Ŋen Yesu geid̶u ed̶a gerṯo nusila nano neicia alo yi-Jaḏariyin
(Maṯṯa 8:28-34Luka 8:26-39)1 Yesu na ṯaləmis ilëɽəŋu lduɽəd̶i ed̶əbarlda d̶oɽra d̶ə-Jalil, ldabəṯa alo yi-Jaḏariyin. 2 Na ndə gënəŋu gəməño id̶əpundr d̶eŋau, taltal ldopəd̶aid̶e majega gənəŋ igi geṯo alo erel gerṯo usila nano geicia. 3 Maje igi gafo alo erel. Na ed̶a gero gənəŋ gəɽwad̶aṯa gəmakasa məldin urid̶aga. 4 Ŋen ŋanṯa ñoman ñwaiña led̶a lakasəma urid̶aga rəŋ na ramanəña orn nəŋəd̶e urid̶ano, igi gəkasəniya rəŋ na rəmanəña. Na ed̶a gero gənəŋ gerṯo ŋabəɽa gəɽwad̶aṯa ṯa gamaləŋəd̶eicia. 5 Na ñoman pred̶ ëd̶əñëd̶əñin na uləŋgələŋ gënəŋu gafo erel naiyən ṯaŋərəjaico olia kaiñ, ṯaŋgəlnu aŋəno ŋwandraŋa bəɽan. 6 Ndə gəseicu Yesu nwaldaŋ gënəŋu nəŋobəd̶e nəŋəmud̶əñiṯi alo, 7 nəŋərəjaice olia kaiñ nəŋaṯa, “Wandəgi agwonaṯa ñi nano, Yesu Id̶ia gə-Rəmwa irri roɽra rəməñaṯo laŋge pred̶? Egaŋeɽəd̶ia Rəmwa nëiñua ṯa ŋerṯe agaiñənaica ŋen ŋubwa.” ( 8 Maje galwaɽo ṯia ŋen ŋanṯa Yesu gafo galwaɽəṯu usila geicia ṯa, “Məño maje nano.”) 9 Na Yesu nəŋəmeɽəd̶e ṯa, “Agëbərnia əsëgi?” Maje nəŋəmuɽəbiṯi eŋen nəŋaṯa, “Igëbərnia Lijun! Ŋen ŋanṯa ñagwaiña.” 10 Orn maje nəŋeɽəd̶e Yesu kaiñ ṯa aŋerṯe gəleldiña nusila neicia ṯa, anəməñe irnuŋ gakəl. 11 Na lṯrua lafo lwaiña kaiñ ləsa aiyən nano. 12 Na nusila neicia neɽəd̶e Yesu nəmeiti ṯa, “Đwaṯənde ñaɽe lṯrua nano, ŋgiṯənde ñəlwernṯi nano.” 13 Na Yesu nəŋgiṯi nusila neicia nəməñe maje nano, nənënṯi ilṯrua, na lṯrua lafo lwaiña kaiñ, laɽo aləf gəɽijan, ldobəd̶e naiyən ldërənṯi eŋau ed̶əbarlda d̶oɽra, na ŋawa nəŋəlɽiñe pred̶.
14 Na led̶a ildi ləfo ləsia lṯrua ldobəd̶aṯe irnuŋ goɽra na alo pred̶ isi yefo ṯwaiñ ldəlwaɽəṯi led̶a ŋen iŋi ŋid̶ənu. 15 Na led̶a ldeṯa Yesu nano ldəseici maje igi gəfo gerṯo nusila nano neicia, gəɽaŋalo gəpi gëɽənu erenia nano, na lënəŋulu ldəd̶əñiṯalo kaiñ. 16 Na led̶a lwomən ildi ləseicu ŋen iŋi ŋid̶ənu ldəlwaɽəṯi ŋen iŋi ŋid̶ənṯu maje gerṯo nusila nano neicia, na ŋen ŋəlṯrua. 17 Orn led̶a ldeɽəd̶e Yesu kaiñ ṯa aŋəməñe aŋgaṯe alo esen. 18 Ŋen Yesu gënṯu id̶əpundr d̶eŋau, maje igi gəfo gerṯo nusila nano neicia nəŋəmeɽəd̶e kaiñ ṯa, aldəgəɽe.
19 Orn Yesu nəŋəned̶e nəŋəmeiṯi ṯa, “Mbu ŋoɽəbaṯe egeɽa gəlaɽəŋa na eled̶a əllaɽəŋa ŋaləwaɽəṯi ŋen iŋi Rəmwa riṯiaŋa, na rəgeiyacaŋa ŋəbaiya nano.” 20 Na maje nəgabəla nəŋəlwaɽəṯi led̶a lalo y-Irnuŋ Red̶, ŋen Yesu giṯəma na lënəŋulu pred̶ nəŋen nəŋəlajəbinṯi kaiñ.
Ŋen ŋere ŋə-Yaiyərus ŋəlud̶inu eŋəɽaiñ na ŋen wuji geid̶inu igi girəwa ŋəfəni nano
(Maṯṯa 9:18-26Luka 8:40-56)21 Na ŋen Yesu guɽəd̶u ed̶əbarlda d̶oɽra d̶əpundrd̶a d̶eŋau led̶a lwaiña ldəmarraid̶e nano təŋ. Na gënəŋu gafo d̶əbarlda nano. 22 Orn maje nəŋela gənəŋ igi gəɽo eləŋ gəmajma gəbërnia Yaiyərus. Ndə maje gəseicu Yesu nəŋəmod̶ənəṯe erəmanəŋ. 23 Nəŋəmekeɽəd̶e kaiñ nəŋəmeiṯi ṯa, “Ŋere ŋəlëɽəñi ŋəɽəbwa ŋafo ṯwaiñ ŋabaṯe ŋabaiya Elaŋ ṯa ŋëɽi d̶əŋ nano ṯa aŋəpiṯi na aŋəməṯe.” 24 Orn Yesu ldabəla majega na led̶a lwaiña ldəmateṯe ṯalmupid̶u nano.
25 Wuji gafo gənəŋ girəwa ŋəfəni nano jaica, nṯəlia red̶ nəməñe nəɽijan. 26 Gënəŋu gananeinu ŋen ŋwaiña ŋubwa igalakim ywaiña, na gananaicəlo laŋge pred̶ əllëɽəŋu, orn nəŋerṯe giyaməjid̶ia kwai kwai ṯaŋəməñad̶aṯo nëiñua. 27 Ndə gënəŋu gəno ŋen ŋə-Yesu nəŋela nəŋënṯi eled̶a Yesu nḏurṯu, nəŋəbəre erenia gəlëɽəŋu. 28 Ŋen ŋanṯa gënəŋu galwaɽo egare ṯa, “Ndə egəbəro erenia gəlëɽəŋu igid̶i yeid̶ini.” 29 Na taltal ŋəfəni nəŋuɽəṯi, na wuji nəŋələŋini nano egaŋəno ṯa geid̶inu. 30 Na Yesu nəŋələŋini nano ṯa ŋabəɽa ŋaməñəma nano ŋəd̶eid̶ia, nəŋəred̶ialo eled̶a nəŋaṯa, “Ǝsëgi gəbəraṯiñe erenia?” 31 Ṯaləmis ilëɽəŋu nimuɽəbiṯi eŋen nimeiṯi ṯa, “Agaseicia led̶a lwaiña lad̶iṯiaŋa na ṯalŋaṯərnaid̶o na ŋen ŋanṯau agaṯa əsëgi gəbəraŋa?” 32 Orn gënəŋu ṯaŋənwanəd̶o ṯa aŋəseici əsëgi gid̶u ŋen iŋi. 33 Orn wuji nəŋela gəd̶əñialo gəgəd̶iaŋəno nəŋəmud̶əñiṯialo, ŋen ŋanṯa galəŋeṯo ŋen iŋi ŋid̶ənṯəma, nəŋəmalwaɽəṯi ŋen pred̶ ŋəd̶eṯəm. 34 Yesu nəŋəmeiṯi ṯa, “Ŋere ŋəlëɽəñi d̶wonaṯa d̶əlaɽəŋa d̶eid̶iaŋa. Mbu id̶ëuṯaralo, ŋëpiṯi id̶əmwa d̶əlaɽəŋa.”
35 Ŋen Yesu gəɽwata məldin, led̶a ldela ləmaṯan egeɽa geləŋ gəmajma ldaṯa ṯa, “Ŋere ŋəlaɽəŋa ŋaiyo. Na ŋen ŋanṯau agəcwaria Ed̶a gəbërrəŋaid̶ia ŋen məldin?” 36 Yesu nəŋerṯe gəlnaṯa, nəŋeiṯi eləŋ gəmajma ṯa, “Ŋerṯe agəd̶əñialo orn ëndu ŋen ikərəŋ.” 37 Na Yesu gero gəŋgiṯia ed̶a gənəŋ gəmateṯa illi Buṯrus na Yagub na Yuanna orəba gə-Yagub. 38 Orn ldərəmaṯe egeɽa geləŋ gəmajma na gënəŋu ṯaŋəseicu led̶a ləbəd̶ia ŋəɽəndia na ṯalaro pəlelo kaiñ, na ṯaluməd̶ənu. 39 Na Yesu nəŋënṯi nəŋəlwaɽəṯi ṯa, “Ñagarəjaicia olia na ñagabara ed̶a? Ŋere ŋero ŋəbaiya, orn ŋandro.” 40 Led̶a ldəmad̶aməce eŋen, na ṯalmarəmoṯo orn gënəŋu nəŋələmiñeici ndëuwər pred̶ nəŋəmame eṯen na ləŋgen ləŋere, na led̶a ildi ləfəlda ldënṯi alo isei ŋere ŋəndrau. 41 Orn nəŋëndi ŋere ed̶əŋ nəŋeiṯi ṯa, “Ṯalid̶a gumi!” Ŋen iŋi ŋanṯa, “Ya ŋere igaŋalwaɽəṯia twod̶o!”
42 Na taltal ŋere nəŋətwod̶e nəŋerlde, na ŋënəŋu ŋafo ŋerṯo nṯəlia red̶ nəməñe nəɽijan. Na nəŋen nəŋajəbinṯi led̶a kaiñ. 43 Yesu nəŋəlwaɽəṯi ŋenŋa ŋwonḏəṯo ṯa, “Alerṯe ləlwaɽəṯia ed̶a gənəŋ ŋen iŋi kwai kwai.” Nəŋəleiṯi ṯa, “Alnaice ŋere d̶əsa aŋəse.”
Ŋen Yesu geid̶u ed̶a gerṯo nusila nano neicia alo yi-Jaḏariyin
(Maṯṯa 8:28-34Luka 8:26-39)1 Yesu na ṯaləmis ilëɽəŋu lduɽəd̶i ed̶əbarlda d̶oɽra d̶ə-Jalil, ldabəṯa alo yi-Jaḏariyin. 2 Na ndə gënəŋu gəməño id̶əpundr d̶eŋau, taltal ldopəd̶aid̶e majega gənəŋ igi geṯo alo erel gerṯo usila nano geicia. 3 Maje igi gafo alo erel. Na ed̶a gero gənəŋ gəɽwad̶aṯa gəmakasa məldin urid̶aga. 4 Ŋen ŋanṯa ñoman ñwaiña led̶a lakasəma urid̶aga rəŋ na ramanəña orn nəŋəd̶e urid̶ano, igi gəkasəniya rəŋ na rəmanəña. Na ed̶a gero gənəŋ gerṯo ŋabəɽa gəɽwad̶aṯa ṯa gamaləŋəd̶eicia. 5 Na ñoman pred̶ ëd̶əñëd̶əñin na uləŋgələŋ gënəŋu gafo erel naiyən ṯaŋərəjaico olia kaiñ, ṯaŋgəlnu aŋəno ŋwandraŋa bəɽan. 6 Ndə gəseicu Yesu nwaldaŋ gënəŋu nəŋobəd̶e nəŋəmud̶əñiṯi alo, 7 nəŋərəjaice olia kaiñ nəŋaṯa, “Wandəgi agwonaṯa ñi nano, Yesu Id̶ia gə-Rəmwa irri roɽra rəməñaṯo laŋge pred̶? Egaŋeɽəd̶ia Rəmwa nëiñua ṯa ŋerṯe agaiñənaica ŋen ŋubwa.” ( 8 Maje galwaɽo ṯia ŋen ŋanṯa Yesu gafo galwaɽəṯu usila geicia ṯa, “Məño maje nano.”) 9 Na Yesu nəŋəmeɽəd̶e ṯa, “Agëbərnia əsëgi?” Maje nəŋəmuɽəbiṯi eŋen nəŋaṯa, “Igëbərnia Lijun! Ŋen ŋanṯa ñagwaiña.” 10 Orn maje nəŋeɽəd̶e Yesu kaiñ ṯa aŋerṯe gəleldiña nusila neicia ṯa, anəməñe irnuŋ gakəl. 11 Na lṯrua lafo lwaiña kaiñ ləsa aiyən nano. 12 Na nusila neicia neɽəd̶e Yesu nəmeiti ṯa, “Đwaṯənde ñaɽe lṯrua nano, ŋgiṯənde ñəlwernṯi nano.” 13 Na Yesu nəŋgiṯi nusila neicia nəməñe maje nano, nənënṯi ilṯrua, na lṯrua lafo lwaiña kaiñ, laɽo aləf gəɽijan, ldobəd̶e naiyən ldërənṯi eŋau ed̶əbarlda d̶oɽra, na ŋawa nəŋəlɽiñe pred̶.
14 Na led̶a ildi ləfo ləsia lṯrua ldobəd̶aṯe irnuŋ goɽra na alo pred̶ isi yefo ṯwaiñ ldəlwaɽəṯi led̶a ŋen iŋi ŋid̶ənu. 15 Na led̶a ldeṯa Yesu nano ldəseici maje igi gəfo gerṯo nusila nano neicia, gəɽaŋalo gəpi gëɽənu erenia nano, na lënəŋulu ldəd̶əñiṯalo kaiñ. 16 Na led̶a lwomən ildi ləseicu ŋen iŋi ŋid̶ənu ldəlwaɽəṯi ŋen iŋi ŋid̶ənṯu maje gerṯo nusila nano neicia, na ŋen ŋəlṯrua. 17 Orn led̶a ldeɽəd̶e Yesu kaiñ ṯa aŋəməñe aŋgaṯe alo esen. 18 Ŋen Yesu gënṯu id̶əpundr d̶eŋau, maje igi gəfo gerṯo nusila nano neicia nəŋəmeɽəd̶e kaiñ ṯa, aldəgəɽe.
19 Orn Yesu nəŋəned̶e nəŋəmeiṯi ṯa, “Mbu ŋoɽəbaṯe egeɽa gəlaɽəŋa na eled̶a əllaɽəŋa ŋaləwaɽəṯi ŋen iŋi Rəmwa riṯiaŋa, na rəgeiyacaŋa ŋəbaiya nano.” 20 Na maje nəgabəla nəŋəlwaɽəṯi led̶a lalo y-Irnuŋ Red̶, ŋen Yesu giṯəma na lënəŋulu pred̶ nəŋen nəŋəlajəbinṯi kaiñ.
Ŋen ŋere ŋə-Yaiyərus ŋəlud̶inu eŋəɽaiñ na ŋen wuji geid̶inu igi girəwa ŋəfəni nano
(Maṯṯa 9:18-26Luka 8:40-56)21 Na ŋen Yesu guɽəd̶u ed̶əbarlda d̶oɽra d̶əpundrd̶a d̶eŋau led̶a lwaiña ldəmarraid̶e nano təŋ. Na gënəŋu gafo d̶əbarlda nano. 22 Orn maje nəŋela gənəŋ igi gəɽo eləŋ gəmajma gəbërnia Yaiyərus. Ndə maje gəseicu Yesu nəŋəmod̶ənəṯe erəmanəŋ. 23 Nəŋəmekeɽəd̶e kaiñ nəŋəmeiṯi ṯa, “Ŋere ŋəlëɽəñi ŋəɽəbwa ŋafo ṯwaiñ ŋabaṯe ŋabaiya Elaŋ ṯa ŋëɽi d̶əŋ nano ṯa aŋəpiṯi na aŋəməṯe.” 24 Orn Yesu ldabəla majega na led̶a lwaiña ldəmateṯe ṯalmupid̶u nano.
25 Wuji gafo gənəŋ girəwa ŋəfəni nano jaica, nṯəlia red̶ nəməñe nəɽijan. 26 Gënəŋu gananeinu ŋen ŋwaiña ŋubwa igalakim ywaiña, na gananaicəlo laŋge pred̶ əllëɽəŋu, orn nəŋerṯe giyaməjid̶ia kwai kwai ṯaŋəməñad̶aṯo nëiñua. 27 Ndə gënəŋu gəno ŋen ŋə-Yesu nəŋela nəŋënṯi eled̶a Yesu nḏurṯu, nəŋəbəre erenia gəlëɽəŋu. 28 Ŋen ŋanṯa gënəŋu galwaɽo egare ṯa, “Ndə egəbəro erenia gəlëɽəŋu igid̶i yeid̶ini.” 29 Na taltal ŋəfəni nəŋuɽəṯi, na wuji nəŋələŋini nano egaŋəno ṯa geid̶inu. 30 Na Yesu nəŋələŋini nano ṯa ŋabəɽa ŋaməñəma nano ŋəd̶eid̶ia, nəŋəred̶ialo eled̶a nəŋaṯa, “Ǝsëgi gəbəraṯiñe erenia?” 31 Ṯaləmis ilëɽəŋu nimuɽəbiṯi eŋen nimeiṯi ṯa, “Agaseicia led̶a lwaiña lad̶iṯiaŋa na ṯalŋaṯərnaid̶o na ŋen ŋanṯau agaṯa əsëgi gəbəraŋa?” 32 Orn gënəŋu ṯaŋənwanəd̶o ṯa aŋəseici əsëgi gid̶u ŋen iŋi. 33 Orn wuji nəŋela gəd̶əñialo gəgəd̶iaŋəno nəŋəmud̶əñiṯialo, ŋen ŋanṯa galəŋeṯo ŋen iŋi ŋid̶ənṯəma, nəŋəmalwaɽəṯi ŋen pred̶ ŋəd̶eṯəm. 34 Yesu nəŋəmeiṯi ṯa, “Ŋere ŋəlëɽəñi d̶wonaṯa d̶əlaɽəŋa d̶eid̶iaŋa. Mbu id̶ëuṯaralo, ŋëpiṯi id̶əmwa d̶əlaɽəŋa.”
35 Ŋen Yesu gəɽwata məldin, led̶a ldela ləmaṯan egeɽa geləŋ gəmajma ldaṯa ṯa, “Ŋere ŋəlaɽəŋa ŋaiyo. Na ŋen ŋanṯau agəcwaria Ed̶a gəbërrəŋaid̶ia ŋen məldin?” 36 Yesu nəŋerṯe gəlnaṯa, nəŋeiṯi eləŋ gəmajma ṯa, “Ŋerṯe agəd̶əñialo orn ëndu ŋen ikərəŋ.” 37 Na Yesu gero gəŋgiṯia ed̶a gənəŋ gəmateṯa illi Buṯrus na Yagub na Yuanna orəba gə-Yagub. 38 Orn ldərəmaṯe egeɽa geləŋ gəmajma na gënəŋu ṯaŋəseicu led̶a ləbəd̶ia ŋəɽəndia na ṯalaro pəlelo kaiñ, na ṯaluməd̶ənu. 39 Na Yesu nəŋënṯi nəŋəlwaɽəṯi ṯa, “Ñagarəjaicia olia na ñagabara ed̶a? Ŋere ŋero ŋəbaiya, orn ŋandro.” 40 Led̶a ldəmad̶aməce eŋen, na ṯalmarəmoṯo orn gënəŋu nəŋələmiñeici ndëuwər pred̶ nəŋəmame eṯen na ləŋgen ləŋere, na led̶a ildi ləfəlda ldënṯi alo isei ŋere ŋəndrau. 41 Orn nəŋëndi ŋere ed̶əŋ nəŋeiṯi ṯa, “Ṯalid̶a gumi!” Ŋen iŋi ŋanṯa, “Ya ŋere igaŋalwaɽəṯia twod̶o!”
42 Na taltal ŋere nəŋətwod̶e nəŋerlde, na ŋënəŋu ŋafo ŋerṯo nṯəlia red̶ nəməñe nəɽijan. Na nəŋen nəŋajəbinṯi led̶a kaiñ. 43 Yesu nəŋəlwaɽəṯi ŋenŋa ŋwonḏəṯo ṯa, “Alerṯe ləlwaɽəṯia ed̶a gənəŋ ŋen iŋi kwai kwai.” Nəŋəleiṯi ṯa, “Alnaice ŋere d̶əsa aŋəse.”