Ŋen ŋəd̶ənna ëiñua
1 Fiñi Bulus na Siləwanus na Ṯiməd̶awus ñaganna led̶a ëiñua ləkanisa alo yi-Ṯasəluniki ildi ləfo i-Rəmwa, Đaṯa, na eg-Eləŋ Yesu Almasiya. Ñagabeɽəd̶ia ṯa d̶ənaica məɽəməɽeñ na d̶ëuṯaralo aləfeṯe eñaŋ.
Ŋen ŋəd̶əməṯia na ŋəd̶wonaṯa d̶əled̶a lalo yi-Ṯasəluniki
2 Ñoman pred̶ ñagaŋërṯu Rəmwa nano ŋen ŋanṯa ñaŋ pred̶, na ñagandoɽwata ndə ñagəbeɽəd̶ia Rəmwa. 3 Ñagəlëldəŋəd̶einia eŋen jaica jaica Bapa Rəmwa nëiñua irëndr ṯa d̶wonaṯa ed̶alo d̶əbërrəŋeid̶ənia ŋəmëɽria eŋalo na ṯa d̶əbwid̶ia ed̶alo d̶əŋaid̶u ŋəmëɽria eŋalo ŋwonḏəṯo na ṯa d̶əṯurṯia ed̶alo eg-Eləŋ igëndr Yesu Almasiya d̶əd̶uru alo ŋopia. 4 Ya lorldaiñ ñagaləŋeṯo ŋen ṯa Rəmwa rəbwandiya, na ṯa rënəŋu rwoṯənde, 5 ŋen ŋanṯa ŋen ŋəŋəra ŋə-Rəmwa iŋi ñagërrəŋaicənde ŋero ŋeṯənde nano oliaga ikərəŋ, orn ŋabəɽaŋa na Usilaga Gətəɽe na d̶əmama d̶ələŋeṯa d̶əd̶eṯəm d̶urri. Na ñaŋ ñagaləŋeṯo fəṯau nanda ñagəfo eñaŋ, ñagafo ŋen ŋanṯa ŋen eŋalo. 6 Na ñaŋ ñagirnḏeicənde na Eləŋ Yesu, ŋen ŋanṯa ñagafo eŋen ŋubwa ŋeicia nəñëndi ŋen ŋə-Rəmwa d̶əŋərad̶a nano id̶i Usila Gətəɽe gənaicənde. 7 Nṯia ŋen ŋanṯa ñaŋ ñagaɽo d̶erlda d̶əled̶a pred̶ ildi lëndu ŋen alo yi-Makəḏuniya na alo y-Akaiya. 8 Ŋen ŋanṯa ŋen ŋə-Rəmwa ŋaməñəndau, gerṯe alo yi-Makəḏuniya na alo y-Akaiya ikərəŋ, orn ŋen ŋəd̶wonaṯa ed̶alo id̶i d̶əfo i-Rəmwa ŋaɽwatəniau alo pred̶, nṯia d̶eṯəm nanda ñagero ŋen ŋənəŋ ñagaɽwatau kwai kwai. 9 Na led̶a lënəŋulu landəɽwatiṯia fəṯau ñaŋ ñagəŋënṯənde na ñagaŋgiṯu ŋen ŋəlaŋge ləpiano ildi led̶a ldukwud̶əñiṯialo na ñagared̶eṯo Rəmwa nano ṯa ñiṯi ŋəmëɽria irri rəməṯia na rəɽo d̶eṯəm, 10 na ṯəñaṯurṯu Id̶ia gəlëɽəŋu elo igi rënəŋu rətud̶ima eŋəɽaiñ, Yesu, igi gëbərəndr id̶eiciano id̶i d̶id̶i ad̶ela.
Ŋen ŋəd̶ənna ëiñua
1 Fiñi Bulus na Siləwanus na Ṯiməd̶awus ñaganna led̶a ëiñua ləkanisa alo yi-Ṯasəluniki ildi ləfo i-Rəmwa, Đaṯa, na eg-Eləŋ Yesu Almasiya. Ñagabeɽəd̶ia ṯa d̶ənaica məɽəməɽeñ na d̶ëuṯaralo aləfeṯe eñaŋ.
Ŋen ŋəd̶əməṯia na ŋəd̶wonaṯa d̶əled̶a lalo yi-Ṯasəluniki
2 Ñoman pred̶ ñagaŋërṯu Rəmwa nano ŋen ŋanṯa ñaŋ pred̶, na ñagandoɽwata ndə ñagəbeɽəd̶ia Rəmwa. 3 Ñagəlëldəŋəd̶einia eŋen jaica jaica Bapa Rəmwa nëiñua irëndr ṯa d̶wonaṯa ed̶alo d̶əbërrəŋeid̶ənia ŋəmëɽria eŋalo na ṯa d̶əbwid̶ia ed̶alo d̶əŋaid̶u ŋəmëɽria eŋalo ŋwonḏəṯo na ṯa d̶əṯurṯia ed̶alo eg-Eləŋ igëndr Yesu Almasiya d̶əd̶uru alo ŋopia. 4 Ya lorldaiñ ñagaləŋeṯo ŋen ṯa Rəmwa rəbwandiya, na ṯa rënəŋu rwoṯənde, 5 ŋen ŋanṯa ŋen ŋəŋəra ŋə-Rəmwa iŋi ñagërrəŋaicənde ŋero ŋeṯənde nano oliaga ikərəŋ, orn ŋabəɽaŋa na Usilaga Gətəɽe na d̶əmama d̶ələŋeṯa d̶əd̶eṯəm d̶urri. Na ñaŋ ñagaləŋeṯo fəṯau nanda ñagəfo eñaŋ, ñagafo ŋen ŋanṯa ŋen eŋalo. 6 Na ñaŋ ñagirnḏeicənde na Eləŋ Yesu, ŋen ŋanṯa ñagafo eŋen ŋubwa ŋeicia nəñëndi ŋen ŋə-Rəmwa d̶əŋərad̶a nano id̶i Usila Gətəɽe gənaicənde. 7 Nṯia ŋen ŋanṯa ñaŋ ñagaɽo d̶erlda d̶əled̶a pred̶ ildi lëndu ŋen alo yi-Makəḏuniya na alo y-Akaiya. 8 Ŋen ŋanṯa ŋen ŋə-Rəmwa ŋaməñəndau, gerṯe alo yi-Makəḏuniya na alo y-Akaiya ikərəŋ, orn ŋen ŋəd̶wonaṯa ed̶alo id̶i d̶əfo i-Rəmwa ŋaɽwatəniau alo pred̶, nṯia d̶eṯəm nanda ñagero ŋen ŋənəŋ ñagaɽwatau kwai kwai. 9 Na led̶a lënəŋulu landəɽwatiṯia fəṯau ñaŋ ñagəŋënṯənde na ñagaŋgiṯu ŋen ŋəlaŋge ləpiano ildi led̶a ldukwud̶əñiṯialo na ñagared̶eṯo Rəmwa nano ṯa ñiṯi ŋəmëɽria irri rəməṯia na rəɽo d̶eṯəm, 10 na ṯəñaṯurṯu Id̶ia gəlëɽəŋu elo igi rënəŋu rətud̶ima eŋəɽaiñ, Yesu, igi gëbərəndr id̶eiciano id̶i d̶id̶i ad̶ela.