuŋga igumiñəniano?
50 Gerṯe rəŋ rəlëɽəñi rid̶u laŋge ildi pred̶?’
51 “Ñəŋgi ñagwonḏəṯo ntam! Ñagəmulu ñagələŋeṯa Rəmwa enare na nënəñia enalo naɽo ndul eŋen ŋəd̶eṯəm. Ñaganed̶o Usila Gətəɽe gə-Rəmwa jaica ŋen ŋarno eṯalanda lid̶u, ñagëbəd̶ia com. 52 Nabi yatuŋga eṯalanda lero lənanaica ŋen ŋubwa? Na lënəŋulu laɽiñəlo ildi ləlwaɽo ananoŋ ŋen ŋəd̶ela d̶əlëɽəŋu igi Gəd̶urwaṯo Eŋen, igi ñagənaid̶əma na ñagəɽiñəma, 53 ñəŋgi ñagəneinu Alganun isi malaiyəka yenaicənd̶e orn ñagero ñagərəmoṯwa!”
Ŋen Isṯəfanus gaiyo
54 Ndə led̶a ləno ŋen iŋi ldəciṯano enare kaiñ ṯaləsaṯo eŋad̶. 55 Orn Isṯəfanus gwunḏeinu egare Usilaga Gətəɽe, ṯaŋəseid̶u elo nəŋəseici ŋaɽnva ŋə-Rəmwa, na Yesu gad̶əru ndəŋ d̶əŋaicəba d̶ə-Rəmwa, 56 nəŋaṯa, “Igaseicia ltuŋga ləgagid̶ənu, na Id̶ia gə-Led̶a gəd̶əru nḏəŋ d̶əŋaicəba d̶ə-Rəmwa.” 57 Orn ṯaɽrəjaico olia pəlelo na ldətërni inënəŋ ldəmobəd̶aṯe nano taltal. 58 Na ldəmabərlded̶eṯe ndëuwər alo yerto na ldəmaməndaiye ŋwandraŋa, na led̶a ləɽo d̶aməd̶aṯa lëɽu ndrenia enen erəmanəŋ rëd̶əmwa gənəŋ gəbërnia Sawul. 59 Na ŋen laməndaiya Isṯəfanus ŋwandraŋa, gënəŋu geɽəd̶o Rəmwa, nəŋaṯa, “Eləŋ Yesu, aŋënṯu usila gəlëɽəñi.” 60 Na nəŋwod̶əñiṯe alo ṯaŋərəjaico olia pəlelo nəŋaṯa, “Eləŋ! Ŋerṯe agəlandeiṯia ŋen eŋen ŋeicia iŋi ləbəd̶ia.” Na ŋen gəlwaɽo ṯia nəŋaiye.