aza 6
1 nyiŋa leṯaki ŋɔḏɽor ŋundu ŋali, taŋwu eti ŋazi tureca lu eḏere afi ṯimeca ṯeḏi ŋimɽi ŋeḏi Allah eḏi ruzelu domony mac. 2 kaka aruŋw gwu ŋwu:
ki lomur lizaw-na, na ŋazi niŋnaci,
na ŋazi meci ki lamin leḏi ŋigileḏa.
izarṯi, lomur linderṯa klu lizaw-na; izarṯi, lamin leḏi ŋigileḏa linderṯa klu. 3 liti liritinyji lere mac kwɔmne gi kwere, mindaŋ eḏere inḏini loma lere mac ki ŋɔḏɽor-na ŋeri. 4 ur nyi gwu yaḏaam yeḏi Allah eṯi nyi naŋni eḏəmi ŋunduŋwu-na ki ŋiɽaŋal-na ŋeri tatap; ṯindinyana ṯi nana ṯitezir, ki ṯurfa-na, ŋiɽaŋal-na ŋifirli mindaŋ na ki ṯerrina-na dar tɔk, 5 ki əpa-na zɔṯ gi mindaŋ, ki zijin-na, ki tambalnina tɔk, ŋɔḏɽor-na ŋuru mindaŋ, ṯinana lu yey yi lu mindaŋ, yaŋwu mindaŋ, 6 eti nyi naŋni eḏi nani ŋeḏre ŋi ŋizuɽu, leṯi zi indinyana ṯimeca ṯi; Ṯigɽim tirlinelu ter ṯimenyi oraḏa ṯilŋiiḏina ṯi, na ṯamɽa ṯiira ŋidiny-na; 7 ŋandizanyji ŋir rerem, nenyeḏi ŋuma ŋeḏi Allah, na eṯi kwɔmne kweḏi ṯuwən eni ṯofḏana ki ṯii ṯeḏi mini na ki ṯii ṯeḏi ŋogwur, 8 mer nyji iɽi-na, na mer nyji owɽi yey, mer nyji ruzi liki, na mer nyji ruzi lizaw, eṯir nyji errici kaka kla leṯi zi kekeɽinjelu ŋidiny ŋi, lakin eṯi nyi keni eni rerem; 9 kaka kla liṯimḏina, lakin nenyi eni lilŋiiḏina rac; kaka kla linḏi eḏay, na izarṯi, nyiŋa klu ta limiiḏu; kaka kla limerzi inḏeḏa ṯirətina, lakin iti iɽnyiḏir nyji gwu mac; 10 kaka kla leri jiɽmini, lakin eṯi nyi nyeŋlena ŋwamin tatap; kaka kla lir luway, lakin eṯinyji keni ruzi luru lurṯu; kaka kla liira kwɔmne-na kwere, nenyi ma keni eḏi kwɔmne tatap rerec.
ṯuṯizelu ṯeḏi buuluz-ŋa ṯeḏi kla limurla rugwori lu eḏamɽɔ ŋunduŋwuzi
11 ŋaŋa leḏi kurinṯuuzŋw, nyiŋa limɔ ŋazi kiṯici rugwori eḏandaci ŋaŋwuzi kwɔmne tatap. 12 nyiŋa limɔ ŋazi ililaḏa nana ṯamɽa ṯi, lakin na ŋazi kwɔmne kwete ṯinyici ṯamɽa ṯalu. 13 nyiŋa landicaŋazi kaka kwelle, kiṯezizernyji rugwori nana eḏi zi kwumaca nyuŋwuzi-na.
ṯireca eḏi li ere orɔ ŋumaṯi mac kla liira ṯəmna
14 eṯi li ere oɽmaṯi mac kla liira ṯəmna, limamilḏu. ṯikiɽmiḏana tende ṯere ṯeḏi ṯofḏana-ŋa ŋikya ŋi? ya ŋumaṯ ŋiri ṯaŋ ŋeḏi fori-ŋa kirim gi? 15 ṯamiḏana ṯiri ṯaŋ ṯeḏi Kwruztu-ŋa bayil gi? aḏa kweṯir erri kiduŋw, kwete kweḏi ṯəmna, na kwete kwiira ṯəmna? 16 ṯikiɽmiḏana ṯiri ṯaŋ ṯeḏi duənu kweḏi Allah na bulu kweḏi bayil? kaka urir gwu nyiŋa duənu kweḏi Allah wumiiḏu, kaka ari gwu Allah ŋwu:
nyi kwunanni deŋgen-na, enyi li irerelu,
enyorɔ Allah weŋen, na er orɔ ŋunduŋa lizi linyi.
17 nezi Kweleny eca ŋwu: ṯaŋwu ruder kiṯay deŋgen-na,
uɽener-na ŋunduŋali,
na eṯere mummi kwɔmne kwere nana mac kwuruŋwa;
ta ŋazi ma ami enjiŋw,
18 ta enyorɔ Tarnyalu ṯalu,
na ŋaŋa ta, orɔ nyor nyinyi, nyir nyɔŋwor na nyir nyira tɔk,
ari gwu Kweleny ŋwu, kwuṯemḏizila tatap ŋuma ŋi.
aza 6
1 nyiŋa leṯaki ŋɔḏɽor ŋundu ŋali, taŋwu eti ŋazi tureca lu eḏere afi ṯimeca ṯeḏi ŋimɽi ŋeḏi Allah eḏi ruzelu domony mac. 2 kaka aruŋw gwu ŋwu:
ki lomur lizaw-na, na ŋazi niŋnaci,
na ŋazi meci ki lamin leḏi ŋigileḏa.
izarṯi, lomur linderṯa klu lizaw-na; izarṯi, lamin leḏi ŋigileḏa linderṯa klu. 3 liti liritinyji lere mac kwɔmne gi kwere, mindaŋ eḏere inḏini loma lere mac ki ŋɔḏɽor-na ŋeri. 4 ur nyi gwu yaḏaam yeḏi Allah eṯi nyi naŋni eḏəmi ŋunduŋwu-na ki ŋiɽaŋal-na ŋeri tatap; ṯindinyana ṯi nana ṯitezir, ki ṯurfa-na, ŋiɽaŋal-na ŋifirli mindaŋ na ki ṯerrina-na dar tɔk, 5 ki əpa-na zɔṯ gi mindaŋ, ki zijin-na, ki tambalnina tɔk, ŋɔḏɽor-na ŋuru mindaŋ, ṯinana lu yey yi lu mindaŋ, yaŋwu mindaŋ, 6 eti nyi naŋni eḏi nani ŋeḏre ŋi ŋizuɽu, leṯi zi indinyana ṯimeca ṯi; Ṯigɽim tirlinelu ter ṯimenyi oraḏa ṯilŋiiḏina ṯi, na ṯamɽa ṯiira ŋidiny-na; 7 ŋandizanyji ŋir rerem, nenyeḏi ŋuma ŋeḏi Allah, na eṯi kwɔmne kweḏi ṯuwən eni ṯofḏana ki ṯii ṯeḏi mini na ki ṯii ṯeḏi ŋogwur, 8 mer nyji iɽi-na, na mer nyji owɽi yey, mer nyji ruzi liki, na mer nyji ruzi lizaw, eṯir nyji errici kaka kla leṯi zi kekeɽinjelu ŋidiny ŋi, lakin eṯi nyi keni eni rerem; 9 kaka kla liṯimḏina, lakin nenyi eni lilŋiiḏina rac; kaka kla linḏi eḏay, na izarṯi, nyiŋa klu ta limiiḏu; kaka kla limerzi inḏeḏa ṯirətina, lakin iti iɽnyiḏir nyji gwu mac; 10 kaka kla leri jiɽmini, lakin eṯi nyi nyeŋlena ŋwamin tatap; kaka kla lir luway, lakin eṯinyji keni ruzi luru lurṯu; kaka kla liira kwɔmne-na kwere, nenyi ma keni eḏi kwɔmne tatap rerec.
ṯuṯizelu ṯeḏi buuluz-ŋa ṯeḏi kla limurla rugwori lu eḏamɽɔ ŋunduŋwuzi
11 ŋaŋa leḏi kurinṯuuzŋw, nyiŋa limɔ ŋazi kiṯici rugwori eḏandaci ŋaŋwuzi kwɔmne tatap. 12 nyiŋa limɔ ŋazi ililaḏa nana ṯamɽa ṯi, lakin na ŋazi kwɔmne kwete ṯinyici ṯamɽa ṯalu. 13 nyiŋa landicaŋazi kaka kwelle, kiṯezizernyji rugwori nana eḏi zi kwumaca nyuŋwuzi-na.
ṯireca eḏi li ere orɔ ŋumaṯi mac kla liira ṯəmna
14 eṯi li ere oɽmaṯi mac kla liira ṯəmna, limamilḏu. ṯikiɽmiḏana tende ṯere ṯeḏi ṯofḏana-ŋa ŋikya ŋi? ya ŋumaṯ ŋiri ṯaŋ ŋeḏi fori-ŋa kirim gi? 15 ṯamiḏana ṯiri ṯaŋ ṯeḏi Kwruztu-ŋa bayil gi? aḏa kweṯir erri kiduŋw, kwete kweḏi ṯəmna, na kwete kwiira ṯəmna? 16 ṯikiɽmiḏana ṯiri ṯaŋ ṯeḏi duənu kweḏi Allah na bulu kweḏi bayil? kaka urir gwu nyiŋa duənu kweḏi Allah wumiiḏu, kaka ari gwu Allah ŋwu:
nyi kwunanni deŋgen-na, enyi li irerelu,
enyorɔ Allah weŋen, na er orɔ ŋunduŋa lizi linyi.
17 nezi Kweleny eca ŋwu: ṯaŋwu ruder kiṯay deŋgen-na,
uɽener-na ŋunduŋali,
na eṯere mummi kwɔmne kwere nana mac kwuruŋwa;
ta ŋazi ma ami enjiŋw,
18 ta enyorɔ Tarnyalu ṯalu,
na ŋaŋa ta, orɔ nyor nyinyi, nyir nyɔŋwor na nyir nyira tɔk,
ari gwu Kweleny ŋwu, kwuṯemḏizila tatap ŋuma ŋi.