yuhanna 8 - Nuba, Koalib Ngirere New Testament 1967 (Sudan (KIB1967)

Addictions come in many shapes and forms, whether it’s lust, alcohol, substances, gambling, gaming, or even excessive use of your mobile phone and social media. There is professional help to get as well as counselling from your priest or pastor.

Also, read the Bible and lay your addiction before God in prayer. Here are some passages from the Word of God to reflect upon.

James 1:14-15 But each person is tempted when he is lured and enticed by his own desire. Then desire when it has conceived gives birth to sin, and sin when it is fully grown brings forth death.

We all have weaknesses within us that can make us fall and lead to an addiction. Acknowledging this, and admitting that you struggle with addiction is an important step to be free from it.

1 John 2:16 For all that is in the world—the desires of the flesh and the desires of the eyes and pride of life—is not from the Father but is from the world.

Addictions don’t come from God, but from the world and our desires, lusts and pride. We can rely on God wanting us to be free from any addiction.

1 Corinthians 10:13 No temptation has overtaken you that is not common to man. God is faithful, and he will not let you be tempted beyond your ability, but with the temptation he will also provide the way of escape, that you may be able to endure it.

You may feel that you can’t break your addiction. But the Bible tells us that God can. God will provide the way of escape. Turn to God, turn from your addiction. Let God fill you with his presence.

1 Corinthians 6:12 “All things are lawful for me,” but not all things are helpful. “All things are lawful for me,” but I will not be dominated by anything.

Addiction is many times when something takes control over you. Those things that are not helpful in your life and dominate your thoughts and desires you may need to cut out of your life.

1 Peter 2:11 Beloved, I urge you as sojourners and exiles to abstain from the passions of the flesh, which wage war against your soul.

Addictions come from this world and not from God. In the end, addictions replace God as the number one in our lives. It’s not just about addictions, but also about our souls.

Matthew 6:13 And lead us not into temptation, but deliver us from evil.

Lay your struggles before God. Ask for God’s protection and deliverance.

John 8:36 So if the Son sets you free, you will be free indeed.

This is the promise of Jesus Christ, that when he sets us free, it is real freedom.

This article is not intended as a replacement for medical or therapeutic help or treatment for addiction, but a complement and inspiration to those who battle addiction.

aza 8

kwaw kwumiḏir ŋijin ŋi

1 na Yecu ele kayin weni zeyṯuun. 2 ŋurpana tuk nuŋw nani kwokwony ki heykal-na, na lizi ila tatap nanuŋw gwu. nuŋw nanalu, nuŋw zi ilŋiiḏini. 3 na kla leṯizilŋiiḏini kuruu-na na lifarzi tɔk, ner muloce kwayu kwete, kwumiḏir ŋijin ŋi, ner ketizelu keligeny-na. 4 ner eca ŋwu: muallim, kwaw ŋgwu kwumiḏir ŋijin ŋi. kwinḏirer. 5 kuruu-na ta na muuza ellici nyuŋwuzi amra, nuŋw aru ŋwu: acar layu lir ṯaŋwu yal yi. ta na ma ari ŋa ḏa? 6 ŋandicar zi ŋu, mummir gwu, mindaŋ eḏi ŋi kete kari. na Yecu irralu, nuŋw lɔ lamin li kureyu lu. 7 mindaŋ mer lanḏaci ŋiɽaŋali, ŋutizar ŋi lu, nuŋw diɽela, nuŋw zi eca ŋwu: kwere daŋgal-na kwiira ŋikyaŋi-na, eḏuŋw ta aw kal gi kerreny. 8 nuŋw irralu kwokwony, nuŋw lɔ kureyu lu. 9 na kla limɔniŋnaci, ner liŋḏani-na ŋiɽaŋal ŋi ŋeŋen ŋeni ŋiki, ner ru nyete-nyetec; lupa lupa kerreny, mindaŋ ner ele lu tap. ner tayi Yecuŋw lu kwutuput, na kwaw kwurillazalu. 10 na Yecu diɽela, nuŋw inḏa kwayu dak. nuŋw eca ŋwu: kwaw kwalu, lizi lende? kwiti kwere kwumɔŋa kete kari manya? 11 nuŋw eca ŋwu: kwende kwere, Kweleny. na Yecu eca ŋwu: nyi kwiti kwɔŋa kete kaṯi tɔk mac; inḏi ma ta pa, na eṯizerri ŋere ŋiki kwokwony mac.

fori kweḏi ṯurmun

12 nezi Yecu andaci kwokwony, nuŋw zi eca ŋwu: nyi kwiri fori kwedi ṯurmun. muŋw kwaḏiḏa nyuŋwu kwere, ŋwere ele kirim-na mac, ŋweḏi fori-na kweḏi ŋimiiḏa. 13 na ṯa lifarzi eca ŋwu: a kwunḏize rɔgwɽɔ rɔŋwa ki; ŋwu ṯa, ŋiti ŋeḏi fayḏa kwere mac. 14 nezi Yecu eŋnici, nuŋw zi eca ŋwu: menyi ŋi kinna unḏizi rɔgwɽɔ rinyi ki, eṯir ta eni rerem, kaka ilŋiiḏinyi gwu rac ezir wumenyi gwu ila, wilaḏi nyi gwu tɔk. lakin na ere elŋece ŋaŋa ezir winḏi nyi gwu mac, wilaḏi nyi gwu tɔk mac. 15 ŋeṯi ŋi ṯa hakwumi ŋizigwunaŋi. kwiti kweṯi nyi hakwumi kwere mac. 16 lakin, eŋgi nyi ṯa hakwumi, eŋgi nyi ṯa hakwumi rerem, kaka iti ur nyi gwu kwutuput mac. nyiŋa liri-na nden Papa gi kwuzanyi. 17 ŋuluḏina tɔk kuruu-na kalu, mer ŋi unḏi ki lir nden, ŋinderṯa ŋir rerem. 18 nyi kwiri ṯa kweṯi ŋi unḏi ki ŋeḏi rɔgwɽɔ rinyi; na Papa kwuzanyi eṯuŋw ŋi unḏi ki ŋeni nyi tɔk. 19 ta ner eca ŋwu: Papa kwɔŋwa kwende? nezi Yecu eŋnici, nuŋw zi eca ŋwu: a lende lilŋiiḏi nyi, ya Papaŋw kwinyi, eŋgi nyi elŋe, eŋgelŋe Papaŋw kwinyi tɔk. 20 ŋiɽaŋal ŋu ŋandizaŋw zi kezir weḏi kazzina, ilŋiiḏinaŋw zi gwu ki heykal-na. na, kwizi ere mida kwere mac, kaka iti ṯimanniza gwu lomur luŋwun kinna mac.

Yecu kwica yahuuḏa ŋeḏi ŋiɽaŋal ŋinḏi eḏila

21 nuŋw zi eca ŋwu kwokwony: nyi kwele pa ki tay tinyi, na a lenyi naŋni, lakin a lay ŋikya ŋi-na ŋalu. ezir wenyi gwu ele, a liti leḏi ŋuma eḏi gwu ila mac. 22 na yahuuḏ ari: kwu manja eɽenye rɔgwɽɔ a? kaka aruŋw gwu ŋwu: ezir wenyi gwu ele, a liti leḏi ŋuma eḏi gwu ila mac. 23 nuŋw zi eca ŋwu: ŋaŋa leḏi kuṯeluŋw liri, nenyi orɔ kweḏi kindalaŋw. ŋaŋa leḏi ṯurmun kḏu liri, nenyi ere orɔ kweḏi ṯurmun kḏu mac. 24 ŋandicaŋazi ṯa ŋwu, a lay ŋikya ŋi-na ŋalu, ma ṯa ere emnizi nyuŋwu mac, eḏari: kwunderṯa, a ṯa ay ŋikya ŋi-na ŋalu. 25 ta ner eca ŋwu: a kwiri ṯaŋ? nezi Yecu eca ŋwu: nyi kwiri pa rerec ŋgwa keni kwandicaŋazi. 26 nyi kweḏi ŋiɽaŋali ŋuru eḏi zi andaci ŋaŋwuzi, eḏi ŋi hakwumi ŋaŋwuzi tɔk; lakin na kwuzanyi, kwunderṯa kwiri rerem, na ŋiɽaŋal ŋeṯinyji neŋne nanuŋw gwu, ŋinderṯa ŋeṯinyji andaci ṯurmuna.

27 ner ere elŋece mac eḏaruŋw: ŋandizaŋw zi ŋeḏi Papa. 28 ŋwu ṯa nezi Yecu eca ŋwu: ma allazi Toru teḏi kwizigwunaŋ ta, enyi ma elŋe, eḏaruŋwa: kwunderṯa, na kwiti kweṯerri kwɔmne kwere oɽeny mac; ŋiɽaŋal ŋimezi Papa ilŋiiḏini ŋunduŋwu, nuŋw zi ṯa andazi ŋwu. 29 ŋgwa kwuzanyi, eṯuŋw nani nani nyi gwu. kwiti kwumenyi ṯayi lu kwutuput mac, kaka eṯi nyji gwu erri dɔk ŋa ŋeṯəmi ŋunduŋwu-na. 30 muŋw andazi ŋiɽaŋali ŋu, ner alliḏa ŋunduŋwu rugwori nana luru.

na yahuuḏ upaci Yecuŋw ŋiɽaŋali lu

7 Bible Verses to Overcome Addiction

No temptation has overtaken you that is not common to man. God is faithful, and he will not let you be tempted beyond your ability, but with the temptation he will also provide the way of escape, that you may be able to endure it.

31 na Yecu orlaḏa yahuuḏa nana, yimemnizi ŋunduŋwu, nuŋw zi eca ŋwu: ma nanni ki ṯuruwenizelu tinyi ta, a ami orɔ limeḏgeri linyi rerem; 32 ezi elŋe tɔk ŋirlalu, a ŋazi ŋirlalu kedi. 33 ner eŋnici, ner eca ŋwu: nyiŋa liri pa ŋwola ŋweḏi ibrahiim. nyiŋa lende limorɔ luway leḏi kwizi kwere kinna, a kwɔḏɔ kwari, a likedini? 34 nezi Yecu eŋnici, nuŋw zi eca ŋwu: nyi kwecaŋazi ma ŋwa rerem: kwere kweṯi zi erri ŋiki, kwunderṯa kwiri kwuway kweḏi ŋikya. 35 kwuway kwende kweṯinannazi duənu dɔk. tiɽŋeyin tiri teḏi ŋwuɽele, tinderṯa teṯinanni dɔk. 36 ma ŋazi ṯa Tor kedi, ta a eni limami kedinuŋw rerem. 37 ŋilŋiicaŋazi rac, a liri ŋwola ŋweḏi ibrahiim, lakin a leṯi nyi naŋni eḏeɽenye kaka iira gwu ezir daŋgal-na weḏi ŋiɽaŋal ŋinyi. 38 ŋeṯinyji andazi ŋimenyjeze nani gwu Papa kwinyi, na ŋetiŋazerri ŋaŋa ŋimɔŋazi neŋne nani gwu tarnyalu ṯalu.

39 ner eŋnici ner eca ŋwu: ibrahiim kwiri ṯernyeri. nezi Yecu eca ŋwu: eŋgorɔ nyor nyeḏi ibrahiim, eŋgi zi erri ŋir ga ŋeṯi zi ibrahiim erri. 40 lakin, a liri pa klu lilicenyi lu eḏeɽenye ŋanna kwir kwor kwumɔŋazi andaci ŋirlalu, ŋiniŋnanyji nani gwu Allah, nezi ibrahiim ere erri ŋwu mac. 41 ŋaŋa klu leṯerri ŋɔḏɽor ŋeḏi tarnyalu. ner eca ŋwu: liti lilŋiiḏinyji ŋuruḏni kezir were mac. nyiŋa leḏi Papaŋw kwutuput kweni Allah. 42 nezi Yecu eca ŋwu: eŋgi Allah orɔ Tarnyalu, eŋgi nyi amɽi, kaka ruḏi nyi gwu nani gwu Allah, nenyi ŋgwu ta. nenyi ere ila tugwor ṯi tinyi mac, lakin nuŋw orɔ ŋundu kwuzanyi. 43 a lɔḏɔ liti lilŋiica ŋiɽaŋali ŋinyi mac? kaka iti naŋna zi gwu rugwor ralu eḏi zi neŋne. 44 ŋaŋa liri leḏi ṯarnyalu ṯeni ibliiz, na eṯi zi naŋni eḏizerri ṯugwor ṯi ṯeḏi ṯarnyalu, nuŋw eni ṯindinyiṯi lizi kwɔnkwɔn tuk, eṯuŋw gwu ere eḏi karḏa nani gwu ŋirlalu mac, kaka iirar gwu ŋeni rerem duŋgwun-na. muŋw kəki ŋəluŋi, eṯuŋw zi andazi ŋeni ŋuŋun, kaka enuŋw gwu kwəluŋ, enuŋw gwu ṯernyin ṯeḏi ŋəluŋ-ŋa tɔk. 45 nenyi, kaka andicaŋazi gwu ŋirlalu, a lende lemnecenyi. 46 kwunder kwendu daŋgal-na kwinḏa ŋikyaŋi ŋere duŋgwinyi-na? menyji andazi ŋirlalu, a lɔḏɔ lidirna eḏemnizi nyuŋwu? 47 kweṯiruzi Allah ṯernyin ṯuŋwun, eṯuŋw neŋne ŋiɽaŋali ŋeḏi Allah; a lende liri nyor nyeḏi Allah. ŋwu ṯa, a liti leṯiniŋnaci ŋunduŋwu ŋiɽaŋali mac.

48 na yahuuḏ eŋnici, ner eca ŋwu: nyiŋa liti lami andazuŋw manya, ari nyi ŋi ŋwu: a kwiri zaamri, na kweḏi ṯigɽima-na ṯiki tɔk a? 49 nezi Yecu eŋnici, nuŋw zi eca ŋwu: nyi kwiti kweḏi ṯigɽima-na tiki mac; eṯi nyi ṯa nii Papaŋw-na kwinyi, lakin ŋaŋa, a leṯi nyi ruze luŋw. 50 nyi kwende kweṯinaŋnici rɔgwɽɔ rinyi ŋiniṯi. ŋgwata kwete kweṯinyji neŋnici, nuŋw orɔ kweṯi zi ṯecici. 51 nyi kwecaŋazi ma ŋwa rerem: ma kwizi kwere inyizi ŋiɽaŋali ŋinyi nana, ŋwere inḏa ŋiɽany mac. 52 na yahuuḏ eca ŋwu: ŋimenyjelŋe kirem a kweḏi ṯigɽima-na tiki. ibrahiim-ŋa limɔ pa ay, liɽi li tɔk, ta na ari ŋa ŋwu: ma kwizi inyici ŋiɽaŋali ŋinyi nana, ŋwere inḏa ŋiɽany mac. 53 a kwuṯemḏi ternyeriŋw la teni ibrahiim, timay, a? liɽi tɔk limay. eya kwiri kwuruza rɔgwɽɔ rɔŋwa? 54 nezi Yecu eŋnici, nuŋw zi eca ŋwu: menyi niini-na oɽeny, a ŋiniṯ ŋinyi ene luŋw. Papa kwinyi kwiri kweṯinyi nii-na. kwunderṯa kwari ŋa gi: Allah weri wiri. 55 na wende wilŋiiḏi ŋa? wilŋiiḏi nyi ṯa, nyi, na eŋgi nyi ari: witi wilŋiiḏi nyi mac, eŋgi nyi orɔ kwəluŋ, kaka ŋaŋwuzi. lakin wilŋiiḏi nyi rac, na eṯi nyi inyizi ŋiɽaŋali ŋuŋun nana. 56 na ṯarnyalu ṯalu ṯeni ibrahiim nyeŋlena beṯen lomur li linyi eḏinḏa, na limɔŋw eze, nuŋw li amina tɔk. 57 na yahuuḏ eca ŋwu: a kwende kwumorɔ yiḏleyu ruɽi-riɽen-wri kinna, na a ma eze ibrahiimŋw aŋgwuru? 58 nezi Yecu eca ŋwu: nyi kwecaŋazi ma ŋwa rerem, iti ilŋiiḏir gwu ibrahiimŋw kinna mac, nyi kwiri ṯa. 59 ner uṯi yali yeḏi yi aci, nezi Yecu lucineḏa, nuŋw ru ki heykal-na.